-
2016 оны 1 сарын 27
Дархан-Уул аймгийн Гэмт хэргээс урьдчилан сэргийлэх арга зүйн зөвлөлөөс “Өсвөр үеэ мансуурлаас сэргийлье” сэдэвт аяныг 2015 оны 12 дугаар сарын 20-ноос 2016 оны 02 дугаар сарын 20-ны хооронд 2 сарын хугацаатайгаар зохион байгуулж байна.
Аяны хүрээнд аймгийн Прокурорын газар нь Цагдаагийн газар, Эрүүл мэндийн газар зэрэг байгууллагуудтай хамтран ерөнхий боловсролын сургуулийн 10-11 дүгээр ангийн 500 гаруй сурагчидад мансууруулах бодис, эм бэлдмэлийн хор уршиг, үүнээс үүдэн гарах үр дагавар болон гэмт хэрэг, зөрчлөөс хэрхэн урьдчилан сэргийлэх талаар яриа таниулга, сургалтыг зохион байгуулжээ.
-
2016 оны 1 сарын 27
Авлигатай тэмцэх газраас улсын хэмжээнд зохион байгуулдаг албан тушаалтнуудын хувийн ашиг сонирхлын болон хөрөнгө, орлогын мэдүүлгийн бүрдүүлэлтийн үйл ажиллагаа үргэлжилж байна.
-
2016 оны 1 сарын 27
Авлигатай тэмцэх газраас Авлигын эсрэг хуулийн 13 дугаар зүйлийн 13.1, 13.5, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 26 дугаар зүйлийн 26.1 дэх хэсэгт заасныг тус тус үндэслэн Монгол, Оросын хувь нийлүүлсэн нийгэмлэг Улаанбаатар төмөр замын удирдах 227 албан тушаалтны 2013, 2014 оны хувийн ашиг сонирхлын мэдүүлэг болон хөрөнгө, орлогын мэдүүлгийг хянан үзсэн байна.
Шалгалтын хүрээнд гарсан зөрчлийг арилгах, хууль тогтоомж зөрчсөн албан тушаалтнуудад хариуцлага тооцох, цаашид тухайн байгууллагадаа Авлигын эсрэг хуулийн 6 дугаар зүйл, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 7 дугаар зүйлд заасан нийтлэг үүргийг хэрэгжүүлэн ажиллах талаар Монгол, Оросын хувь нийлүүлсэн нийгэмлэг Улаанбаатар төмөр замын дарга Л.Пүрэвбаатарт албан бичиг хүргүүлэв.
-
2016 оны 1 сарын 27
Авлигатай тэмцэх газраас нээлттэй сонгон шалгаруулсан хөндлөнгийн шинжээчдийн яамдад хийсэн авлигын эсрэг үйл ажиллагааны 2015 оны үнэлгээний дүнтэй холбогдуулан Гадаад хэргийн яаманд уулзалт зохион байгуулав.
Гадаад хэргийн яамны үйл ажиллагааны ил тод, нээлттэй байдлыг хангахад чиглэсэн арга хэмжээг авч хэрэгжүүлэх, заавар зөвлөгөө өгөх, 2016 оны авлигын эсрэг үйл ажиллагааг хэрэгжүүлэхэд нь дэмжлэг үзүүлэх, арга зүйн удирдлагаар хангах, Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг сурталчлах, сургалт зохион байгуулах, авлигын эсрэг хууль тогтоомжийн хэрэгжилттэй газар дээр нь танилцах зорилгоор Авлигатай тэмцэх газрын ажилтнууд тус яамны Төрийн нарийн бичгийн дарга Д.Ганхуяг болон холбогдох албан тушаалтнуудад удирдамжаа танилцуулж, авлигаас урьдчилан сэргийлэх чиглэлээр холбогдох үйл ажиллагааг эхлүүллээ.
