-
2016 оны 2 сарын 26
Улсын Ерөнхий прокурорын дэргэдэх Мөрдөн байцаах албаны даргаар ажиллаж байсан И.Пүрэвцогт өршөөлийн хуулиар суллагджээ.
-
2016 оны 2 сарын 26
П.Доржсүрэн: Барилгын компаниуд орон сууцаа нураахад иргэд өмчгүй хоцорно
Улаанбаатар хотыг 2020 он хүртэл хөгжүүлэх ерөнхий төлөвлөгөөний хүрээнд Нийслэлийн 24 байршил, 74 хэсэгчилсэн талбайд “Гэр хорооллын дахин төлөвлөлт”, 7 байршилд “Хуучин орон сууцыг дахин барилгажуулах” төсөл хэрэгжиж буй. Гэтэл Нийслэлийн удирдлагууд төсөлд шалгарсан барилгын компаниудтайгаа нийлж иргэдийн газар, орон сууцыг боловсон аргаар дээрэмдэж, ямар ч өмч хөрөнгөгүй үлдээж байгаа талаар ахмад архитектурч, ХУД-ийн иргэн П.Доржсүрэн ийнхүү ярьлаа.
- Та бол Улаанбаатар хотыг орон сууцжуулах ажилд анхнаас нь гар бие оролцож явсан хүний нэг. Тиймээс Улаанбаатар хотод хэрэгжиж эхлээд буй Дахин төлөвлөлтийн ажлын талаар байр сууриа илэрхийлэхгүй юу?
-Улаанбаатар хотод Дахин төлөвлөлт хэрэгтэй юу гэвэл хэрэгтэй. Учир нь Нийслэлийн 70 гаруй хувийг гэр хороолол, 10 гаруй хувийг насжилт гүйцсэн хуучин орон сууцнууд эзэлж байна.
Тухайлбал, ХУД-ийн Нэхмэлийн шарын барилгууд хийгээд Арьс шир, Эрчим хүчний хуучин байрнууд бүгд насжилт дууссан. Ингэснээр хөрс, орчны бохирдол ихтэй, хүн амьдрахад тохиромжгүй газар болсон. Тиймээс иргэд өөрсдөө Нийслэлийн удирдлагуудтай уулзалт хийж, гурван удаа “Хүн амьдарч болохгүй” гэсэн тодорхойлолт гаргуулснаар дахин барилгажуулах асуудал анх сөхөгдсөн түүхтэй.
-Хэдэн онд гэсэн үг вэ?
- 2005 оноос эхэлж иргэд арав гаруй жил хөөцөлдөж байж энэ дахин төлөвлөлтийн ажлыг шийдвэрлүүлсэн. Улмаар дээрх онд “Чингисийн өргөн чөлөө” орон сууцны цогцолбор хорооллын хэсэгчилсэн төлөвлөгөө батлагдаж, иргэд өөрсдөө ТЭЗҮ-ийг нь боловсруулж өгч байсан юм.
Гэвч энэ нь он дамжин явсаар одоогийн Нийслэлийн Засаг даргын гол ажил болж, хуучин орон сууцуудыг дахин барилгажуулж эхэлсэн.
Өнөөдрийн байдлаар ХУД-т энэ ажил түлхүү явагдаж байгаа бөгөөд Нэхмэлийн шарын 1, 28 7, 5, 6, 10, 11, 16 гэсэн найман байранд Японы хөрөнгө оруулалттай “Фүжи Холдинг” компани 4 дүгээр сард барилга угсралтын ажлаа эхлэхээр болоод байна. Тиймээс энэ сарын 25-аас Фүжи Холдинг компани 8 байрныхаа СӨХ-ны дарга нартай уулзалт хийгээд явж байна.
Мөн 2016 оны 4 сард Рендер Бау гэж төсөл хэрэгжүүлэгч компани барилга угсралтынхаа ажлыг эхэлнэ. Одоо бэлтгэл ажлаа хангаад явж байна.
Дээр нь “Эфес”, “Апек”, “Нутгийн Буян групп” компаниуд 2016 оны 2, 3 дугаар улиралд орон сууцны шинэ барилгуудаа ашиглалтанд оруулна гэсэн. Барилга угсралтын явц бол сайн байгаа. Гэхдээ түүний цаана эрсдэлтэй асуудлууд бас цухалзаад байна.
