-
2016 оны 1 сарын 28
ИХ-ын Хууль зүйн байнгын хорооны өчигдрийн хуралдаанаар Үндсэн хуулийн Цэцийн дарга Ж.Амарсанааг эргүүлэн татах асуудлыг хэлэлцэж дэмжсэн билээ. Энэ асуудалтай холбоотойгоор өнөөдөр Үндсэн хуулийн Цэцээс хэвлэлийн хурал хийсэн юм. Энэ үеэр Үндсэн хуулийн цэцийн дарга Ж.Амарсанаа өөрийн байр сууриа ийнхүү илэрхийллээ.
-Өчигдрийн Хууль зүйн байнгын хороон дээр таныг огцруулах асуудлыг гишүүдийн олонх дэмжсэн. Үндэслэлээ хууль зөрчсөн гэж тайлбарлаж байгаа. Энэ асуудалд та байр сууриа илэрхийлэхгүй юу?
-УИХ-ын Тамгын газраас дээд шүүхэд “Үндсэн хуулийн цэцийн дарга Ж.Амарсанаа УИХ-ын даргад явуулсан бичиг нь хууль зөрчсөн гэж нотлогдож байна” гэсэн бичиг явуулсан байсан. Албан бичиг хууль зөрчинө гэдэг асуудлыг уншиж судалж, одоо л ойлгож эхэлж байна. Үндсэн хуулийн цэцэд маргаан үүсгэсэн тухай н.Наранчимэг гишүүний тогтоол УИХ-д очсон. Үүнтэй холбогдуулан миний зүгээс УИХ-ын даргад бичиг явуулсан. Өөрөөр хэлбэл, ҮХ-ийн цэцэд маргаан хянан шийдвэрлэх ажиллагаа нэгэнт эхэлсэн тул ямарваа нэг үйл ажиллагаа явуулахгүй байх шийдвэр гаргахгүй байхыг анхааралдаа авна уу гэсэн бичиг. Байнгын хорооны хуралгүй цагт зарладаг гэх мэтчилэн Дэгийн хуулиар нарийн заасан заалт зөрчигдөж байна.
Энд хэлэхэд, хууль зөрчсөнийг УИХ, Тамгын газар нотлох боломжгүй. Одоогийн үйлчилж буй хуулиар шүүх нотолдог. Гэтэл хэн нэг нь нотлоод Улсын дээд шүүхийн ерөнхий шүүгчид бичиг явуулсан. Улсын дээд шүүхийн ерөнхий шүүгчийн хариултад “Та бүгд ийм асуудал тавьсан байна. Энэ асуудлаа хуулийн дагуу шийдээрэй” л гэсэн хариу байна билээ. Гэтэл үүнийг Хууль зүйн байнгын хороон дээр санал өгсөн болгоод, өчигдөр орой УИХ-ын даргын зөвлөл хуралдаж, яаран сандран ҮХ-ийн цэцийн даргын асуудлыг нэгдүгээрт хэлэлцэхээр төлөвлөсөн. Ийм л асуудал болсон.
Улсын дээд шүүхийн саналыг уншина гэсэн асуудал байна. Гэтэл Улсын дээд шүүх санал тавиагүй юм байна. УИХ-аас явуулсан бичигт хариу л өгсөн. Тэр хариу нь “Бид байр сууриа илэрхийлэхгүй” гэсэн санаа юм байна. Нэг ёсондоо хэрвээ ҮХ-ийн цэцийн даргыг огцруулах, эргүүлэн татах асуудал яригдвал хуулийн дагуу эхлээд цэцийн есөн гишүүн дотроо хуралдах учиртай. Дараа нь асуудлаа дээд шүүхэд тавина. Улмаар Улсын дээд шүүхийн 25 шүүгч хуралдаж, олонхоор УИХ-д бичиг ирүүлэх ёстой. Ингэсэн тохиолдолд УИХ Ж.Амарсанааг огцруулах асуудлыг хэлэлцэх дараагийн шатны асуудал яригддаг. Гэтэл Улсын дээд шүүхийн явуулсан хариуг санал мэтээр асуудлыг авч хэлэлцсэн. Энэ бол хуулийг ноцтой зөрчиж буй хэрэг. Энд нэг зүйлийг хэлэхэд сүүлийн үед УИХ-аас ҮХ-ийн цэцтэй холбоотой алхамууд нь дандаа Үндсэн хууль зөрчсөн байгааг хэлэх хэрэгтэй.
Жишээ нь өнөөдөр цэцэд маргаан хянан шийдвэрлэх хуульд Ерөнхийлөгч хориг тавихаар өгсөн. Ерөнхийлөгч тав хүртэлх хоног дотор хориг тавиад хариу өгдөг. Хоригийн хугацаа өнөөдөр 17.20 цагт дуусна. Хориг тавихгүй нь тодорхой болоход зургаа дахь өдрөөс Төрийн мэдээлэлд хуулиа хэвлэдэг. Гэтэл Төрийн мэдээлэлд 25-ны өдөр хууль хэвлэгдчихсэн, өнөөдөр өглөө бидний гар дээр ирсэн. Хоригийн хугацаа дуусаагүй байхад хууль нь хэвлэгдчихсэн байгаа жишээ дурьдаж болно.