-
2016 оны 1 сарын 27
Нийслэлийн онцгой байдлын газраас гэр хорооллын гал түймрийн тоо хохирлыг бууруулах чиглэлээр дүүргүүдийн гэр хороололд зохион байгуулсан нэгдсэн арга хэмжээ амжилттай зохион байгуулагдаж өндөрлөх гэж байна. Энэ арга хэмжээг зохион байгуулснаар гэр хорооллын гал түймрийн тоо, хохирол өмнөх оны мөн үеийнхтэй харьцуулахад 24,7 хувиар буурсан эерэг үзүүлэлттэй байна. Нэгдсэн арга хэмжээг дэмжиж төрийн болон төрийн бус байгууллагууд идэвхитэй оролцож иргэд талархалтайгаар хүлээн авч өөрсдийн гэр орон сууц, амьдрах орчны галын аюулгүй байдлыг хангаснаар ийнхүү галын тоо буурсан үр дүнд хүрлээ. Нэгдсэн арга хэмжээний хаалтын ажиллагаа өнөөдөр 11:30 цагаас Хан-Уул дүүргийн Мишээл экспо төвд зохион байгуулагдах гэж байна.
-
2016 оны 1 сарын 27
Томуу, томуу төст өвчин нь вирусээр үүсдэг амьсгалын цочмог халдварт өвчин юм. Амьсгалын замын цочмог халдварт өвчин нь халуурах, толгой өвдөх, ханиалгах, хамраас нус гоожих, үе мөч, булчингаар өвдөх буюу ерөнхий хордлогын шинжээр илэрдэг.
Томуу, томуу төст өвчнөөс хэрхэн сэргийлэх вэ?
Өвчлөлөөс сэргийлэх хамгийн сайн хамгаалалт нь биеийн эсэргүүцэл сайн байх явдал тул витаминлаг чанарлаг хоол идэх, биеийн тамирын дасгал, хөдөлгөөнийг эрхэмлэн, ажил амралтаа зохицуулж, хангалттай амрах
Улирлын байдалд тохируулан хувцаслах, хүйтэнд малгай, ороолт, бээлий хэрэглэх
Хамрын салстыг сонгино, сармисын тосон ханд, оксолины тос түрхэх
Гичтэй бүлээн усанд хөлөө 5-10 минут дүрж, хөлний уланд тосон иллэг хийх
Витамин С-ээр элбэг жимс болон шүүс, витамин С-г хэрэглэх
Өдөрт 2-3 хумс сармисыг хоол ундандаа хэрэглэх
Томуу, томуу төст өвчнөөс сэргийлэх цэгчилсэн иллэг хийх
Содын уусмал, царван, морин шарилжны хандаар хоолой зайлах
Гэр, сургууль, цэцэрлэг, ажлын байрандаа цэвэр агаар оруулж, өдөрт чийгтэй цэвэрлэгээг 2-оос доошгүй удаа хийх зэрэг энгийн аргуудыг хэрэглэхээс гадна, Томуу, томуу төст өвчнөөс сэргийлэх эмийн бэлдмэлүүдийг худалдан авч зааврын дагуу хэрэглэвэл үр дүнтэй байдаг.
Томуу, томуу төст өвчний шинж тэмдэг илэрвэл яах вэ?
Эмчид яаралтай хандаж, эмчийн зөвлөгөөг баримталж, хэвтрийн дэглэмийг сахиж халуун аарц, сармистай хар шөл, чацарганы шүүс, халуун гичтэй хоол, цагаан танг буцалган уух, амаар уух шингэнийг ихээр хэрэглэх
Амны хаалт зүүх
Гараа сайтар савандаж угаах, хүүхдийн тоглоом, аяга, халбага болон шүдний сойзыг өдөр бүр содын уусмалаар ариутгах
Үзвэр үйлчилгээ, олон нийтийн газар аль болох очихоос татгалзах, сэлгүүцэхгүй байх
Томуу, томуу төст өвчний үед эмийг эмч болон эм зүйчийн өгсөн зааврын дагуу хэрэглэх, дур мэдэн антибиотик хэрэглэхээс зайлсхийх
Томуу өвчний үед вируст сонгомол үйлчлэх эмүүдэд: интерферон, ремантадин, амандатин, тамифлю, оксолины түрхлэг орно
Томуу төст өвчинд шинж тэмдгийн эмчилгээ хийнэ. Үүнд: халуун бууруулах, ханиалга намдаах, амьсгалын замыг чөлөөлөх, хордлого тайлах шингэн хэрэглэх
-
2016 оны 1 сарын 27
Улаанбаатар хотын замын хөдөлгөөний аюулгүй байдлыг хангах үйл ажиллагааг удирдан зохион байгуулах ажлын хэсгээс Сонгинохайрхан дүүргийн 23-р хороо, 34-Б байрны хойд талаас 21-р хорооллын уулзвар чиглэлд 0,89 км автозам шинээр барихаар төлөвлөж өнгөрсөн оны 10 сараас эхлэн нийтийн үйлчилгээний Улаанбаатар нэгтгэл зам барилгын ажлыг гүйцэтгэсэн юм.
