-
2016 оны 3 сарын 01
Нийслэлийн удирдлагын зөвлөлийн даваа гарагийн ээлжит хуралдаан “Нийслэлийн үйлчилгээний нэгдсэн төв”-д болж, иргэдийн хандалт ихтэй үйлчилгээ үзүүлж буй нийслэлийн харъяа байгууллагууд мэдээлэл хийлээ.
“Нийслэлийн үйлчилгээний нэгдсэн төв”-ийн мэдээллийг Нийслэлийн ЗДТГ-ын Нутгийн захиргааны удирдлагын хэлтсийн дарга Ү.Ганболд танилцууллаа.
Нийслэлийн үйлчилгээний нэгдсэн төв 2016 оны 01 дүгээр сарын 04-ний өдрөөс туршилтаар, 01 дүгээр сарын 14-ний өдрөөс албан ёсоор ажиллаж эхэлсэн. Тус төвөөр нэгдүгээр сард 40 117, хоёрдугаар сард 29 649 нийт 69 766 иргэн үйлчлүүлжээ. Нийт үйлчлүүлсэн иргэдийн 60,7 хувь нь шуурхай, 8,1 хувь нь богино хугацаанд үзүүлэх, 8,9 хувь нь урт хугацаанд үзүүлэх, 22,3 хувь нь зөвлөгөө мэдээлэл авчээ.
Нийслэлийн бүртгэл статистикийн газраас тус төвд 12 улсын бүртгэгчийг тогтмол ажиллуулж, Нийслэлийн үйлчилгээний нэгдсэн төвийн 6 цонхоор иргэн, эд хөрөнгийн улсын бүртгэлийн үйлчилгээгээр үйлчилж байна. Иргэний Улсын бүртгэлийн чиглэлээр гэрлэсний бүртгэл, гэрлэлт цуцлуулсны бүртгэл, гэрлэлт сэргээсний бүртгэлт, төрсний гэрчилгээний дахин олголтын бүртгэл, гэрлэсний гэрчилгээний дахин олголтын бүртгэл, нас барсны гэрчилгээний дахин олголтын бүртгэл болон 17 төрлийн лавлагааг олгож байна. Ойрын хугацаанд төрсний бүртгэл, эцэг тогтоосны бүртгэл, иргэний шинэчилсэн бүртгэл, гадаад паспортын сунгалт, дахин олголтын үйлчилгээг үзүүлэхээр төлөвлөж байна. Харин Эд хөрөнгийн эрхийн бүртгэлийн чиглэлээр эд хөрөнгө өмчлөх эрхийн, эд хөрөнгө эзэмших эрхийн, эд хөрөнгө ашиглах эрхийн, барьцааны, батлан даалтын, түрээсийн, сервитутын, узуфруктын, бусдын газар дээр барилга байгууламж барих эрхийн, санхүүгийн түрээсийн гэрээний эрхийн, эд хөрөнгөтэй эсэх лавлагаа, барьцаанд буй эсэх лавлагааг олгож байна.
Нийслэлийн Боловсролын газраас суурь боловсролын гэрчилгээ, бүрэн дунд боловсролын үнэмлэх, оюутны цахим төлбөрийн карт, боловсролын гэрчилгэ, үнэмлэх дүйцүүлэх үйлчилгээг үзүүлж байна. Өнгөрсөн хугацаанд нийт 2570 иргэнд үйлчилгээ үзүүлжээ.
“Улаанбаатар дулааны сүлжээ” ТӨХК иргэдэд төвлөрсөн дулаан хангамжийн системд холбох техникийн нөхцөл олгох, төвлөрсөн дулаан хангамжийн системд холбох үйлчилгээ үзүүлж байна. Цаашид дулааны тоолуурын техникийн нөхцөл олгохоор судалж байгаа.