-Эрсдэлтэй асуудлууд цухалзаж байна гэхээр?
- Угтаа хувьчлагдсан орон сууц орчны газар, дэд бүтэцтэйгээ нийлж байж иргэдийн үл хөдлөх хөрөнгө болдог. Гэтэл Хуучин орон сууцуудыг дахин барилгажуулах төсөл иргэдийн газар, үл хөдлөхийг авчаад оронд нь 40 мкв талбай түр өгөхөө урьтал болгоод байна.
2016 оны байдлаар барилга угсралтын ажилдаа орсон 3 обьект байна. Тэдний нэг нь Эрчим хүчний 21 дугаар байрыг буулгаад ажлаа эхэлчихсэн. Гэтэл тус компани Эрчим хүчний 21 дүгээр байр төсөлд шалгарч, Дахин барилгажуулах эрхээ аваагүй. Угтаа геологийн дүгнэлт гаргуулаагүй барилга. Гэтэл энэ дээр “Апек” компани орж, 29 айлын суурин дээр 182 айлын 16 давхар орон сууц бариад дуусч байна. Гэтэл энэ барилга дээр маш том эрсдэл гарах төлөв ажиглагдаад байна.
-Шинэ барилга дээр ямар эрсдэл байж болох вэ?
-Энэ барилгыг бариулж буй барилгын компани энэ орон сууцны газрыг авахаар одоо хөөцөлдөөд явж байна. Өөрөөр хэлбэл, кадастарын зургаар тодорхойлогдсон нийт талбай тухайн компанийн мэдэлд очиж, дундын өмчлөлийн талбай дээр нь хүтэл дахин барилга барих боломж нь бүрдэж байгаа юм.
Хоёрдугаарт, бичил дэд бүтэц буюу анхны худаг хүртэлх шугам сүлжээг нь иргэд хувьчилж аваад өөрсдийнхөө мэдэлд байлгана гэсэн асуудал эрсдэлтэй болж байна.
Гуравдугаарт, энэ бол хамгийн аймшигтай асуудал. Тухайлбал, дахин барилгажуулах төсөлд шалгарсан 29 айлын орон сууц маань 182 айлын орон сууц болж шинэчлэгдэхдээ хөрөнгө оруулалт гаргаж бариулсан “Апек” компанийн мэдэлд шилжих гэж байна.
Тэгэхээр иргэд зөвхөн 1-2 өрөө байрны мкв-таа л ашиглах, өмчлөх эрхтэй байна. Нөгөө байр байхгүй. Хаана байгаа нь мэдэгдэхгүй.
- Тэгэхээр бариулсан компани нь хэдэн жилийн дараа барилгаа нураахад иргэд өмчгүй хоцорно гэсэн үг үү?
- Яг тийм. Гэр хорооллын дахин төлөвлөлт ч мөн ялгаагүй. Тийм учраас иргэд юу юугүй тухайн компанид Үл хөдлөхийн гэрчилгээгээ аваачиж өгөлгүй, эхлээд гэрээтэйгээ сайн танилцаж, хуулийн байгууллагаас зөвлөгөө авах хэрэгтэй. Гэхдээ Ерөнхий төлөвлөгөөний газар, барилгын компани хоёр өөрсдөө гэрээгээ хийчихэж байгаа учраас иргэд тэрэнд оролцож чадахгүй байна. Одоо барилгын компаниуд оршин суугчдын өмчлөх эрхийн гэрчилгээг аваад шууд Нийслэлийн Ерөнхий төлөвлөгөөний газар аваачиж батлуулаад байна.
Тэгээд Нийслэл дээр аваачихаараа “Иргэд зөвшөөрсөн. Үүнийг батлаад өг” гээд Нийслэлийн Засаг даргаар баталгаажуулчихаж байна. Ингэхээр 29 айл өрхүүд мэдээгүй байхад бүгд зөвшөөрсөн гээд газрыг нь барилгын компани өөрийнхөө нэр дээр шилжүүлээд байна.
Энэ нууцлагдмал асуудлуудыг бид ил гаргаж, дэлгэх шаардлагатай. Үүнийг хөөцөлдье гэхээр би ганцаардаж, хөгшдөж байна. Гэхдээ энэ үнэнийг тээгээд нүд аньж чадахгүй болоод өнөөдөр Нийтийн эрхийг хамгаалах холбоонд хандаж байна. Баярлалаа.