-Нэг талаас Үндсэн хуулийн цэц, УИХ хоорондын харилцаанаас эдгээр асуудал үүсдэг гэх хэсэг ч бий?
-ҮХ-ийн цэц УИХ-тай сөргөлдөөд, маргалдаад байдаггүй. УИХ-ын баталсан хууль нь ҮХ зөрчиж байгаа талаар иргэд өргөдөл бичдэг. Энэ асуудлыг бид авч хэлэлцдэг. Өөрөөр хэлбэл, ҮХ-ийн цэц УИХ-тай холбоотойгоор иргэдээс ирүүлсэн гомдлыг л шийдвэрлэдэг. Иргэдээс ирж буй гомдлын дийлэнх нь хуультай холбоотой байдаг. Бид УИХ-ыг зүгээр байхад нь хатгаад байдаггүй. Иргэдийн өгсөн өргөдөл гомдлын дагуу асуудалд ханддаг.
-УИХ-ын даргыг огцруулах асуудлаар МАН-ын гишүүн болоод хуульчаас гомдол гаргасан. Энэ дээр маргаан үүсгэсэн үү?
-УИХ-ын өмнөх даргын хувьд асуудал орж ирдэг байсан. Харин энэ даргын хувьд сонгогдсон өдрөөсөө эхлээд маргаан орж ирсэн. УИХ-ын дарга хууль бусаар, Үндсэн хууль зөрчиж сонгогдсон гэх маргаан ирдэг. Энэ хүнтэй холбоотой хэд хэдэн маргаан орж ирсэн. Бид эрхзүйн шийдвэр гаргадаг. Гэхдээ улс орны тогтвортой байдал талаасаа хүлээцтэй ханддаг.
УИХ-ын дарга ҮХ зөрчсөн асуудлаар сүүлд хандсан. Энэ дагуу маргаан үүсгэсэн. Маргаан үүсгэсэн тохиолдолд шууд их суудлаар хэлэлцдэг. Хоёрдугаарт маргаан үүсгээд зөрчсөн гэх шийдвэр гарсан тохиолдолд огцруулах шийдвэр гаргадаггүй. Зөрчсөн, зөрчөөгүй гэх дүгнэлтийг илгээдэг. Тэгээд УИХ эцсийн шийдвэр гардаг.
-
2016 оны 1 сарын 28
Монгол үндэсний уламжлалт сар шинийн баярыг угтан “Дотоодын үйлдвэрлэл, борлуулалтыг дэмжих жил”-ийн хүрээнд “Монголд үйлдвэрлэв - Цагаан сар” үзэсгэлэн худалдааг Аж үйлдвэрийн яам, ХХААЯ, НЗДТГазар хамтран 10 дахь жилдээ зохион байгуулж байна.
Үзэсгэлэн худалдаа 01 дүгээр сарын 27-ноос 02 дугаар сарын 07-ны өдрүүдэд “Хүннү Молл”, “Шөнийн зах”, Хархорин хороолол дахь “Монголд аутлет” худалдааны төвүүдэд болно.
Үзэсгэлэн худалдаанд нийт 350 гаруй аж ахуй нэгж 120 гаруй нэрийн бараа, бүтээгдэхүүнээрээ оролцож хямд үнийг хэрэглэгчдэдээ санал болгож байгаагаараа давуу талтай. “Монголд үйлдвэрлэв, цагаан сар - 2016” үзэсгэлэн худалдааны үеэр 2016 оны 1 дүгээр сарын 30, 31, 2 дугаар сарын 6, 7-ны өдрүүдэд Чингисийн талбай болон Дүнжингарав худалдааны төвөөс Хүннү молл худалдааны төв чиглэлд 2 их багтаамжийн автобус 10:00, 12:30, 15:00 цагуудад үйлчилгээ үзүүлнэ гэж Нийслэлийн Үйлдвэр, хөдөө аж ахуйн газраас мэдээллээ.
-
2016 оны 1 сарын 28
Сурагчдад cap бур, эцэг эхчүүдэд улирал бүр Замын хөдөлгөөний дүрэм заахаар болов
Ерөнхий боловсролын сур- гууль, цэцэрлэгийн эргэн той- ронд гарч буй зам, тээврийн ослыг цөөлөх, хүүхдийг ийм ослоос сэргийлэх чиглэлээр яаралтай арга хэмжээ авахаар нийслэлийн Боловсролын газрын дарга энэ сарын 26- нд албан даалгавар гаргалаа. Ингэснээр сургуулиуд эргэн тойрон дахь машины зогсоол, зам, гарцыг хүүхдэд аюулгүй байлгаж, самбар байрлуулах зэргээр замын хөдөлгөөний аюулгүй байддыг хангахад шаарддагатай бүхий л арга хэмжээ авах үүрэг хүлээв. Мөн 10 нас хүрээгүй хүүхдийг харгалзах хүнгүйгээр замын хөдөлгөөнд оролцуулахгүй байхад анхаарч, сургууль, цэ- цэрлэгийн дотоод журам бо- лон багш, эцэг эх, захиргааны гурвалсан гэрээнд тусгахаар болж байна. Үүний зэрэгцээ багш нар 1-5 дугаар ангийн сурагчдыг эцэг эх, асран хам- гаалагчид нь хүлээлгэн егч хэвших нъ. Бас нэг авууш- тай зүйл нь сурагчдад cap бүр Замын хөдөлгөөний дүрэм заах юм байна. Уг нь ерөн- хий боловсролын сургуу- лийн сурагчдад насных нь онцдогт тохируулан, Замын хөдөлгөөний дүрэм заахаар 2010 онд ЗЦГ, нийслэлийн Бо- ловсролын газрын дарга нар хамтарсан тушаал гаргасан ч хэрэгжээгүй. Харин одоо л ажил хэрэг болж магадгүй нь. Энэ хичээлийг зөвхөн сурагч- дад бус, эцэг эхчүүдэд ч улирал бүр заахаар уг даалгаварт тус- гажээ. Учир нь yr_j^MH№ мэддэггүй, хүүхдэдээ 6vpyv үлгэр дуурайл үзүүлдэг эцэг эх цөөнгүй бий.