Улаанбаатар Цахилгаан түгээх сүлжээ ТӨХК үндсэн зургаан үйлчилгээ, бусад төрлийн долоон үйлчилгээг иргэдэд үзүүлж байна. Өнгөрсөн хугацаанд 937 иргэнд үйлчилжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 3 сарын 01
Монгол Улсын Хөдөлмөрийн яам, Бүгд Найрамдах Солонгос Улсын Хөдөлмөр эрхлэлт, хөдөлмөрийн яам хооронд байгуулсан санамж бичгийн дагуу БНСУ-д хөдөлмөрийн гэрээгээр ажиллах хүсэлтэй иргэдээс Солонгос хэлний түвшин тогтоох 12 дахь удаагийн шалгалт авах тов гарчээ.
-
2016 оны 3 сарын 01
Ашигт малтмалын газрын даргаар томиллоо.
-
2016 оны 3 сарын 01
Хонины цэцэг өвчин Сүхбаатар аймгийн Баруун- урт суманд 2015 оны 01 дүгээр сарын 11-нд оношлогдсон билээ. Иймд өнгөрсөн 01 дүгээр сарын 18-ны хүртлэх хугацаанд Сүхбаатар амгийн Түвшинширээ, Асгат Сүхбаатар, Мөнххаан, Түмэнцогт, Баяндэлгэр, Халзан сумд, Хэнтий аймгийн Цэнхэрмндал сум, Дорнод аймгийн Баянтүмэн сум, Дорноговь аймгийн Замын-Үүд, Эрдэнэ, Айраг, Сайхандулаан, Төв аймгийн Баяндэлгэр, Баянчандмань зэрэг 5 аймгийн 24 суманд бүртгэгдээд байна.
Мөн Баянзүрх, Налайх дүүргийн нутаг дэвсгэрийн заагт 02 дугаар сарын 25-ны өдөр цэцэг өвчин оношлогдож Баянзүрх дүүргийн Засаг даргын А/68 дугаар захирамжаар 20 дугаар хорооны нутаг дэвсгэр Бага дээндийн амны Ямаахайн тохойн хэсэг газарт 21 хоногийн хорио цээр тогтоолоо.
Цаашид өвчний тархалт нэмэгдэж болзошгүй, хүн, мал амьтан тээврийн хэрэгслийн хөдөлгөөнөөр нутаг дэвсгэрт дамжин тархах эрсдэлтэй байгаа тул ард иргэдийг малын гоц халдварт цэцэг өвчнөөс урьдчилан сэргийлж, онцын шаардлагагүй бол өвчний шинж тэмдэг илэрсэн нутаг дэвсгэрт зорчихгүй, малын гаралтай түүхий эд, арьс ширийг худалдан борлуулахгүй байхыг Баянзүрх дүүргийн Худалдаа үйлчилгээний хэлтэс болон мэргэжлийн хяналтын хэлтсээс анхаарууллаа.
-
2016 оны 3 сарын 01
Эрдэнэзуу хийдийн хамба Х.Баасансүрэн 2016 оны УИХ-ын сонгуульд нэр дэвшинэ гэх мэдээлэл цахим ертөнцөд тархаад байсан билээ.
-
2016 оны 3 сарын 01
Үндэсний сэтгүүл зүй үүсч хөгжсөний 103 жилийн ойг Нийслэлийн Засаг даргын Тамгын газар, Монголын сэтгүүлчдийн нэгдсэн эвлэлтэй хамтран 3 сарын 4-ны өдөр Соёлын төв өргөөнөө тэмдэглэхээр бэлтгэл ажил хангагдаад байна. Монголын сэтгүүлчдийн нэгдсэн эвлэлээс энэ өдрийг тодорхой сэдвийн дор тэмдэглэн, нээлттэй хэлэлцүүлэг өрнүүлж, хамтарсан тунхаг бичиг гаргадаг бөгөөд энэ удаад мэдээллийн ил тод байдал, нээлттэй засаглалын тухай ярилцах юм.
