БАРИМТ 1
Исламын Бүгд Найрамдах Пакистан улс нь 881,913 хавтгай дөрвөлжин километр газар нутагтай Өмнөд Азийн орон. Газар нутгийнхаа хэмжээгээр дэлхийд 33-аар байранд жагсдаг бөгөөд Афганистан (баруун), Иран (баруун урд), Хятад (зүүн хойд) улсуудтай тус тус хиллэдэг. Мөн урд талаараа Энэтхэгийн далайд гарцтай ба далайн эргийн урт нь 1,046 километр.
БАРИМТ 2
Пакистан улсын нийт хүн ам нь 227 сая бөгөөд уг тоогоороо дэлхийд тавдугаар байранд эрэмбэлэгддэг. Исламын шашин бол Пакистаны үндсэн шашин бөгөөд хүн амынх нь 97 хувь нь уг шашныг шүтдэг. Тэд олон төрлийн үндэстнүүдээс бүрддэг бөгөөд Пакистан улсад хамгийн олон хүн амтай гурван гол үндэстнүүд нь Пунжаби, Паштун, Синди нар юм.
БАРИМТ 3
Пакистан улсын албан ёсны хэл нь урду болон англи хэл боловч бүс нутгаасаа хамааран ард иргэд нь олон төрлийн хэлнүүдийг ашигладаг. Тус улсын нийслэл хот нь Исламабад бол хамгийн том хот нь Карачи. Пакистан улсын зэвсэгт хүчин маш хүчтэй бөгөөд дэлхийд зургадугаар байранд ордог.
БАРИМТ 4
Пакистан улс бол Балучистан дахь 8,500 жилийн настай Мехргарх гэх шинэ чулуун зэвсгийн үеийн дурсгал, хуучны дэлхийн хамгийн өргөн уудам соёл иргэншил болох хүрэл зэвсгийн үеийн Индусын хөндийн соёл зэрэг хэд хэдэн түүх соёлын чухал дурсгалт газруудын өлгий нутаг.
БАРИМТ 5
Одоогийн Пакистан улс түүхийн уртад олон өөр эзэнт гүрнүүдийн нэг хэсэг байсан бөгөөд хамгийн сүүлд 1858 онд Британи Энэтхэгийн Эзэнт гүрний нэг хэсэг болсон. Улмаар 1947 онд пакистанчууд Их Британийн мэдлээс гарч тусгаар тогтнолоо зарласан ба 1956 онд Исламын Бүгд Найрамдах улс болсон.
БАРИМТ 6
Пакистан улс эхэндээ зүүн болон баруун гэж хоёр хэсэгт хуваагддаг байсан боловч Зүүн Пакистан буюу одоогийн Бангладеш улс есөн сарын турш үргэлжилсэн дайнд Баруун Пакистан болох өнөөдрийн Пакистан улсыг эсрэг ялалт байгуулснаар бие даасан улс болсон. Мөн Пакистан улс одоогийн үндсэн хуулиа 1973 онд баталсан.
БАРИМТ 7
Дундаж давхаргад хамаарагддаг пакистанчуудын амьдрал сүүлийн жилүүдэд огцом сайжирч байгаа. Пакистан улс дэлхийн хамгийн хурдацтай өсөж буй эдийн засагтай орнуудын нэг бөгөөд цөмийн зэвсэг эзэмшдэг цөөн орнуудын нэг юм. Мөн Пакистан улс НАТО-гийн албан ёсны гишүүн орон биш боловч уг холбооны гол холбоотон орнуудын нэг билээ.
БАРИМТ 8
Пакистан улс 40-60 сая буюу дэлхийн гараар оёсон хөлбөмбөгийн бөмбөгний 50-70 хувийг үйлдвэрлэдэг. Тус улсад ойролцоогоор 200 гаруй хөлбөмбөгийн бөмбөгний үйлдвэр байдаг. Мөн Пакистан улс бол цөмийн зэвсэгтэй болсон дэлхийн анхны исламын шашинтай орон юм.
