БАРИМТ 1
Холбооны Бүгд Найрамдах Герман улс нь 357,022 хавтгай дөрвөлжин километр газар нутагтай (дэлхийд 63-т) Төв Европын орон. Нийт хүн ам нь 83.2 сая бөгөөд энэ нь тивдээ ОХУ-ын араас жагсах үзүүлэлт. Улсын нийслэл хот нь Берлин бөгөөд Герман улс 16 мужид хуваагддаг.
БАРИМТ 2
Герман улс нь Дани (хойд), Польш-Чех (зүүн), Швейцар-Австри (урд), Франц-Бельги-Нидерланд-Люксенбург (баруун) улсуудтай тус тус хиллэдэг. Хүний хөгжлийн индексээр дэлхийд зургадугаарт, дотоодын нийт бүтээгдэхүүний хэмжээгээрээ дэлхийд дөрөвдүгээрт тус тус жагсдаг өндөр хөгжилтэй орон.
БАРИМТ 3
Герман улсын Хамбург хотод 2,500 гаруй гүүр байдаг. Энэ нь уг хотыг дэлхийн хамгийн олон тооны гүүртэй хот болгодог. Мөн алдарт “The Beatles” хамтлаг уг хотоос гаралтай. Үүнээс гадна Герман улсын нийт хурдны замуудын 65% нь ямар нэгэн хурдны хязгааргүй.
БАРИМТ 4
Герман зайдаснууд дэлхий даяар яах аргагүй алдартай. Тус улсад ойролцоогоор 1,000 өөр төрлийн зайдас байдаг бөгөөд германчууд тэднийг өдөр тутамдаа хэрэглэх дуртай. Мөн зайдаснаас гадна германчууд талханд нэлээд дуртай ба 300 гаруй төрлийн талх Герман улсад бий. Өөр нэгэн сонирхолтой баримт дэлгэхэд германчууд 16 наснаасаа эхлэн согтууруулах ундаа хэрэглэж болдог.
БАРИМТ 5
Шар айргийг Бавари мужийн иргэд хоол хэмээн авч үздэг. Герман даяар шар айргийг өргөнөөр хэрэглэдэг ч Бавари мужид шар айраг бол зүгээр нэг согтууруулах ундаа бус өдөр тутмын хоол юм. Бавари мужийн нэг иргэн жилд дунджаар 150 литр шар айраг уудаг гэх судалгаа байдаг. Мөн Герман улс 1,500 гаруй өөр төрлийн шар айргийг үйлдвэрлэдэг.
БАРИМТ 6
Герман хэл нь Герман, Австри, Швейцар, Лихтенштейн, Люксенбург гэх таван улсын албан ёсны хэлээр ашиглагддаг. Герман хэл хамгийн өргөн хэрэглэгддэг дэлхийн гурав дахь хэл юм. Герман хэлэнд “Thanks” буюу баярлалаа гэх үг нь ихэвчлэн “No” буюу үгүй гэсэн утгаар ашиглагддаг. Тийм учраас германд уг үгийг ашиглах үедээ та болгоомжлох хэрэгтэй.
БАРИМТ 7
Шоронгоос оргох оролдлого хийх нь Герман улсад хууль бус үйлдлээр тооцогддоггүй. Энэ нь хүний эрхийг дэмжиж байгаа үйлдэл бөгөөд германд хоригдлууд шоронгоос оргох гэж оролдоод баригдвал нэмэлт шийтгэл хүлээдэггүй гэсэн үг. Харин оргох үедээ шоронгийн өмчийг гэмтээн сүйтгэж хохирол учруулах юм бол хоригдлууд торгууль төлж хохирлыг барагдуулдаг.
БАРИМТ 8
Герман улсад дэлхийн II дайны ул мөр болох олон зуун мянган идэвхтэй тэсрэх бөмбөг одоо хүртэл бий. Хэдийгээр дэлхийн II дайн 70 жилийн өмнө дуусаж тэр цагаас хойш Герман улс энх тайван байгаа боловч жил бүр 2,000 гаруй газар доорх идэвхтэй тэсрэх бөмбөг олддог байна. Ийм учраас Герман улсад шинээр барилга барихын өмнө ойр орчмын бүсийг мэргэжлийн хүмүүс гүйцэт шалгаж тэсрэх бөмбөг байвал идэвхгүй болгодог.
