Улаанбаатар
Өнөөдөр / 2026.11.20
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
6027 6028 6029 6030 6031 6032 6033
  • ”DRACULA HALLOWEEN” болоход хоёр хоног үлдлээ
    2015 оны 10 сарын 28
    Дэлхий даяар 10-р сарын 31-нд тэмдэглэдэг Аймшгийн баяр буюу Халловины өдөр ойртож байна. Тэгвэл та найз нөхөд, ажлын хамт олонтойгоо энэ баярыг тэмдэглэх гэж байгаа бол анхаарлаа түр хандуулна уу.

    MNG EVENT™-с тэргүүлэх брендүүдтэй хамтран зохион байгуулдаг ”DRACULA HALLOWEEN”-ыг энэ жил аравдугаар сарын 30-нд Монголдоо теxник дэвшил, багтаамжаараа тэргүүлэх ”CROCUS EVENT HALL”-д ”ДРАКУЛА” шилтгээний тохижуулалтайгаар зохион байгуулахаар ”MNG EVENT” бэлтгэл ажилдаа оржээ.



    Таксийн хувьд аравдугаар сарын 30-нд авсан тохиолдолд 1 такс 25.000 төгрөг бөгөөд урьдчилж авсан тохиолдолд ( 18 нас хүрсэн байх шаардлагатай ) 1 ширхэг таксыг 20.000 төгрөгөөр авах боломжтой юм. Урьдчилж зарж байгаа таксыг ”PROLIVE ENTERTAINMENT CENTRE”-ын 3 салбараар борлуулж байгаа болно.



    Залуусаа тэргүүлэх брэндүүдтэй хамтарсан хамгийн сүртэй болдог ”DRACULA HALLOWEEN”-н такс дуусах магадлал өндөр тул та урьдчилан аваарай. Хүний тоо хязгаартай тул та яараарай.
  • Сураггүй болсон иргэн осгож амиа алдсан байсныг оллоо
    2015 оны 10 сарын 28
    Өнгөрсөн амралтын өдөр нийт нутгаар эрс хүйтэрч цасаар шуурсны улмаас нийслэлийн баруун, зүүн, урд хэсгийн авто замын нөхцөл байдал хүндэрч нийслэлийн Онцгой байдлын газрын бүрэлдэхүүн тухай бүр шуурхай арга хэмжээ зохион байгуулж цасан шуурганд өртөж амь насаа алдахаас 7 иргэнийг авран хамгаалж ажиллажээ. Иргэд өвлийн улиралд цаг агаарын хүнд нөхцөлд малд явах, хээр ганц нэгээр явснаас болж цасан шуурганд осгож амь насаа алдах тохиолдол өвлийн улиралд гардаг.
    Нийслэлийн хэмжээнд энэ төрлийн дуудлага ирдэг бөгөөд Сонгинохайрхан дүүргийн 21 дүгээр хороо, Партизаны сангийн аж ахуйгаас иргэн 27 настай, эрэгтэй нь өөрийн оршин суух Нарийний хэсэг /Партизанаас урагшаа 22 км зайд/ гэрлүүгээ явлаа гээд 2015.10.25-ны өдрийн 22:00 цагийн орчим гараад сураггүй болсон тул хайж олж өгнө үү гэсэн дуудлагыг ар гэрийнхнээс нь 10 дугаар сарын 26-ны орой ирүүлжээ.
    Дуудлагын дагуу аврах ангийн бүрэлдэхүүн 27-ны өдөр эрлийн ажиллагааг шуурхай зохион байгуулж 16 цагийн орчим Нарийний фермээс зүүн ургашаа 3 км газраас осгосон байдалтай амиа алдсан байсныг олжээ. Цогцсыг дүүргийн цагдаагийн 1 дүгээр хэлтсийн бүрэлдэхүүнд хүлээлгэн байна.
    Цаг агаарын гэнэтийн аюулт үзэгдэл, цасан шуурга шуурах тухай мэдээллийг тухай бүр мэргэжлийн байгууллагуудаас олон нийтэд сэрэмжлүүлдэг хэдий ч иргэд санамсар болгоомжгүй байдлаасаа болж ийнхүү амь насаа алдаж байгаа харамсалтай хэрэг гарч байна. Иймд иргэдийг цаг агаарын мэдээлэл, сэрэмжлүүлгийг хүлээн тохируулан аюулгүй байдлаа хангахыг нийслэлийн Онцгой байдлын газраас сэрэмжлүүлж байна.
  • “Босоо хөх Монгол”-ын 30 залуу хэвлэлийн хурал үймүүлэв
    2015 оны 10 сарын 28
    ”Монгол байгаль дэлхийд ганц” ТББ-аас дөнгөж сая “Гацууртын орд ба шантаажлагчид” сэдвээр хэвлэлийн бага хурал хийлээ. Хэвлэлийн хурлын үеэр тус ТББ-ынхан Ноён ууланд олон тооны гар аргаар алт олборлогчид очиж, энд тэндгүй ухаж сэндийчин, байгаль орчныг сүйтгэж байгаа талаар мэдээлсэн юм.