Нийслэлийн удирдлагууд энэ үеэр өнгөрсөн 4 жилийн хугацаанд нийслэл Улаанбаатар хотод хийж хэрэгжүүлсэн ажлаа сэтгүүлчдэд тайлагнахаас гадна гадна нийслэлийн Засаг даргын Тамгын газар нээлттэй ил тод засаглалыг хэрхэн хөгжүүлж байгаагаа танилцуулна.
Нийслэлийн Засаг даргын Тамгын газар нь 2012 оноос эхлэн мэдээллийн ил тод байдлыг хангах, сайн засаглалыг хөгжүүлэхэд чиглэсэн хэд хэдэн томоохон ажлуудыг хэрэгжүүлсэн бөгөөд нийслэлийн Засаг дарга 2012 онд “Мэдээллийн ил тод байдлыг хангах тухай” захирамж гаргаж, захирамжаар хувь хүний нууцын тухай, Байгууллагын нууцын тухай, Төрийн нууцын тухай хуулийн дагуу нууцад хамааруулснаас бусад бүх мэдээллийг иргэд, олон нийтэд нээлттэй байх зарчмыг баримтлан ажиллахыг нийслэлийн нутгийн захиргааны байгууллагуудад үүрэг болгосон юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 3 сарын 01
”Хөгжил Ардчилал” ТББ, Конрад Аденауэр Cангийн Монгол дахь төлөөлөгчийн газар хамтран ”Монголын эдийн засаг-Ололт, Сорилт, Боломж сэдэв дор Хөгжлийн чуулганыг 2016 оны 3-р сарын 10-ны өдөр Блю Скай зочид буудалд зохион байгуулах гэж байна.
-
2016 оны 3 сарын 01
БГД-5 ”**** саунд бусдыг биеийн үнэлүүлээд байна” гэсэн мэдээллийг 02-р сарын 27-нд авч, шалгахад: ХУД-13 хороонд суух Ж /эм.45н/ гэгч нь тус саунд 11 хүнийг биеийн үнэлүүлж байсан хэргийг БГДЦХ-2 шалгаж байна.
БГД-4 ”****-саунд бусдыг биеийн үнэлүүлээд байна” гэсэн мэдээллийг 02-р сарын 27-нд авч, шалгахад: Дархан-Уул аймаг-Дархан суманд суух С /эм.26н/ нь тус саунд 11 хүнийг биеийн үнэлүүлж байсан хэргийг БГДЦХ-2 шалгаж байна.
БГД-7 ”****-саунд бусдыг биеийн үнэлүүлээд байна” гэсэн мэдээллийг 02-р сарын 27-нд авч, шалгахад: СХД-12. Хороонд суух М /эр.25н/ нь тус саунд 2 хүнийг биеийн үнэлүүлж байсан хэргийг БГДЦХ-2 шалгаж байна.
-
2016 оны 3 сарын 01
ХУД-10. “Онцгой байдлын 30-р ангийн хашаанд баригдаж байгаа 10 давхар барилгын 6 давхараас хүн уначихлаа” гэсэн мэдээллийг 02-р сарын 27-нд авч НМХГ-ын улсын ахлах байцаагч нарыг оролцуулан шалгахад: “Монгол Алтай Гоулд” ХХК-ний туслах ажилтан, БГД-20. хороонд суух А /эр.27н/ нь тус барилгын 6 давхарт өргөгч цамхагийн өргөж байрлуулсан тавцан дээрээс унаж гэмтэн ГССҮТөвд хэвтэн эмчлүүлж байгааг ХУДЦХ-2 шалгаж байна.
-
2016 оны 3 сарын 01
Авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах ажлыг хуулийн дагуу энэ оны 1 сарын 15-ны өдрөөс 5 дугаар сарын 31-ны өдрийг дуустал зохион байгуулах болсон.
-
2016 оны 3 сарын 01
Жилийн бүрийн гуравдугаар сарын нэгэнд Дэлхийн иргэний хамгаалалтын өдрийг тэмдэглэдэг уламжлалттай.