-
2016 оны 1 сарын 28
Энэ сарын 26-ны байдлаар улсын хэмжээнд дунджаар ердийн хэрэглээний 50 хоногийн газрын тосны бүтээгдэхүүний нөөцтэй байна.
-
2016 оны 1 сарын 28
Туул голын бургасыг сэргээн тарина
Туул голыг бохирдуулж буй арьс ширний үйлдвэрүүд, хайрга дайрга олборлогч болон барилгын компаниудын үйл ажнллагааг зог- соож, усаа хамгаалахыг уриалж, Хатан ТУул голоо хамгаалах үндэсний хөдөлгөөнөөс өчиг- дөр мэдээлэл хийлээ.
Уг хөдөлгөөний ерөнхий зохицуулагч Б.Жа- гар ‘Усны бохирдлын түвпшнг 1-5 зэрэгт ху- ваадаг. Нэг нь цэнгэг, хоёрдугаар зэрэг нь хэ- вийн. Харин гурав нь хуний биед сөрөг нөлөө үзүүлэх магадлалтай бол дөрөвдүгээр зэрэг нь онцгой бохирдолтой. Тавдугаар зэрэг нь онц аюултай түвшин юм. Мэргэжлийн хяналтын газраас 2014 онд Туул голын бохирдлын түв- шинг тогтоож байсан юм. Өдгөө Хан-Уул дүүр- гийн XII хороо, Шувуунфабрик, Биокомбинат дагуух ТУул голын бохирдол дээд цэгтээ хү- рээд байна. Тиймээс маргаашнаас (өнөөдрөөс) холбогдох төрийн байгууллагуудад шаардах бичиг хүргүүлэхээр боллоо. Төрийн байгуул- лагын ажилтнуудтай хамт судалгаа шннжил- гээ хийж, голын бохирдлыг багасгахад олон нийтийг хамарсан ажил өрнүүлэх гухай шаар- дах бичигтээ дурдсан. Мөн олон улсын мэргэжилтнүүдтэй хамтарч төсөл хэрэгжүүлнэ. Эхний ээлжиндТуулын бургасыг сэргээн тарих ажил өрнүүлнэ. Нэг бургас 10 литр усыг хам- гаалж, нөөцөлдөг юм” гэв.
Бороо, цас, үерийн ус хуримтлуулж усан сан байгуулах, түүнийгээ газар тариаланд ашиг- лах, эсвэл цэвэршүүлж, эрдэсжуүлээд ундны ус болгох. Мөн усны үнэ цэнийг иргэдэд ойлгуу- лах хэрэгтэйг Нобелийн шагналт, химийн зэвсгийн шинжээч, тус хөдөлгөөний тэргүүн Д.Эрдэнэцогт ондолж байв.
-
2016 оны 1 сарын 28
Шинэ хүүхдээ бүртгүүлээрэй
УИХ-ын 103 дугаар тогтоолын дагуу Хүүхдийн мөнгийг Өрхийн мэдээллийн нэгдсэн санд бүртгэлтэй бүх хүүхдэд үргэлжлүүлэн олгохоор болсон. Ингэснээр таны хүүхэд мэдээллийн санд бүртгэлтэй бол аль нэг банк, төрийн байгууллагад хандах шаардлагагүйгээр мөнгийг үргэлжлэн олгоно. Харин хүүхэд тань 2013 оны арванэгдүгээр сараас хойш төрсөн бол сум, хорооны халамжийн ажилтанд хандан мэдээллийн санд бүртгүүлэх хүсэлтээ гаргах юм байна.
Иргэд хүүхдийн төрсний гэрчилгээ, өөрийн иргэний үнэмлэхийн хуулбарыг авч очин хүсэлтээ гаргана. Мөн амьжиргааны түвшин тогтоох судалгаанд огт хамрагдаагуй өрхийн хувьд сум, хорооны халамжийн ажилтанд хандаж өргөдөл бөглөх юм. Ингэснээр халамжийн ажилтан гэрт нь очиж асуулгын хуудас бөглүүлнэ. Ингээд мэдээллийн санд бүртгүүлэх хүсэлт гаргасан сараас нь тооцож Хүүхдийн мөнгө олгогдоно. Иймээс иргэд энэ сардаа багтаж сум, хорооны халамжийн ажилтанд хандахыг мэргэжилтнүүд сануулж байна.