    Тэдний хэлснээр Ноён ууланд 580 гаруй гар аргаар алт олборлогчид буюу нинжа нар байгаа бөгөөд тэд 80 цооног гаргасан аж. Тэнд байдал өдөр ирэх бүр дордож нинжа нарын эмх замбараагүй байдал нь эрүүгийн гэмт хэрэг гарах нөхцөлийг бүрдүүлсэн байгааг ч тэд дуулгасан юм. Тиймээс энэ эмх замбараагүй байдлыг таслан зогсоож, түүхийн үнэт дурсгал бүхий уг газрыг хамгаалалтдаа авч, нинжа нарыг гаргаж өгөхийг холбогдох төрийн байгууллагуудад санал хүсэлтээ ”Монгол байгаль дэлхийд ганц” ТББ-аас удаа дараа хүргүүлжээ. Мөн Ноён уулыг хамгаална хэмээн цээжээ дэлдэж, өлсгөлөн зарлаж байсан иргэний нийгмийн байгууллагууд нинжа нарын байгаль орчиныг сүйтгэж байгаа асуудалд яагаад дуугүй сууж байгааг ч гайхаж байна хэмээн тус ТББ-ынхан хэлсэн юм.

    Харин энэ үеэр “Босоо хөх Монгол” хөдөлгөөний 30 гаруй залуус мэдээлэл хийж буй ”Монгол байгаль дэлхийд ганц” ТББ-ынхныг буруутгаж, эмх замбараагүй байдал үүсгэсэн. Тэд “Монгол хүн хэзээ ч Ноён уулыг ухуулая гэж ярихгүй, та нар бол эрлийз, Казак хүмүүс байна, хэний захиалгаар ийм зүйл ярьж байгаа юм бэ? Ард чинь хэн байгаа юм, С.Баярцогтоос мөнгө авсан уу” гэх мэт үгээр дайрч байлаа.

    Үүний хариуд тус төрийн бус байгууллагынхан ямар нэг хүний захиалга биш, бид Ноён уулыг ухуулая гэж хэлээгүй, харин газар дээр нь үүсээд байгаа нинжа нарын эмх замбараагүй байдлыг таслан зогсоож, байгаль орчноо хамгаалахын тулд энэ хурлыг зарласан гэдгээ учирлаж байлаа.

    Харин тэдний үгийг үл тоон “Босоо хөх Монгол” ТББ-ын залуус бид иргэний нийгмийн байгууллага төр засагт шаардлага хүргүүлж ажилладаг, нинжа нартай тэмцэх албагүй гэх зүйлийг ярьж, хэвлэлийн хурлын танхимд хараалын үг хэлж, сэтгүүлчдэд ажлаа хийх боломж олгохгүй, эмх замбараагүй байдал үүсгэсэн юм.
  • М.Наранбаатарын хэргийг мөрдөн байцаалтад буцаалаа
    2015 оны 10 сарын 28
    МҮОНРТ-ийн Ерөнхий захирал асан М.Наранбаатар, УИХ-ын дарга З.Энхболд нар өнгөрсөн жилээс л хоорондоо маргаантай байгаа. Тэгвэл З.Энхболд, М.Наранбаатарыг “нэр төр, алдар хүндэд халдсан, хэвлэл мэдээллийн хэрэгслээр олон нийтэд тараасан, өш хонзонгийн сэдлээр асуудалд хандсан” гэх үндэслэлээр цагдаад хандсан байна. Энэхүү гомдлын дагуу Баянгол дүүргийн цагдаагийн газар эрүүгийн хэрэг үүсгэн шалгаж, шүүхэд шилжүүлсэн.

    Өмнө нь М.Наранбаатар, З.Энхболдыг нэр төрд халдсан хэргээр шүүхэд өгч байсан билээ. Эргэн сануулахад, тэрээр УИХ-ын дарга З.Энхболд нь МҮОНРТ-ийг “архичдаар дүүрсэн, Цөөн хүний ажлыг 700 хүн хийдэг” хэмээн УИХ-ын индэр дээрээс зарласан бөгөөд үүний улмаас захирал асан М.Наранбаатар “Энэ нь бүхэл бүтэн байгууллагыг доромжилж, нэр төрд халдаж олон нийтийн мэдээллийн хэрэгслээр цацсан” гэх үндэслэлээр шүүхэд өгсөн ч хэрэгсэхгүй болгосон байдаг.

    Тэгвэл энэ удаагийн шүүх хурал өчигдөр Дүүргийн хэргийн анхан шатны II шүүхэд болж УИХ-ын дарга З.Энхболдын нэхэмжлэлтэй МҮОНРТ- ийн Ерөнхий захирал асан М.Наранбаатарыг буруутай гэж үзжээ. Тэрээр шүүхээс М.Наранбаатарыг хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх хэмжээний мөнгөөр буюу 9.9 сая төгрөгөөр торгох ял оногдуулсан байна. Харин М.Наранбаатар шүүхийн шийдвэрийг эсэргүүцэж хэтэрхий нэг талыг барьсан, хохирогчгүй, нотлох баримт дутуу болсон учир давж заалдана хэмээв.
  • МОХ-ын удирдлагууд МАН-ын ”утсан хүүхэлдэй” болох нь илчлэгдлээ
    2015 оны 10 сарын 28
    ”Их, дээд сургуулиудын оюутны нэгдэл” МОХ-ны удирдлагууд оюутнуудаас их хэмжээний мөнгө хурааж, олон зуун сая төгрөгийн хохирол учруулсан, хууль бус чуулган хуралдуулж, ерөнхийлөгчөө сонгосон талаар мэдээлэл хийв.
  • Хууль зөрчсөн Н.Түмэндэмбэрэл нарын ялыг биечлэн эдлүүлнэ
    2015 оны 10 сарын 28
    Улсын Дээд шүүхийн хяналтын шатны эрүүгийн хэргийн шүүх хуралдаанаар Н.Түмэндэмбэрэл нарт холбогдох хэргийг ялтан болон түүний өмгөөлөгчийн гаргасан гомдлын дагуу 2015 оны 10 дугаар сарын 28-ны өдөр хянан хэлэлцлээ.