-
2016 оны 2 сарын 26
Япон Улсад зохион байгуулж буй “Гамшгаас урьдчилан сэргийлэх чиглэлийг туршлага судлах хөтөлбөрт”-т хамрагдаж байгаа ажлын хэсгээс мэдээлэл ирүүллээ.
Ажлын хэсгийн бүрэлдэхүүн өчигдөр Япон Улсын Засгийн газрын Шадар сайд Мацумото болон албаны бусад хүмүүстэй уулзалт хийн гамшгаас урьдчилан сэргийлэх, эрсдэлийг бууруулах чиглэлээр санал солилцсон байна.
Мөн Жайка –гийн Зүүн Азийн бүс хариуцсан мэргэжилтнүүдтэй уулзаж, “Газар хөдлөлтийн гамшгаас урьдчилан сэргийлэх, эрсдэлийг бууруулах чадавхийг бэхжүүлэх төслийн саналын талаар мэдээлэл авчээ.
-
2016 оны 2 сарын 26
2012 оны УИХ-ын сонгуульд өрсөлдсөн нам, эвслийн сонгуулийн сурталчилгаандаа зарцуулах дээд хязгаарыг 9.6 тэрбум төгрөгөөр тогтоож өгч байжээ.
-
2016 оны 2 сарын 26
Налайх, Багахангай дүүргийн прокурорын газраас хорихоос өөр төрлийн ялд хяналт тавих ажлын чиглэлээр Налайх, Багахангай дүүргийн Цагдаагийн байгууллагатай хамтарсан зөвлөгөөн хийсэн байна.
Зөвлөгөөнд цагдаагийн байгууллагын хэв журмын тасаг, хэсгийн байцаагч нар оролцон хорих ял нь тэнсэгдсэн, хугацааны өмнө тэнсэн суллагдсан болон ял хойшлогдсон ялтнуудад тавих хяналтын ажил, цаашид анхаарах асуудлын талаар хэлэлцэн санал солилцсон бөгөөд туслах прокурор Ж.Цэцэгмаа УЕП, ЦЕГ-ын даргын 2016.01.08-ны өдрийн А/05, А/09 тоот тушаалаар батлагдсан “Тэнсэгдсэн ялтанд хяналт тавих журам”, УЕП-ын 2015.09.03-ны өдрийн А/91 тоот тушаалаар батлагдсан “Прокурор хилийн хориг тавих, цуцлах журам”-ын талаар сургалт зохион байгуулав.
Зөвлөгөөний дараа дүүргийн хэмжээнд байгаа хорих ял нь тэнсэгдсэн болон хугацааны өмнө тэнсэн суллагдсан ялтнуудад тэдний эрх үүрэг болон дээрх 2 журмын талаар яриа таниулга хийж хууль сурталчлан ажилласан байна.
-
2016 оны 2 сарын 26
ЦЭЦЭРЛЭГИЙН БАГШ НАРЫН СУРГАЛТ БОЛЖ БАЙНА
БТСХТ-ийн Нийтийн биеийн тамир, спортын хөгжлийн хэлтсээс бага насны хүүхдүүдийн бие бялдрын боловсрол олгох үйл явц, арга зүйг боловсронгуй болгон сайжруулах, дасгал хөдөлгөөнөөр бие бялдрыг чийрэгжүүлэх, гэр бүлийн хүрээнд бага насны хүүхдийн бие бялдрыг хянан хөгжүүлэх зорилгоор цэцэрлэгийн багш нарын дундах “ХҮҮХЭД - ХӨГЖИЛ – ЭРҮҮЛ МЭНД” сэдэвт онол дадлагын сургалтыг 2016 оны 2 дугаар сарын 25-26-ны өдрүүдэд зохион байгуулна.
Тус сургалтанд хөдөө орон нутгийн сургуулийн өмнөх боловсролын байгууллагын биеийн тамирын багш, эмч, арга зүйч нар хамрагдана.
Сургалтын онолын хичээл 25-ны өдөр ЭМСЯ-ны Хурлын “Б” танхимд болсон бол дадлага хичээлийг 26-ны өдөр БТСХТ-ийн спортын “А” зааланд зохион байгуулж байна.
