-
2016 оны 1 сарын 27
2016 оны 01 дүгээр сарын 26-ны өдөр Улаанбаатар хотын Замын цагдаагийн газрын ЖШУХ дээр нийт дуудлага мэдээ мэдээлэл 423 хүлээн авснаас зам тээврийн ослын 364 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 9 бүртгэгдэж 1 хүний амь нас хохирч, 22 хүн хүнд хөнгөн гэмтсэн . Хүүхэд зам тээврийн осолд өртсөн 0 үүнээс сургуулийн өмнөх насны 0, сургуулийн насны 0, согтууруулах ундааны зүйл хэрэглэсэн үедээ замын хөдөлгөөнд оролцсон жолооч 0 , явган зорчигч 5. Согтуугаар тээврийн хэрэгсэл жолоодсон 33 жолоочийг журамлан гарч болзошгүй осол хэргээс урьдчилан сэргийлсэн.
-
2016 оны 1 сарын 27
ОБЕГ-ын албан хаагчид шинэ он гарснаас хойш 840 иргэнийг осгож, хөлдөх аюулаас аварчээ.
-
2016 оны 1 сарын 27
Увс аймгийн прокурорын газраас 2016 оны 01 дүгээр сарын 20-ны өдөр тус аймаг дахь Цагдаагийн газар дээр хэрэг бүртгэх, мөрдөн байцаах эрх бүхий албан тушаалтнуудыг хамруулсан хамтарсан зөвлөгөөнийг зохион байгуулжээ.
Зөвлөгөөнөөр хэрэг бүртгэх, мөрдөн байцаах ажиллагаанд гарч буй хүндрэл бэрхшээлтэй асуудал, орон нутгийн эрүүгийн нөхцөл байдал, гэмт хэргийн гаралт, хэрэг бүртгэх, мөрдөн байцаах ажиллагааны чанар үр дүнгийн талаар хэлэлцсэн ба түдгэлзүүлсэн хэргийн шийдвэрлэлтийг сайжруулах талаар “САР ШИНЭ” нэгдсэн арга хэмжээний удирдамж гарган ажилласан байна.
Мөн прокурорын хяналтын ажилд болон хэрэг бүртгэх, мөрдөн байцаах ажиллагаанд эрүүгийн байцаан шийтгэх хуулийг дагаж мөрдөх аргачилсан зааврын хэрэгжилтийн талаар хэрэг бүртгэгч, мөрдөн байцаагч, замын байцаагч, хэсгийн төлөөлөгч нараас тест авч эрүүгийн байцаан шийтгэх хууль, прокурорын хяналтын ажил, хэрэг бүртгэх, мөрдөн байцаах ажиллагаанд эрүүгийн байцаан шийтгэх хуулийг дагаж мөрдөх аргачилсан зааврыг нэг мөр хэрэгжүүлэн ажиллах зорилгоор сургалт зохион байгуулжээ.
-
2016 оны 1 сарын 27
2016 оны 01 дүгээр сарын 25-ны өдрийн 17 цагийн орчимд СХД-ийн 4-р хороо ....... тоотод оршин суух 63 настай эмэгтэй Б-г гэртээ ганцаараа байх үед нь үл таних 160 орчим см өндөртэй эрэгтэй хүн гэрт нь орж ирэн зодож чихэнд нь зүүсэн байсан хос ээмгийг чихийг нь сэт татан авч мөн нокиа брендийн цагаан өнгийн гар утас дээрэмдсэн хэргийг Сонгионхайрхан дүүрэг дэх Цагдаагийн нэгдүгээр хэлтсийн Эрүүгийн цагдаагийн тасгийн алба хаагчид шуурхай ажиллаж гэмт хэрэг үйлсэн этгээдийг баривчилж дээрэмдсэн эд зүйлийг хураан авсан байна.
Гэмт хэрэг үйлдсэн этгээд нь 1973 онд төрсөн, эрэгтэй, эрхэлсэн тодорхой ажилгүй “Э” гэгч үйлдсэн.
-
2016 оны 1 сарын 27
Өнөөдөр зохион байгуулагдаж байгаа үйл ажиллагааны зорилго чиглэлийн талаар Сонгинохайрхан дүүргийн цагдаагийн 3 дугаар хэлтэсээс төлөөлөн мэдээлэл өгөхгүй юу?
Цагдаа: За баярлалаа Сонгионхайрхан дүүргийн цагдаагийн 3 дугаар хэлтэс, 12 дугаар хороо, хөдөлмөрийн хэлтэс Төгс бүсгүйчүүд ТББ хамтран Сонгинохайрхан дүүргийн 12 дугаар хороо Саппоро үйлчилгээий төвийн орчим эрхэлсэн тодорхой ажилгүй биеээ үнэлэгчидийг цуглуулж, ажил хөдөлмөрт зуучлах гэж байна.Ирээдүйд биеээ үнэлэх орчин нөхцлөөс нь ангижруулж, ажилд зуучилсанаар зөв чиг хандлага руу татна оруулах боломжийг нээж байгаа юм.
