“Ард түмний Оскарын шагналтан” хэмээгдсэн жүжигчин Леонардо Ди Каприо “The Revenant” киногоороо Оскарын шилдэг эрэгтэй жүжигчний шагнал хүртэж, шүтэн бишрэгчдийнхээ магнайг тэнийлгэсэн.
19-хөн насандаа Академийн 66 дахь удаагийн Оскарт анх нэр дэвшиж байсан түүний талаарх сонирхолтой 24 баримтыг хүргэж байна.
Баримт 1. Леонардо Ди Каприо кино урлагт 25 жил зүтгэж, Оскарт зургаан удаа нэр дэвшсний эцэст “Оскар 2016”-аас “The Revenant” киногоороо Оскарын шилдэг эрэгтэй жүжигчний шагнал хүртэв.
Баримт 2. Тэрбээр 1974 оны 12 дугаар сарын 11-ний өдөр төржээ.
Баримт 3. Ди Каприо 1984-1993 оны хооронд Америкчуудыг байлдан дагуулж байсан Санта Барбара болон Өсөлтийн өвчин телесериалуудад тоглож жүжигчиний замналаа эхлүүлсэн байна.
Баримт 4. Америкийн жүжигчин, продюсер тэрбээр Алтан бөмбөрцөгт найман удаа нэр дэвшиж байснаас 2004 онд Нисгэгч кинонд онгоцны нэрт загвар зохион бүтээгч Ховард Хьюзийн дүрийг бүтээж, хүртсэн аж.
Баримт 5. Харин тэрээр Оскарт анх “What’s eating Gilbert Grape” киноны сэтгэцийн өвчтэй хүний дүрээр эрэгтэй туслах дүрийн шагналд нэр дэвшиж байжээ.
Баримт 6. Харин түүний 1998 онд тоглосон Титаник кино түүнд алдар нэр авчирсан ч Оскарт нэр дэвшиж чадаагүй юм. Харин 2005 онд “The Aviator” киногоороо шилдэг эрэгтэй жүжигчний шагналд нэр дэвшиж байжээ.
Баримт 7. Тэрбээр Оскарын шилдэг эрэгтэй жүжигчний шагнал хүртсэнийхээ дараа “The Revenant" кино бол гайхалтай хамт олны минь цуцашгүй хүчин чармайлтын үр дүн юм. Өнөөг хүртэл тусалсан хамт олон, үзэгч фенүүдийн минь дуусашгүй дэмжлэг нь намайг энэ тайзан дээр гаргах гол шалтгаан боллоо. Энэ шагнал дэлхийн цаг уурын өөрчлөлтийн эсрэг хэрхэн тэмцэх, анхаарал хандуулах хэрэгтэйг хэлж өгч байна” хэмээн өөрийн сэтгэгдлээ фэйсбүүк хуудаснаа бичжээ.
Баримт 8. Супер моделиудтай болздог жүжигчин залуу уран зурагт бас хайртай нэгэн гэнэ.
Баримт 9. Тэрбээр Холливуудын нэрт жүжигчдийн дунд хамгийн том урлагийн цуглуулгатай гэж хэлэгдэхээр их цуглуулагатай бөгөөд түүний нандин цуглуулгад алдартай уран зургууд багтдаг аж.
Баримт 10. 2015 онд тэрбээр АНУ-ын “ARTnews” сэтгүүлээс гаргасан шилдэг 200 цуглуулагчийн жагсаалтыг тэргүүлжээ.
Баримт 11. 2013 онд зураач Элизабет Пейтон Ди Каприог зурсан бөгөөд тэрбээр уг хөргийг нэг сая ам доллараар худалджээ.
Баримт 12. Ди Каприо Монгол Улстай холбоотой зүйлсийг нэлээдгүй сонирхдог нэгэн аж. 2007 оны гуравдугаар сард алдарт жүжигчин Николас Кэйж Монголын археологийн олдворт багтах 67 сая жилийн настай үлэг гүрвэлийн араг ясыг 276 мянган ам.доллараар худалдан авч байсан. Уг дуудлага худалдаанд Ди Каприо оролцож, үнэт олдворыг авахын тулд үнэ хаялцаж байсан байна.