Нэгдүгээр хорооллоос гэр хорооллын гудамж дундуур гараад 21-р хорооллын уулзвар хүрэх энэ хэсгээр зорчих тээврийн хэрэгсэл их байдаг бөгөөд шороон замтай байх үед тоосжилт ихтэй байсан байна. Энэхүү замыг бүрэн ашиглалтад оруулснаар тоосжилт багасч Энхтайваны өргөн чөлөө болон Үйлдвэрчний эвлэлийн гудамжийн хөдөлгөөний ачаалал буурна гэж тооцож байгаа юм.
Тус замын зурваст багтсан 30 гаруй иргэний хашааг татуулж газар чөлөөлөлт хийсэн ч 2 иргэн газраа чөлөөлөөгүйгээс шалтгаалан замын зорчих хэсэг нарийсч тээврийн хэрэгсэл зөрөх боломжгүй, зам тээврийн осол гэмтэл гарч болзошгүй ноцтой нөхцөл байдал үүссэн байна. Эдгээр иргэдтэй Нийслэлийн өмчийн харилцааны газраас замын ажил эхлэхээс өмнө үнэ тохиролцсон боловч ажил эхэлсний дараа тухайн иргэд газрын төлбөр нэмж өгөхийг шаарджээ.
Хэрэв эдгээр иргэдийн газрыг татуулж чадвал Нэгдүгээр хорооллын хойд талаас 21-р хорооллын уулзвар хүртэл тээврийн хэрэгсэл ямар ч саадгүйгээр нэвтрэх боломж бүрдэж, тухайн орчны замын хөдөлгөөний ачаалал эрс буурах боломж бүрдэнэ гэж Улаанбаатар хотын замын хөдөлгөөний аюулгүй байдлыг хангах үйл ажиллагааг удирдан зохион байгуулах ажлын хэсгээс мэдээллээ.
-
2016 оны 1 сарын 27
Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Ажлын хэсэг байгуулах тухай” А/57 дугаар захирамж гаргалаа. Захирамжаар төвлөрлийг сааруулах, төрөөс үзүүлж буй үйлчилгээг иргэдэд шуурхай чирэгдэлгүй хүргэх, нийгмийн халамжийн үйлчилгээний хүртээмжийг сайжруулах зорилтын xүрээнд хорооноос иргэдэд шууд үйлчилгээ үзүүлж болох халамжийн үйлчилгээний хүртээмжийн талаар тооцоо судалгаа хийж, зөвлөмж боловсруулах ажлын хэсгийг байгууллаа.
Гэр хорооллын хороодын хөгжлийн бэрхшээлтэй, өрх толгойлсон зорилтот бүлгийн иргэдэд нэн шаардлагатай нийгмийн халамжийн үйлчилгээг тодорхойлж холбогдох байгууллагуудтай хамтран ажиллахыг ажлын хэсэгт даалгав.
Ажлын хэсгээс боловсруулсан санал зөвлөмжийг хэрэгжүүлэн ажиллахыг дүүргүүдийн Засаг дарга, Нийгмийн халамж үйлчилгээний хэлтсүүд, хороодын Засаг дарга нарт, захирамжийн хэрэгжилтэд хяналт тавьж ажиллахыг нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалайд үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 27
Барилга хот байгуулалтын яамнаас захиалж “Бэрэн констракшн энд автомэшн” компанийн гүйцэтгэсэн “Хангай” хотхоны харуусал дагуулам дүр зургийн талаар энэ удаад хөндөж байна.