Асуулт: Танай хэсэгт бүртгэлтэй байдаг хэдэн биеээ үнэлэгч байна вэ?
Цагдаа: Ерөнхийдөө бол 2008 оноос хойш биеээ үнэлэгчидын тоо давхардсан байдлаар 210 орчим байна.Сүүлийн үедүүдэд биеээ үнэлэгчид багасаж байна.
Цагдаа. Сонгинохайрхан дүүргийн хэмжээнд биеээ үнэлэгчидийг Бүртгэл судалгаа тогтмолхамруулдаг.Сонгино хайрхан дүүргийн нутаг дэвсгэрийн хэмжээ том учир гэмт хэрэг зөрчилтэй тэмцэхтэй холбоотойгоор хөдөлгөөнт эргүүл болон явган эргүүлийн арга хэмжээг авч байна.
Цагдаа: 2015 оны 12 дүгээр сард Саппоро үйлчилгээний Цэгийн Сонгинохайрхан дүүргийн Гэмт хэрэг зөрчилтэй урьдчилан тэмцэх зөвлөлөөс явуулын копон байгуулсан.Явуулын копон байгуулсаны үр дүнд гэмт хэргийн зөрчил тодорхой хэмжээгээр буурсан.
-
2016 оны 1 сарын 27
Автомашинаа асаахаар галаар бамбардаж байгаад гал алджээ. Тодруулбал, Чингэлтэй дүүргийн 16 дугаар хороонд суух иргэн Х /38 настай, эрэгтэй/ ”Нуundai Grace” автомашинаа асаахаар галаар бамбардаж байгаад гал алджээ.
-
2016 оны 1 сарын 27
Гэр хорооллын дахин төлөвлөлтийн төслийн Удирдах хорооны ээлжит хурал боллоо. Хурлаар Хан-Уул дүүргийн 4 дүгээр хорооны нутаг дэвсгэрт гэр хорооллын дахин төлөвлөлтийн төсөл хэрэгжүүлэгч “ТОСК” ТӨҮГ-ын “Эко Яармаг - 1” хорооллын зөвлөх үйлчилгээний гэрээний хугацааг 2016 оны 6 дугаар сарын 31 хүртэл сунгаж, Баянгол дүүргийн 11, 22 дугаар хорооны нутаг дэвсгэр дэх гэр хорооллын дахин төлөвлөлтийн төслийн Б хэсэгчилсэн талбайн гадна цахилгаан хангамжийн барилга угсралтын хөрөнгийг шийдвэрлэв.
Баянгол дүүргийн 11, 22 дугаар хорооны нутаг дэвсгэрт гэр хорооллын дахин төлөвлөлтийн хүрээнд “Орд” орон сууцны хорооллыг барих юм. Энэхүү байршилд “Очирням проперти Девелопмент” ХХК төсөл хэрэгжүүлж байгаа бөгөөд 26.7 га газарт нийт 3720 айлын орон сууц, 9 үйлчилгээний барилга, 2 сургууль, 2 цэцэрлэг барихаар төлөвлөжээ. Эхний ээлжинд дөрвөн айлын газрыг чөлөөлж, 63 айлын орон сууцны барилгыг эхлүүлсэн байна. Гэр хорооллын дахин төлөвлөлтийн төслийн удирдах хорооны хурлаар Баянгол дүүргийн 11, 22 дугаар хорооны нутаг дэвсгэр дэх Б хэсэгчилсэн талбайн гадна цахилгаан хангамжийн барилга угсралтын 2 тэрбум 491 сая төгрөгийн хөрөнгийг шийдвэрлэлээ.
Одоогийн байдлаар үндэсний 38 аж ахуйн нэгж төсөл хэрэгжүүлэгчээр шалгарч, 22 байршил, 57 хэсэгчилсэн талбайд нийт 1360 нэгж талбарын 86,5 га газрыг иргэдтэй байгуулсан хоёр болон гурван талт гэрээний дагуу чөлөөлж, барилга угсралтын ажлыг гүйцэтгэж байна. Гэр хорооллын дахин төлөвлөлтийн хүрээнд 2016 оны эхний хагас жилд 1104 айлын орон сууцыг ашиглалтад оруулж, дахин төлөвлөлтөд хамрагдсан 4000 гаруй иргэдийг тохилог сууцаар хангах төлөвлөгөөтэй байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 27
Нийслэлийн ИТХ, Улаанбаатар хотын Замын цагдаагийн газар, Нийслэлийн Боловсролын газар, Монголын Сурагчдын холбоотой хамтран ерөнхий боловсролын сургуулийн сурагчдыг гэмт хэргээс урьдчилан сэргийлэхэд эцэг эхчүүдийн оролцоо, үүрэг хариуцлагыг нэмэгдүүлэх зорилгоор “School police” төслийг 2013 оноос эхлэн хэрэгжүүлж эхэлсэн.
Эцэг эх сургуулийн орчинд эргүүл хийдэг болсноор сургуулийн орчинд гардаг гэмт хэргийн тоо эрс буурсан гэдгийг Улаанбаатар хотын цагдаагийн газраас мэдээлж байна. 2015 онд нийслэлийн ерөнхий боловсролын сургуулийн орчинд үйлдэгдсэн гэмт хэргийн тоо өмнөх оны мөн үетэй харьцуулахад 15,3 хувиар буурчээ.
