-
2015 оны 12 сарын 25
Шинэ жилийн баяр, амралтын өдрүүдэд пиротехникийн хэрэгсэл буюу салют худалдаж авахгүй, хэрэглэхгүй байхыг НОБГ-аас анхааруулж байна.
НОБГ, Улаанбаатар хотын Цагдаагийн газар, НМХГ-аас хамтран энэ сарын 15-24-нд нийслэлийн нутаг дэвсгэрт байршилтай худалдааны төв, зах, үзвэр үйлчилгээний газрууд, нийтийн эзэмшлийн зам, талбайд шинэ жилийн тоглоом, хэрэгсэл худалдан борлуулж буй иргэд, мөн хүлээн авалт, баярын арга хэмжээг тэмдэглэж буй байгууллага, аж ахуйн нэгжүүдэд шалгалт хийжээ. Шалгалтад нийт 68 объект хамруулж, галын аюулгүйн дүрэм, норм, стандартын холбогдох заалтыг зөрчсөн 235 зөрчил илрүүлж, 54 зөрчлийг газар дээр нь арилгуулан, бусад зөрчлүүдийг арилгуулахаар албан шаардлага, мэдэгдэл хүргүүлсэн байна. Энэ хүрээнд дөрвөн байгууллага, хувь хүнийг 1.500.000 /нэг сая таван зуун мянган/ төгрөгөөр торгожээ.
Мөн шинэ жилийн баярын арга хэмжээг зүй зохистой тэмдэглэн өнгөрүүлэх, гэр, орон сууц, барилга байгууламжийн цахилгааны аюулгүй байдлыг хангаж галын аюулаас урьдчилан сэргийлэх, салют борлуулахгүй, худалдан авахгүй байх, баяр тэмдэглэж буй иргэд, аж ахуйн нэгж байгууллагууд зөвшөөрөлгүйгээр ашиглах, хэрэглэхгүй байх, барилга байгууламжийн гадна талд мэргэжлийн операторчнаар буудуулж, аюулгүй байдлыг хангуулж ажиллахыг анхааруулж байна.
Үүнээс гадна иргэд гар дээрээс болон худалдааны төв, зах, бусад газруудад худалдан борлуулж буй тохиолдолд яаралтай Мэдээлэл шуурхай удирдлагын төвийн 101, 102 дугаар утсанд мэдэгдэхийг анхааруулж байна.
-
2015 оны 12 сарын 25
77 гудамжаас автомашин ачна
Замын хөдөлгөөний аюул- гүй байдлын тухай хууль өнгөр- сөн есдүгээр сарын 1-нээс хэрэгжиж эхэлсэн. Уг хуульд харьяа нугаг дэвсгэрийн ИТХ нь тээврийн хэрэгслийг зөөж шилжүүлэх, түр саатуулах хашаа ажиллуулах, төлбөрийн хувь хэмжээг тогтоохоор заасан. Нийслзлийн ИТХ-ын өчигдрийн хуралдаанаар уг асуудлыг хэ- лэлцэж баталлаа. Ингэхдээ Энхтайвны өргөн чөлөө, Бага тойруу, Сүхбаатарын гудамж, Их тойруу зэрэг 77 гудамжаас 08.00-20.00 цагийн хооронд хо- ригаосон газарт зогсож, бусдын хөдөлгөөнд саад учруулсан тээв- рийн хэрэгслийг ачиж, шилжүу- лэхээр болжээ. Мөн тээврийн хэрэгслийг ачсан төлбөрийг могоцикль 30 мянга, суудлын ангомашин, микро автобус, 3.5 тонн хүртэлх жинтэй ачааны автомашин, автобус 60 мянга, 3.5 тонноос дээш жинтэй тээврийн хэрэгслийг 90 мянган төгрөгөөр тогтоолоо. Шинэ журмын гог онцлог нь Замын цащаагийн байцаагчийн шийдвэрийн дагуу ачиж журамлах ажээ. Энэхүү журмыг ирэх оны нэщүгээр сарын 1-нээс хэрэг- жүүлэх юм.