-
2016 оны 1 сарын 27
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр сахиус тахих, угаал үйлдэх, сан тавих, бэрийн үйл, өлзийг өгүүлэх, балин өргөх, төмөр, шаврыг цутгах, чимэг зүүх, залбирал үйлдэх, хэв сийлэх, мал адгуус муулах үйл, гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Хиншүү хярвас гаргах, найрамдах, бэрийн үйл, хатуу үйл, үхээрийн үйлд муу. Өвдвөл найм, арав хоногтоо хүчир, түүнээс хэтэрвэл амархан амирлана. Зам гарвал эд олно, тус бүхэн бүтнэ. Зүүн нүд татвал хувцас олно, баруун бол жуулчин ирнэ. Баруун чих хангинавал баясгалантай, зүүн бол муу. Өдрийн сайн цаг нь луу, могой, хонь, нохой, хулгана, үхэр болой. Үс шинээр үргээлгэх буюу засуулбал эд малын гарлагатай.
-
2016 оны 1 сарын 27
2016 оны 01 дүгээр сарын 26-ны 20 цагаас 01 дүгээр сарын 27-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Багавтар үүлтэй. Цас орохгүй. Салхи зүүн өмнөөс секундэд 5-10 метр. Завхан голын эхээр шөнөдөө 45-50 градус, өдөртөө 35-40 градус, Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 37-42 градус, өдөртөө 23-28 градус, Алтайн өвөр говиор шөнөдөө 18-23 градус, өдөртөө 9-14 градус, бусад нутгаар шөнөдөө 25-30 градус, өдөртөө 14-19 градус хүйтэн байна.
ТӨВИЙН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр бага зэргийн цас орно. Өдөртөө цас орохгүй. Салхи хойноос секундэд 6-11 метр, явган шуурга шуурна. Дархадын хотгороор шөнөдөө 36-41 градус, өдөртөө 26-31 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 28-33 градус, өдөртөө 18-23 градус, бусад нутгаар шөнөдөө 23-28 градус, өдөртөө 15-20 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Шөнөдөө нутгийн хойд хэсгээр бага зэргийн цас орж, явган шуурга шуурна. Өдөртөө цас орохгүй. Салхи хойноос секундэд 6-11 метр, зарим газраар секундэд 12-14 метр хүрч ширүүснэ. Хэрлэн, Улз, Халх голын сав газар, Дарьгангын тал нутгаар шөнөдөө 25-30 градус, өдөртөө 16-21 градус, бусад нутгаар шөнөдөө 21-26 градус, өдөртөө 13-18 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруунаас секундэд 7-12 метр. Шөнөдөө 28-30 градус, өдөртөө 16-18 градус хүйтэн байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 6-11 метр, явган шуурга шуурна. Өмнөговийн нутгаар шөнөдөө 18-23 градус, өдөртөө 9-14 градус, бусад нутгаар шөнөдөө 23-28 градус, өдөртөө 12-17 градус хүйтэн байна.
УЛААНБААТАР ХОТ: Үүлшинэ. Шөнөдөө бага зэргийн цас орно. Өдөртөө цас орохгүй. Салхи хойноос секундэд 6-11 метр, явган шуурга шуурна. Шөнөдөө Яармаг-Сонгины орчмоор 30-32 градус, бусад хэсгээр 26-28 градус, өдөртөө 18-20 градус хүйтэн байна.
-
2016 оны 1 сарын 26
Азийн хөгжлийн банк, Монгол Улсын Засгийн газар өнөөдөр 7 сая доллар өртөгтэй буцалтгүй тусламжийн 3 төслийн гэрээнд гарын үсэг зурлаа. Эдгээр нь Хөвсгөл нуурын байгалийн цогцолборт газрын байгаль орчин ба иргэдийн амьжиргааг сайжруулах, Монголын алслагдсан баруун бүсэд сургуулийн дотуур байрны нөхцөл сайжруулах, Улаанбаатар хотод төлбөрийн чадварт нийцсэн орон сууцны төслийн бэлтгэл ажлыг хангах техник туслалцааны төсөл юм.