БАРИМТ 9
Пакистанд байдаг Каракорамын хурдны зам бол дэлхий дээрх хамгийн өндөрт оршдог засмал зам юм. Мөн дэлхийн хамгийн том түргэн тусламжийн сүлжээ Пакистан улсынх. Пакистан Эдхи сан 1997 онд байгуулагдсан бөгөөд хамгийн том сайн дурын түргэн тусламжийн байгууллага гэх амжилтаар Генисийн номд бичигдсэн.
БАРИМТ 10
Пакистан гэх нэр нь перс болон урду хэлэнд “Цэвэр ариун газар” гэж орчуулагддаг. Хэдийгээр Пакистан улс 227 сая хүн амтай ч өнөөдрийг хүртэл дөнгөж хоёр Пакистан хүн Нобелийн шагнал хүртэж байсан. Малала Юсуфзай 2014 онд энх тайвны салбарт, Абдус Салам 1979 онд физикийн салбарт тус тус Нобелийн шагналын эзэд болсон.
БАРИМТ 11
Энэтхэг болон Пакистан улсууд Их Британийн колон улсууд байсан бөгөөд тусгаар тогтнолоо нэг өдөр зарласан. Гэхдээ өнөөдрийн байдлаар тус улсууд бие биенийхээ заналт дайсан болсон гэж хэлэхэд буруудахгүй. Мөн хоёрдугаар Элизабет 1956 он хүртэл Пакистан улсын хатан хааны албыг хашсан.
БАРИМТ 12
Пакистан улсын төрийн далбаа Бангладешийн төрийн далбаан дээр байдаг шиг бараан ногоон болон цагаан өнгөнүүдээс бүрддэг. Далбааны ногоон дэвсгэр дээр исламын шашныг илтгэсэн цагаан өнгийн хавирган сар ба одны дүрс байдаг. Харин өнгөнүүдийн хувьд ногоон өнгө нь исламын шашны уламжлалт өнгө тул Пакистан улсын үндсэн шашныг, цагаан өнгө нь исламын бус шашинтай цөөн пакистанчуудын шүтдэг шашнуудыг тус тус илтгэдэг.
БАРИМТ 13
Чихрийн нишингэ гэх ургамлын шүүс бол Пакистан улсын үндэсний ундаа. Үүнийг Пакистан улсад “Рох” гэж нэрлэдэг. Чогори буюу К2 оргил бол Пакистан улсын хамгийн өндөрлөг цэг. Уг цэг нь далайн түвшнээс дээш 8,616 метрийн өндөрт оршдог бөгөөд дэлхийн хоёр дахь өндөрлөг цэг юм.
БАРИМТ 14
Пакистаны Индус голд “Сохор дельфин” гэх маш ховор зүйлийн амьтад амьдардаг. Уг дельфиний нүд нь маш жижиг бөгөөд эрдэмтдийн судалснаар зөвхөн гэрэл хүлээн авч чиглэлийн баримжаа өгөх үүрэгтэй юм байна. Уг дельфиний төрөл зүйл анх устаж үгүй болсон гэж тооцогдож байсан ч Пакистан улсад өнөөдрийг хүртэл амьдардаг гэдэг нь нотлогдсон.
БАРИМТ 15
Дэлхийн хамгийн залуу иргэний шүүгч Мохаммед Ильяс бол Пакистан улсын иргэн. Тэрбээр хуулийн шалгалтыг 20 нас 9 сартай байх үедээ давж иргэний шүүгчийн хувиар ажиллаж эхэлсэн. Мөн Пакистанд байдаг Хевра давсны уурхай бол дэлхийн хамгийн эртний мөн хоёр дахь том давсны уурхай юм.
БАРИМТ 16
Дэлхий дээрх цор ганц үржил шимтэй цөл болох Тарпаркарын цөл Пакистан улсын газар нутагт байдаг. Пакистан улсын зэвсэгт хүчин ойролцоогоор 620,000 идэвхтэй цэргүүдтэй бөгөөд НҮБ-ын энх тайвны үйл ажиллагаануудад Пакистан цэргүүд маш олноороо оролцдог.