School police төсөл нийслэлийн ерөнхий боловсролын 180 сургуульд хэрэгжиж, өнөөдрийн байдлаар 97 000 гаруй эцэг эхчүүд сургуулийн орчинд сурагчдыг гэмт хэрэг, зөрчилд өртөхөөс урьдчилан сэргийлэх зорилгоор эргүүлд гарч ажиллаж байна гэж Монголын Сурагчдын холбооноос мэдээллээ.
Өнөөдөр эдгээр сургуулиудаас төслийг хамгийн үр дүнтэй, амжилттай хэрэгжүүлсэн сургуулийн захирал болон сургуулийн орчинд эргүүл хийхэд идвэх санаачилгатай оролцсон эцэг эхчүүдийг урамшууллаа.
Төслийг амжилттай хэрэгжүүлсэн сургуулиар ХУД-ийн 118, 18, 52-р дунд сургууль, БГД-ийн 13, 20, 28-р дунд сургууль, Эрдмийн өргөө цогцолбор сургууль, БЗД-ийн 48, 87, Шавь цогцолбор сургууль, Чингэлтэй дүүргийн 72-р сургууль, СБД-ийн 35, 31, 58-р сугууль, СХД-ийн 105-р сургууль, Налайх дүүргийн Голомт цогцолбор сургууль тус тус тодорчээ. Мөн энэ үеэр 10 гаруй эцэг эхийг шагнаж урамшуулсан юм.
School police төслийг илүү үр дүнд хүргэхийн тулд НИТХ-ын Тэргүүлэгчдийн 2015 оны 10 дугаар сарын 16-ны хуралдаанаар “Сургуулийн эргүүл”-ийн ажиллах журмыг баталсан гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 27
Нийслэлийн Онцгой байдлын газраас гэр хорооллын гал түймрийн тоо, хохирлыг бууруулах чиглэлээр дүүргүүдийн гэр хороололд нэгдсэн арга хэмжээ зохион байгуулсан.
-
2016 оны 1 сарын 27
Цэцийн их суудал маргааш хуралдана
-
2016 оны 1 сарын 27
Эрхэм Улсын Их Хурлын дарга, Засгийн газрын гишүүд ээ
Хүндэт зочид, төлөөлөгчид өө,
Та бүхний энэ өглөөний амар амгаланг айлтган мэндчилье.
Иргэдийн хамтран ажиллах, нийтээрээ хөгжих санаачилгыг дэмжих зорилготой “Хамтын хүч-нутгийн хөгжил” үндэсний чуулганд Монгол Улсын өнцөг булан бүрээс хуран цугларсан сумдын Иргэдийн Төлөөлөгчдийн Хурлын нарийн бичгийн дарга, баг, хорооны Засаг дарга нар, Монголын баг сумдын үндэсний холбооны дээд шагнал “Монгол Улсын манлай” одонт нутгийн хөгжлийн төлөөх манлайлагчид, Хуримтлалын бүлгийн төлөөлөгч Та бүхэнд бидний урилгыг хүлээн авч хүрэлцэн ирсэнд талархал илэрхийлье.
Энэ удаагийн чуулганыг Монголын баг, сумдын үндэсний холбооноос санаачлан Улсын Их Хурлын Тамгын газар, Засгийн газрын Хэрэг эрхлэх газартай хамтран зохион байгуулж, Монгол Улсын 330 сумын Иргэдийн Төлөөлөгчдийн Хурлын нарийн бичгийн дарга, Нийслэлийн 9 дүүргийн 152 хорооны Засаг дарга, 21 аймгийн тэргүүний 100 багийн Засаг дарга, нутгийн хөгжлийн 78 манлайлагч нар Төрийн ордонд хүрэлцэн ирж, нутгийн удирдлага, хөгжлийн эрх зүйн орчны тулгамдсан асуудал, тэдгээрийг шийдвэрлэх арга замыг хэлэлцэхээр чуулж байна. Орон нутгийн хурлын байгууллагуудад мэргэжил, арга зүйн дэмжлэг үзүүлэх талаар Засгийн газрын хэрэг эрхлэх газрын мэдээллийг сонсох, нутгийн удирдлагын шинэлэг хэлбэрүүд болох нийтийн сонсгол зохион байгуулах, баг хорооны сан, хуримтлалын бүлэг үүсгэн хамтаараа хөгжих арга замаа тодорхойлж, нутаг нутгийнхаа манлайлагч нараасаа харилцан сайн туршлага солилцсон ажил хэрэгч чуулган болно гэдэгт итгэлтэй байна.