-
2015 оны 12 сарын 25
Тост Тосонбумбын нуруун дахь цоохор ирвэсийг хэнээс ч илүү сайн мэддэг, байгаль хамгаалагч талийгаач Төмөрсүхийн Лхагвасүмбэрэлийн дурсгалыг хүндэтгэх үйл ажиллагаа өнөөдөр БОНХАЖЯ-ны Хаан танхимд боллоо.
Талийгаачийг нэхэн дурсаж, хүндэтгэл үзүүлэх үйл ажиллагаанд БОНХАЖ-ын сайд Н.Батцэрэг, Төрийн нарийн бичгийн дарга Ц.Цэнгэл болон тус яамны газар хэтсийн дарга, мэргэжилтнүүд болон Монголын Байгаль Орчны Иргэний Зөвлөл, Ирвэс хамгаалах сангийн төлөөлөл, Талийгаач Т.Лхагвасүмбэрэлийн ар гэрийнхэн оролцлоо.
Тэрээр 2010 онд Монгол Улсын Их Сургуулийг Биологич мэргэжлээр төгсөн “Ирвэс хамгаалах сан”-д биологич, ирвэс судлаач байгаль хамгаалагчаар ажиллаж байсан юм. Ажиллах хугацаандаа цоохор ирвэс, янгир ямааны судалгааг “Хос ажиглагчийн арга” ашиглан хийхийн зэрэгцээ, орон нутгийн иргэдэд болон хүүхэд залууст байгаль орчны талаарх мэдлэг олгох сургалт, судалгааны ажлыг санаачлан амжилттай зохион байгуулан ажилласан нэр хүндтэй залуу судлаач байлаа.
БОНХАЖ-ын сайд Н.Батцэрэг хэлэхдээ “Талийгаачтай уулзаж үзээгүй ч түүний ажилч хичээнгүй, хүнлэг энэрэнгүй, төлөв даруу зан чанар, мэргэжилдээ эзэн болсон байгальд элэгтэй нэгэн байсныг журмын нөхөд, ар гэрийнхэн, ахмад ажилтан, эрдэмтэн судлаачдаас сонсож мэдлээ. Дэндүү ихийг бүтээх цэл залуухан насандаа хорвоог орхисонд нь гүнээ харамсаж байна. Түүний хийсэн бүтээсэн үйл ажил бүхнийг үргэлжлүүлэн, дэлхийд ховордсон цоохор ирвэсийг хамгаалж, талийгаачийн гэгээн дурсгалыг мөнхжүүлэх үйл ажиллагаагаа цаг алдалгүй хийнэ” хэмээн хэллээ.
Талийгаачын ах Т.Ганболд дүүгийнхээ хэрхэн анх биологич мэргэжлийг хүсэн байж сонгосныг хоолой зангируулан ярьж байсан бол Ирвэс хамгаалах сангийн хамт олноос талийгаачийн амьд ахуй цагтаа хийж, хэрэгжүүлж байсан үйл хэргийг баримтат кино болгон үзүүлсэн юм.
-
2015 оны 12 сарын 25
“Замын хөдөлгөөний дүрэм”-ээр удаан зогсохыг хориглосон газарт зайлшгүй зогсолтоос бусад хэлбэрээр зогсож хөдөлгөөнд саад учруулсан тээврийн хэрэгслүүдээс болж замын хөдөлгөөний ачаалал нэмэгдэж байна. Иймд Нийслэлийн ИТХ-аас нийслэлийн хэмжээнд замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00-20:00 цагийн хооронд хориглосон газарт зогсож бусдын хөдөлгөөнд саад учруулсан тээврийн хэрэгслийг зөөж шилжүүлж байхаар шийдвэрлэж, хориглосон газарт зогссон тээврийн хэрэгслийг зөөж шилжүүлэх гудамж замуудыг баталлаа. Журам 2016 оны 1 дүгээр сарын 1-ний өдрөөс эхлэн хэрэгжих юм.
-ТЭЭВРИЙН ХЭРЭГСЭЛ ЗӨӨЖ ШИЛЖҮҮЛЭХ ТӨЛБӨР-
- Мотоцикл 30 000 төгрөг
- Суудлын автомашин, микробус, 3,5 тонн хүртэлх жинтэй ачааны автомашин, автобус 60 000 төг
- 3,5 тонноос дээш жинтэй том оврын тээюрийн хэрэгслийг 90 000 төгрөгөөр зөөж шилжүүлдэг байхаар тогтоолоо.