-
2016 оны 1 сарын 28
Нийслэлийн Засаг даргын захирамжаар байгуулсан “Замын хөдөлгөөний аюулгүй байдлыг хангах үйл ажиллагааг удирдан зохион байгуулах ажлын хэсэг”-ээс сар шинийн баярын өдрүүдээр замын хөдөлгөөний ачааллыг бууруулах, иргэдэд нийтийн тээврийн хэрэгслийг хүртээмжтэй болгох зорилгоор хэд хэдэн зохицуулалт хийхээр төлөвлөлөө.
Тодруулбал, билгийн тооллын шинийн 1, 2, 3-ны өдөр буюу 2016 оны 2 дугаар сарын 9, 10, 11-ний өдрүүдэд нийтийн тээврийн үйлчилгээнд үндсэн 62, хот орчмын 13 чиглэлд их болон дунд багтаамжийн автобус үйлчилгээ үзүүлэх бол хотын захын гэр хорооллын чиглэлүүдэд 4 аж ахуйн нэгжийн 20 бага багтаамжийн микроавтобусаар захиалгат үйлчилгээг зохион байгуулахаар боллоо. Түүнчлэн хот дотор таксийн үйлчилгээнд 14 аж ахуйн нэгжийн 497 тээврийн хэрэгсэл ажиллах юм.
Мөн авто замын хөдөлгөөний ачааллыг бууруулах зорилгоор сар шинийн өмнөх амралтын өдрүүд буюу 2016 оны 1 сарын 30, 31, 2 сарын 6, 7-ны өдрүүдэд тээврийн хэрэгслийг улсын дугаарын сүүлчийн оронг тэгш сондгойгоор ялган хөдөлгөөнд оролцуулах бөгөөд энэ үеэр тодорхой суурьшлын цэгүүдээс Нарантуул худалдааны төв рүү нийт 11 их багтаамжийн автобус 10:00, 12:30, 15:00 цагуудад иргэдэд үйлчилгээ үзүүлнэ. Тухайн өдрүүдэд Чингисийн талбай болон Дүнжингарав худалдааны төвөөс Хүннү молл худалдааны төв чиглэлд 2 их багтаамжийн автобус 10:00, 12:30, 15:00 цагуудад үйлчилгээнд гарна гэж Замын хөдөлгөөний аюулгүй байдлыг хангах үйл ажиллагааг удирдан зохион байгуулах Ажлын хэсгээс мэдээллээ.
-
2016 оны 1 сарын 28
Нийслэлийн нутгийн захиргааны байгууллагын албан хаагчид, нийслэлийн иргэдэд амралт, чөлөөт цагаа эрүүл агаарт өнгөрүүлэх боломж олгох зорилгоор жил бүр зохион байгуулж буй “Эрүүл агаар – Рио -2016” өвлийн биеийн тамир, спортын арга хэмжээний цасны баяр 2016 оны 01 дүгээр сарын 30-ны өдөр Хандгайтын “Янзага” зусланд болно.
Нийслэлийн Засаг дарга бөгөөд Улаанбаатар хотын Захирагчийн 2013 – 2016 оны үйл ажиллагааны хөтөлбөрийг хэрэгжүүлэх зорилгоор “Өдөр тутмын биеийн тамир - Өнөөгийн нийслэлчүүдийн өнгө төрх” сэдэвт өвлийн улирлын биеийн тамир, чийрэгжүүлэлтийн үйл ажиллагааны нээлтэд Нийслэлийн ИТХ, Нийслэлийн ЗДТГ, Улаанбаатар хотын Захирагчийн ажлын алба, түүний харъяа газар, Нийслэлийн Засаг даргын хэрэгжүүлэгч агентлагууд, дүүргүүдийн Засаг даргын Тамгын газар, харъяа байгууллагууд, Нийслэл, дүүргийн биеийн тамир, спортын газар, хороодын ажилтан, албан хаагчид оролцоно. Цасны баяраар “Нийслэлийн бүтээн байгуулалт”, “Рио 2016 олимп” зэрэг сэдвүүдээр цасан хотхон байгуулах бичил бүтээн байгуулалтын уралдаан болно.
Энэхүү арга хэмжээнд нийслэлийн удирдлагууд оролцож, ажил үйлсээрээ 2015 оны “Нийслэлийн Биеийн тамир, спортын шилдэг хамтлаг”-аар шалгарсан байгууллага, хамт олонд шагнал гардуулна.
Нийслэлийн Засаг даргын 2016 оны А/34 дүгээр захирамжаар баярын өмнөх амралтын өдрүүдэд 10:00–20:00 цагт автомашины сүүлийн оронгоор ялган замын хөдөлгөөнд оролцуулах зохицуулалт хийхтэй холбогдуулан энэхүү арга хэмжээний үеэр автомашины улсын дугаар нь тэгш тоогоор төгссөн тээврийн хэрэгсэл явах тул нийслэлийн иргэдийг цасны баярын арга хэмжээнд оролцохдоо нийтийн унаа захиалж хамт олноо идэвхитэй оролцуулахыг Нийслэлийн Биеийн тамир, спортын газраас уриалж байна.
