БАРИМТ 1
Италийн шигшээ1934, 1938, 1982, болон 2006 онуудад дэлхийн аварга болж байсан дэлхийн дөрвөн удаагийн аваргууд.
БАРИМТ 2
53 жилийн өмнө буюу 1968 онд нутагтаа зохион байгуулсан Европын аваргад түрүүлж байсан бөгөөд өнөөдөр Английн шигшээ багийг буулган авснаар Европын хошой аварга болж байна.
БАРИМТ 3
6-р сарын 12-нд Туркын шигшээ багийн эсрэг тэмцээний нээлтийн тоглолтыг хийсэн бөгөөд тус тоглолтондоо 3:0 харьцаатай хожиж тэмцээний эхний гоолуудыг оруулсан.
БАРИМТ 4
Уг тэмцээнийг хожигдол амсалгүй өндөрлүүлснээр өөрсдийн олон улсын тавцанд хожигдоогүй цувралыг үргэлжлүүлсээр байгаа бөгөөд одоогийн байдлаар дараалласан 34 тоглолтод хожигдол амсаагүй байна.
БАРИМТ 5
Шигшээ багийн ахлагч Жиоржио Кьеллинигийн хувьд энэ жил 37 настай бөгөөд Европын аваргын финалд тоглосон хамгийн ахмад тамирчин болсон.
БАРИМТ 6
3-р хаалгач Алекс Меретээс бусад 25 тоглогчид талбай дээр гарч тоглосон.
БАРИМТ 7
Хөх цэнхэр өнгийн өмсгөлийг талбайн эзэн багийн хувиар тоглохдоо өмсдөг бол зочлон тоглолтондоо цагаан өнгийн өмсгөлийг өмсдөг.
БАРИМТ 8
1948 онд АНУ-ын шигшээ багийг 9:0 харьцаатайгаар буулган авч байсан нь тэдний хамгийн олон гоолын зөрүүтэй байгуулсан хожил юм.
БАРИМТ 9
Харин 1924 онд Унгарын шигшээ багт 7:1 харьцаатай ялагдаж байсан нь Италийн шигшээ багийн хамгийн том хожигдол юм.
БАРИМТ 10
Тус багийн хаалгач Жанлуиджи Доннрумма нь тэмцээний шилдэг тоглогчоор тодорсон бөгөөд тус шагналыг хүртсэн хамгийн залуу тоглогч болсон. Тэрээр 22 настай.
БАРИМТ 11
1949 онд тус шигшээ багт нэгэн том хохирол учирсан нь Торино багийн тоглогчдын зорчиж явсан онгоцны осол юм. Тус ослоос 31 хүн нас барсан ба тус ослоор Италийн шигшээ багийн ихэнх тоглогчид амь үрэгдсэн.
БАРИМТ 12
Тус явдлаас болж хоёр Дэлхийн аварга шалгаруулах тэмцээн дарааллан Италийн шигшээ баг хэсгийн шатнаас цааш шалгарч чадаагүй. Мөн дахиж тийм золгүй явдал тохиолдохоос сэргийлэн усан завиар аялан тоглолтондоо явдаг байв.
БАРИМТ 13
Мөн 1958 оны ДАШТ-д оролцох эрхээ авч чадаагүй. Харин тэр цагаас хойш тус тэмцээнийг өнжилгүй оролцож байсан ч 2018 харамсалтайгаар тэмцээнийг өнжсөн.
БАРИМТ 14
2018 оны Дэлхийн аварга шалгаруулах тэмцээнд оролцох эрхээ авч чадалгүй уналтад ороод байсан ч Робэрто Манчини гэх эрхэм шигшээ багийн ахлах дасгалжуулагч болсноор гурван жилийн дотор ялагдашгүй шигшээ баг бүрдүүлж чадсан.
БАРИМТ 15
Тэдний хамгийн том өрсөлдөгчид бол Бразил, Хорват, Герман, Испаний шигшээ багууд юм.
БАРИМТ 16
110 жилийн түүхэнд дэлхийн чансаанд хамгийн багадаа 21-р байранд (2018 оны 8-р сард) эрэмбэлэгдэж байсан.
БАРИМТ 17
Хамгийн анхны албан ёсны тэмцээний амжилт нь 1928 оны зуны олимпын наадмын хүрэл медаль.
БАРИМТ 18
Тус багийн түүхэн дэх хамгийн агуу ахлагч бол Жанлуиджи Буффон бөгөөд 176 албан ёсны тоглолтод ахлагчийн хувиар оролцсон. Харин бүх цаг үеийн мэргэн бууч нь Луйжи Рива бөгөөд 1965-1974 оны хороонд 35 гоол оруулсан амжилттай.
БАРИМТ 19
1910 оноос хойш нийт 840 тоглолт хийсэн бөгөөд 451 хожил, 227 тэнцээ, 162 хожигдол гэсэн амжилттай явдгаас гадна 1476 гоол оруулж, 821 гоол өөрийнхөө хаалганд алдаад байна.
БАРИМТ 20
Шигшээ багийн тамирчдын ёслолын үйл ажиллагаан дээр өмсдөг хослол нь загварлаг байдгаараа алдартай.
БАРИМТ 21
2003 оноос хойш Пума брэндтэй хамтран ажилласаар ирсэн.
БАРИМТ 22
Өмнө нь хэлсэнчлэн Хорватын шигшээ баг нь тэдний мөнхийн өрсөлдөгч юм. Харин тэд нийт 11 удаа таарч тоглоход Италийн шигшээ баг нэг ч удаа ялалт байгуулж үзээгүй.
БАРИМТ 23
Евро 2020 тэмцээний хамгийн намхан хоёр тоглогч хоёулаа Италийн шигшээ багт харьяалалтай бөгөөд тэд бол жигүүрийн довтлогч Лоренцо Инсинье (163 см) болон хамгаалах чиглэлийн хагас хамгаалагч Марко Вэрратти (165 см) нар юм.
БАРИМТ 24
Евро 2020 тэмцээний хүрээнд нийт долоон тоглолт хийсэн бөгөөд бүгдэд нь гоол оруулсан.
Сэтгэгдэл (1)