-ТҮР СААТУУЛАХ БАЙРНЫ ТӨЛБӨР /НЭГ ХОНОГООР/-
- Мотоцикл 3000,
- Суудлын автомашин болон 3,5 тонн хүртэлх жинтэй бүх ачааны машин 5000
- 3,5 тонноос 24 тонн хүртэлх жинтэй ачааны автомашин болон дунд оврын автобус 10 000
- Тусгай зориулалтын том оврын тээврийн хэрэгсэл, хүнд механизми 20 000 төгрөг байхаар тус тус батлав.
Тээврийн хэрэгслийг зориулалтын автомашинаар зөөж шилжүүлэхдээ тухайн байршлаас 10 км-аас дотор зөөж шилжүүлэх, зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашаа /байр/ -ны төлбөрөөс чөлөөлөх, түр саатуулах хашаа /байр/, түүний зогсоолын нийт талбайн хэмжээг 2000 м²-аас доошгүй байх, зориулалтын чирэгч, ачигч автомашины нийт тоог 100-аасихгүй байхаар тогтоолоо.
-
2015 оны 12 сарын 25
Сагсан бөмбөгийн лигийн тоглогч, сэтгүүлч Б.Батхишигт чин сэтгэлээсээ туслацгаая
-
2015 оны 12 сарын 25
09.00 цагт: “Захиргааны төвлөрлийг хэмжих арга зүйн асуудалд” сэдэвт Эрдэм шинжилгээний хурал ШУА-ийн Хүрээлэнгүүдийн нэгдсэн II байранд болно.
10.00 цагт: Чингэлтэй дүүргийн 9 дүгээр хорооны 43 дугаар цэцэрлэгийн нэмэлт бүлгийн байрыг ашиглалтад хүлээж авна.
10.30 цагт: Ө.Баттайваны бүтээл Монголын утга зохиолын мастеруудын хөргөөр бүтээгдсэн 2016 оны цагалбарын нээлт Интерном номын дэлгүүрт болно.
11:30 цагт: Монгол Улсын оны онцлох хүүхдүүдэд шагнал гардуулах ёслолын арга хэмжээ Төрийн ёслол хүндэтгэлийн танхим /9 хөлт цагаан тугтай танхим/-д болно.
12.00 цагт: Баянгол дүүргийн 100 өвлийн өвгөн, үлгэрийн баатруудын парад болно. БГД-ийн ЗДТГ-аас 25 дугаар эмийн сангаар өгсөөд хорооллын төв замаар алхаад Өргөө кинотеатр дээр өндөрлөнө.
12.00 цагт: Хан-Уул дүүргийн 10 дугаар хороо буюу Нисэхэд дүүргийн хөрөнгө оруулалтаар баригдсан 150 хүүхдийн ортой 230 дугаар цэцэрлэгийн нээлт болно.
13.00 цагт: Уул уурхайн салбар байгуулагдсаны 93 жилийн ойн хүрээнд зохион байгуулагдаж байгаа ”Хөгжлийн төлөө хамтдаа” онол практикийн бага хурал ШУТИС-ын хөгжлийн төвд болно.
13.00 цагт: Төрийн орон сууцны корпорацийн захиалгаар баригдаж буй “Буянт-Ухаа 2” хорооллын эхний ээлжийн 1620 айлын орон сууцны барилгын нээлтийн ажиллагаа ”Буянт-Ухаа 2” хороололд болно.
14.00 цагт: Хөгжлийн бэрхшээлтэй болон зорилтот бүлгийн 1000 хүүхдийн “Харшийн сүлд модны наадам” Монголын Хүүхдийн ордонд болно.
16.00 цагт: Оюутны эрүүл мэндийг дэмжих аяныг 1300 оюутан эхлүүлнэ. Тус аяны нээлт СТӨ-д эхэлнэ.