-
2016 оны 1 сарын 28
Шангри-Ла” олон улсын сүлжээ зочид буудалд гал гарсан талаар бид өмнө нь мэдээлсэн.
-
2016 оны 1 сарын 28
Орц гарц хааж тавьсан автомашины жолоочийн талаарх мэдээллийг авах боломжтой болжээ.
-
2016 оны 1 сарын 28
Сар шинийн баярт зориулан үнэт эдлэл, хөөрөг, гоёл чимэглэлийн “Бичин жилийн өнгө” үзэсгэлэн худалдаа болж байна.
-
2016 оны 1 сарын 28
“Шангрилла” олон улсын сүлжээ зочид буудалд утаа гараад байна гэсэн дуудлагыг нийслэлийн Онцгой байдлын шуурхай алба 11.50 цагт хүлээн авчээ. Дуудлагын дагуу Чингэлтэй дүүргийн Гал унтраах 10 дугаар ангийн дөрвөн машин гарсан байна. Одоогоор гал гарсан эсэхийг тогтоогоогүй байгаа бөгөөд өмнө нь 2014 оны есдүгээр сарын 31-нд тус барилгыг барьж байх үед нь долдугаар давхарт гал гарч, багагүй хохирол учирсан юм.
Бид энэ талаар тун удахгүй дэлгэрэнгүй мэдээлнэ.
-
2016 оны 1 сарын 28
Оюутнуудын улирлын өвлийн амралт эхэлсэнтэй холбогдуулан нийтийн тээврээр зорчих картыг нь хэсэгчлэн хааж эхэлсэн байна.
-
2016 оны 1 сарын 28
Нийслэлийн Засаг даргын захирамжийн дагуу Монголын уламжлалт сар шинийн баярыг угтан авто замын ачааллыг бууруулах ажлын хүрээнд нийслэлийн Засаг даргын Тамгын газар, Улаанбаатар хотын Захирагчийн ажлын алба хамтран Чингисийн талбайд сар шинийн үзэсгэлэн худалдаа зохион байгуулж байна.
-
2016 оны 1 сарын 28
Монгол түмний уламжлалт баяр цагаан сар удахгүй болно. Энэ үед хот хооронд зорчих иргэдийн тоо нэмэгддэг. Авто тээврийн үндэсний төвөөс Сар шинийн баяраар хот хоорондын чиглэлд үйлчлэх тээврийн хэрэгслийн тоог нэмсэн байна.
-
2016 оны 1 сарын 28
Монгол хүний үнэлэмжийг хамгийн түрүүнд тавьдаг хүн өнөөгийн нийгэмд тийм ч олон тааралдахгүй л болов уу. Тэр дундаа орон гэргүй тэнэмэл гэх тодотголтой тэдгээр иргэдийг нийгэмшүүлэхийн төлөө амьдралаа зориулж явах зоригтон бүр ч олдохгүй биз ээ. Тэгвэл бидний дунд тийм нэгэн хүн өнөөдөр буруу зуршлаасаа болоод нийгмийн ёроол руу халтирч орсон ч эргээд засрахаар зүтгэж яваа хүмүүсийг өөрийн төрсөн үр хүүхэд, ах дүү мэт хайрлан, халамжилж яваагийнхаа төлөө элдвээр хэлүүлэн, ад шоо үзэгдэн амьдарч байна.
Нийслэлийн БЗД-ийн тавдугаар хорооны нутаг дэвсгэрт байрлах “Зөв амьдрах ухаан” ТББ-ыг өвлийн тэсгим хүйтэн жаварт эрж хайн очин тус төвийн тэргүүн Г.Загдаатай уулзлаа. Тэрбээр бие нь жаахан тааруу байгаа хэдий ч биднийг орноосоо босож, инээмсэглэсээр угтсан юм. Ингээд ярилцлагын эхэнд мэнд мэдэн, ах нь арга ядаад л сууж байна. Биднийг зорьж ирж, туслая гэсэн хүмүүс олон л байна. Хэвлэл мэдээллийнхэн ч бас их ирэх юм. Гэхдээ гаргаж байгаа нь цөөн юмаа. Саяхан “Босоо хөх Монгол”-ын залуус ч ирж яаж туслах уу, дэмжих үү л гэж байна. Ингэхээр улс төржөөд байх юм. Ах нь бол үүнийг улс төржүүлмээргүй байна. Тиймээс нэг их нийлж тэмцэх талаар бодсонгүй хэмээн ярьснаар бидний өнөөдрийн сурвалжилга эхэллээ.
Тус төвд өнөөдрийн байдлаар 0-70 насны хоорондох 132 хүн амьдарч байгаа бөгөөд тэдний дунд бүтэн өнчин, хүчирхийлэлд өртөн гэр орноосоо дайжсан, мөн өөрийн эцэг эхтэйгээ амьдарч байгаа хүүхдүүд ч байгаа аж. Түүнчлэн томчуудын тухайд архины хэт хамааралтайгаасаа болж амьдралдаа алдан гудамжинд гарсан, гэр бүлийнхнээсээ холбоогоо тасалсан, мөн буруу зүйл хийж өргөст торны цаана сууж байсан хэдий ч эргээд засрахаар хичээнгүйлэн амьдарч буй тийм л хүмүүс амьдардаг аж.