Уламжлал ёсоор манай чуулганд Улсын Их Хурлын дарга Зандаахүүгийн Энхболд мэндчилгээ дэвшүүлж, Монгол Улсын засаг захиргааны анхан шатны нэгж болох багийн эрх зүйн орчныг бэхжүүлэх талаар баримталж буй бодлогыг Та бүхэнд мэдээллэнэ. Аймаг нийслэл, сум, дүүргийн удирдлагыг чадавхижуулахад Улсын Их Хурлаас авч хэрэгжүүлж байгаа бодит арга хэмжээний нэг бол “Нутгийн өөрөө удирдах байгууллагын чадавхийг бэхжүүлэх нь” төсөл юм. Улсын Их Хурлын Тамгын газар НҮБ-ын Хөгжлийн хөтөлбөр, Швейцарийн хөгжлийн агентлагтай хамтран 3 дахь жилдээ хэрэгжүүлж байгаа энэ төслийн талаар Улсын Их Хурлын дарга онцлон ярих байх.
Мөн Монгол Улсын Ерөнхий сайд Чимидийн Сайханбилэг оролцож, багийн хөгжлийн бодлогын талаар Засгийн газрын хэрэгжүүлж байгаа үйл ажиллагаа, цаашид авах арга хэмжээний талаар та бүхэнтэй ярилцах бөгөөд чуулганаасаа бид санал зөвлөмж гаргаж, төрийн бодлогын түвшинд манлайлагч та бүхний дуу хоолойг хүргэж, шийдвэрлүүлэхээр ажиллана. Чуулганы дараа та бид уламжлал ёсоороо нутаг усандаа үлгэр дууриалал болсон нэр хүндтэй, ажилсаг хөдөлмөрч, шинээр ажлын байр бий болгож, иргэд, өрхийн орлогыг нэмэгдүүлж, нийгмийн сайн сайхны төлөө өөрийн мэдлэг чадвар, зүрх сэтгэлээ зориулж яваа манлайлагч нартаа “Монгол Улсын манлай” нэг, хоёрдугаар зэргийн одонгоо гардуулах ёслолдоо оролцоно.
Эрхэм төлөөлөгчид, манлайлагч нар аа,
2011 онд шинээр хамтын бүл болон мэндэлсэн Монголын баг сумдын үндэсний холбоо улсын хэмжээнд “Үндэсний уламжлалаа дээдэлье”, “Өрх гэр-Улсын үндэс”, “Хот айл-Монгол аж төрөх ёс”, “Хөдөлмөрөөрөө манлайлагчдын форум” чуулгануудыг удаа дараа зохион байгуулж, өнөөдөр “Хамтын хүч-Нутгийн хөгжил” тавдугаар үндэсний чуулганаа хуралдуулж байгаа нь Бид Монгол Улсынхаа бүх аймаг, дүүрэг, багт салбар зөвлөлөө амжилттай байгуулж, үйл ажиллагаагаа тасралтгүй, тогтмол хэрэгжүүлж ирсний үргэлжлэл, үр дүн юмаа. Энэ хугацаанд бид хамтдаа орон нутгийн удирдлага, манлайллын чиглэлээр олон сургалт, семинар, хэлэлцүүлгийг хөдөө орон нутаг, нийслэлд зохион байгуулж, хотжилтыг сааруулах, хөдөөгийн хөгжил, нийгмийн асуудлыг дэмжих төрийн бодлогод байр сууриа илэрхийлэн тусгуулж ажиллалаа.
Дэлхий дахины даяарчлалын давалгаанд Монгол өв соёл, аж төрөх ёс, үндэсний уламжлалаа хадгалж үлдэх арга хэмжээнүүдийг хэрэгжүүлэхийн зэрэгцээ гадаад хамтын ажиллагаагаа өргөжүүлж Солонгос Улсын “Шинэ тосгон” хөдөлгөөний ерөнхийлөгчийг урьж ирүүлэн хамтын туршлагаасаа хуваалцсан билээ.
Монголын хөдөөний аж амьдрал, нүүдэлчин ардын өв соёл бол дэлхийд цорын ганц, давтагдашгүй соёл билээ. Хөдөө өсч, эмээ өвөөгийн хүмүүжлээр өдий зэрэгтээ яваадаа би баярлаж явдаг. Эрт дээр үеэс олон зуун жил дамжин өвлөгдөж ирсэн энэ нандин монгол соёл, нүүдэлчдийн соёл иргэншил, мал маллах ухаан, гайхамшигт ур чадварыг хойч үедээ өвлүүлэх үүднээс эхлүүлсэн энэ холбооны үйл ажиллагаанд та бүгдтэйгээ сэтгэл, зүрх нэгдэн ажиллаж байгаадаа туйлаас баяртай байна. Та бүхэндээ гүн талархал илэрхийлж байгааг минь хүлээн авна уу.
Өнөөдрийг хүртэл хийж бүтээсэн ажлуудаа улам өргөжүүлж, өөртөө эзэн, нутагтаа эзэн, эх орондоо эзэн уриагаа нутаг усандаа хүргэж ажиллацгаая.