-
2015 оны 12 сарын 25
Үнэлэх:
Одоогийн үнэлгээ:
Сэтгэгдэл Илгээх Хэвлэх
Share
|
“Харшийн сүлд модны наадам” энэ сарын 25-нд болно
2015 оны 12 сарын 17
Нийслэлийн Засаг даргын захирамжийн дагуу хөгжлийн бэрхшээлтэй хүүхдүүд болон зорилтот бүлгийн өрхийн 1000 хүүхдийн “Харшийн сүлд модны наадам”-ыг 12 сарын 25-нд Монголын Хүүхдийн ордонд, Нийслэлд үйл ажиллагаа явуулж байгаа 32 халамж, асрамжийн төвүүдэд хүмүүжиж буй 1000 хүүхдэд зориулсан хүүхдийн шинэ жилийн баярын арга хэмжээг 12 сарын 27-ны өдөр Олон улсын хүүхдийн “Найрамдал” зусланд тус тус зохион байгуулна. “Хүүхдийн шинэ жилийн баяр”-ын арга хэмжээг зохион байгуулахад шаардагдах 77 сая 608 мянган төгрөгийг нийслэлийн Засаг даргын нөөц сангаас гаргах юм.
-
2015 оны 12 сарын 25
Малчдад нөөцийн өвсийг хүргэхээр болов
-
2015 оны 12 сарын 25
Мал 7.6 хувиар өслөө
-
2015 оны 12 сарын 25
Баянзүрх дүүргийн “Баруун Алтан-Өлгийн ..... тоотод хулгай орсон байна” гэсэн мэдээлэл өчигдөр цагдаагийн байгууллагад иржээ. Дуудлагын дагуу шалгаад үзэхэд, тус тоотод суух 45 настай эрэгтэй Ц-гийн гэрийэ хаалганы цоожийг эвдлэн орж эд зүйлсийг, үнэт эдлэлүүдийг хулгайлсан байжээ. Хэргийн тус дүүргийн 21 хороонд оршин суух 40 настай эрэгтэй О нь бусадтай бүлэглэн хулгайлсан байсныг мөрч нохой ашиглан шуурхай эрэн сурвалжилж илрүүлэн баривчилжээ. Хэргийн дүүргийн цагдаагийн хэлтэст шалгаж байна. Мөн түүнчлэн Сонгинохайрхан дүүргийн 11 хороо “Хонхорын..... тоотод хулгайч байна” гэсэн мэдээллийг шалгахад, тус тоотод суух О-гийн гэрт 34 настай эрэгтэй Д гэгч орж мөнгөн аяга, хөөрөг зэрэг эд зүйлсийг хулгайлж байсныг үйлдэл дээр нь баривчилжээ.
-
2015 оны 12 сарын 25
Монгол улсын хөдөлмөрийн баатар, гавъяат тамирчин, мэргэжлийн сүмогийн 69 дэх ёкозүна Хакүхо М.Даваажаргалын 34 түрүүлсэн амжилтыг дэлхийн дээд амжилтын Геннисийн номонд албан ёсоор бүртгэжээ. Халуун баяр хүргэе. Их аварга маань цаашдаа 40 түрүүлэх зорилготой байгаа бөгөөд энэ тухайгаа хамгийн олон удаа түрүүлсэн бөхийн хүндэтгэлийн найран дээр албан ёсоор хэлсэн билээ.
-
2015 оны 12 сарын 25
Энэ онд асуудал дагуулсан хүнсний бүтээгдэхүүнүүдийг нэрлэж байна. Эдгээр бүтээгдэхүүнд ямар нэгэн байдлаар хэрэглэгчдийг бухимдуулж, эргэлзээ төрүүлсэн гэхэд болно.
Хүний биед хүнсний бүтээгдэхүүн эрүүл аюулгүй байдал, чанарын шаардлага гэдэг зайлшгүй чухал. Тиймээс энэ асуудлыг 24tsag.mn оны онцлохоороо нэрлэж байна.
-
2015 оны 12 сарын 25
Нийслэлийн засаг даргын 2015 оны 12 дугаар сарын 01-ны өдрийн шинэ жилийн баярын үйл ажиллагааг зохион байгуулах захирамжийн хүрээнд иргэд, олон нийтийг хамарсан ёслолын арга хэмжээний дараа иргэдийг нийтийн тээврийн үйлчилгээгээр хангахаар дараах төлөвлөлтийг хийгээд байна.