    Дүүргийн Эрүүгийн хэргийн анхан шатны 1 дүгээр шүүх Н.Түмэндэмбэрэлийг төрийн албан тушаалтан албан тушаалын байдлаа урвуулсны улмаас их хэмжээний хохирол учруулах гэмт хэргийг зохион байгуулсан, Б.Болор, Ч.Мөнхдэлгэр, Я.Түвшинтөр, Ё.Мөнхтуул нарыг уг гэмт хэрэгт хамжигчаар оролцсон, Д.Давааг мөн гэмт хэрэгт гүйцэтгэгчээр оролцсон гэм буруутай хэмээн үзэж, Н.Түмэндэмбэрэлийн төрийн албан тушаал эрхлэх эрхийг 2 жилийн хугацаатай хасч, 3 жил хорих ял, Б.Болорын төрийн албан тушаал эрхлэх эрхийг 2 жилийн хугацаатай хасч, 2 жил хорих ял, Ё.Мөнхтуулын төрийн албан тушаал эрхлэх эрхийг 1 жилийн хугацаатай хасч, 2 жил хорих ялаар тус тус шийтгэжээ. Түүнчлэн Ч.Мөнхдэлгэр, Д.Даваа, Я.Түвшинтөр нарт тус тус төрийн албан тушаал эрхлэх эрхийг 1 жилийн хугацаатай хасч, 1 жил 6 сар хорих ял оногдуулж, мөн ялыг тэнсэж, нэг жилийн хугацаагаар хянан харгалзахаар шийдвэрлэсэн байна.

    Нийслэлийн Эрүүгийн хэргийн давж заалдах шатны шүүх дээрх хэргийг хянан хэлэлцээд Ё.Мөнхтуулд 2 жилийн хорих ял оногдуулсан шийтгэх тогтоол биелүүлэхийг нэг жилийн хугацаагаар хойшлуулж, харин Б.Болор, Д.Даваа нарт холбогдох хэргийг энэ хэргээс тусгаарлан дахин хэлэлцүүлэхээр анхан шатны шүүхэд буцаасан аж.

    Улсын Дээд шүүхийн хяналтын шатны эрүүгийн хэргийн шүүх хуралдаанаар уг хэргийг хянан хэлэлцээд Н.Түмэндэмбэрэл, Ё.Мөнхтуул, Ч.Мөнхдэлгэр, Я.Түвшинтөр, Д.Даваа, Б.Болор нар нь бүлэглэн албан тушаалаа урвуулж, Эрүүл мэндийн яамнаас зарласан удаа дараагийн тендерт хууль зөрчин өөрсдийн хамаарал бүхий компанийг шалгаруулж, хүнд хор уршиг учруулсан гэм буруутай гэж дүгнэлээ. Өөрөөр хэлбэл Төрийн болон орон нутгийн өмч хөрөнгөөр бараа, ажил, үйлчилгээ худалдан авах тухай хуульд заасан Тендер шалгаруулах журмыг зөрчсөнөөр төрийн үйл ажиллагаанд хууль дээдлэх, шударга ёсыг хангах зарчим зөрчигдөж, эмнэлгийн байгууллагын хэвийн үйл ажиллагаа алдагдаж, аж ахуйн нэгж, иргэдийн эрх ашиг хохирсныг энэ гэмт хэргийн улмаас учирсан хүнд хор уршиг гэж үзсэн байна. Энэ гэмт хэргийн нийгмийн хор аюул, хэрэг үйлдэгдсэн нөхцөл байдал, хор уршиг арилаагүй зэргийг харгалзан Н.Түмэндэмбэрэл, Ё.Мөнхтуул, Ч.Мөнхдэлгэр, Я.Түвшинтөр нарт оногдуулсан хорих ялыг биечлэн эдлүүлэх нь зүйтэй гэж дүгнэн, анхан болон давж заалдах шатны шүүхийн шийдвэрт өөрчлөлт оруулжээ. Харин анхан шатны шүүх П.Отгонжаргал, Ж.Баяртогтох нарт холбогдох хэргийг хэрэгсэхгүй болгож, цагаатгасныг хэвээр үлдээжээ.

    Түүнчлэн уг гэмт хэргийн улмаас учирсан хохирлыг гэм буруутай этгээдүүдээс иргэний журмаар жич шийдвэрлүүлэх нь зүйтэй гэж Дээд шүүх үзлээ.
  • ХҮН: Халх голын газар нутгаар туршилт хийж болохгүй
    2015 оны 10 сарын 28
    Чөлөөт бүс байгуулахаар шийдвэрлэсэн Халх голын 500 мянган га бол Люксембург (258.600) Макао(3.030), Хонгконг (110.4), Сингапур (63.900)-ын газар нутгийг нийлүүлснээс ч том газар нутаг гэсэн тооцоог ч тус намынхан хийжээ.
  • Дэд сайдын хүүхэд хар тамхины хэрэгт холбогджээ
    2015 оны 10 сарын 28
    Энэ сарын 9-10-нд шилжих шөнө Эрүүгийн цагдаагийн газрын Хар тамхитай тэмцэх хэлтсийн алба хаагчид олон удаагийн үйлдэлтэй хар тамхины бүлэглэлийг илрүүлэн саатуулсан талаар манай сайт хамгийн түрүүнд мэдээлсэн.

    Мөрдөн байцаалтын явцад уг бүлэглэлийн толгойлогч Г гэгч нь олон жил хар тамхи, сэтгэцэд нөлөөлөх бодисыг хууль бусаар худалдан борлуулж, хууль бусаар оруулж ирдэг нь тогтоогдсон байна. Улмаар түүний зохион байгуулалт дор Г, М, С, А, Н нарын 5 хүн хууль бусаар хар тамхи худалдан борлуулж байсан аж. Тэд олон удаагийн үйлдэлтэй, өмнө нь энэ төрлийн хэргээр ял шийтгэл эдэлж байсан 22-36 насны залуучууд гэдгийг албаны эх сурвалж мэдээллээ.