Дадлага хичээл 14.00 цаг хүртэл үргэлжлэх тул сэтгүүлчид та бүхнийг урьж байна.
-
2016 оны 2 сарын 26
Ховд аймгийн Засаг дарга, Дэлхийн байгаль хамгаалах сангийн Монгол дахь төлөөлөгчийн газраас Ховд аймагт зохион байгуулагдсан Баруун таван аймгийн хууль хяналтын байгууллагын дунд “Байгаль хамгаалах журмын эсрэг гэмт хэрэг, зөрчлийг бууруулахад талуудын хамтын ажиллагааг эрчимжүүлэх нь” сэдэвт хамтарсан зөвлөгөөнд Завхан аймгийн Тосонцэнгэл сум дахь Сум дундын Прокурорын газрын ахлах прокурор оролцож “Байгаль хамгаалах журмын эсрэг гэмт хэрэгтэй тэмцэх ажлын үр дүн, тулгамдаж буй асуудал” сэдвээр мэдээлэл хийж илтгэл хэлцүүлсэн байна.
Дээрх хууль хяналтын байгууллагын хамтарсан зөвлөгөөнөөр Монгол оны баруун бүсийн аймгийн хууль, хяналтын байгууллагууд хамтран бүс нутгийн хэмжээнд байгаль орчны журмын эсрэг гэмт хэргийн өнөөгийн төлөв байдлыг тодорхойлж ялангуяа зэрлэг амьтан, ургамлын аймгийн хууль бус агнуур худалдааг хянах, хамтран тэмцэхэд тулгамдаж буй бэрхшээлийг хэлэлцэж, шийдвэрлэх арга хэлбэрийг эрэлхийлж, хамтын ажиллагааны арга хэлбэрийг тодорхойлсон нь үр дүнтэй боллоо.
-
2016 оны 2 сарын 26
Нийслэлийн удирдлагын зөвлөлийн ээлжит хуралдаан болж, “Нийслэлийн Багахангай, Налайх дүүрэгтэй хил залгаа аймаг, суманд гарсан малын гоц халдварт цэцэг өвчний тархалтаас урьдчилан сэргийлэх талаар цаашид авч хэрэгжүүлэх арга хэмжээний тухай” асуудлыг хэлэлцлээ.
-
2016 оны 2 сарын 26
Мэдээллийн аюулгүй байдлын олон улсын чуулган Улаанбаатарт болно
-
2016 оны 2 сарын 26
Хүний эрхийг ноцтой зөрчсөн улсуудыг зарлалаа
Э м н е с т и Интернэшнл байгууллага 2015 оны дэлхийн хүний эрхийн төлөв байдлын тайлан гаргажээ. Тэд Засгийн газрууд ичгүүргүйгээр олон улсын хуулийг зөрчиж, хүний эрхийг хамгаалдаг институтуудыг санаатайгаар нухчин дарж байна. Зөвхөн бидний эрхэнд ч биш, эрхийгхамгаалдаг хууль тогтолцоонд заналхийлж байна гэв.
Тухайлбал, 2015 онд 122 улсад хүмүүсийг эрүүдэн шүүж, зүй бус харьцаж, 30 гаруй улс дүрвэгчдийг аюул нүүрлэж буй улс руу буцаажээ. Олон Засгийн газар НҮБ-ын хоморголон устгахаас сэргийлэх, гэмтүйлдэлд хариуцлага тооцох үйл ажиллагаанд нь санаатайгаар саад учруулж, дотооддоо хүний эрхийг сайжруулахыг зөвлөсөн зөвлөмжийг нь хүлээн авахаас татгалзаж, үл тоомсорлож байгааг тайланд дурджээ.
2015 онд иргэний болон улс төрийн эрх, эдийн засаг, нийгмийн эрхийг ноцтой зөрчсөн улс орнуудад Тайланд, Израйль, Сири, Хятад, ОХУ, Их Британи, АНУ орсон байна.
-
2016 оны 2 сарын 26
Цагдаагийн байгууллагад ”Хан-Уул дүүргийн дөрөвдүгээр хороонд байрлах ”Хүннү молл” их дэлгүүрийн дөрвөн давхрын өрөөний цонхыг хагалсан байна” гэх мэдээлэл өнгөрөгч шөнө 23:30 цагт иржээ.