БАРИМТ 9
Герман улсын амьтны хүрээлэнгүүд дэлхийн бусад улсуудаас хамаагүй олон төрөл зүйлийн амьтадтай. Уг улсад нийт 414 амьтны хүрээлэн байдаг бөгөөд жилд 3 сая гаруй хүн ховор амьдыг харахаар тэдгээр газруудыг зорьдог. Мөн Герман улсын нийт газар нутгийн гуравны нэг нь ой моддоор бүрхэгдсэн.
БАРИМТ 10
Германчууд цайз цамхгуудад маш их дуртай. Герман улсын газар нутгаас ойролцоогоор 2,100 цайзыг олох боломжтой. Мөн орчин үеийн чимэглэсэн зул сарын мод Герман улсаас үүсэлтэй. Мөнх ногоон модод анх эртний Ром Болон Египетийн бэлгэдэл байсан ч Германчууд шинэ жилийн баярт зориулан анх чимэглэж баярын салшгүй нэг хэсэг болгож байсан түүхтэй.
БАРИМТ 11
Германд цонх онгорхой байснаар хүмүүс ханиад томуу гэх мэт өвчин тусдаг гэж үздэг тул цаг агаар сайхан байсан ч германчууд цонхоо хаалттай чигээр нь үлдээдэг. Мөн тус улсын соёлд төрсөн өдрөө эрт тэмдэглэхийг цээрлэдэг. Хэрэв төрсөн өдрөөс чинь өмнө хэн нэгэн танд баяр хүргэх юм бол үхэх ёстой байсан цаг үеэсээ эрт үхэхэд хүргэдэг гэж үздэг байна.
БАРИМТ 12
Герман хүмүүс хоорондоо мэндлэхдээ гараараа даллахын оронд мод тогшихыг илүүд үздэг. Учир нь чөтгөр ариун модонд шингэх боломжгүй хэмээн германчууд үздэг. Мөн нас барсан нохойгоо гэрийнхээ хаалганы доор оршуулбал нохойн сүнс үргэлж гэрээ хамгаалдаг гэх мухар сүсэг Германд байдаг.
БАРИМТ 13
Германчууд нэлээд шулуухан ард түмэн. Тэд таныг мэддэг мэддэггүй байх хамаагүй ямар нэгэн хэрэг гарвал шууд л хэлэх гэсэн зүйлсээ хэлж орхидог. Мөн дэлгүүрийн худалдагч болон шуудан түгээгчидтэй богино яриа үүсгэдэггүй бөгөөд энэ нь ямар ч утгагүй үйлдэл хэмээн үздэг.Үүнээс гадна германчууд хувийн орон зайг эрхэмлэдэг. Тиймээс та герман хүнтэй таарвал тухайн хүнтэй маш дотно биш л бол аль болох биед нь хүрэхгүй байхыг зөвлөж байна.
БАРИМТ 14
Герман улсын их дээд сургуулиуд олон улсын сурагчдыг 2014 оноос хойш үнэ төлбөргүй элсүүлэх болсон. Гэхдээ их дээд сургуулиуд нь нэлээд өндөр шалгууртай. Герман улсад одоогийн байдлаар 380 их сургууль 17,000 өөр чиглэлээр сурагчдад боловсрол олгож байна.
БАРИМТ 15
Герман нь муурын хумсыг ашиггүй мөн аюултай гэж үздэг тул хумстай муурыг хуулийн дагуу хориглодог дэлхийн 22 улсын нэг. Мөн та Германы хурдны зам дээгүүр хурдлан явахдаа үргэлж бензинээ дүүрэн байлгах хэрэгтэй. Учир нь хурдны зам дээр бензингүй болж машин тань зогсвол танд хуулийн шийтгэл оногдуулна.
БАРИМТ 16
Бүтэн сайн өдөр германчууд чанга дуу чимээ гаргадаггүй. Учир нь энэхүү өдрийг улс нийтийн амрах өдөр гэж үздэг тул хүнсний дэлгүүрүүд хаалгаа барьж хүн бүр гэртээ амардаг. Хэрэв та Герман улсад энэхүү өдөр зүлэг тэгшлэх, тоос соруулах гэх мэт чанга дуу чимээ гаргавал шийтгүүлнэ. Мөн 1663 онд дэлхийн хамгийн анхны сэтгүүл Герман улсад нийтлэгдсэн.
БАРИМТ 17
Герман хүний хүйс нь нэрээс нь тодорхой байх ёстой. Хэрэв шинээр төрсөн хүүхдийн нэр нь тус хүүхдийн хүйсийг шууд танихад эргэлзээтэй байвал уг бүртгэлийн ажилчид уг нэрийг бүртгэж авахгүй байх үүрэгтэй. Мөн тус улсын хамгийн түгээмэл нэр нь Мюллер. Та бүхэн Германы шигшээ багийн довтлогч хөлбөмбөгийн тамирчин Томас Мюллерийг мэдэх байх.