2015 оны 12 дугаар сарын 31-нд болох “Нийслэлийн шинэ жилийн цэнгүүн” нэгдсэн үйл ажиллагаанд өндөрлөх буюу 00:30 цагаас их багтаамжийн автобусны 18 чиглэлд 18 автобус Чингисийн талбайн баруун, зүүн болон урд зогсоол буюу зурагт тэмдэглэсэн “А”, “B”, “С” зогсоолоос суурьшлын цэгүүд рүү үйлчлэхээр зохион байгуулаад байна. Үүнд:
-
2015 оны 12 сарын 25
Тухайн өдөр хонь, бич, тахиа, могой, морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
-
2015 оны 12 сарын 25
2015 оны 12 дугаар сарын 24-ний 20 цагаас 12 дугаар сарын 25-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Нутгийн хойд хэсгээр бага зэргийн цас орно. Салхи баруунаас секундэд 7-12 метр, явган шуурга шуурна. Тэс, Отгон голын хөндийгөөр шөнөдөө 32-37 градус, өдөртөө 19-24 градус, Идэр голын сав, Увс нуурын хотгор болон Хүрэн бэлчир орчмоор шөнөдөө 27-32 градус, өдөртөө 14-19 градус, бусад нутгаар шөнөдөө 15-20 градус, өдөртөө 4-9 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Нутгийн зүүн хэсгээр бага зэргийн цас орж, явган шуурга шуурна. Салхи баруун хойноос секундэд 7-12 метр. Дархадын хотгороор шөнөдөө 36-41 градус, өдөртөө 22-27 градус, Хангай, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 27-32 градус, өдөртөө 16-21 градус, бусад нутгаар шөнөдөө 19-24 градус, өдөртөө 7-12 градус хүйтэн байна.
ЗҮҮН АЙМГУУДЫН НУТГААР: Үүлшинэ. Нутгийн баруун хэсгээр бага зэргийн цас орж явган шуурга шуурна. Салхи баруун хойноос секундэд 7-12 метр. Хэрлэн, Онон, Улз, Халх голын сав газраар шөнөдөө 29-34 градус, өдөртөө 20-25 градус, бусад нутгаар шөнөдөө 24-29 градус, өдөртөө 16-21 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи өмнөөс секундэд 4-9 метр. Шөнөдөө 32-34 градус, өдөртөө 21-23 градус хүйтэн байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 6-11 метр, өдөртөө Арц Богдын өвөр хоолойгоор секундэд 14-16 метр хүрч ширүүснэ. Өмнөговийн нутгаар шөнөдөө 13-18 градус, өдөртөө 0-5 градус, бусад нутгаар шөнөдөө 17-22 градус, өдөртөө 6-11 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи баруунаас секундэд 6-11 метр. Шөнөдөө Яармаг-Сонгины орчмоор 24-26 градус, бусад хэсгээр 20-22 градус, өдөртөө 12-14 градус хүйтэн байна.
-
2015 оны 12 сарын 24
Монгол улсад байнгын ажиллагаатай Парламент байгуулагдсаны 25 жилийн ойг тохиолдуулан УИХ-аас баталсан 2015 оны 08 дугаар сарын 11 –ны өдрийн “Өршөөл үзүүлэх тухай” хуулиар Сэлэнгэ аймгийн хэмжээнд нийт 641 ялтан хамрагдсанаас хорих ял эдлэж байсан 357 ялтан, хорихоос өөр төрлийн ял шийтгүүлсэн 40 ялтан, цагдаагийн байгууллагын хяналтанд байсан 244 этгээд хамрагджээ. Үүнээс:
Сэлэнгэ аймгийн Мандал сум дах чанга дэглэмтэй хорих 413, 433 дугаар ангиудад ял эдлэж буй нийт 351 ялтан хамрагдсанаас Өршөөл үзүүлэх тухай хуулийн 4.1 –д зааснаар эдлээгүй үлдсэн ялыг өршөөн хэлтрүүлж 155 ялтан шууд суллагдсан бол Өршөөл үзүүлэх тухай хуулийн 5.1 дэх хэсэгт зааснаар 196 ялтны эдлээгүй үлдсэн ялаас 2 жил хасагджээ.
Аймгийн төвийн ШШГА-ны цагдан хорих байрны аж ахуйн үйлчилгээнд ял эдлэж байсан 6 ялтнаас 4 нь шууд суллагдаж 2 нь жил хасагдсан байна.
