Ерөнхий сайд Л.Оюун-Эрдэнэ Ерөнхийлөгч асан Х.Баттулгыг орон тооны бус зөвлөхөөр авах тухай яриа өнгөрсөн долоо хоногт гарсан. Ингэхдээ МАН-ын удирдлагуудын түвшинд уг асуудлыг хэлэлцэж буй бөгөөд одоогоор түүнийг орон тооны бус зөвлөхөөр ажиллуулах шийдвэр гараагүй байгааг өчигдөр Ерөнхий сайдын хэвлэлийн төлөөлөгч Ч.Болортуяа хэлсэн юм.
Уг яриа гарахаас өмнө Ерөнхийлөгч асан Х.Баттулга нөхөн сонгуульд нэр дэвших асуудал яригдаж байсан.
Тэгвэл зарим учир мэдэх хүмүүсийн зүгээс парламентад нэр дэвших нь эрх баригч намд ашиггүй бөгөөд оронд нь зөвлөхөөр ажиллах санал тавьсан гэх. Нөгөө хэсэг нь Ерөнхийлөгч У.Хүрэлсүхийг сонгуулиар дэмжиж ажилласанд нь олгож байгаа "шан" гэх.
Ямар байлаа ч түүнийг орон тооны бус зөвлөхөөр сонгох асуудал удааширч байгаа нь МАН дотор асуудал үүссэнтэй холбоотой байж магадгүй талаар эх сурвалж мэдээлж байна. Учир нь зарим гишүүд хүчтэй эсэргүүцэж байгаа аж.
Түүнийг томилох эсэхтэй үл хамааран яагаад орон тооны бус зөвлөхөөр ажиллуулах болсон хийгээд Ерөнхий сайд Л.Оюун-Эрдэнэ Ерөнхийлөгч асан Х.Баттулгад юу амлав гэдэг иргэдийн гол анхаарлыг татаж байна. Сөрөг хүчний хүнээ дэргэдээ авах гэж "улайрч" байгаагаас нь харвал шүү дээ.
Б.Лхам
Сэтгэгдэл (33)