“Зөв амьдрах ухаан” ТББ-аас нийслэлийн орон гэргүй тэнэмэл, хөгжлийн бэрхшээлтэй иргэдэд 2006 оноос хойш үйлчилж ирсэн бие даасан төрийн бус байгууллага. Өдгөө Баянзүрх дүүргийн нутаг дэвсгэрт харьяалалтай бөгөөд хашаандаа хувийн цэцэрлэг байгуулсан, мөн жижиг дунд үйлдвэрлэл эрхэлж, хувийн жижиг компани ажиллуулж, ажилгүй иргэдийн ажлын байраар хангадаг юм. Ингэхдээ 200-400 мянган төгрөгийн цалинг өгдөг юм байна. Тус төвийн тэргүүнийг Г.Загдаа гэдэг бөгөөд тэрбээр эхнэрийнхээ хамт өнөөдөр 21 өрхийн 73 иргэн, 60 хүүхдийг хооллож ундалж, өмсөх хувцсыг нь олж, ажлын байраар хангаж, мөн хорихоос суллагдсан иргэдийг нийгэмшүүлж, ажилтай орлоготой болгох хүмүүнлэгийн ажлыг хийж байна.
Харин 2013 онд Нийслэлийн удирдлагууд албан ёсоор санал тавьж орон гэргүй тэнэмэл иргэдийг нийгэмшүүлэх ажилд хамтран ажиллая хэмээгээд жил бүр тухайн иргэдийн хоолны мөнгийг нэг хүний 12 мянган төгрөгөөр тооцож олгохоор болжээ. Энэ дагуу жилийн 162 сая төгрөгийг өгөхөөр гэрээ байгуулжээ. Гэвч уг мөнгө нь сүүлдээ нэг хүний 9000 төгрөг болон хувирчээ. Харин 2015 оны гуравдугаар сараас хойш дээрх мөнгөө огт өгөхөө больсон байна.Ингээд “Зөв амьдрах ухаан” ТББ-ын тэргүүн Г.Загдаа гэрээний дагуу нийслэлийн холбогдох албан тушаалтнуудаас мөнгөө нэхэж эхлэхэд тэн ондоо зүйл ярьж эхэлжээ. Тодруулбал нийслэлийн удирдлагууд эдгээр орон гэргүй тэнэмэл иргэдийг нийслэлийн харьяа Нийгмийн хамгааллын тусгай төвд шилжүүлнэ, ингэхдээ зөвхөн том хүмүүсийг нь авна. Харин хүүхдүүдийг гудамжинд гарга хэмээн хэлэх болжээ.
Үүнд эмзэглэсэн дээрх төвийн тэргүүн Г.Загдаа “Элэг бүтэн өсч байгаа хүүхдүүдийг эрх мэдэлтнүүд нийгмээс нь гадуурхаж, гудамжинд гаргаж хая гэж байна. Яалаа гэж ээж ааваас нь салгах юм бэ. Тэгээд ч манай төвд гэр бүлээрээ амьдардаг хэд хэдэн өрх бий. Тэднийг шууд л салгана гэдэг чинь байж боломгүй зүйл. Хэдийгээр алдсан ч гэсэн эдгээр хүмүүст эргээд нийгэмших, хүүхдүүдэд харин эцэг эхтэйгээ элэг бүтэн амьдрах эрх бий хэмээн хэлсэн юм.
Нээрээ ч түүний хэлснээр БЗД-т байрлах “Зөв амьдрах ухаан” ТББ-ын хашаанд өнөөдрийн байдлаар 24 гэр бариастай бөгөөд тэнд хэд хэдэн гэр бүлүүд халуун ам бүлээрээ аз жаргалтай амьдарч байлаа. Түүнчлэн гэр бүлгүй нэгэн нь бас л нэгэн гэр бүл найз болон тав, зургаагаараа нэг гэрт амьдарч байсан юм. Тэдний гэрээр орж сонирхоход айл гэрт байж болох бүхэн байсан бөгөөд тохь тухтайг энд хэлэхийн аргагүй байлаа.
Харин ингэж амьдарч байгаа иргэдийг салгаж өөр төвөд шилжүүлснээр энэ хүмүүсийг эргээд буруу зам руу оруулах эхлэл тавигддаг гэдгийг Загдаа гуай учирлаж байсан юм. Учир нь барилгын компаниудад ажилд оруулаад тогтвор суурьшилтай ажиллуулаад, тусд нь гэр орон өгөөд гаргаад явуулахаар эргээд жилийн дараа траншейнаас хүмүүсээ түүж авдаг хэмээн тэрбээр ярилаа. Нэгэнт алдсан хүмүүсийг хажуудаа байлгаж харж хандахгүй бол нийгэм рүү тавихаар эргээд хальтирчих гээд байдаг юм хэмээн ярих түүний сэтгэлээс Монгол хүн Монгол хүнээ хайрлах, хувь хүний үнэлэмж ямар уужим болохыг харж болохоор.