Монголын баг, сумдын үндэсний холбооноос өмнөх чуулгануудаар шийдвэрлүүлэхээр төлөвлөсөн зарим ажлууд, тухайлбал та бүхний олонх дэмжсэн “Малчдын ордон” байгуулах санал санаачлага улс орны эдийн засгийн нөхцөл байдлаас үүдэн удааширч байгаа ч цаашид анхаарч ажиллах болно. Манай холбоо энэ онд шинээр олон ажил хэрэгжүүлэхээр санаачилж байгаагийн дотор NTV, орон нутгийн телевизүүдтэй хамтран манлайлагч та бүхний ажил хөдөлмөрийн сайн туршлагыг сурталчлах, олны хүртээл болгох зорилгоор “Манлайлагч” төсөл хэрэгжүүлж, цуврал нэвтрүүлэг бэлтгэж хүргэх, Өвөрхангай аймгийн Уянга сумын Жаргалант багт багуудын сайн туршлага солилцох зөвлөгөөн зохион байгуулах зэрэг гол ажлуудыг нэрлэмээр байна. Өвөрхангай аймгийн Уянга сумын Жаргалант баг нь багийн иргэддээ эрчим хүч, харилцаа холбоо, дэд бүтэц, сургууль, эмнэлэг, цэцэрлэгийн үйлчилгээг цогцоор нь хүргэж шийдсэн улсын хэмжээнд цөөхөн, жишиг багийн төв юм.
2016 онд бид сум, багийн хөгжлийг дэмжих эрх зүйн боломж гарцыг баталгаажуулж, ажил хэрэг болгож ажиллах чухал зорилт Та бидний өмнө тавигдаж байна. 2014 онд зохион байгуулагдсан “Баг-Иргэний засаг захиргаа” хэлэлцүүлгийн хүрээнд тулгамдсан асуудлын талаар санал авахад оролцогчдын дийлэнх нь “баг төсөвгүй” гэж хариулсан байсан. Үүний мөрөөр Баг, сумдын үндэсний холбоо эрх зүйн орчныг бүрдүүлэх хүрээнд олон удаагийн хэлэлцүүлэг зохион байгуулж холбогдох хууль, тогтоомжийн тодорхой заалтын дагуу багийг төсөвтэй болгох эрх зүйн гарцыг нээж, хэрэгжүүлэх ажлыг эхлүүлэхээр Засгийн газарт хандан шийдвэрлүүлэхээр ажиллаж байна.
Багийг төсөвтэй болгох хууль зүй, эрх зүйн онолын хангалттай үндэслэл байна гэж би үзэж байна. Тухайлбал, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 28.8-д “Баг, хорооны Засаг дарга иргэдэд урамшил, дэмжлэг тусламж үзүүлэх, ажлаа хэвийн явуулах нөхцлийг хангах зориулалт бүхий мөнгөн хөрөнгийн сантай байж болох бөгөөд зарцуулалтынх нь дүнг сум, дүүргийн Засаг дарга болон иргэдийн Нийтийн Хуралд тайлагнана.” гэж заасны дагуу Багийн санг төсөвтэй болгох боломжтой байна.
Мөн Иргэний хуулийн 36 дугаар зүйлийн 2-т “Нэг буюу хэд хэдэн үүсгэн байгуулагч нийгэмд ашиг тустай, нэгдмэл зорилгод хүрэхийн тулд эд хөрөнгө төвлөрүүлэх замаар байгуулсан гишүүнчлэлгүй хуулийн этгээдийг сан гэнэ” гэж заасан.
Засгийн газрын тухай хуулийн 19-т “Засгийн газар нь төрийн гүйцэтгэх байгууллагын тодорхой чиг үүргийг холбогдох хууль, түүнд үндэслэсэн Засгийн газрын шийдвэр, гэрээний үндсэн дээр Засгийн газрын бус байгууллагад хариуцуулан гүйцэтгүүлж, холбогдох зардлыг бүрэн буюу хэсэгчлэн санхүүжүүлж болно. Төрийн гүйцэтгэх байгууллагын чиг үүргийг эрхлэн гүйцэтгэж, тэр тухайдаа улсын төсвөөс санхүүжиж байгаа байгууллага нь Засгийн газрын шийдвэрийг биелүүлж, уг ажлаа Монгол Улсын зохих сайдын өмнө хариуцна” гэж тус тус заажээ.
Сая дурдсан хууль зүйн үндэслэлээс гадна эрх зүйн онолын үндэслэлийг бид хэрэглэж “Хувь хүн, гэр бүл болон нийгмийн бусад бүлэг хэсгийн санаачилгаар өөрөө шийдэж чадах аливаа үүрэг функцийг төр өөртөө булаан авч болохгүй. Төрийн гүйцэтгэх үүрэг функц нь зөвхөн тэдгээрийн хүч чадлаас давсан асуудал бэрхшээлд төвлөрөх ёстой” гэсэн суурь зарчмын дагуу Та бид багийн сангаа байгуулж болох юм.
Баг, хорооны санг хуулийн дагуу бүртгүүлж, дүрэм журам, хариуцах эзэнтэй болгосноор орж, гарсан мөнгө бүртгэлтэй, зарцуулсан эзэн биетэй, буруугаар ашиглаж үрсэн бол хариуцлага тооцуулах үндэслэлтэй болох юм. Учир нь Төрийн бус байгууллагын тухай хуульд зааснаар сан нь удирдах зөвлөл, хяналтын бүтэц, гүйцэтгэх захиралтай байна гэж заасан.