Баримт 13. Харин тэрбээр саяхан нэрт аялагч Йохан Эрнст Нильсоны удирдах аялалд оролцож Монголд 10 хоног аялах тасалбарыг 95 мянган ам.доллараар худалдан авсан билээ.
Баримт 14. Тэрээр «La Colombe Torrefaction» тай хамтран LYON нэрийн кофены бизнес эрхэлдэг. Гэхдээ олсон ашгаа 100 хувь «The Leonardo DiCaprio Foundation» сангаараа дамжуулж экологи ба байгаль хамгааллын үйлст хандив болгон өгдөг аж.
Баримт 15. 2006 онд Леонардо ди Каприо «Cape Town» – ийн далайн эрэгт амарч байхдаа аварга махчин загастай таарч золтой л бариулчихаагүй байна. Тиймээс өдгөө махчин загаснаас үхэтлээ айдаг гэнэ.
Баримт 16. Леонардогийн ээж нь Герман хүн байдаг ба түүнийг багаас нь унаган Герман хэлтэй болгожээ. Эцэг эх нь ой гарантай байхад нь салсан бөгөөд тэрээр ээжтэйгээ бас Герман эмээ дээрээ өссөн юм.
Баримт 17. Түүнийг 10 настай байхад нь агент нь түүнд ажил олж өгөхийн тулд нэрийг нь өөрчлөх санал тавьжээ. Ингэхдээ «Lenny Williams» болгоё гэсэн санааг гаргасан ба нэрээ өөрчилтөл нь түүнтэй гэрээ хийхгүй гэдэг байсан гэнэ. Гэвч Леонардо татгалзсаар өнөөгийн амжилтанд хүрсэн юм.
Баримт 18. Тэрээр сайн санааны маш олон арга хэмжээнд хандивын гараа сунгасан байдаг. Жишээ нь Непалын нэн ховор зэрлэг барсыг хамгаалахад $3.000.000 ам.доллар мөн ижил хүйстэн хүмүүсийн эрхийг хамгаалахад $61.000 ам.доллар хандивласан байдаг.
Баримт 19. «Titanic» киногоороо олны танил болсон Леонардо 1990-ээд оны «The Pussy Posse» бүлгийн нэг гишүүн байжээ. Энэ нь цэнгээний газраар зөвхөн охин «чихдэх» зорилготой ордог залуусын бүлэг юм. Тэр бүлэгт нь түүнээс гадна жүжигчин Tobey Maguire, Harmony Korine, David Blaine нар багтдаг байжээ.
Баримт 20. Тэрээр Demi Moore, Gisele Bundchen, Blake Lively, Naomi Campbell болон Miranda Kerr зэрэг хорь гаруй дур булаам бүсгүйтэй болзож байсан ч ганц ч удаа гэрлээгүй.
Баримт 21. Тэр хэзээ ч хар тамхи татаж үзээгүй байна. Ди Каприо “Wolf of Wall Street” киноны хар тамхичны дүрийг амжилттай бүтээхдээ мэргэжлийн эмч нараас зөвлөгөө авч, YouTube–ээс маш олон бичлэг үзсэн хэмээн тайлбарлажээ.
Баримт 22. Каприо нэг биш нэлээд хэдэн гоо бүсгүйчүүдтэй хайр дурлалын харьцаа үүсгээд авсан ч хэнтэй нь ч гэрлээгүй.
Баримт 23. Байгаль орчноо хайрлан хамгаалахын төлөө идэвхитэй тэмцэгч Леонардо ди Каприо «Toyota Prius» маркийн машин унадаг. Бас гэртээ нарны эрчим хүч үйлдвэрлэх фото цахилгаан хавтантай.
Баримт 24. Леонардо ди Каприогийн нэр нь Италийн суут зураач Леонардо да Винчийн нэрнээс эхтэй аж. Тэрээр ээжийгээ түүний зургийг харж байхад нь анх гэдсэндээ хөдөлсөн гэдэг.
24tsag.mn
Сэтгэгдэл (6)