Өчигдөр ШШГЕГ-аас МАХН-ын дарга Н.Энхбаярыг хоригдож байх үеийн бичлэгийн монтажлан хүргэлээ. Учир нь түүнийг хоригдож байх үед түүний эрхийг зөрчсөн, ар гэрийнхэнтэй нь уулзуулахгүй байгаа гэх мэт үнэн худал нь мэдэгдэхгүй олон мэдээлэл цацагдаж байсан юм.
    Өчигдөр ШШГЕГ-аас МАХН-ын дарга Н.Энхбаярыг хоригдож байх үеийн бичлэгийн монтажлан хүргэлээ. Учир нь түүнийг хоригдож байх үед түүний эрхийг зөрчсөн, ар гэрийнхэнтэй нь уулзуулахгүй байгаа гэх мэт үнэн худал нь мэдэгдэхгүй олон мэдээлэл цацагдаж байсан юм.
    Бүр “facebook” хуудаснаа “TY9 телевизийг үзэхээр Н.Энхбаярыг өрөвдөх юм, харин Eagle TY-г үзэхээр Н.Энхбаярыг үзэн ядаж байна” гэх үг хүртэл гарсан байв. Тиймээс ШШГЕГ-аас бодит мэдээллийг дэлгэсэн юм. Хэдийгээр уг бичлэгийг монтажлан хүргэсэн ч Н.Энхбаярын хэрхэн бүдүүлэг авирласан, Э.Батшугар хэрхэн худлаа ярьсан зэрэг дүрсүүд үлдсэн байлаа.
    Н.Энхбаяр энэ сарын 4-нд хуурай өлсгөлөн зарласан. Гэвч маргааш өглөө нь буюу энэ сарын 5-нд түүний бие эрс муудсан учраас түүнийг Төв аймгийн хорих төвөөс ШШГЕГ-ын харьяа цагдан хорих 461 дүгээр ангийн нэгдсэн эмнэлэгт хэвтүүлэхээр болсон юм. Уг шийдвэрийг ШШГЕГ-ын ажилтнууд, Н.Энхбаярын эхнэр О.Цолмон, эмчлэгч эмч Г.Баясгалан нар ярилцаж байж шийджээ. Энэ үеэр О.Цолмон “Хүний эрүүл мэндийг бодоод өөрийг нь хүссэн хүсээгүй аваад гарах ёстой” гэх үгийг хэлсэн байна. Харин Н.Энхбаярыг ШШГЕГ-ын ажилтнууд өргөөд эмнэлгийн машинд суулгасны дараа түүний гэрийнхэн дахин өргөн гарлаа гэх мэт үгсийг хэлж байсан юм.
    Тэгээд түүнийг цагдан хорих 461 дүгээр ангийн эмнэлэгт хүргэх тогтоолыг өөрт нь танилцуулж, эмнэлэг рүү авч явжээ. Эмнэлэгт очин үзлэг хийн, ар гэрийнхэнд нь болон өөрт нь цагдан хоригдох болон ариун цэврийн өрөө, гал зуух, Төрийн тусгай хамгаалалтын газраас хяналт тавих өрөө, итгэмжлэгдсэн эмч, сувилагч нарын байрлах өрөө зэргийг танилцуулсан байна. Мөн энэ үеэр О.Цолмон болон Э.Батшугар нар Н.Энхбаяртай уулзаж байгаа бичлэг үлдсэн байв. Гэвч маргааш нь буюу тавдугаар сарын 6-нд МАХН-аас мэдээлэл хийж, Э.Батшугар “Ээж бид хоёр аавтай уулзаж чадаагүй” хэмээн мэдэгдэж байсан билээ.
    Мөн Н.Энхбаярын хуулийн ажилтнууд руу салаавч гаргаж, тэднийг доромжилж байгаа дүрс үлджээ. Хэдийгээр Төрийн тэргүүн байсан хүн тэвчээргүй ёсзүйгүй, бүдүүлэг аашиллаа гэх хүн олон байсан ч хүнийг тэвчээрийг алдаж, салаавч гаргах үйлдэл гаргуулсан нь хуулийн байгууллагынхны алдаа гэх хүн олон байлаа.  
    Түүнчлэн ШШГЕГ-аас хийсэн мэдээлэлд “Н.Энхбаяр Төв аймгаас ШШГЕГ-ын цагдан хорих 461 дүгээр эмнэлэгт хүргэгдэхдээ гадаа олон хүн байна, мөн хэвлэлийнхэн ч ирсэн байгаа гэхэд гутлаа өмсөхгүй аашлан өргүүлж гарсан. Харин цагдан хорих 461 дүгээр ангиас Клиникийн хоёрдугаар эмнэлэг хүргэгдэхдээ гадаа хүн алга гэхэд өөрөө алхаад орсон” хэмээн тайлбарлаж байв. Түүний эл үйлдэл бичлэгт мөн үлдсэн байв.
    Энэ мэт хуулийн байгууллагаас өөрсдийгөө хамгаалсан дүрс бичлэгийг монтажлан гаргаж, харин МАХН-аас Н.Энхбаяр даргын биед халдсан, эрхийг зөрчсөн, хоригдлуудын дунд нүцгэн алахуулсан, ар гэрийнхэнтэй нь уулзуулаагүй зэрэг мэдэгдлийг хийж олон нийтийг төөрөгдүүлж байна. Харин энэ сарын 24-нд Н.Энхбаярт холбогдох шүүх хурал болж, түүний гэм буруутай эсэхийг тогтоож, Н.Энхбаярын шоу дуусах биз ээ.