БАРИМТ 1
Мөнхбатын Цэрэндолгор 1995 онд төрсөн, 26 настай. Зургаан хүүхэдтэй айлын охин.
БАРИМТ 2
Тэрбээр Монголдоо СУИС, Хятадад Бээжингийн кино урлагийн академи, Оросын Театр урлагийн дээд сургуулийг жүжигчин мэргэжлээр суралцан төгссөн.
БАРИМТ 3
Орос, хятад, англи хэлтэй.
БАРИМТ 4
Хотулун гүнжийн дүрийн сонгон шалгаруулалтанд оролцохдоо охиноо 30 минут хүнд захиж үлдээсэн боловч 2 цагийн дараа гарч иржээ.
БАРИМТ 5
Кино төсөл 2016 онд эхэлснээс хойш Хотулуны дүрд нэрлэгдсэн 4 жүжигчний нэг.
БАРИМТ 6
М.Цэрэндолгор нөхөр, охины хамт амьдардаг. Монгол Улсын урлагийн гавьяат зүтгэлтэн Л.Балхжавын бэр. Нөхөр нь ГХЯ-нд ажилладаг.
БАРИМТ 7
4 сартай охиноо ээждээ үлдээн, 4 аймгийн 5 сумын нутагт 3 улирал дамнан үргэлжилсэн “Хотулун гүнж” киноны зураг авалтанд оролцсон.
БАРИМТ 8
Москвад суралцаж байхдаа Оросын хоёр ч кинонд туслах дүр бүтээсэн.
БАРИМТ 9
М.Цэрэндолгор жүжигчний мэргэжилтэйгээс гадна фотомодель. Vogie сэтгүүлийн хуудсыг зургаараа чимж байсан. 2018 онд Christian Loubautin гутлын брэндийн зураг авалтанд оролцож байсан. Grlfrnd цүнхний брэндийн нүүр царай. Хотулун кино нээгдэхийн өмнө Парист Chanel брэндийн шинэ загварын зураг авалтанд оролцоод ирсэн.
БАРИМТ 10
Тэрбээр Израйлийн загварын агентлагт ажиллаж, тус орны алдартай сэтгүүлийн нүүр зурагт гарч байсан.
БАРИМТ 11
М.Цэрэндолгор инстграмм дахь хаяг нь tsedoo, 226 мянган дагагчтай.
БАРИМТ 12
Тэрбээр хотод төрж өссөн боловч, кионы зураг авалтын шаардлагаар морь унах, цоройлгох даалгавруудыг амжилттай гүйцэтгэсэн нь үзэгчдийн таашаалыг хүлээж байгаа.
БАРИМТ 13
Хотулун гүнж киноны 8 тулааны 7-д нь биечлэн оролцсон. Балетаар хичээллэж байсан нь хөдөлгөөний эвсэл суухад нь эергээр нөлөөлсөн. Тулааны найруулагч, Олон улсын хэмжээний мастер Д.Цэендашийн удирдлагаар тулааны хөдөлгөөнөө гурван сарын туршид бэлтгэсэн.
БАРИМТ 14
Кинонд Памирын хунтайжтай барилддаг хэсэгт чөлөөт бөхийн дэлхийн аварга, гавьяат тамирчин П.Орхон түүнийг орлон тогложээ.
БАРИМТ 15
Цэдо 172 см өндөртэй.
БАРИМТ 16
Зураг авалтын үеэр илдээр цавчилдах үед М.Цэрэндолгорыг дуу алдахад кино багийнхан хуруугаа тастуулчихлаа гэж айж сандарсан боловч тэр нь модны мөчир байж таарсан.
БАРИМТ 17
Кинонд М.Цэрэндолгорын унасан хонгор морь 24 настай. Сургуультай морины эзэн нь Мулан кинонд орлон тоглогчоор ажилласан, СТА Д.Отгонбямба.
БАРИМТ 18
М.Цэрэндолгор, Хотулуны бага насанд тоглосон Ж.Индра хоёулаа Ховд аймгийн Булган сумаас гарвалтай, торгууд ястны угсаа.
БАРИМТ 19
Баатарлаг гүнжийн дүрд туяхан бүсгүй төдийлөн тохирохгүй гэж үзэх нь цөөнгүй байсан боловч өөрийн жүжиглэх ур чадвар, морь унах, гардан тулааны эвслээрээ өндөр дэмжлэг хүлээж буй.
БАРИМТ 20
Киноны эсрэг дүр, Яркендаас гаралтай Зульфа хэмээх шидтэн бүсгүйн дүрд тоглосон Б.Сэтгэлттүвшинтэй тоолбол нас, төөлбөл бие чацуу. Тэр хоёр кино натурт нэг гэрт байрлаж байжээ.
БАРИМТ 21
Түүхэн кинонд тоглоод төрсөн өдрөө тэмдэглэх юмсан гэсэн мөрөөдөл нь зураг авалтын үеэр 2021 оны 6-р сард биелсэн.
БАРИМТ 22
М.Цэрэндолгор МУГЖ Т.Ариунаагийн “Харуусал харамсал” дууны клипэнд 9 настайдаа тоглож байсан
БАРИМТ 23
Цэдо дуулах, зурах, бүжиглэх дуртай, чамгүй авьяастай бүсгүй.
БАРИМТ 24
Өнөөдөр Монголд Хотулун нэртэй 29 охин байна. “Хотулун гүнж” кино нээгдсэн 12-р сарын 03-нд өдөр төрсөн охиндоо Хотулун нэр өгсөн нэг тохиолдол нэмэгдсэнээр Хотулунууд 29 үүлээ болжээ.
Сэтгэгдэл (5)