Манай сурвалжлах багийнхан тус төвөөр зочлох үеэрээ мөн иргэдийн хийж буй үйлдвэрлэлтэй танилцсан юм. Тэд паркетан шал, сийлбэртэй хаалга, авдар,Монгол гэрийн тулга, гээд нэлээд олон төрлийн мод болон төмрөн эдлэл хийж байлаа. Чадахгүй нэгэн нь нэгнээсээ сийлбэр хийхийг сурч буйтай ч таарлаа. Мөн цагаан сар дөхсөн үед хамгийн эрэлттэй байдаг тавгийн идээний царны үйлдвэрлэл ид явагдаж байлаа. Харин сурагчдын амралт таарсан учир хүүхдүүд гэр гэртээ амарч байсан юм. Мөн хажуудаа хүүхдийн цэцэрлэг байгуулан ажиллаж байгаа тул багш нарыг бэлтгэх шаардлага гарсан тул дотроосоо зургаан бүсгүйг сонгон харьяа хороон дээрээ хүүхэд харах үйлчилгээний сургалтад суулгаж, цэцэрлэгийн багш болгож байгаагаа энэ үеэр Г.Загдаа гуай дуулгалаа.
Ийм нэгэн сайхан сэтгэлт хүмүүн нийгмийн эмзэг давхаргын гэж нэрлэгддэг тэдгээр хүмүүсийг Монгол хүн хэмээх талаас нь харж, зөв замд оруулахаар гэр бүлийн хүний хамт зүтгэж явна.
Харин түүнийг Монголын төр дэмжих нь бүү хэл элдвээр хэлэн доромжилж буйд сэтгэлээр унаж байгаагаа нуусангүй. Гэхдээ хүн юу ч гэж хэлж, шүүмжилсэн бай түүний төвөөр нэг ороод гарахад, тэгээд тэдгээр хүмүүсийн хэрхэн аж төрж байгааг харах юм бол таны энэ бодол өөрчлөгдөх нь дамжиггүй.
Бидний сурвалжлагын төгсгөлд Г.Загдаа гуай төр засгаас нэг их зүйл шаардаагүй багахан дэмжлэг л хүссэн. 2006 оноос эхлэн үйл ажиллагаагаа бие даан явуулж байхад, Нийслэлийнхэн өөрсдөө санал тавьж ирсэн. Үүнээс хойш нийтдээ 372 сая төгрөгийг л авсан. Өөр зүйл авч байгаагүй хэмээн хэллээ. Энэ мөнгө эдгээр хүмүүсийн дан ганц хоолны л мөнгө байсан Өөрөөр иргэдээ нийгэмшүүлье, хүүхдүүдээ сургая гэсэн сэтгэлээр өгсөн мөнгө огт биш байсан гэлээ. Гэтэл эдний төвтэй яг ижил төрлийн үйл ажиллагаа явуулдаг нийслэлийн харьяа “Нийгмийн хамгааллын тусгай төв”-нь 19 ажилтантай хэдий ч зөвхөн 58 хүн л хүлээн авах хүчин чадалтай аж. Харин улсын төсвөөс авдаг мөнгө нь эдний төвөөс хэд дахин их мөнгө авдаг байна. Тухайлбал “Зөв амьдрах ухаан” ТББ нь гурван жилд 372 сая төгрөг авсан бол “Нийгмийн халамжийн төв” энэ хугацаанд тэрбум гаруй төгрөг төсвөөс авчээ. Харин үйл ажиллагааны хувьд 58 хүнд үйлчилдэг, эдний төв 132 хүн үйлчилдэг аж.
Ингээд бид Г.Загдаагаас зарим зүйлийг тодруулсан юм.
-Яг хэзээнээс эхэлж хүүхдүүдийн гэх тодотголтой халамжийн мөнгөө авч чадахгүй хүрэв?
-Энэ оны гуравдугаар сард халамжаас 40 сая төгрөг шилжүүлснээс хойш Нийслэлээс дахин санхүүжилт олгоогүй өдий хүрлээ. Эдийн засгийн хямрал манай төвийнхөнд хүчтэй нөлөөлж, эдгээр хүмүүст олддог байсан ажил нь хомсдож, цаашид амьдрахад туйлын хэцүү болоод байна.
-Халамжаас өнөөдрийн байдлаар хэчнээн сая төгрөг авах ёстой вэ?
-Нийт 50 хүний хоолны мөнгө гэж 121 сая төгрөг авах ёстой. Нэг хүүхэд өдөрт 9000 төгрөгийн хоол идэх нормтой. Гэтэл авч чадахгүйд хүрсэн. Энэ хүмүүсийг юугаараа тэжээ гэж байгаа юм. Өнөөдөр манай төвийн цахилгааны төлбөр гэж 4 сая гараад тог таслах дээрээ тулсан. Би хоол унд залгуулахын тулд өрд орж урд хормойгоороо хойд хормойгоо нөхөж явааг дарга нар мэдэхгүй л дээ.
-Мөнгө олгохгүй гээд байгаа шалтгаанаа юу гэж тайлбарладаг юм бэ?