    Тэгвэл тэдний дунд томоохон өндөр албан тушаалтны хүүхэд буюу одоогийн засгийн газарт ажиллаж буй нэгэн яамны дэд сайдын хүүхэд шалгагдаж байгаа талаар баттай эх сурвалж мэдээллээ. Одоогоор аль яамны дэд сайдын хүүхэд болохыг нууцалж байгаа аж.

    Тэдэнд Эрүүгийн хуулийн тусгай ангийн 192.3.4, 192.3.5-д зааснаар эрүүгийн хэрэг үүсгэн, Эрүүгийн цагдаагийн газарт шалгаж байна.
  • Оюутолгойн далд уурхайн ажлыг эрчимжүүлэхийг санууллаа
    2015 оны 10 сарын 28
    Оюутолгойн гүний уурхайн бүтээн байгуулалтын төлөвлөгөөний хэрэгжилттэй танилцаж, хэрэгжилтийг эрчимжүүлэхийг “Шийдлийн цаг”-аар даалгалаа
    7 минутын өмнө
    Print Zasag and PDF
    ShareThis Facebook Tweet LinkedIn Email

    Монгол Улсын Их Хурлын 2014 оны 34 болон 2015 оны 41 дүгээр тогтоолуудад Оюутолгой төслийн гүний уурхайн бүтээн байгуулалтыг эрчимжүүлэх, улмаар эцэслэн шийдвэрлэх талаар тодорхой зааж, Засгийн газарт холбогдох үүрэг даалгаврыг өгч байсан. Энэ дагуу Монгол Улсын Засгийн газар эдийн засгийн хүндрэлийг даван туулахын төлөө шат дараатай арга хэмжээ авч буйн нэг нь дэлхийд томд тооцогдох Оюутолгойн зэс-алтны уурхайн дараагийн шатны бүтээн байгуулалтыг эрчимжүүлэх юм.

    Лхагва гариг бүрт болдог “Шийдлийн цаг” уулзалтын өнөөдрийн сэдэв нь Оюутолгойн нөөцийн ная гаруй хувийг эдийн засгийн эргэлтэнд оруулах Оюутолгой төслийн бүтээн байгуулалтын тухай байлаа.

    Тус уулзалтад “Эрдэнэс Монгол” ХХК-ийн Гүйцэтгэх захирал Б.Бямбасайхан, “Эрдэнэс Оюу Толгой” ХХК-ийн Гүйцэтгэх захирал Д.Ганболд нар оролцож Гүний уурхайн бүтээн байгуулалт, санхүүжилтийн төлөвлөгөөний хэрэгжилтийн явц болон цаг үеийн чанартай холбогдох зарим гүйцэтгэлийн талаар танилцуулав. Үүнд,

    Ажил үйлчилгээний жагсаалтыг ТУЗ-өөр баталдаг болох, дотоодын ААН-үүдийг ханган нийлүүлэх ажилд түлхүү хамруулах талаар хөндөв. “Оюу Толгой” ХХК нь ТУЗ-ийн эрх мэдлийн хүрээнд жил бүр төсвийг батлахдаа хамтад нь баталдаг. Цаашид аудит, худалдан авалтын хороог Монголын талаас даргалах бөгөөд тухай бүр “Оюу Толгой” ХХК-ийн үйл ажиллагааны зардалд хяналт тавихаар болсон байна.

    Гурван сайдын ажлын хэсгийн дүгнэлтийн мөрөөр авах арга хэмжээний жагсаалтын дагуу олон ажил хийгдэж байгаагийн хүрээнд 2015 оны зуны ээлжит ТУЗ-ийн хурлаар Менежментийн багийг томилсон байна. Ингэхдээ Хөрөнгө оруулалтын гэрээ, Хувь нийлүүлэгчдийн гэрээнд нийцүүлсэн ажээ.

    Онтре Гоулд компанийн мэдэлд буй Ашиглалтын тусгай зөвшөөрөл буюу лицензийн асуудлыг шийдэх чиглэлээр үргэлжлүүлэн ажиллаж байгаа ажээ. Тухайлбал, тус лицензүүдийг Оюу Толгой ХХК-д шилжүүлэх эсхүл Онтре Гоулд компанийн мэдэлд буй лицензийн эрхийн 34 хувийг “Эрдэнэс Оюу Толгой” ХХК-д шилжүүлэх ажлыг хөрөнгө оруулагч талтай хамтран зохион байгуулж байна. Уул уурхайн яам, Ашигт малтмалын газраас дэмжлэг авч байгааг мөн онцлов.

    Түүнчлэн Би-Эйч-Пи корпорацийн гэгдэх Хоёр хувийн роялтийн асуудлыг Монголын талд ашигтайгаар шийдвэрлэсэн болохыг дурьдав. Хөрөнгө оруулагч тал тус роялтигаас албан ёсоор татгалзаж, улмаар санхүүгийн тайландаа холбогдох засварыг хийсэн ажээ. Цаашид энэ мэт асуудлаар Монгол Улсын хууль тогтоомжийг хатуу мөрдөж ажиллахыг Ерөнхий сайд үүрэг болголоо.