-
2016 оны 3 сарын 01
11:30 цагт: Эх орончдын өдрөөр МАН-ын дарга М.Энхболд, МАХН-ын дарга Н.Энхбаяр тэргүүтэй хоёр намын удирдлагууд, гишүүд дэмжигчид Их жанжин Д.Сүхбаатарын хөшөөнд цэцэг өргөнө.
-
2016 оны 2 сарын 29
Завхан аймгийн Засаг даргын тамгын газрын хууль зүйн хэлтсээс санаачлан 2016 оны 02 дугаар сарын 26-ны өдөр Шүүх эрх мэдлийн болон хууль сахиулах байгууллагуудын удирдлагуудг оролцуулсан ажлын уулзалтыг Аймгийн Шүүх, Цагдаагийн газар, Шүүхийн шийдвэр гүйцэтгэх алба, Шүүхийн шинжилгээний алба, Тавдугаар тойргын Тахарын алба, Цэргийн штаб, Зэвсэгт хүчний 325 дугаар анги, Онцгой байдлын газар, Тагнуулын хэлтэс, Улсын бүртгэлийн хэлтэс зэргийг оролцуулан хийжээ.
зохион байгуулсан “Шүүх эрх мэдлийн болон хууль сахиулах байгууллагуудын удирдлагуудын ажлын уулзалт”-нд Аймгийн прокурор, Хууль цаазын итгэмжит зөвлөх Н.Ганбаатар оролцож Завхан аймгийн прокурорын газрын 2015 онд хийж гүйцэтгэсэн ажлын талаар болон аймгийн нутаг дэвсгэрийн хэмжээнд үйлдэгдсэн гэмт хэргийн гаралт, сум орон нутгийн эрүүгийн нөхцөл байдал, эрүүгийн хууль тогтоомжийн хэрэгжилт, захиргааны зөрчлийн хэрэг бүртгэх ажиллагаа, прокурор шүүхэд иргэн болон захиргааны хэрэг хянан шийдвэрлэх ажиллагаанд оролцох чиглэлийн талаар дэлгэрэнгүй мэдээлэл хийж, Монгол Улсын Ерөнхий прокурорын газраас 2016 онд дэвшүүлсэн зорилтуудыг орон нутагт хэрэгжүүлэх талаар аймгийн прокурорын газраас баримталж буй бодлого, зорилтуудыг танилцуулсан байна.
Мөн орон нутгийн төр захиргааны болон хуулийн байгууллагуудтай хамтын үйл ажиллагаагаа шинэ түвшинд гарган хамтарч ажиллах, үйл ажиллагаандаа хууль дээдлэх, хүний эрх, эрх чөлөөг хүндэтгэх, хамгаалах зарчмыг дээдэлж Гэмт хэргээс урьдчилан сэргийлэх ажлыг орон нутагт эрчимжүүлэх, гэмт хэргийн талаархи мэдээллийг хуулийн байгууллагууд тогтмол солилцож, түүндээ хамтран судалгаа, дүн шинжилгээ хийх замаар түүний гарч байгаа шалтгаан нөхцлийг тогтоож уг шалтгаан нөхцлийг арилгах, төр захиргааны байгууллага, иргэд олон нийт, аж ахуйн нэгж байгууллагуудыг гэмт хэргээс урьдчилан сэргийлэх чиглэлээр зохион байгуулж байгаа аливаа үйл ажиллагаандаа идэвхитэй татан оролцуулах, гэмт хэргээс урьдчилан сэргийлэхтэй холбогдсон хууль тогтоомжийг иргэдэд мэдээлэх, сурталчлах, сургалт зохион байгуулах, нийгэм, эдийн засаг, эрх зүйн арга хэмжээг хамтран төлөвлөж ажиллахыг хуулийн байгууллагуудад уриалжээ.
-
2016 оны 2 сарын 29
Эрүүл ахуйн тухай хуулийн шинэчилсэн найруулга өнөөдрөөс хэрэгжиж эхэлж буй. Үүнтэй холбогдуулж ЭМСЯ-ны Төрийн нарийн бичгийн дарга С.Ламбаа болон тус яамны удирдах албан тушаалтнууд мэдээлэл хийлээ.