-Төсөв байхгүй, эдийн засаг хямарсан энэ цаг үед ийм их мөнгийг гаргаж өгч чадахгүй гэдэг. Нийслэлийн халамжийн төв болон Хотын захирагч, захирагчийн албан газарт удаа дараа хандаж учир байдлаа тайлбарлахаар хүлээж авахгүй байна. Үлдэгдэл санхүүжилтээ оноос өмнө гээд яаравчлуулахад Сангийн яамнаас төсөв хассан тул тэр хүмүүсийг гудамжинд хөөж гарга, Ерөнхий сайддаа ханд хэмээн амьдралд хөлөө олох гэж байгаа ядарсан иргэдээр дайжигнаж, тохуу хийж байгаа нь таалагдахгүй байгаа юм. Гэр оронгүй, хөгжлийн бэрхшээлтэй гээд эдгээр хүмүүсийг гудамжинд хөөж гаргах юмуу. Үнэндээ энэ нялх балчирууд ирээдүйн эх орны эзэд гэдгийг ойлгоосой. Ингэж хатуурхаж болохгүй ээ.
-
2016 оны 1 сарын 28
“Улаанбаатар худалдан авалт - 2016” бизнес чуулга уулзалтын илтгэлүүдтэй танилцана уу
-
2016 оны 1 сарын 28
Тухайлбал: ХУД-ийн нутаг Чингисийн өргөн чөлөө Нийслэлийн зорчигч тээврийн нэгтгэл НӨААТҮГ-ын Daewoo BS маркийн автобусны жолооч У нь явган зорчигч 39 настай эрэгтэй Ч-г мөргөж гэмтээсэн.
БЗД-ийн нутаг Уулын замд Т.Prius маркийн авто машины жолооч Ц нь Т.Harrier маркийн Б, Porshe маркийн Д жолоочтой автомашинуудтай мөргөлдөж зорчигч 09 настай эрэгтэй Ө нарын 2 хүн гэмтсэн.
-
2016 оны 1 сарын 28
2016 оны 01 дүгээр сарын 27-ны өдөр Улаанбаатар хотын Замын цагдаагийн газрын ЖШУХ дээр нийт дуудлага мэдээ мэдээлэл 335 хүлээн авснаас зам тээврийн ослын 272 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 9 бүртгэгдэж 10 хүн хүнд хөнгөн гэмтсэн . Хүүхэд зам тээврийн осолд өртсөн 0 үүнээс сургуулийн өмнөх насны 1, сургуулийн насны 1, согтууруулах ундааны зүйл хэрэглэсэн үедээ замын хөдөлгөөнд оролцсон жолооч 2 , явган зорчигч 1. Согтуугаар тээврийн хэрэгсэл жолоодсон 47 жолоочийг журамлан гарч болзошгүй осол хэргээс урьдчилан сэргийлсэн.
-
2016 оны 1 сарын 28
Эрх мэдэл, албан тушаалаараа далимдуулан оюутнуудаас их хэмжээний мөнгө завшиж, мөн оюутнуудын картны мөнгөөр хувьдаа байр, машин худалдаж авсан гэх МОХ-ны ерөнхийлөгч Д.Батбаяр болон дэд ерөнхийлөгч Д.Батчулуун нарыг өнгөрсөн оноос эхлэн авлига, албан тушаалын хэргээр АТГ-аас шалгаж эхэлсэн билээ.
Эх сурвалжийн хэлснээр Д.Батбаяр нь 300 гаруй сая төгрөгийг хувьдаа завшсан болох нь мөрдөн байцаалтаар тогтоогджээ. Тэгвэл түүнд холбогдох хэргийг АТГ-аас шалгаж дуусаад, Нийслэлийн прокурорт яллах дүгнэлт үйлдлүүлэх саналтайгаар шилжүүлсэн байгаа гэдгийг эх сурвалж хэлэв. Ийнхүү прокурорын хяналтад хянагдаж байгаа эрүүгийн хэрэг шүүхээр орох нь тодорхой аж. Монголын оюутны холбоо бол төрийн бус байгууллага. Тэд нэг оюутнаас жил бүр 8900 төгрөг хурааж, түнийхээ 4000-ыг нь оюутны нийтийн тээврийн зардалд зориулаад, үлдсэн 4900-гаар нь холбооны төсвийг бүрдүүлдэг аж.
Энэ мөнгө юунд зарцуулагддагыг оюутнууд огт мэддэггүй. Тэгвэл энэ мөнгийг МОХ-ны дарга нар хувьдаа завьшиж байсан бололтой. Монгол Улсад дунджаар 170 гаруй мянган оюутан сурдаг гэсэн тоо бий. Тэд МОХ-ндоо 890 гаруй сая төгрөгийн төсөв бүрдүүлж өгдөг юм байна. Энэ мөнгөнөөс нь тус холбооны ерөнхийлөгч Д.Батбаяр идэж уужээ. Тэрбээр оюутны өдөрлөг, илтгэл, лекц, тэмцээн уралдаан зохион байгуулсан хэмээн санхүүгийн хуурамч баримт бүрдүүлэн мөнгө завшдаг ч байжээ.
Хамгийн сүүлд гэхэд байгууллагынхаа данснаас 100 гаруй сая төгрөгийг ямарч баримтгүйгээр авсан гэх мэдээлэл байгаа юм. Тэгвэл эл үйлдлийг нь Эрүүгийн цагдаагийн газраас илрүүлж, авлигын шинжтэй хэрэг гээд АТГ-т шилжүүлсэн байдаг юм.