-
2016 оны 2 сарын 26
Х.Тамирын хэргийг мөрдөн байцаалтад буцаав
Хар тамхины хэрэгт холбогдсон Тээврийн прокурорын газрын хяналтын прокурор Х.Тамир нарын хэргийг Нийслэлийн давж заалдах шатны шүүхэд өчигдөр хэлэлцэв. Х.Тамирыг хилээр хар тамхи нэвтрүүлж, хадгалсан, зарж борлуулсан хэрэгт буруутгаж өнгөрсөн сард анхан шатны шүүхэд шүүх хурал нь болсон ч мөрдөн байцаалтад буцаасан юм.
Гэвч хяналтын прокурор эсэргүүцэл бичсэнээр хэргийг дахин хэлэлцэж, мөрдөн байцаалтад буцаах шийд- вэрийг гаргажээ.
Х.Тамирын хэргийг мөрдөн байцаалтад буцаав
-
2016 оны 2 сарын 26
Сүхбаатар дүүргийн 17 дугаар хорооны нутаг Дамбадаржаагийн ... тоотод түймрийн улмаас гэртэйгээ шатаж нас барсан харамсалтай хэрэг өнгөрөгч хоногт гарчээ.
-
2016 оны 2 сарын 26
Үндэсний аудитын газраас нам, эвсэл, нэр дэвшигчдийн сонгуульд зарцуулах зардлын дээд хэмжээг эцсийн хувилбараар өнөөдөр зарлахаар болжээ. Өмнө нь энэхүү хэмжээг Сонгуулийн ерөнхий хорооноос зарладаг байсан бол Сонгуулийн тухай хуулинд зааснаар Үндэсний аудитын газар тогтоож нийтэд мэдээлэхээр болсон. Өнгөрсөн 2012 оны сонгуульд нам, эвслийн сонгуулийн сурталчилгаандаа зарцуулах дээд хязгаарыг 9.6 тэрбум төгрөгөөр тогтоож байсан юм.
Харин энэ удаагийн сонгуулийн нийт зардлын дээд хэмжээ өнөөдөр тодорхой болох нь.
-
2016 оны 2 сарын 26
Нийслэлийн ИТХ-ын Тэргүүлэгчдийн ээлжит хуралдаан 02 сарын 29-ний өдөр буюу Даваа гарагт болно.
-
2016 оны 2 сарын 26
Ирэх мягмар гарагаас микро автобус үйлчлилгээнд явахгүй
-
2016 оны 2 сарын 26
Танхайн хэргүүд цөөнгүй бүртгэгджээ
-
2016 оны 2 сарын 26
Улаанбаатар хотын хэмжээнд 02-р сарын 25-ний өдрийн 05:00 цагаас 02-р сарын 26-ны өдрийн 05:00 цагийн хооронд иргэд, байгууллагаас Нийт 3716 удаа холбогдсоноос, гэмт хэргийн 115, зөрчлийн 1009, согтуугийн 444, зам тээврийн ослын 272, мэдээлэл шалгахад, гэмт хэргийн шинжтэй 69 үйлдэл бүртгэгдсэнийг холбогдох нэгжүүд шалгаж байна.
№ Огноо Нийт гэмт хэрэг Илэрсэн гэмт хэрэг Хулгай
гэмт хэрэг Танхай
гэмт хэрэг ТХХАБАЖ зөрчих
1 2016.02.25 69 32 39 8 8
Дундговь аймаг: “Дэлгэрхангай сумын Эрүүл мэндийн төвд С /эр.46н/ гэгч нь архины хордлогонд ороод 02-р сарын 25-нд хүргэгдэж ирээд нас барлаа” гэсэн мэдээллийг авч шалгаж байна.
-
2016 оны 2 сарын 26
2012 оны УИХ-ын сонгуульд өрсөлдсөн нам, эвслийн сонгуулийн сурталчилгаандаа зарцуулах дээд хязгаарыг 9.6 тэрбум төгрөгөөр тогтоож өгч байжээ.
