Баримт 1.
Түүний бүтэн нэрийг Дидье Ив Дрогба Тебили гэдэг бөгөөд 1978 оны гуравдугаар сарын 11-нд Котдиуар улсын Абижан хотод төрсөн
Баримт 2.
Котдиуар буюу Зааны ясан эрэг улсын хөлбөмбөгчин бөгөөд Премьер лигийн Челси баг Котдивуар улсын шигшээ багт төвийн довтлогчоор тоглодог.
Баримт 3.
Мөн тэрбээр шигшээ багийнхаа ахлагч, бүх цаг үеийн мэргэн бууч юм.
Баримт 4.
Харин Челси багт хамгийн олон гоол оруулсан гадаад тоглогч, бүх цагийн 4 дүгээрт эрэмбэлэгдсэн гоолдогч билээ.
Баримт 5.
Бага ахуйдаа Францад хөлбөмбөг тоглохоор нүүн ирсэн тэрээр өсвөрийн «Левалуа» багт нэг жил тоглоод хоёрдугаар лигийн «Ле-Ман» багт дэвшин, Францын аварга болж байлаа.
Баримт 6.
Тэрбээр 21 настайдаа лигийн түвшин ахиж «Генгам» багт гэрээ байгуулсан улиралдаа 45 тоглолтод 20 гоол оруулах үест Котдиуар улсынхаа шигшээ багт дуудагдан анхны гараагаа хийсэн юм.
Баримт 7.
2003 оны есдүгээр сард түүний ирээдүйтэй тоглогч болохыг баталж Олимпик Марсель баг 3.3 сая Фунт стерлингээр эгнээндээ элсүүлсэн.
Баримт 8.
Тухайн улирлын туршид лигт 19 гоол оруулж Олимпик Марсель багаа 2004 оны «УЕФА-гийн цомын» шигшээ тоглолтод тунахад голлон үүргийг гүйцэтгэж байв.
Баримт 9.
Харин дараагийн шинэ улирал эхлэхтэй зэрэгцэн Дрогбаг Английн шилдэг баг Челсид 24 сая фунтээр худалдагдсан бөгөөд Котдиуарын хамгийн өндөр үнэ хүрсэн тоглогч болсон түүхтэй.
Баримт 10.
2005 оны Английн хөлбөмбөгийн «Лигийн цомын» шигшээ, «Коммунити Шиелд» тэмцээнүүдэд шийдвэрлэх гоолуудыг оруулж, улмаар багийн анхны Премьер лигийн түрүүг авахад үүргээ хангалттай биелүүлжээ.
Баримт 11.
Дрогба 2006 онд багийнхантайгаа лигийн түрүүг дахин авч, улмаар шигшээ багаа ахласнаар дэлхийн шилдэг довтлогчдын нэгэнд зүй ёсоор тооцогдох болов.
Баримт 12.
2006 оны Дэлхий аварга шалгаруулах тэмцээнд Котдиуарын анхны гоолыг оруулсан бөгөөд уг гавьяаг нь өндрөөр үнэлж 2006 оны Африк тивийн шилдэг хөлбөмбөгчнөөр тодруулсан байна.
Баримт 13.
Дараагийн улирал нь лигт 20 гоол оруулан мэргэн бууч болж, 2007 оны Лигийн цом болон АХХ-ны цомын шигшээ тоглолтуудад хожлын гоолууд хийж байв. 2009-2010 оны улирал Дрогба анх удаа Дубль хийн багийнхаа нь гол ноён нуруу болохоо харуулсан билээ.
Баримт 14.
Тэр «Алтан шаахайг» хоёр дахь удаагаа 29 гоолоор хүртэж, 2010 оны «АХХ-ны цомын» шигшээ тоглолтод Портсмутын эсрэг хожлын цор ганц гоолыг оруулсан. Уг гоол нь Английн цомын 6 шигшээ тоглолтод бүгдэд нь гоолдсон ганц тоглогч болгосон юм.
Баримт 15.
“Челси” клубын бүрэлдэхүүнд 381 тоглолтод 164 гоол оруулж, 4 удаа Премьер лигийн аварга, 4 удаа ФА цом, 3 удаа лигийн цом, 1 удаа Аваргуудын лигийн титмийг өргөсөн билээ.
Баримт 16.
Дрогба түүнчлэн Котдиуарын үндэсний шигшээ багт 2002-2014 онуудад хүчин зүтгэж, 104 тоглолтод оролцож, 65 гоол оруулсан байна.
Баримт 17.
Тэрбээр 2004 онд Францын хөлбөмбөгийн лигийн оны шилдэг гоолын эзэн, Францын хөлбөмбөгийн лигийн оны шилдэг тоглогч болж байлаа.
Баримт 18.
Тэр анх Францын Ле Манст баг 18 настайдаа элсэж байсан. Үүний өмнө Лавалойс клубт 15-тайдаа, түүнээс өмнө Бриттани багт тоглож байсан. Гэхдээ Ле Манс түүний анхны мэргэжлийн баг байсан аж.
Баримт 19.
Тэрбээр бэлтгэлдээ галт тэргээр явдаг байсан бөгөөд цаг хагасын зайтай газар зарцуулдаг байсан. Гэхдээ энэ нь түүний хувьд үнэ цэнэтэй байсан. Тэр тэмцэж, шантрахгүй байхыг сурсан.
Баримт 20.
11 нас хүртлээ тэр баруун жигүүрийн хамгаалалтад тоглож байлаа. Харин дараа нь довтлогчийн байрлалыг сонгосон. Түүний авга ах нь довтлогч байсан бөгөөд түүнийг ч мөн тэр байрлалд тоглохыг хүссэн байна.
Баримт 21.
Тэр Африкийн үндэсний хөгжим болон Америк рэп, хип хоп сонсдог. Франц рэп ч мөн сонсдог гэнэ. Хөгжимд үнэхээр хайртай нэгэн.
Баримт 22.
Түүний бага насны өдрүүд хүнд хэцүү байсан. Учир нь Африк даяар нүүрлэсэн их хямрал байлаа. Тэрээр бусдын адил өлсгөлөнд нэрвэгдсэн бөгөөд бие бялдрын өсөлт муутай байлаа.
Баримт 23.
Түүний авга ах Мишель Гоба түүнийг Францад ирэх санал тавьсан байна. Улмаар Парист харгалзах хүнгүй ганцаараа онгоцоор ирж ахтайгаа уулзсанаар түүний хөл бөмбөг тоглох эхлэл тавигджээ.
Баримт 24.
Дрогба нь Английн Премьер Лигийн тоглолтуудад 100 гоол хийсэн анхны Африк хөлбөмбөгчин юм. Мөн Котдиуарын үндэсний шигшээ багийн хамгийн шилдэг мэргэн бууч юм. Түүнчлэн Африк тивийн АШТ-нээс хоёр мөнгөн медаль хүртжээ.
Сэтгэгдэл (1)