-Сангийн эрх барих байгууллага буюу удирдах зөвлөл 5-аас доошгүй гишүүнтэй хандивлагч, дэмжигч, тэдгээрийн томилсон төлөөлөл бүхий байдаг;
-Сангийн эрх барих байгууллага нь гүйцэтгэх удирдлага болон хяналтын байгууллагыг томилдог;
-Сангийн гүйцэтгэх удирдлага сангийн дүрэмд нийцсэн үйл ажиллагаа явуулж, үйл ажиллагааны болон санхүүгийн тайланг эрх барих байгууллагаараа хэлэлцүүлэн хэвлүүлж, олон нийтэд түгээх үүрэгтэй гэжээ.
Ийнхүү хуулиар олгогдсон энэ бүтэц, тогтолцоо бол сангийн хандивлагч айл өрх, иргэн сангийн үйл ажиллагаанд хяналт тавих бас нэгэн боломж юм. Үүнийг бодит ажил болгон хэрэгжүүлж, баг, хорооныхоо санг хуулийн этгээдийн статустай болгох нь зүйтэй.
Ингээд дараа жилийн чуулганд бүх багууд сангаа байгуулсан сайн туршлагатайгаар эргэн уулзах ерөөл өргөж, өнөөдрийн “Хамтын хүч-нутгийн хөгжил” Үндэсний тавдугаар чуулганыг нээснийг мэдэгдье.
-
2016 оны 1 сарын 27
71-84 сая жилийн өмнөх үлэг гүрвэлийн яс олжээ
Өмнеговь аймгийн Даланзадгад сумын иргэн М, X, Улаанбаатар хотын иргэн Н нар хууль бусаар малтлага хийж эртний чулуужсан үлэг гүрвэлийн яс олжээ. Түнийгээ энэ сарын 17-ны оройн 18:00 цагийн орчимд Хан- Уул дүүргийн XI хорооны нутаг дэвсгэрт тээвэрлэж явсныг тус дүүргийн Замын цагдаагийн тасаг, Мөрдөн байцаах газрын Байгаль хамгаалах журмын эсрэг гэмт хэрэг мөрдөх хэлтсийн алба хаагчид илрүүлжээ.
Дээрх олдворыг Шинжлэх ухааны ака- демийн геологи, палеонт- логийн тевд шилжүүлжээ. Шинжилгээгээр эвэрт үлэг гүрвэлийн бүтэн биеийн хэлхээ болон толгойн яс, нугасан хошуут үлэг гүрвэл болох 14.5-19.5 см хэмжээтэй зулзаганы бүрэн бус хэлхээ яс болох нь тогтоогджээ. Энэ олдвор нь 71-84 сая жил хуримтлагдсан Жодахтын давхаргадасны Төгрөгийн ширээгийн олдворт газар буюу Өмнөговь аймгийн Бул- ган сумын нутаг дэвсгэрээс олдсон байх магадлалтай юм байна. Хэргийг Улсын мөрден байцаах газарт шалгаж байна.
-
2016 оны 1 сарын 27
Эртний эдлэл хил давуулдаг эгч дүүсийг баривчиллаа
Монголын түүх, соёлын хосгүй үнэт зүйлсийг улсын хилээр завдсан хэрэгт- нүүдийг тагнуулынхан өчигдөр барив- чиллаа. Гэмт этгээдүүд Б, Г гэх эгч дүүс байсан бөгөөд өчигдөр Замын-Үүдийн боомтоор үнэт эдлэлийг БНХАУ руу гаргахыг оролдсон байна. Тэднийг баривчлах үед 27 ширхэг эртний үнэт эдлэлийг хураан авчээ.
Эгч дүүс эх орныхоо түүх, соёлын үнэт зүйлсийг зохион байгуулалттайгаар хууль бусаар хил давуулж их хэмжээний ашиг олдог байсан бололтой. Тэд хоёр хоногийн өмнө Замын-Үүд рүу илгээмжээр эд зүйлсээ явуулсан нь тоггоогджээ.
-
2016 оны 1 сарын 27
Бизнесийн төлөөний байгууллагууд Засгийн Газрыг тогтвортой ажиллуулахыг УИХ-аас шаардаж, нийт гишүүдэд нь анхааруулж байна. Бидний мэдэгдэл, шаардлагыг хүлээн авна үү?
Би хувиасаа нэмээд нийт иргэд, бизнес эрхлэгчиддээ хувийн явцуу эрх ашгаа улсынхаа эрх ашгаас дээгүүр тавьсан аливаа улстөрч, сонгуулийн оноо авахыг ард иргэдийнхээ сайн сайхнаас дээгүүр тавьсан улстөрийн хүчин, захиалгын төлбөрөө Монголын ирээдүйн урдуур тавьсан хэвлэл мэдээллийн байгууллагуудад бойкот зарлахыг уриалж байна. Популизмгүй Монголын төлөө дуу хоолойгоо нэгтгэе, Монголчуудаа!