Улаанбаатар хотод төлбөрийн чадварт нийцсэн орон сууцны төслийн бэлтгэл ажлыг хангах техник туслалцааны төслийн гэрээнд нийслэлийн Засаг даргын Хот байгуулалт, хөрөнгө оруулалт хариуцсан орлогч С.Очирбат, Сангийн яамны Хөгжлийн санхүүжилт, өрийн удирдлагын газрын дарга Б.Гантулга, Азийн хөгжлийн банкны Монгол Улсыг хариуцсан захирал Роберт Шоелхаммер нар гарын үсэг зурлаа.
Дээрх төслүүдийг Азийн хөгжлийн банкаар дамжин Япон Улсын Засгийн газрын буцалтгүй тусламжийн эх үүсвэртэй Ядуурлыг бууруулах японы сангаас санхүүжүүлэх бөгөөд Улаанбаатар хотод төлбөрийн чадварт нийцсэн орон сууцны төслийн бэлтгэл ажлыг хангах техник туслалцааны төсөлд нэг сая долларын санхүүжилт үзүүлнэ. Уг төсөл нь нийслэл хотын нэн тэргүүний тулгамдаж буй асуудал болох агаар, хөрсний бохирдлыг бууруулах, амьдрах орчныг сайжруулахад Улаанбаатар хотын захиргаанаас хэрэгжүүлж байгаа санаачилгыг дэмжин ажиллана.
Энэ үеэр Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат “Улаанбаатар хотод өнгөрсөн жил 22 мянга гаруй өрх орон сууцанд орсон. Судалгаагаар орон сууцанд орсон өрхийн дундаж орлого нэг сая төгрөг ба түүнээс дээш байгаа юм. Харин түүнээс доош орлоготой өрөхөд зориулсан орон сууцны бодлогыг бид хэрэгжүүлж эхлээд байна. Энэ нь төлбөрийн чадварт нийцсэн орон сууцны төсөл. Уг төслийн бэлтгэл ажлыг бүрэн хангахад шаардагдах санхүүжилтэд Японы Улсын Засгийн газар, Азийн хөгжлийн банк дэмжлэг үзүүлж буйд нийслэлийн удирдлагууд болон нийт иргэдийнхээ өмнөөс талархал илэрхийлье” гэж онцлон хэллээ.
Нийслэлийн гэр хорооллыг дахин төлөвлөж орон сууцжуулах гэр хорооллын дахин төлөвлөлтийн төсөл нь Нийслэлийн Засаг даргын 2013-2016 оны үйл ажиллагааны хөтөлбөр, УИХ-аар батлагдсан Улаанбаатар хотыг 2020 он хүртэл хөгжүүлэх хөгжлийн хөтөлбө, 2030 он хүртэлх хөгжлийн чиг хандлага баримт бичигт тусгагдсан урт хугацааны хөтөлбөр юм. Улаанбаатар хотод төлбөрийн чадварт нийцсэн орон сууцны төслийн бэлтгэл ажлыг хангах техник туслалцааны төслийг найман сарын хугацаанд хэрэгжүүлэх бөгөөд Нийслэлийн Засаг даргын Тамгын газар, Орон сууцны корпораци хариуцан ажиллана гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 26
Хууль зүйн сайд Д.Дорлигжав өчигдөр Тахарын ерөнхий газарт ажилласан.
-
2016 оны 1 сарын 26
Баян-Өлгий аймгийн прокурорын газраас 2016 оны 01 дүгээр сарын 22-ны өдөр тус аймгийн Мэргэжлийн хяналтын газрын улсын байцаагч нарт “Захиргааны зөрчлийн хэрэг бүртгэлтийн ажиллагаанд анхаарах асуудал” сэдвээр сургалт явуулжээ.