    Оюу Толгой ХХК-д Монголыг төлөөлөн ажиллаж буй гишүүдийн цалин хангамжийн асуудлыг дотоодын жишигт нийцүүлэн яаралтай өөрчлөхийг Ерөнхий сайд даалгалаа. “Эрдэнэс Оюу Толгой” ХХК-ийн Гүйцэтгэх захирал Д.Ганболд хэлэхдээ, энэ асуудлыг бид байнга анхаарч нөгөө талд тавьж ирсэн. Гэхдээ Оюу Толгой ХХК-ийн ТУЗ-ийн гишүүдийн цалин нь Хувь эзэмшигчдийн хурлын эрх мэдэлд байдаг. Сүүлийн нэг жил хэлэлцэх, шийдвэрлэх асуудал үнэхээр их байсан тул энэ асуудал сунжирсан тал бий. Гэхдээ дараагийн ээлжит Хувь эзэмшигчдийн хурлаар тус асуудлыг нэн даруй хэлэлцүүлэх бэлтгэл ажлыг хангаад байна. Цаашид Монголын талын ТУЗ-ийн гишүүд “Эрдэнэс Оюу Толгой” ХХК-иас уул уурхайн салбарт мөрдөгддөг нийтлэг жишгийн дагуу цалинждаг болно.

    Өмнөговь аймгийг хөгжүүлэх чиглэлээр байгуулсан Хамтын ажиллагааны гэрээний биелэлтийн талаар асуусан Ерөнхий сайдын асуултад “Эрдэнэс Монгол” ХХК-ийн Гүйцэтгэх захирал Б.Бямбасайхан “Гэрээний хэрэгжилт сайн байгаа. Ирэх долоо хоногт бид “Ханган нийлүүлэгчдийн чуулга уулзалт”-ыг зохион байгуулахаар бэлтгэл ажлыг хангасан. Энэ форумд орон нутгийн төлөөлөл ч идэвхитэй оролцоно” гэдгийг онцлов. Ерөнхий сайд Орон нутгийн дэмжлэг болон Хандивын зардлыг өр гэж тооцохгүй байх талаар хатуу анхааруулав.

    ТУЗ-ийн түвшинд болон “Оюу Толгой” ХХК-ийн хувь нийлүүлэгчдийн хооронд энэ зун батлагдсан Нягтлан бодох бүртгэлийн бодлогын баримт бичгийн хүрээнд тус асуудлыг байнга хөндөж тавьсаар ирсэн. Цаашид байнгын хяналтад байх асуудлуудын тоонд оруулан ажиллаж байна. “Эрдэнэс Оюу Толгой” ХХК нь эдгээр асуудлаар Оюу Толгой ХХК-ийн удирдлага, ТУЗ, ХЭХ болон Татварын ерөнхий газартай хамтарч ажиллана. Татварын ээлжит шалгалт нь Оюу Толгой ХХК дээр ажиллаж байна. Одоогоор эдгээр зардлуудыг Үйл ажиллагааны зардал гэж бүртгэж байна. Дашрамд дурьдахад Оюу Толгой ХХК-ийн хувьцааны санхүүжилт дэх манай хувь хэмжээ (өр төлбөр) гүний уурхайн бүтээн байгуулалт, санхүүжилтийн төлөвлөгөөний 8.3-т зааснаар ойлгогдох юм. Төслийн санхүүжилтийг эцэслэх талаар Ерөнхий сайд мөн тодруулга авав. Хөрөнгө оруулагч тал Олон улсын нэр хүнд бүхий банкууд, хөгжлийн байгууллагуудтай Санхүүжилтийн асуудлыг эцэслэх шатандаа ороод буй ажээ.

    Эцэст нь Ерөнхий сайд Оюутолгойн гүний уурхайн бүтээн байгуулалтыг эрчимжүүлэх, мөн олон нийтэд бодитой мэдээлэл, зөв ойлголт өгөх талаар анхаарч ажиллахыг даалгалаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
    - See more at: http://zasag.mn/news/view/11293#sthash.sw9L0GSD.dpuf
  • Монгол Улс бизнес эрхлэх таатай орнуудын 56-р байрт орлоо
    2015 оны 10 сарын 28
    Монгол бизнес эрхлэх таатай орнуудын 56-р байрт орлоо
  • ”Илрүүлэлт” арга хэмжээний хүрээнд 5 хоногт 156 хэрэг илрүүлжээ
    2015 оны 10 сарын 28
    1. Сүхбаатар дүүргийн 7, 8-р хорооны нутаг дэвсгэрээс авто машины эд анги болон машиныг бүтнээр нь хулгайлдаг иргэн М нарын бүлгийг шалгахад нийт 21 удаагийн үйлдлээр авто машины толь, эд анги болон авто машин хулгайлсан болохыг илрүүлсэн.
    2. Сонгинохайрхан дүүргийн 15, 16, 17-р хорооны нутаг дэвсгэрт орон сууцнуудын гадна зогсоолд тавьсан авто машинуудын эд анги, цонхыг нь хагалж эд зүйлсийг нь хулгайлдаг хэргийг шалгах явцад иргэн Б нь бусадтай бүлэглэн 9 удаагийн үйлдлээр Тоёото Приус маркын авто машиын гурвалжин шилийг хагалж, эд зүйл хулгайлах түүний толь, их гэрэл зэрэг эд зүйл хулгайлсан нь илэрч шалгагдаж байна.
    3. Баянгол дүүргийн 10, 21-р хорооны нутаг дэвсгэрт иргэн Ч нарын бүлэг нь иргэдийи орон байранд удаа дараагийн үйлдлээр вакум цонхыг түлхэх, гэрийн хаалга эвдэх зэрэг аргаар орж, зурагт, зөөврийн компьютер, алт мөнгөн эдлэл хулгайлдаг болохыг илрүүлж, шалгаж байна.
    4.
    Илрүүлэлт нэгдсэн арга хэмжээний хүрээнд 2015 оны 10 дугаар сарын 20- ны өдрөөс 25-ны өдрүүдэд Мэдээлэл шуурхай удирдлагын төвийн хоногийн мэдээнд 156 хэрэг нөхөн илрүүлсэнээр өгч ажилласан.