-
2016 оны 1 сарын 27
ШӨХТГ-аас ”Юнивишн”-ийг шалгахаар болов
“Юнивишн”-ийнхэн өрхийн хэрэглээний багц буюу интернет үйлчилгээндээ өөрчлелт оруулж, хэрэглээг хязгаарлахаа зарласан нь иргэдийн бухимдлыг төрүүлж, тус компанийг шүүмжилж эсэргүүцсэн иргэд маш ихээр хэл ам хийх болсон. Тус компани энэ сарын 20-нд өөрийн цахим хуудсаараа дамжуулан “Хэрэглээндээ нийлүүлэн сонго” чэс^эй үйлчилгээний багцын санал гаргасан нь ирэх сарын 01-нзэс хэрэгжиж эхлэх аж.
Гэтэл иргэдийн хувьд хязгааргүй хэрэглээг илүү ихээр сонирхож байгаа тул өөрсдөөс нь асуулгүйгээр хэрэглээг нь өөрчилж хязгаарлаж байна гэж үзсэн тул ШӨХТГ-т гомдол гаргаж тус газрыг шапгаж өгөхийг хүсчээ. Энэ талаар тус газрын хэвлэл мэдээллийн ажилтан “Сүүлийн едрүүдэд ^ ”Юн^вйшн” компанитай холбоотой гомдол санал маш их ирж байгаа. Иймээс манайхаас ажлын хэсэг гарч тус I компанийг шалгахаар болсон” гэв.
-
2016 оны 1 сарын 27
“Монголд үйлдвэрлэв-Цагаан сар 2016” үзэсгэлэн худалдаа эхэллээ
-
2016 оны 1 сарын 27
Испанийн Вант Улсын Дээд шүүхийн Ерөнхий шүүгч ноён Карлос Д.Серраногийн урилгаар Улсын Дээд шүүхийн шүүгч Х.Батсүрэн тэргүүтэй төлөөлөгчид тус улсын Мадрид, Барселон хотуудад 2016 оны 01 дүгээр сарын 23-31-ний өдрүүдэд албан ёсны ажлын айлчлал хийж байна.
Айлчлалын хүрээнд төлөөлөгчид Испанийн Вант Улсын Дээд шүүхийн холбогдох албан тушаалтнуудтай Монголын шүүхийн шүүгчдийг шүүн таслах ажиллагааны тодорхой чиглэлүүдээр мэргэшүүлэн сургах талаар уулзалт, яриа хэлэлцээр хийхийн зэрэгцээ Испанийн Вант Улсын Дээд шүүх, Шүүхийн Ерөнхий зөвлөл болон Барселон хот дахь шүүхийн сургуулиар зочилж үйл ажиллагаатай нь танилцах, шүүгчдийн мэргэжил, мэргэшил, туршлага судлах чиглэлээр сургалтад хамрагдах юм.
Энэ удаагийн сургалт-уулзалт ярилцлага нь шүүн таслах ажиллагаа дахь хүний эрхийг хангах, шүүгчээс хууль хэрэглэх асуудлыг хөндөж буйгаараа онцог бөгөөд дараагийн ээлжийн сургалтыг энэ оны сүүлээр зохион байгуулахаар төлөвлөөд байна.
Дашрамд дурдахад Испанийн Вант Улсын Дээд шүүхийн Ерөнхий шүүгч ноён Карлос Д.Серраногийн урилгаар Монгол Улсын Дээд шүүхийн Ерөнхий шүүгч Ц.Зориг тус улсын Мадрид хотноо 2015 оны 06 дугаар сарын 25-29-ний өдрүүдэд албан ёсны ажлын айлчилж, хоёр талын хамтын ажиллагааг өргөжүүлэх, бэхжүүлэх, харилцан туршлага, мэдээлэл солилцох, тэр дундаа Монгол Улсын шүүхийн шүүгч нарыг Испанийн Вант Улсын шүүхэд мэргэшүүлэн сургах талаар харилцан санал солилцож, тодорхой шийдэлд хүрсэн бөгөөд энэ хүрээнд дээрх сургалт зохиогдож байна.
Нэмж хэлэхэд Монгол Улсын Дээд шүүх удахгүй Бразил болон БНСУ-ын дээд шүүхээс зохион байгуулагдах сургалтад оролцох 10 хүртэл шүүгчдийн бүрэлдэхүүнтэй багаа илгээх бэлтгэл ажил хангагдаад байна.
-
2016 оны 1 сарын 27
“Хамтын хүч-Нутгийн хөгжил” үндэсний чуулган өнөөдөр Төрийн ордонд чуулж байна. Монголын баг, сумдын үндэсний холбоо, Улсын Их Хурлын Тамгын газар, Засгийн газрын Хэрэг эрхлэх газар хамтран зохион байгуулж байгаа энэ удаагийн чуулганы хэлэлцэх гол сэдэв нь “Нутгийн хөгжил бол улс орны хөгжлийн үндэс” байх юм.