-
2016 оны 2 сарын 26
1990-иэд оноос үндэсний мөнгөн тэмдэгтийг хуурамчаар үйлдэх тохиолдол гарсаар ирсэн ба тухайн үедээ илрүүлээд, устгалд оруулж, нийтэд мэдээлэлгүй өнгөрч байсан. Харин сүүлийн жилүүдэд ийм төрлийн гэмт хэрэг ихсэх болсон бөгөөд тухай бүрт нь Төв банк, цагдаагийн байгууллага илрүүлж, шууд устгалд оруулж байгаа юм. Мөн олон нийтэд мэдээлж, сэрэмжлүүлгийг ч өгдөг болсон.
Тэгвэл хамгийн сүүлд л гэхэд, Баянгол дүүргийн 13-р хороонд байрлах “Голомт” банкинд 10 сая төгрөг тушаахаар очсон иргэний мөнгөнөөс 1 ширхэг хуурамч 20 мянгатын дэвсгэрт гарч ирсэн байна. Мөн Сонгинохайрхан дүүргийн Худалдаа хөгжлийн банкны салбарт ч хуурамч 20 мянган төгрөг илэрчээ.
Үүгээр зогсохгүй өнгөрсөн ажлын өдрүүдэд Сүхбаатар дүүргийн “Голомт” банкны салбараас Япон улсын мөнгөн тэмдэгт болох хуурамч 100 иен илэрсэн тохиолол гарчээ.
Хууль хяналтын байгууллагынхны хэлж байгаагаар 2013 оны нэгдүгээр сараас хойш энэ төрлийн гэмт хэрэг ихсэх хандлагатай болсон бөгөөд сард дунджаар гурван сая төгрөг илэрч байгаа гэнэ.
Гэмт этгээдүүд хуурамч мөнгөн тэмдэгтийг дөрвөн төрлийн аргаар хийж байгаа нь тогтоогджээ. Тухайлбал, 2006-2009 оны үед илэрсэн хуурамч мөнгөн тэмдэгтийг хэвлэлийн аргаар үйлдвэрлэж ямар нэгэн нэмэлт зүйл хийдэггүй байсан бол сүүлийн үед арга нь нарийсч хэвлэлийн тоног төхөөрөмж ашиглан 5000 дэвсгэртэд байдаг Чингисийн зургийг дардас ашиглаж хийдэг болжээ.
Мөн цонхтой 20000 дэвсгэртийн сүлдийг зориулалтын хэвлэлийн багаж ашиглан хийдэг гэнэ. Ингэж хийсэн хуурамч дэвсгэрт нь жинхэнэ мөнгөн тэмдэгтэд агуулагдах наалдац болон шинж тэмдгүүдийг бүрэн агуулсан байдаг учраас оройн цагаар нүдээр үзэж, гараар барьж ялгахад хэцүү байдаг гэнэ. Тэр ч утгаараа дээрх хуурамч мөнгөн тэмдэгтүүд нь гол төлөв банкуудад очихоороо илэрдэг аж.
Дашрамд дурдахад манай улсын мөнгөн тэмдэгтийн 0.005 хувийг хуурамч мөнгөн тэмдэгт эзэлж байгаа аж.
Манай улсад гадаадын хуурамч мөнгөн дэвсгэрт илрэх тохиолдол цөөнгүй гардаг. Тэр дундаа БНХАУ, БНСУ-ын хуурамч мөнгөн тэмдэгтүүд илрэх нь элбэг. Гэтэл энэ удаад Японы мөнгөн тэмдэгт илэрсэн нь хуурамч мөнгөн тэмдэгт хэр хурдацтай тарж байгаагийн илрэл юм.
Уг нь Японы мөнгөн дэвсгэрт нууцлалын зэрэглэл өндөртэй.
Уг нь Японы мөнгөн дэвсгэрт нууцлалын зэрэглэл өндөртэй. Мөнгөн тэмдэгт дээр нь үсэрхэг эрчүүдийн зураг байдаг гол шалтгаан нь мөнгөн дэвсгэртийг хуурамчаар үйлдвэрлэхээс сэргийлсэн байдаг гэнэ.
Гэтэл дэлхий нийтэд нууцлалын зэрэглэл өндөртэйгээрээ алдартай энэхүү мөнгөн дэсвгэрт хуурамчаар үйлдэгдэж манай улсад нэвтэрчээ. Юутай ч манай улсаас илэрсэн дээрх мөнгөн тэмдэгтийг хаанаас, хэнээр дамжин зах зээлд нийлүүлэгдсэнийг нь олж тогтоохоор хууль хяналтын байгууллага ажиллаж байна.