Өршөөл үзүүлэх тухай хуулийн хэрэгжилтийн хүрээнд хорихоос өөр төрлийн ял шийтгүүлсэн 40 ялтан хамрагдсанаас торгох ялаар шийтгүүлсэн 2, албадан ажил хийлгэх ял шийтгүүлсэн 5, эд хөрөнгө хураах ялтай 1, тодорхой албан тушаал эрхлэх, үйл ажиллагаа явуулах эрх хассан 32 ялтны эдлээгүй үлдсэн ялыг тус тус шүүх хуралдаанаар өршөөн хэлтрүүлсэн байна.
Аймгийн хэмжээнд цагдаагийн байгууллагын хяналтанд байсан 244 этгээд хамрагдсанаас аймагт 115, Мандал суманд 85, Сайхан суманд 44 этгээдийн захиргааны хяналтыг зогсоон хувийн хэрэг материалд нь зохих тэмдэглэгээг хийж прокурорын байгууллага хяналт тавьж ажиллалаа.
Өршөөл үзүүлэх тухай хуулийн хэрэгжилтийг орон нутгийн хуулийн байгууллагуудын зүгээс богино хугацаанд шуурхай зохион байгуулан амжилттай шийдвэрлэж дууссан ба өршөөлийн хуулинд хамрагдаж сум орон нутагтаа суллагдаж ирсэн 51 этгээдүүдийг дахин гэмт хэрэг зөрчилд холбогдохоос урьдчилан сэргийлэх, хөдөлмөр эрхлэх, ажлын байраар хангах зорилгоор хөдөлмөрийн хэлтэс, цагдаагийн байгууллагатай хамтран тэдний дунд яриа таниулга хийж ажлын байрны талаар мэдээлэл өгөх, бичиг баримтгүй хүмүүсийн судалгааг гаргаж аймгийн Улсын бүртгэлийн хэлтэст бичиг баримттай болгохоор судалгааг хүргүүлэх зэрэг ажлуудыг хийж байгаа нь үр дүнтэй ажил болсон байна.
-
2015 оны 12 сарын 24
Европын Холбооны санхүүжилтээр хэрэгжиж буй “Монгол Улсын техник, мэргэжлийн боловсрол, сургалтыг дэмжих төсөл-1”-ийн хүрээнд Хөдөлмөрийн яам “Dale Carnegie Training” олон улсын сургалтын байгууллагатай хамтран “Манлайлал, удирдлагын менежмент”-ийн сургалтыг амжилттай зохион байгууллаа. Сургалтад төрийн өмчийн 22, хувийн зургаа нийт 28 МСҮТ-ийн захирлууд хамрагдсан бөгөөд санхүүжүүлэгч төслийн багийн хүсэлтээр Хөдөлмөрийн яам, төрийн бус байгууллагын төлөөлөл ч оролцсон юм.
Сургалтад оролцогсод манлайлал, удирдлагын менежментийг хэрхэн хэрэгжүүлэх талаар шинэ мэдлэг авсан төдийгүй хичээлийн явцад суралцсан инновацийн процесс буюу асуудалд шинэлэг, бүтээлч шийдэл хайж олох ур чадварт суралцсан нь тэдний ажилд бодит дэмжлэг боллоо хэмээн ам сайтай байлаа. Хичээлийн үеэр өрнөсөн харилцан яриа, санал бодлоо солилцох үеэр захирлуудад байгууллага дээрээ шинэчлэл хийх боломж хязгаарлагдмал, төсвөөс хамааралтайгаар ажилтнуудаа тогтвортой, тогтмол эрч хүчтэй ажиллуулах, ажил даалгаж, хариуцлагатай байлгах тал дээр нийтлэг сул талууд байдаг нь ажиглагдсан хэмээн сургагч багш нар дүгнэсэн.
Захирлууд “Манлайлал, удирдлагын менежмент” сургалтаар олж авсан арга барилаа өөрсдийн ажил болон хамт олны дунд хэдийнэ хэрэгжүүлжээд эхэлснээс үзэхэд энэ удаагийн сургалт оролцогчдын манлайллын мэдлэгт нөлөөлж ур чадварыг дээшлүүлэхэд чухал ач холбогдолтой болжээ хэмээн үзэж байна.