БАРИМТ 18
Герман улсын төрийн далбаа нь дээрээсээ хар, улаан, шар гэх өнгийн тэнцүү хуваагдсан хөндлөн хэсгүүдээс бүрддэг. Уг далбаа нь анх 1848 онд бүтээгдэж байсан бөгөөд тухайн үедээ эдгээр үндэсний өнгөнүүд нь эв нэгдэл, эрх чөлөөг бэлгэддэг бүгд найрамдах ардчиллаас үүдэлтэй. Бүгд Найрамдах Веймер Улсын үед энэхүү өнгөнүүд нь төв, бүгд найрамдах, ардчилсан гэх намуудыг тус тус төлөөлдөг байсан.
БАРИМТ 19
Дэлхийн II дайны үеэр Герман улс руу кока-кола ундааг импортлон оруулах хүндрэлтэй байсан тул тэд өөрсдөө чихэрлэг жүржийн ундааг бүтээсэн. Энэхүү ундаа нь одоогийн бидний сайн мэдэх “Fanta” юм. Мөн дэлхий нийтээр алдартай баавгайн хэлбэрт резинэн чихэр мөн л Герман улсад үүссэн.
БАРИМТ 20
Герман улс бол дэлхийн бараг бүхий л спортын төрлүүд жигд сайн хөгжсөн дэлхийн цөөн улсуудын нэг. Өнөөдрийн байдлаар өвлийн олимпыг тэргүүлж байгаа тэдний хамгийн алдартай спорт нь мэдээж хөлбөмбөг. Герман улсын шигшээ багийн хөлбөмбөгийн ДАШТ-нд дөрвөн удаа (1954, 1974, 1990, 2014) түрүүлснээр дээд амжилтыг эзэмшдэг. Харин тус улсаас төрөн гарсан алдартай тамирчдыг нэрлээд байвал дуусахгүй. Герман улсын Бундес лигийн нэг тоглолтыг цэнгэлдэх хүрээлэнд дунджаар 25,000 хөгжөөн дэмжигчид тогтмол үздэг. Мөн гандболын спорт Герман улсаас гаралтай.
БАРИМТ 21
Германчууд шинэ жилийн баярт онцгой ач холбогдол өгдөг бөгөөд манай улстай адил бүтэн сарын турш бэлтгэл ажлаа базаадаг. Германд бусад орноос ялгаатай нь Санта Клаус гэж хүн байхгүй. Хүүхдүүд хүслийн захидлаа Санта Клаус руу илгээхийн оронд Гэгээн Николас гэх христийн хамба байсан хүн рүү илгээдэг уламжлалтай. Уг баярын үеэр германчуудын иддэг гол хоол нь винертэй төмсний салат.
БАРИМТ 22
Бид бүхэн зуны цаг болон өвлийн гэх хоёр цагтай бөгөөд улиралдаа тааруулан цагаа нэгээр урагшлуулж аль эсвэл ухраадаг. Дэлхий даяар энэхүү үзэгдлийг шүүмжилдэг маш олон хүн бий. Магадгүй та тэдний нэг ч байж болох юм. Тэгвэл хамгийн анх зуны цагийг амьдралдаа нэвтрүүлэн ашиглаж эхэлсэн улс бол Герман. Мөн Европын Холбооны улс тул Германы албан ёсны мөнгөн тэмдэгт нь евро.
БАРИМТ 23
Дэлхийн II дайны дараа Герман улс нь одоогийн Өмнөд Солонго болон Хойд Солонгосын адилаар Баруун Герман болон Зүүн Герман гэж хоёр хуваагдан орших болсон. Гэвч 1990 оны аравдугаар сарын 3-нд тус улсууд дахин нийлж одоогийн бидний мэдэх Герман улс бий болсон. Тус цагаас хойш парламентийн бүгд найрамдах засаглалтай улс болсон.
БАРИМТ 24
Тус улсын цаг агаарын хувьд нэлээд тогтмол. Зургадугаар сард улсын дундаж температур нь цельсийн 17 хэм байдаг бол нэгдүгээр сард -0.5 хэм хүрдэг. Харин Германд бүртгэгдэж байсан хамгийн халуун температур нь 2019 онд Лингенд цельсийн 42.6 хэм хүрч байсан удаатай.
Сэтгэгдэл (2)