Хэвлэлийн хурлын үеэр Эрүүл мэнд, спортын яамны Төрийн нарийн бичгийн дарга С.Ламбаа ”Улаанбаатар хотод 1956 онд нийт хүн амын 14 хувь оршин сууж байсан бол 2012 онд гэхэд 45.8 хувь нь оршин сууж байсан. Өнөөдрийн байдлаар нийслэл хотод 1.200.000 хүн амьдарч байна. Нийслэл хот Монгол Улсын нийт нутаг дэвсгэрийн 0.3 хувийг эзэлж, нийслэлийн нэг км квадрат талбайд 262 хүн ногдож байна. Эндээс ачаалал их болсон нь харагдаж байгаа юм. Тиймээс ч Ариун цэврийн тухай хуулийг Эрүүл ахуйн тухай хууль болгон өөрчлөх шаардлага ургаж гарсан” хэмээлээ.
Шинээр хэрэгжиж эхэлж буй хуулийг зөрчсөн иргэн 5.000-1.000.000 төгрөгийн торгууль төлөхөөр заасан байгаа. Тухайлбал, гудамжинд нус, цэрээ хаясан иргэнийг 5000 төгрөгөөр торгохоор хуульд заасан аж. Түүнчлэн хуулийн хэрэгжилтийг олон нийтийн хамтын ажилтны идэвхтэн, цагдаагийн албан хаагчид, сайн дурын ажилтнууд хангах юм байна.
Нэмж мэдээлэхэд, УИХ-аас анх 1998 онд баталсан Ариун цэврийн тухай хуулийг Эрүүл ахуйн тухай хууль болгон шинэчлэн найруулсан юм. Шинэчилсэн хуульд хүрээлэн байгаа орчин, хот төлөвлөлт, барилга байгууламж, ажлын байранд тавигдах эрүүл ахуйн шаардлагуудыг бүгдийг тусгасан ажээ.
-
2016 оны 2 сарын 29
Нийслэлийн прокурорын газрын ял эдлүүлэх ажиллагаанд хяналт тавих хэлтсээс санаачлан харъяа дүүргүүдийнхээ ял эдлүүлэх ажиллагаанд тавих хяналт хариуцсан прокуроруудтай уулзалт зөвлөгөөнийг 02 сарын 26-нд зохион байгуулжээ.
Зөвлөгөөнд Нийслэл, дүүргийн прокурорын газруудын Ял эдлүүлэх ажиллагаанд хяналт тавих ажил хариуцсан прокурорууд бүрэн хамрагдсан бөгөөд дүүргийн прокурорын газруудаас хяналтын ажлын явц байдлын талаар мэдээлэл хийж, ял эдлүүлэх ажиллагаанд хяналт тавих үйл ажиллагааг явуулахад тулгарч буй хүндрэл бэрхшээл, анхаарах асуудлын талаар харилцан ярилцаж санал бодлоо солилцсон ба Нийслэлийн прокурорын туслах, ял эдлүүлэх ажиллагаанд хяналт тавих хэлтсийн дарга Н.Найгалдорж хяналтын ажлын чиглэлээр анхаарах асуудлуудын талаар хугацаатай үүрэг даалгавар өгсөн байна.