- See more at: http://zasag.mn/m/ministry-of-labor/view/11764#sthash.khP3hGW5.dpuf
-
2015 оны 12 сарын 24
Нийслэлийн ИТХ-ын ээлжит 33 дугаар хуралдаан өнөөдөр болж хуралдаанаар нийслэлд тээврийн хэрэгслийг зориулалтын автомашинаар зөөж шилжүүлэх, түр саатуулах хашаа /байр/ ажиллуулах, үйл ажиллагааны төлбөрийн хэмжээг хэлэлцэн тогтоолоо.
Нийслэлийн Засаг даргын Зам тээвэр дэд бүтцийн асуудал хариуцсан орлогч Н.Гантөмөр энэхүү асуудлыг танилцуулахдаа “Замын хөдөлгөөний аюулгүй байдлын тухай” шинэ хууль батлагдсантай холбогдуулан Хууль зүйн сайдын 2015 оны 08 дугаар сарын 28-ны өдрийн тушаалаар “Тээврийн хэрэгслийг зөөж шилжүүлэх, түр саатуулах журам”-ыг баталсан. Шинэ хуулиар НИТХурал нь харьяа нутаг дэвсгэрийн хэмжээнд тээврийн хэрэгслийг зөөж шилжүүлэх, тээврийн хэрэгслийг түр саатуулах хашаа /байр/ ажиллуулах шийдвэр гаргах, төлбөрийн хувь хэмжээг тогтоохоор заасан. Иймд хуулийг хэрэгжүүлэх, баталсан журмыг мөрдүүлэх зорилгоор энэхүү асуудлыг өргөн барьж байгааг онцлон хэллээ.
Улаанбаатар хотын Замын цагдаагийн газрын мэдээлж байгаагаар “Замын хөдөлгөөний дүрэм”-ээр удаан зогсохыг хориглосон газарт зайлшгүй зогсолтоос бусад хэлбэрээр зогсож хөдөлгөөнд саад учруулсан тээврийн хэрэгслүүдээс болж замын хөдөлгөөний ачаалал нэмэгдэж байна. Тиймээс нийслэлийн ИТХ-аас гаргасан журмын дагуу дүрэм зөрчиж зогссон автомашиныг ачиж журамлах, дугуй түгжих арга хэмжээг хэрэгжүүлж эхэлсэн. Цагдаагийн ерөнхий газрын шийдвэрээр Улаанбаатар хотын Цагдаагийн газар дээрх 80 гаруй зориулалтын чирэгч, ачигч автомашин бүхий 14 аж ахуйн нэгжтэй гэрээ байгуулан, хяналт тавин ажиллаж байгаад 8 сараас түр зогсоосон. Замын хөдөлгөөний түгжрэл, саатал нь иргэдийн бухимдал үүсэх олон талын шалтгаан болж байна. Мөн автомашиныг нь хааж зогссон болон замын хөдөлгөөнд саад учруулсан тээврийн хэрэгслийг иргэдийн хүсэлтийн дагуу холдуулах шаардлага үүсдэг гэж тайлбарлав.
Нийслэлийн ИТХ-аас нийслэлийн хэмжээнд замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00-20:00 цагийн хооронд хориглосон газарт зогсож бусдын хөдөлгөөнд саад учруулсан тээврийн хэрэгслийг зөөж шилжүүлж байхаар шийдвэрлэж, хориглосон газарт зогссон тээврийн хэрэгслийг зөөж шилжүүлэх гудамж замуудыг баталлаа. Нийслэлийн хэмжээнд нийт 163 гудамж байдгаас 77 гудамжийг энэхүү тогтоолд оруулан батлав. Мөн зориулалтын автомашинаар тээврийн хэрэгсэл зөөж шилжүүлэх төлбөрийг мотоцикл 30 000 төгрөг, суудлын автомашин, микробус, 3,5 тонн хүртэлх жинтэй ачааны автомашин, автобус 60 000 төг, 3,5 тонноос дээш жинтэй том оврын тээюрийн хэрэгслийг 90 000 төгрөгөөр зөөж шилжүүлдэг байхаар тогтоолоо. Түүнчлэн түр саатуулах хашаа /байр/-ны нэг хоногийн төлбөрийг мотоцикл 3000, суудлын автомашин болон 3,5 тонн хүртэлх жинтэй бүх ачааны машин 5000, 3,5 тонноос 24 тонн хүртэлх жинтэй ачааны автомашин болон дунд оврын автобус 10 000, тусгай зориулалтын том оврын тээврийн хэрэгсэл, хүнд механизми 20 000 төгрөг байхаар тус тус батлав.