Тус прокурорын газраас Аймгийн мэргэжлийн хяналтын газрын улсын байцаагч нараас Захиргааны зөрчлийн хэрэг бүртгэлтийн ажиллагаа явуулахдаа холбогдох хууль тогтоомжийг хэрхэн хэрэгжүүлж байгаа байдлыг 2015 онд 2 удаа шалгасан ба шалгалтаар Баян-Өлгий аймгийн Мэргэжлийн хяналтын улсын байцаагч нар нь захиргааны зөрчилд хариуцлага оногдуулахдаа торгуулийн хуудас, шийтгэвэрт хариуцлага хүлээлгэх хууль тогтоомжийн холбогдох зүйл, заалтыг зөв бичдэггүй, торгох шийтгэлийг хуульд заасан хэмжээгээр оногдуулдаггүй, зөрчлийг нотолж буй нотлох баримтуудыг материалд хавсаргадаггүй, зөрчил гаргасан этгээдийн эрхийг хангах талаар хуулиар тогтоосон журмыг хэрэгжүүлэх ажил хангалтгүй зэрэг зөрчлүүд илэрсэн байна.
Сургалтын явцад захиргааны зөрчлийг Өршөөл үзүүлэх тухай хуульд хэрхэн хамруулах, шинэчлэн батлагдсан Зөрчлийн тухай хуулийг хэрэгжүүлэх бэлтгэл ажлын талаар харилцан ярилцаж, дээрх зөрчил дутагдлыг давтан гаргахгүй байх, хуулийг нэг мөр ойлгон хэрэгжүүлэх талаар прокуророос үүрэг, чиглэл өгсөн байна.
-
2016 оны 1 сарын 26
Сэлэнгэ аймгийн прокурорын газраас Цагдаагийн газар, хүүхэд, гэр бүл хөгжлийн төвтэй хамтран Сүхбаатар сумын иргэдээс архи согтууруулах ундааг хэрэглэн, гэр бүлийнхээ болон бусдын амгалан тайван байдлыг алдагдуулах зөрчил байнга гаргадаг хүмүүсийн дунд ‘’Гэр бүлийн хүчирхийллийн эсрэг – бүртгэл” нэгдсэн арга хэмжээг зохион байгуулсан ба аймгийн прокурорын газраас ‘’Архидан согтуурахтай тэмцэх тухай хууль“, ‘’Гэмт хэргээс урьдчилан сэргийлэх тухай хууль”-ийн талаар болон аймгийн хэмжээнд 2015 онд бүртгэгдсэн гэмт хэрэг, зөрчлийн шалтгаан, нөхцөл, гэмт хэргээс урьдчилан сэргийлэх талаар яриа таниулга хийжээ.
Уг арга хэмжээний хүрээнд нийт 17 иргэнийг Цагдаагийн газрын бүртгэлд шинээр бүртгэн авсан байх бөгөөд цаашид бусад сумдуудад дээрх арга хэмжээг зохион байгуулж, ажиллахаар төлөвлөсөн байна.
-
2016 оны 1 сарын 26
”Хааны эрэлд” олон улсын сургуульд 47 орны цэргүүд оролцохоор товложээ
-
2016 оны 1 сарын 26
“Улаанбаатар хотын Захирагчийн ажлын алба”, “Нийтийн үйлчилгээний Улаанбаатар нэгтгэл”, Үндэсний цэцэрлэгт хүрээлэн, Улаанбаатар дээд сургууль, Японы Жайка олон улсын байгууллагатай хамтран “Улаанбаатар хотыг ногооруулах төсөл”-ийг гурван жилийн хугацаанд хэрэгжүүллээ. Төслийн хаалтын ажиллагаа өнөөдөр болж тайлангийн хурлаа тавилаа. Энэхүү хуралд Япон Улсын Элчин сайд Т.Шимизү, Улаанбаатар хотын Ерөнхий менежер Б. Бадрал, холбогдох албаныхан, ногоон байгууламжийн сургалтанд хамрагдсан цэцэрлэгч нар оролцсон.
Төслийг Япон улсын Жайка байгууллагаас 2013-2015 онд хэрэгжүүлсэн. Төсөл хэрэгжсэн 3 жилийн хугацаанд нийтдээ 277 хүнийг цэцэрлэгчний сургалтанд сургаж мэргэжил олгосон юм. Мөн 12 хүнийг Японы Хоккайдо мужид 45 хоногийн сургалтанд хамруулан цэцэрлэгчин бэлтгэх багш сургагчаар сургаж төгсгөсөн.