-
2016 оны 2 сарын 29
Тээврийн хэрэгсэл эзэмшигч ААНБ, иргэн та Авто тээврийн болон өөрөө явагч хэрэгслийн албан татвар, Агаарын бохирдоын төлбөр, авто зам ашигласны төлбөрийг тээврийн хэрэгслийн улсын дугаарын сүүлийн оронгоос хамааран 2016 оны 1-р сарын 1-ны өдрөөс 5-р сарын 31-ны өдрийг дуустал хуулийн хугацаанд төлнө үү. Хэрэв таны тээврийн хэрэгслийн улсын дугаарын сүүлийн орон нь:
1 болон 6 дугаараар төгссөн бол 1-р сард
2 болон 7 дугаараар төгссөн бол 2-р сард
3 болон 8 дугаараар төгссөн бол 3-р сард
4 болон 9 дугаараар төгссөн бол 4-р сард
5 болон 0 дугаараар төгссөн бол 5-р сард
тус тус албан татвар, төлбөрөө төлнө.3-р сарын 1-ны өдрөөс эхлэн 1,2,6,7 дугаараар төгссөн тээврийн хэрэгслийн татвар төлөгдөөгүй тохиолдолд замын хөдөлгөөнд оролцуулахгүй ба захиргааны арга хэмжээ тооцож торгууль ногдуулахыг анхаарна уу.
-
2016 оны 2 сарын 29
Жил бүрийн дулааны улиралд буюу гуравдугаар сараас есдүгээр сард хийгддэг урсгал засвар гуравдугаар сарын 1-ний өдрөөс эхлэх гэж байна.
15Шугам сүлжээний ашиглалтыг сайжруулах, найдвартай ажиллагааг хангах зорилгоор хийдэг засвар үйлчилгээний ажлыг тухайн тоноглолыг хүчдэлээс бүрэн чөлөөлсний дараа хийхээс аргагүй байдлыг харгалзаж зарлагдсан хугацаанд хэрэглээгээ түр зохицуулан, хүлээцтэй хандахыг хэрэглэгч та бүхнээс хүсье.
Гуравдугаар сарын 1-ний мягмар гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийх тул та бүхэн зарлагдсан хугацаанд хэрэглээгээ түр зохицуулна уу.
-
2016 оны 2 сарын 29
МАХН-ын шаардлагад хариу өгчээ
-
2016 оны 2 сарын 29
Оюутнууд ирэх гуравдугаар сарын 4-ний өдөр 14.00 цагт төв талбайд тайван жагсаал хийж, өөрсдийн эрхийн төлөө дуу хоолойгоо өргөхөөр болжээ. Тэд энэхүү жагсаалаараа Засгийн газар, БСШУЯ болон бусад холбоотой байгууллагуудад хандан оюутныг ажлын байраар хангах тухай болон 70200 төгрөгийн тэтгэлэг, нийтийн тээвэр, оюутны эрхийн тухай асуудлаар үзэл бодлоо илэрхийлж, шаардлага тавих гэнэ.
Мөн тэнд цугласан нийт оюутнуудынхаа анкетыг авч, мэдээллийн бааз бүрдүүлэн, АСЕМ-д ажиллах бүртгэлийг явуулж, холбогдох байгууллагууд руу анкетыг илгээх юм байна.
Монголд нийт 217 мянган оюутан байгаа гэж үзвэл тэдний 10 хувь буюу ”21700 оюутныг ажлын байртай болгох нь” хөтөлбөрийг санаачлан явуулж буй аж. Энэ ажлын хүрээнд www.icv.mn сайтыг нээн ажиллуулахад бэлэн болжээ. Энэхүү сайтад оюутнууд өөрсдийн мэдээллийг оруулснаар ажил олгогч байгууллагуудтай холбоо тогтоох боломжтой болох юм байна.
Энэ талаар Монголын оюутны холбооны дэд ерөнхийлөгч З.Төмөртөмөр ”Ирэх долоодугаар сард оюутнуудын амралтын үе таарч байгаа учраас АСЕМ-д олон мянган оюутан ажиллах боломжтой. Хэчнээн оюутан ажиллаж болох тухай нарийн тоог гаргаагүй байгаа” гэжээ.
-
2016 оны 2 сарын 29
Орон нутгийн хөрөнгө оруулалтаар мэдээлэл технологийн үйлчилгээг хүртээмжтэй болгох ажлын хүрээнд Чингэлтэй дүүргийн 17, 72 дугаар сургуулийн дотоод сүлжээг шинэчлэх ажил хийгджээ.