Тээврийн хэрэгслийг зориулалтын автомашинаар зөөж шилжүүлэхдээ тухайн байршлаас 10 км-аас дотор зөөж шилжүүлэх, зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашаа /байр/ -ны төлбөрөөс чөлөөлөх, түр саатуулах хашаа /байр/, түүний зогсоолын нийт талбайн хэмжээг 2000 м²-аас доошгүй байх, зориулалтын чирэгч, ачигч автомашины нийт тоог 100-аас ихгүй байхаар тогтоолоо. Журам 2016 оны 1 дүгээр сарын 1-ний өдрөөс эхлэн хэрэгжих юм.
Зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00 цагаас 20:00 цагийн хооронд хориглосон газарт зогссон тээврийн хэрэгслийг зөөж шилжүүлэх гудамж замуудыг доорх хүснэгтээс харна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 12 сарын 24
Ажил хэргийн хамтарсан уулзалт зөвлөгөөн хийлээ
-
2015 оны 12 сарын 24
Дорнод аймгийн Прокурорын газрын 2015 оны 4 дүгээр улирлын төлөвлөгөөнд тусгагдсаны дагуу аймгийн прокурор Т.Ууганбаатар, Цагдаагийн газрын удирдлага, Онцгой байдлын алба, хүний эрхийн комиссын Дорнод аймаг дахь салбарын ажилтан, албан хаагчид, урлагийн багаас бүрдсэн 18 хүний бүрэлдэхүүнтэй ажлын хэсэг тус аймгийн Гурванзагал, Дашбалбар, Чулуунхороот, Чойбалсан сумдад 2015 оны 12 дугаар сарын 07-ны өдрөөс 12 дугаар сарын 12-ны өдрийг дуустал 5 хоногийн хугацаанд ажилласан байна.
Аймгийн Прокурорын газраас эдгээр сумдын Гэмт хэргээс урьдчилан сэргийлэх ажлыг зохицуулах салбар зөвлөлөөс 2014 он, 2015 оны байдлаар хийж хэрэгжүүлсэн ажлыг шалган танилцан, зааварчлага өгөхийн зэрэгцээ сумдын иргэд, хөдөлмөрчидтэй уулзалт ярилцлага зохион байгуулж, Монгол улсын Прокурорын байгууллагаас баримталж буй бодлого, дэвшүүлсэн зорилго, зорилт, үр дүн, цаашид авч хэрэгжүүлэх арга хэмжээний талаар танилцуулсан бөгөөд 9 төрлийн гарын авлага, хэвлэмэл хуудаснуудыг тарааж, сонирхсон асуултанд хариулт өгчээ.
Мөн ажлын хэсгийн бүрэлдэхүүнд орж ажилласан аймгийн Цагдаагийн газар, Онцгой байдлын алба, хүний эрхийн комиссийн эрх бүхий албан тушаалтнуудаас өөрсдийн үйл ажиллагааны чиглэлээр тус тусын мэдээлэл хийж иргэдийн санал хүсэлтийг сонссон бөгөөд энэхүү үйл ажиллагаанд сумдын төр захиргааны байгууллага болон ард иргэд өргөнөөр, идэвхи санаачлагатай оролцжээ.
Дээрх 4 сумдаас гадна 2015 оны хагас жилийн байдлаар аймгийн Прокурорын газраас бусад 7 сумдын гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаатай танилцаж шалгасан бөгөөд 2015 оны 12 дугаар сарын 14-ний өдөр нийт сумдын гэмт хэргээс урьдчилан сэргийлэх салбар зөвлөлд гэмт хэргээс урьдчилан сэргийлэх ажлыг сум орон нутагт хэрхэн зохион байгуулж ажиллах талаар зааварчлага, урьдчилан сэргийлэх ажлыг эрчимжүүлэх тухай прокурорын мэдэгдэл тус тус бичиж хүргүүлсэн байна.