Төслийн хүрээнд 5 нэр төрлийн тарьц, суулгацыг Үндэсний цэцэрлэгт хүрээлэнд тарьж Монгол орны нөхцөлд ургуулж болох эсэх туршилтыг явуулжээ.
Төслийн нээлтийн ажиллагааны үеэр Хотын Ерөнхий менежер Б.Бадрал “Японы ард түмний буцалтгүй тусламжаар монголын ногоон байгууламжийг нэмэгдүүлэх цэцэрлэгчдийг бэлтгэж өгсөнд талархаж байна. Мөнгөн тусламжаас илүү оюуны мэдлэгийг олгох нь хамгийн том хөрөнгө оруулалт болдог. Цаашид ч хамтын ажиллагаагаа өргөжүүлэн хөгжүүлж хамтран ажиллана” гэдэгт итгэлтэй байгаагаа хэлсэн.
Японы Элчин сайд Т.Шимизү “Монгол Японы хамтын ажиллагаа улам бүр өргөжин хөгжиж байна. Жайка байгууллага Улаанбаатар хотын ногоон байгууламжийг нэмэгдүүлэхэд хамтран ажилласанд баяртай байна. Цаашид ч бидний хамтын ажиллагаа улам бүр өргөжих болно” гэлээ гэж Улаанбаатар хотын Захирагчийн ажлын албанаас мэдээллээ.
-
2016 оны 1 сарын 26
Нийслэлийн Засаг даргын Санхүү эдийн засгийн асуудал хариуцсан орлогч Н.Батаа өнөөдөр Унгар Улсын үндэсний худалдааны танхимын гүйцэтгэх захирал, хатагтай Дуксай Олай Зсанет тэргүүтэй төлөөлөгчдийг хүлээн авч уулзлаа.
Нийслэлийн Засаг дарга өнгөрсөн оны 12 сард Унгар улсын Будапешт хотод ажлын айлчлал хийсэн бөгөөд айллалын үеэр Улаанбаатар хотын хөгжлийн корпорацийн захирал Э.Тэмүүлин Унгарын Үндэсний Худалдааны газрын гүйцэтгэх захирал Дукса-Олай Зсанет нар 5 салбар чиглэлээр хамтран ажиллахаар хамтын ажиллагааны гэрээнд гарын үсэг зурсан юм.
Өнөөдрийн уулзалтаар санамж бичигт туссан нийслэл хотын автобус угсрах үйлдвэрийн төсөл, Ухаалаг бизнес болон үзвэр үйлчилгээний төв байгуулах загвар төсөл, Туул голын үерийн менежментийн төсөл, Барилгын материал үйлдвэрлэх төсөл, Хөдөө аж ахуйн бүтээгдэхүүн, хоол хүнс боловсруулах төслүүдийг хэрхэн хэрэгжүүлэх талаар талууд санал солилцлоо.
Хатагтай Дуксай Олай Зсанет төслийг хэрэгжүүлэхэд зориулж Унгарын Экзим банкнаас 25 сая еврогийн зээл олгохоор болсныг дуулгасан бөгөөд төсөл тус бүр дээр хамтарсан ажлыг хэсэг байгуулж ажиллаж байгааг хэллээ.
Нийслэлийн Засаг даргын Санхүү эдийн засгийн асуудал хариуцсан орлогч Н.Батаа Монгол Улс Унгар Улстай эртний найрсаг харилцаатай байсныг онцлоод Унгар улсын хөрөнгө оруулалтаар хэрэгжүүлэх төслүүд ажилттай хэрэгжинэ гэдэгт эргэлзэхгүй байгаагаа илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 1 сарын 26
Жил бүр уламжлал болгон зохион байгуулдаг “Алтан төл”-ийн эзэд тодорчээ.
=
-
2016 оны 1 сарын 26
Ерөнхий боловсролын 200 сургуульд өнөөдрөөс физикийн сургалт, туршилтын лабораторитой боллоо.