  • Гацууртын нинжа нарыг “Сентерра Гоулд”-ын хүмүүс гэдгийг баталжээ
    2015 оны 10 сарын 28
    “Босоо хөх Монгол”бүлгэмээс өнөөдөр цаг үеийн асуудлаар мэдээлэл хийлээ. Тус бүлгэмийнхэн Сэлэнгэ аймгийн Мандал сумын Ноён уулын Гацууртын аманд очиж нөхцөл байдалтай танилцаад иржээ.



    Гал үндэстэн холбооны тэргүүн н.Хундаганай “Бид хоёр цаг гаруй турш гадаа зогсож байж, Гацуурт руу нэвтэрсэн. Тэнд байгаа нинжа нар бол “Сентерра Гоулд”-ынхантай найзалж, нөхөрлөсөн, тэдэнтэй хуйвалдсан хүмүүс байна лээ. Нинжа нар дийлдэхгүй байна гэсэн худал нэрийн дор Гацууртыг ухах гэж байна. УИХ-ын гишүүн С.Баярцогт нарын хүмүүс Ноён уулыг хамгаалаад, Гацууртыг ухуулъя гэж байна. Энэ бол байж болшгүй тэнэглэл” гэлээ.



    Сэлэнгэ аймгийн Мандал сумын иргэн н.Ялалт Ноён уул, Гацууртын ордод хүч болохгүй гурван шалтгааныг хэлсэн. Тэрбээр “Бороогийн уурхайг ажиллуулж алтыг нь авахдаа монголчуудад ашиг өгөөгүй “Сентерра Гоулд”-д бид ахиад луйвардуулна. Мөн Хараа, Бороо, Зүүнхараа орчимд хүнцэлийн хороо хордсон бүтэн нуур бий болчихоод нутгийн иргэдийг хордуулж байна. Үүнээс гадна Ноён уул Хэнтий уулын төгсгөл мөнх цэвдэгийн зангилаа газар байгаа юм. Үүнийг тэсэлж, дэлбэлэх аваас хэдхэн жилийн дотор элсэн цөл болно. Шинжлэх ухааны талаас ийм баримтууд ухаж болохгүй гэдгийг нь нотолж байгаа юм” гэж ярьсан.



    Ноён ууланд зөвхөн түүхийн дурсгалт булш, бунхан байгаа бус Хүннүгийн үеийн төмөрлөгийн үйлдвэрийн болон хотын туурь байгаа. Түүхийн өв, соёлыг хадгалсан газраа ухаж болохгүй. Эх орноо аврахыг эрх мэдэлтнүүдээс хүсэж байгаагаа хэвлэлийн хуралд оролцогчид хэлж байлаа.

  • Эрээн хотод бусдаас мөнгө залилсан этгээдийг илрүүлжээ
    2015 оны 10 сарын 28
    БНХАУ-ын Эрээн хотод бусдаас мөнгө залилж авсан хэрэгт эрэн сурвалжпагдаж байгаа Говь-Алтай аймгийн харъяат “Г” гэгчийн талаар авагдсан мэдээллийг шалгахад уг этгээд нь жолооны сургуульд сурч байгаа нь илэрч. Уг мэдээллийн дагуу шалгалтын ажиллагааг явуулж, 2015.10.13-ны өдөр Хан-Уул дүүргийн 15 дугаар хороо, Хурд хорооллоос олж баривчлан, Мөрдөн байцаах тасагт хүлээлгэн өгсөн бөгөөд нийт 11 удаагийн үйлдлээр бусдаас мөнгө залилан авсан гэмт хэрэг үйлдсэн болох нь илэрч мөрдөн шалгадаж байна.

    Дөрөв: Хан-Уул дүүргийн 5-р хороонд оршин суух иргэн “Ц” гэгч нь гэр хорооллын айлуудын вакум цонхыг түлхэн орж, эд зүйл хулгайлдаг гэх мэдээллийг шалгахад Сонгинохайрхан, Чингэлтэй дүүргийн нутаг дэвсгэрээс нийт 7 удаагийн үйлдлээр хулгайн гэмт хэрэг үйлдсэн болох нь илэрч шалгагдаж байна.
  • Ахуйн хүрээнд хулгай хийдэг этгээдийг саатууллаа
    2015 оны 10 сарын 28
    Нийслэлийн нутаг дэвсгэрт ялангуяа гэр хорооллоос зурагт, зөөврийн компьютер болон мөнгөн аяга бусад эд зүйл хулгайлдаг “X” гэгчийн талаар авагдсан мэдээллийн дагуу холбогдох шалгалтын ажиллагааг явуулахад нийт 17 удаагийн үйлдлээр бусдын орон байранд нэвтрэн хулгайн гэмт хэрэг үйлдсэн болохыг илрүүллээ.

    Сэжигтэй этгээд “X” нь гэмт хэрэг үйлдэх үйлдлийн аргаар бусад эзэн холбогдогч нь тогтоогдоогүй байгаа хэргүүдэд холбон шалгах, бусад хань харилцааг тогтоож, үйлдсэн гэмт хэргийг бүрэн дүүрэн илрүүлэх чиглэлээр Чингэлтэй дүүрэг дэх цагдаагийн 2-р хэлтэстэй хамтран ажиллаж байна.