-
2016 оны 1 сарын 27
БГД-7. ”ГССҮТөвд ахуйн газанд түлэгдсэн хүн ирж хэвтлээ“ гэсэн мэдээллийг 01-р сарын 26-нд авч шалгахад: БГД-20. Тэх захын хашаанд газын зуух дэлбэрч Казакстан улсын иргэн М.С /эр.46н/-н нүүр, 2 гар түлэгдэж тус эмнэлэгт эмчлүүлж байгаа хэргийг БГДЦХ-2 шалгаж байна.
-
2016 оны 1 сарын 27
Унгарын Ерөнхий сайд Виктор Орбан энэ сарын 24-26-ны өдрүүдэд манай улсад төрийн айлчлал хийсэн. Эл айлчлалын үеэр Монгол, Унгарын бизнес уулзалт болж Монгол Улсын 200, Унгар Улсын 60 гаруй бизнес эрхлэгчид оролцож, төгсгөлд нь хоёр улсын Худалдаа аж үйлдвэрийн танхимын ерөнхийлөгч нар хамтын ажиллагааны санамж бичигт гарын үсэг зурсан билээ. Мөн хувийн хэвшлийн хоёр компани хамтран ажиллах гэрээ байгуулжээ.
Тэгвэл эх сурвалжийн мэдээлснээр Унгарын талаас “Авто худалдааны цогцолбор”-т 70 сая ам.долларын хөрөнгө оруулалт хийхээр санамж бичигт гарын үсэг зурсан гэх мэдээлэл байна. Энэ талаар нэрээ нууцлахыг хүссэн иргэн А-тай ярилцлаа.
-Унгарын талаас авто худалдааны цогцолборт 70 сая ам.долларын хөрөнгө оруулалт хийсэн гэх мэдээлэл байна. Үүнийг та яаж мэдсэн юм бэ?
-Унгарын зуучлалын компани Хотын санхүү эрхэлсэн орлогч дарга Батаатай хамтран ажиллах санамж бичигт гарын үсэг зурсан. Бэлэн төсөл, цэвэрлэх байгууламж, далан, дэд бүтэц, усан санг тохижуулах, дулааны станц барихад нь Унгарын талаас хөрөнгө босгож, хамтарч ажиллах талаас санамж бичиг байгуулсан. Уг санамж бичгийг байгуулснаар Унгарын компани нь өөрийн улсдаа санал болгоод, тэд сонирхох юм бол хөрөнгө оруулалтаа босгож манай улсын“Авто худалдааны цогцолбор”-т судалгаа хийнэ. Тэгээд таалагдвал гэрээ хэлэлцээр хийх юм.
-70 сая ам.долларыг “Авто тээврийн үндэсний төв”-ийн дансанд оруулсан гэх мэдээлэл байна?
-Тийм юм байхгүй. Санамж бичиг л байгуулсан.
-Энэ мөнгө шийдэгдвэл “Авто худалдааны цогцолбор”-ыг ирэх сарын 1-ээс өмнө албадан нүүлгэнэ гэх мэдээлэл ч байна. Энэ талаар танд мэдээлэл бий юу?
-Тийм юм байхгүй. Тэр чинь мэдээллийн хэрэгслээр тархи угаах ядсан арга. 70 сая ам.долларын гэрээ гэдэг чинь буцаж төлөгдөх зээл л гэсэн үг. Ийм их хэмжээний өр тавихын тулд заавал УИХ-аар орж хэлэлцэгдэж, батлагдах ёстой. Түүнээс Унгарын Ерөнхий сайд ирээд шөнөдөө шийдчихдэг ч асуудал биш.
-“Авто худалдааны цогцолбор”-ын дарга Д.Байдрагийг худалдаа эрхлэгчдээс 2-3 тэрбумыг цуглуулаад эхний ээлжийн хөрөнгийг босгосон гэдэг. Энэ үнэн үү?
-Д.Байдраг автомашин худалддаг нөхдүүдээс 2-3 тэрбум төгрөг цуглуулаад дээрээс нь дуудлага худалдаагаар газар зарсан байдаг юм. Угтаа дуудлага худалдаагаар олсон мөнгийг Нийслэлийн төсөвт төвлөрүүлэх ёстой. Гэтэл тэр мөнгийг төсөвт төвлөрүүлэлгүйгээр Авто цогцолбор хавьцаа шингээчихээд яг хэдэн төгрөг цуглуулсан, хэдийг нь зарцуулсан, ямар ч тайлан тооцоогүй яваад байна.
Хэрвээ үнэхээр энд ямар нэг маапаан ороогүй бол шилэн дансны хуулиараа хэдэн төгрөг цуглуулав, юу, юунд зарцуулав, цаашид хэдэн төгрөг хэрэгтэй байна вэ гээд ил явах ёстой. Тийм болохоор Д.Байдрагийг хардах бүрэн үндэстэй юм.
Дээр нь Улсын эзэмшлийн газар барихын тулд хүмүүсээс мөнгө цуглуулна гэдэг чинь хууль бус биз дээ. Адаглаад дараа нь тэр байгууламжийг хэн өмчлөх вэ гэдгээс эхлээд маргаан үүснэ.