БАРИМТ 17
Судалгаанаас авч үзэхэд дэлхийн хамгийн аялгуулаг төрийн дуулал бол Пакистан улсынх. Уг төрийн дуулал нь 80 секунд үргэлжилдэг бөгөөд 2012 онд хамгийн олон хүн нэгэн зэрэг төрийн дуулал дуулсан гэх амжилтаар пакистанчууд Генисийн номд бичигдсэн. Уг дээд амжилтыг өмнө нь энэтхэгчүүд эзэмшдэг байсан.
БАРИМТ 18
Европын бизнесийн удирдлагын хүрээлэнгийн дэлхийн 125 орны иргэдээс авсан судалгааны үр дүнд пакистанчууд дэлхийн хамгийн ухаантай хүмүүсийн жагсаалтын дөрөвдүгээр байранд эрэмбэлэгдсэн. Харин тэдний дундаж IQ нь 82. Пакистан улс инженер болон эрдэмтдийнхээ тоогоор дэлхийд долдугаар байранд ордог.
БАРИМТ 19
Пакистан улсын газар нутгийн 25 хувь нь газар тариалангийн бүс нутгийн хувиар ашиглагддаг. Мөн тэд их хэмжээний газрыг гар болон технологийн аргаар усалдаг бөгөөд ОХУ-тай харьцуулахад гурав дахин их хэмжээний газрыг усалдаг юм байна. Мөн хүний гараар таригдсан дэлхийн хамгийн том ой Пакистан улсад байдаг.
БАРИМТ 20
Пакистан улсын агаарын хүчний нисгэгчид дэлхийн хамгийн чадварлаг нисгэгчдийн эгнээнд зүй ёсоор багтдаг. ММ Алам гэх Пакистаны агаарын командлагч 1965 онд Энэтхэг-Пакистаны дайны үеэр нэг минутын дотор таван онгоцыг сөнөөсөн гэх домог мэт яриа бий. Мөн Пакистан улс бол шашны үндсэн дээр байгуулагдсан дэлхийн цорын ганц улс юм.
БАРИМТ 21
Пакистан улсын үндэсний спорт нь зүлэгний хоккей бөгөөд Их Британийн спортын соёл Пакистан улсад нэлээд гүн нөлөөлсөн. Пакистаны зүлэгний хоккейн үндэсний шигшээ баг нь олимпын наадамд гурван удаа ДАШТ-д дөрвөн удаа түрүүлж байсан амжилттай. Харин Пакистан улсад хамгийн алдартай спорт бол крикет юм.
БАРИМТ 22
Турк улсын араас эмэгтэйчүүдийг цэргийн албанд ажиллахыг зөвшөөрсөн дахь улс бол Пакистан. Пакистан улс улсынхаа хилийг тусгаар тогтнолоо зарласнаас хойш хоёр хоногийн дараа энэтхэг улсаас салгаж зурсан. Энэтхэг-Пакистаны 1965 оны дайн ЗХУ болон АНУ-ын оролцоотойгоор өндөрлөсөн бөгөөд хоёр талууд хоёул ялалт байгуулсан гэж олон улсад зарласан.
БАРИМТ 23
Пакистан улсын иргэдийн бичиг үсэг тайлагдсан хувь нь маш бага буюу 62.3 хувь. Гэхдээ сүүлийн сүүлийн таван жилийн хугацаанд бичиг үсэг мэддэг иргэдийнх нь тоо 250 хувиар нэмэгдсэн. Үүнээс үзэхэд Пакистан улс ард иргэдийнхээ боловсролд их хэмжээний анхаарлыг сүүлийн жилүүдэд тавьж байгаа юм байна.
БАРИМТ 24
Пакистаны үндэсний хувцсыг “Шалвар Камеез” гэдэг. Уг хувцсыг нийт пакистанчуудын 80-90 хувь нь өдөр тутамдаа өмсөж хэрэглэдэг юм байна. Мөн Пакистан улс сүү болон хөвөн борлуулалтаараа дэлхийд дөрөвдүгээр байранд тус тус жагсдаг.
Сэтгэгдэл (1)