  • ”Өөдөс” хочит олон удаагийн үйлдэлтэй гар утасны хулгайчийг баривчилжээ
    2015 оны 10 сарын 28
    Улаанбаатар хотын цагдаагийн газрын Нэгдүгээр хэлтсийн Эрүүгийн тасгийн алба хаагчид 2015 оны 10 дугаар сард олон үйлдэл, оролцогчтой доорх хэргүүдийг илрүүлж, холбогдох шалгалтын ажиллагааг явуулж байна.

    Илүүлсэн хэргийн талаар:

    Нэг: Сүхбаатар дүүргийн 8 дугаар хорооны нутаг дэвсгэрт байх “Төгөлдөр” төвийн 2 давхараас иргэн Ү нь 2015 оны 10-р сарын 10-ны өдрийн 17:00 цагийн орчим гар утас эд зүйлээ хулгайд алдсан гэх хэргийг шалгахад уг хэргийг “Өөдөс” хочит Э гэгч үйлдсэн болохыг тогтоон, Баянзүрх дүүргийн 11 дүгээр хороо “Хөх тэнгэр” оршин суугаа газраас нь баривчилсан.

    Сэжигтэй этгээд “Өөдөс” хочит “Э” нь зах, худалдааны төв, томоохон дэлгүүрүүдэзс бусдын анхаарлыг сарниулж, эд зүйл хулгайлсан эзэн холбогдогч нь тогтоогдоогүй бусад хэргүүдэд холбон шалгахад нийт 32 удаагийн үйлдлээр хулгайн гэмт хэрэг үйлдсэн болох нь илэрсэн. Уг этгээд нь хулгайлсан гар утаснуудаа Монтел худалдааны төвийн гадна гар утасны худалдаа эрхэлдэг ченж гэх У,М,Н,У нарт зарж, борлуулсан байх тул хулгайн эд зүйл худалдаж авсан ченж нарыг эрүүгийн хариуцлагад татахаар шалгаж байна.
  • Ё.Лхагвасүрэн: Хүний аминд хүрсэн гэх цагдаагийн алба хаагчдыг саатуулсан
    2015 оны 10 сарын 28
    Цагдаагийн алба хаагчид архидан согтуурч хүний аминд хүрсэн талаарх мэдээлэл байгаа. Тэгвэл уг асуудалтай холбоотой ЦЕГ-аас шуурхай хэвлэлийн хурал зарлалаа. Хэвлэлийн хурал Улаанбаатар цагдаагийн газрын байранд 12:00 цагаас болно.



    Харин хэргийг тодруулбал, Цагдаагийн ерөнхий газрын Тусгай хэлтсийн гурван ажилтан өнгөрсөн баасан гаригт “VENUS” бааранд нэгэн иргэнийг зодож амь насыг нь хөнөөсөн тухай эх сурвалж мэдээллээ. Уг хэргийн талаарх мэдээлэл бямба гаригт буюу энэ сарын 24-ний өглөө БЗД-ийн Цагдаагийн хэлтэст ирсэн байна. Хэргийн газарт очиход зодуулсан иргэн нэгэн зочид буудалд орж, зодуулж гэмтсэний улмаас амиа алдсан байдалтайгаар олджээ. Хохирогч Элитийн батальон буюу Зэвсэгт хүчний 150 дугаар ангид алба хаадаг байсан бөгөөд түүнийг зодож амь насыг нь хохироосон таван хүний гурав нь ЦЕГ-ын Тусгай хэлтсийн хоёр ахлах дэслэгч, нэг ахлагч цолтой ажилтан байсан аж.
  • Б.Батбаатар Ерөнхий сайдад зөвлөнө
    2015 оны 10 сарын 28
    Б.Батбаатар Ерөнхий сайдад зөвлөнө
  • Итали улс Монголд Элчин сайдын яамаа нээнэ
    2015 оны 10 сарын 28
    Монгол Улсын Гадаад хэргийн сайд Л.Пүрэвсүрэнгийн Бүгд Найрамдах Итали Улсад хийсэн албан ёсны айлчлал амжилттай өндөрлөлөө. Айлчлалын үеэр Милан хотноо болж буй ”Экспо Милано 2015” арга хэмжээний төв талбайд ”Монголын өдөр” арга хэмжээг хоёр удаа зохион байгуулж олон мянган зочдод монголын түүх соёл урлагийг сурталчилан танилцуулав. Монголын өдөр арга хэмжээнд манай уран бутээлчид монголын үндэсний язгуур урлагийг орчин уеийн сонгодог урлагийн дээжистэй хослуулан олонд өргөн барилаа.

    Эдгээр өдрүүдэд “Экспо Милано 2015” арга хэмжээний сүүлийн өдрүүд тохиож байгаа тул өдөртөө 300 гаруй мянган зочид зочилж үзэсгэлэнгийн хүрээнд зохион байгуулагдаж буй соёлын арга хэмжээнүүдийг үзэж сонирхож байна.
  • Бүтээн Байгуулалтын шагналын эздийг өнөөдөр тодруулна
    2015 оны 10 сарын 28
    Бүтээн Байгуулалтын шагналын эздийг өнөөдөр тодруулна
  • Горхины шоржигнох, шувуудын жиргэхийг сонсохсон...
    2015 оны 10 сарын 28
    Горхины шоржигнох, шувуудын жиргэхийг сонсохсон...
6027 6028 6029 6030 6031 6032 6033
  • Шинэ
  • Их уншсан
  • Их сэтгэгдэлтэй
  • Хүүхдийн төлөө "ЗА" гэж хэлье
    2 мин
  • Улаанбаатарт шөнөдөө ялимгүй цастай
    19 мин
  • Трамп, Путин, Ши Жиньпин нарын түүхэн уулзалтаас онцлох таван дүгнэлт
    24 мин
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
    14 цаг 21 мин
  • Үндэсний аврах бригад Имарттай хамтран 3,500 айл өрхөд угаарын хийн мэдрэгч суурилуулна
    15 цаг 20 мин
  • Европын 23 орны 23 киног БНСУ-ын Сөүл хотод үнэ төлбөргүй толилуулна
    16 цаг 23 мин
  • Монгол улсын шигшээ багийн тамирчин Алтангэрэлийн Азбаяр Японы B.LEAGUE-ын "ASIA ALL-STARS" багийн бүрэлдэхүүнд шалгарчээ
    16 цаг 40 мин
  • Үнэт цаасны арилжаа түүхэн дээд үзүүлэлтэд хүрлээ
    16 цаг 47 мин
  • У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
    17 цаг 16 мин
  • Монгол улсын шигшээ багийн тамирчин Ч.Маргад эх орондоо ирлээ
    18 цаг 28 мин
  • "Доха" олон улсын кино наадам эхэллээ
    19 цаг 29 мин
  • Дэлхийн тайзанд шилдэг 20-т бичигдэж байгаа О.Намуунаа дараагийн шатанд үлдэхийн тулд олон нийтээс өндөр санал авах шаардлагатай байна
    20 цаг 1 мин
  • 8660 хүүхэд гэртээ ойр суралцаж, анги дүүргэлтийн асуудал буурсан үзүүлэлттэй байна
    20 цаг 20 мин
  • "Өмнөговийн Хүлэгүүд" баг Зүүн Азийн супер лигийн хоёр дахь тоглолтдоо 29 онооны хожигдлоос эргэн ирсэн ч хожигдол хүлээлээ
    20 цаг 57 мин
  • Д.Трамп Ши Жиньпин, В.Путин нартай түүхэн уулзалт хийхийнхээ өмнө Филиппин саатлаа
    22 цаг 35 мин
  • 13 жилийн хүлээлтийн эцэст “Grand Theft Auto 6” тоглоом дэлхий даяар нээлтээ хийлээ
    23 цаг 19 мин
  • Мьянмар улс Рохинжа үндэстний цөөнхийн эсрэг хийсэн үйлдлийнхээ төлөө геноцидын хэрэгт хариуцлага хүлээх анхны улс болно
    23 цаг 41 мин
  • Японы Кюүшюү аралд 5.3 магнитудын хүчтэй газар хөдөлжээ
    23 цаг 41 мин
  • Дэлхийн олон орны иргэд Монголчуудад цагаан “атаархав”
    23 цаг 44 мин
  • ХЭҮК: Хаврын морин уралдааныг сэргээх хуулийн төслийг дэмжихгүй
    23 цаг 50 мин
  • Л.Батлут: Улс эх орны эрх ашгаас илүү албан тушаал гэж үгүй
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
  • Өнөөдөр нутгийн баруун өмнөд хэсгээр цас орно
  • УИХ-ын гишүүн Х.Болормаа “Нээлттэй парламент” танхимд хоёр дахь удаагаа ажиллав
  • Боксын гурван удаагийн дэлхийн аварга Хорхе Линаресыг АНУ-ын цагаачлалын албаныхан саатуулжээ
  • Жүдо бөхийн залуучуудын ДАШТ энэ сарын 19-нд эхэлнэ
  • Б.Хурцын эхлүүлсэн шинэ зам буюу “Их эвсэл”
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • Одоо л С.Бямбацогтыг дэмжихгүй бол оройтож мэдэх нь!
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Ерөнхий сайдын мэдээллээс онцлох 10 ЭШЛЭЛ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • Хайрын дууч С.Сэрчмаагийн тухай 24 баримт
  • Өнөөдөр төв болон зүүн аймгуудын нутгаар нойтон цас орж, шуурна
  • Б.Хурцын эхлүүлсэн шинэ зам буюу “Их эвсэл”
  • З.Мэндсайхан: 2027 оны төсөв иргэдийнхээ орлогыг хамгаална
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Одоо л С.Бямбацогтыг дэмжихгүй бол оройтож мэдэх нь!
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • П.Батчимэг: Ирэх оны төсвийг 41.5 их наядын алдагдалтай батласан нь татвар төлөгчдийг улам сөхрүүлэх арга гэхээс өөр үг алга
  • Ерөнхий сайдын мэдээллээс онцлох 10 ЭШЛЭЛ
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • ФАКТ: Г.Дамдинням сайдын барьсан "iPhone Duo" гар утас дунджаар 10 сая төгрөгний үнэтэй
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
  • ТББХ: Ерөнхийлөгчийн чөлөөлөгдөх хүсэлтийг дэмжсэн болон дэмжээгүй гишүүд
  • У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
  • Л.Батлут: Улс эх орны эрх ашгаас илүү албан тушаал гэж үгүй
  • Э.Одмөнх: Төрийн ёслолын дэг журамд "бөхчүүдийн гарыг арчуулах" гэсэн зүйл байхгүй
  • Ойрын 10 хоногийн цаг агаарын урьдчилсан ТӨЛӨВ
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • Улаанбаатарт 168,000 орчим эзэнгүй нохой, муур байна
24 баримт
  • Хүүхдийн төлөө "ЗА" гэж хэлье
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
  • Дэлхийн хамгийн хүнд жинтэй эрэгтэй "Жон Брауэр Миннок" нь ойролцоогоор 635 кг жинтэй байжээ
  • Ерөнхий сайдын мэдээллээс онцлох 10 ЭШЛЭЛ
  • 24 БАРИМТ: Дэлхийн гүнжүүдийн тухай сонирхолтой түүхүүд
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК