БАРИМТ 1
Саудын Арабын Хаант улс нь 2,149,790 хавтгай дөрвөлжин километр газар нутагтай Баруун Азийн орон. Газар нутаг нь Арабын хойгт байрладаг бөгөөд хэмжээгээрээ дэлхийд 12, Ази тивд тaв, Арабын орнууд дунд хоёрдугаар байруудад тус тус жагсдаг.
БАРИМТ 2
Саудын Араб улс Персийн булан болон Улаан тэнгистэй зэрэг хиллэдэг цор ганц орон бөгөөд Иордан (хойд), Ирак (хойд), Кувейт (хойд), Катар (зүүн), Арабын Нэгдсэн Эмират (зүүн), Оман (зүүн урд), Йемен (урд) гэх улсуудтай хуурай газрын хилээ хуваалцдаг.
БАРИМТ 3
Египет болон Саудын Араб улсуудын хил хоорондоо дөнгөж 24 километрийн зайгаар хязгаарлагдсан байдаг. Саудын Арабын газар нутаг ихэвчлэн хуурай цөл, нам дор газар, тал хээр, болон уулсаас тогтдог. Тус улсын нийслэл нь Эр-Рияд бөгөөд Саудын Арабд исламын шашны хамгийн ариун хотууд болох Медина болон Мекка нар оршдог.
БАРИМТ 4
Саудын Арабын нийт хүн амын тоо нь 34.3 сая бөгөөд тэдний 93 хувь нь исламын шашинтай. Тус улсын албан ёсны хэл нь араб хэл бол албан ёсны шашин нь исламын шашин. Энэхүү шашин нь Саудын Араб улсад долдугаар зууны эхэн үеэр нэвтэрсэн ба исламын зөнч Мухаммед Арабын хүн амыг нэгтгэж тус шашны нэгдсэн улс төрийг анх байгуулсан.
БАРИМТ 5
Орчин үеийн Саудын Арабын газар нутаг нь Хежаз, Нажд, Зүүн Араб, Баруун араб гэх дөрвөн өөр түүхэн бүс нутгуудад хуваагддаг байсан. Саудын Арабын анхны хаан болох Абдулазиз бин Абдул Рахман Аль Сауд 1902 оноос тус дөрвөн бүс нутгуудыг нэгтгэж эхэлсэн бөгөөд 1932 онд Саудын Арабын Хаант улсыг байгуулсан.
БАРИМТ 6
Тус цаг үеэс хойш Саудын араб улс бүрэн эрхт хаант засаглалтай байсаар ирсэн бөгөөд хаан ширээг хааны удмынхан үе дамжин өвлөн авдаг. Саудын Арабад 1938 оны гуравдугаар сарын 3-нд газрын тос анх олдсон бөгөөд тэрхүү цагаас хойш Саудын Араб дэлхийн хоёр дахь том газрын тус олборлогч орон болсон.
БАРИМТ 7
Саудын Арабын байгалийн баялаг маш их хэмжээний нөөцтэй. Тус улсын газрын тосны нөөц хэмжээгээрээ дэлхийд хоёрдугаар байранд жагсдаг бол байгалийн хийн нөөц нь зургадугаар байранд ордог. Саудын Арабын эдийн засаг Ойрх Дорнодод хамгийн өндөр бөгөөд дэлхийн хамгийн том эдийн засагтай 20 улсын дунд зохиогддог G20 хурлын гишүүн орнуудын жагсаалтад Саудын Араб улс багтдаг.
БАРИМТ 8
Саудын Араб дотоодын нийт бүтээгдэхүүнийхээ найман хувийг зэвсэгт хүчний салбартаа зарцуулдаг. Энэ нь Оман улсын араас орох маш үзүүлэлт бөгөөд зэвсэгт хүчиндээ зарцуулдаг мөнгөний хэмжээгээрээ дэлхийд АНУ болон БНХАУ-ын араас гуравдугаар байранд жагсдаг. Мөн Саудын арабын иргэдийн тэн хагс нь 25-аас доош настай.
БАРИМТ 9
Саудын Араб улс 1932 онд нэгдсэн тухай өмнө нь хэлсэн. Тэгвэл 1727 онд Дириягийн Их Эмират улс буюу анхны Саудын Арабын анхны улс байгуулагдаж байсан бол 1824 онд Неждийн Эмират улс буюу хоёр дахь Саудын Арабын улс үүссэн. Харин гурав дахь Саудын Арабын улс болох Эр-Риядын Эмират улс 1902 онд байгуулагдсан.
БАРИМТ 10
Бүс нутгуудаа нэгтгэж албан ёсны улс болсныхоо дараа Саудын Араб нь 1945 оны аравдугаар сард НҮБ-д элсэн орсон бөгөөд одоогийн үндсэн хуулиа 1992 онд баталсан. Мөн тус улсыг удирдагч хамгийн нэр хүндтэй хүн буюу Саудын Арабын хааны албыг Салман бин Абдулазиз Аль Сауд хашиж байгаа.
БАРИМТ 11
Саудын Арабын хааны гэр бүлийн нийт хөрөнгө ойролцоогоор 100 тэрбум америк доллар. Энэхүү хөрөнгө нь тэднийг дэлхийн хамгийн баян хааны гэр бүл болгодог. Тус гэр бүлд ойролцоогоор 7,000 ханхүү байдаг бөгөөд бүгд нэр хүндтэй ажил хийдэг. Ийм учраас энгийн иргэдийн хувьд сайн ажил олно гэдэг өвсөн дундаас зүү хайхтай л ижил.
БАРИМТ 12
Саудын Арабын ханхүү Султан ибн Салман Аль Сауд 1985 онд АНУ-ын сансрын хөлгөөр сансарт ниссэн. Энэхүү үйл явдлаараа тэрбээр сансарт ниссэн анхны араб мөн исламын шашинтай хүн болсон. Мөн Саудын Арабын ихэнх иргэд хэдэн зууны өмнөөс уламжлагдан ирсэн Саудын амьдралын хэв маягийг маш сайн хадгалсаар байгаа.
БАРИМТ 13
Саудын Арабд хуримаа хийж буй хосууд эрчүүд болон бүсгүйчүүдээрээ хуваагдаж хоёр өөр газраас хуримладаг. Ийм учраас тус улсын олон хосууд гадаадын орнуудад хуримаа хийдэг. Мөн Саудын Арабын нийгэм болон эдийн засгийн хамгийн гол нэгж бол гэр бүл. Саудын арабчууд гэр бүлийн халуун дулаан уур амьсгалыг чухалчилдаг.
БАРИМТ 14
Саудын Арабын хоол хүнс ихэвчлэн мах, будаа, талх, болон халуун ногоонуудаас бүрддэг. Саудын Араб дахь хамгийн алдартай хоолыг “Кабса” гэдэг бөгөөд уг хоолны үндсэн орцод шарсан тахиа болон будаа багтдаг. Хэдийгээр Саудын арабууд өв уламжлалаа ихээр дээдэлдэг ч тэд өдөр тутамдаа ихэвчлэн барууны хувцсуудыг хослуулан өмсдөг. Тэд уламжлалт нөмрөг буюу дээлээ чухал баярын болон уулзалтын албан ёсны тохиолдлуудад өмсдөг юм байна.
БАРИМТ 15
Саудын Арабад нэгэн цагт зөвхөн эрчүүд дотуур хувцас зардаг байжээ. Учир нь тус улсын соёлд эрчүүд гадуур хөдөлмөр эрхэлж эмэгтэйчүүд гэртээ үлдэж үр хүүхдээ өсгөдөг байсан юм байна. Харин одоо цагт энэхүү дүрэм нь эмэгтэйчүүдийн хувьд эрэгтэй хүмүүсээс дотуур хувцас худалдан авахад хүндрэлтэй байна гэх гомдлын дагуу өөрчлөгдсөн.
БАРИМТ 16
Шулмын үйл хэргүүд бол Саудын Арабын нийгэм дэх хамгийн ноцтой гэмт хэргүүдийн нэг. Тиймээс Харри Поттерын номууд Саудын Араб улсад зарагддаггүй. Саудын Араб улсад ботгоны мах маш амттай мөн хүндэтгэлийн зоогт тооцогддог. Ихэвчлэн 6-12 сарын настай ботгоны махаар Саудын арабууд хоол хийдэг.
БАРИМТ 17
2012 оноос өмнө исламын шашингүй хүмүүсийг Саудын Араб улсад оршуулах нь хуулийн дагуу боломжгүй байсан. Тус улсад ойролцоогоор 1.8 сая христийн шашинтай хүмүүс амьдардаг бөгөөд ихэнх нь гадаадаас ирсэн ажилчид байдаг юм байна. Гэхдээ тэдний нөлөөлөлд автаж Саудын Арабын уугуул исламын шашинтай хүмүүс христийн шашныг олноороо шүтэж эхэлж байгаа гэнэ.
БАРИМТ 18
Саудын Араб бол эмэгтэйчүүдийг сонгуульд оролцож санал өгөхийг хамгийн сүүлд зөвшөөрсөн орон. Тус улсын эмэгтэй иргэд 2015 оноос эхэлж сонгууль оролцох боломжтой болсон. Салат буюу залбирлын цагийн үеэр Саудын Араб улсын бүх үйлчилгээний газрууд түр хаалгаа барьдаг. Саудын Арабууд өдөрт таван удаа залбирдаг бөгөөд хамгийн уртдаа 30 минут үргэлжилдэг.
БАРИМТ 19
Саудын арабын бүх улсын сургуулиуд шашны хичээл заадаг. Бага сургуулиудынх нь хичээлийн хөтөлбөрийн тэн хагас нь исламын шашинтай холбоотой хичээлүүдээс бүрддэг. Мөн Саудын Арабад бүх шатны боловсролыг үнэгүй авах боломжтой. Гэхдээ тус улсын их дээд сургуулиуд зөвхөн өөрийн улсын иргэддээ үнэгүй суралцах боломж олгодог юм байна.
БАРИМТ 20
Дэлхийн банкны гаргасан судалгаанаас үзэхэд Саудын Араб нь Хойд Африк болон Ойрх Дорнодын бүс нутагт бизнес эрхлэхэд хамгийн тохиромжтой улсуудын нэгээр Саудын Араб нэрлэгдсэн. Мөн Саудын Арабын хөрөнгийн зах зээл нь хэмжээгээрээ дэлхийд есдүгээр байранд эрэмбэлэгддэг.
БАРИМТ 21
Саудын Арабын төрийн далбаа нь исламын шашны үндсэн өнгө болох бараан ногоон болон цагаан өнгөнүүдээс бүрддэг. Далбааны төв хэсэгт араб хэлээр бичигдсэн “Бурхнаас өөр бурхан гэж байхгүй. Мухаммед бол бурхны бошиглогч юм.” гэх утгатай үг байдаг бөгөөд доод хэсэгт нь дайчин байдлыг бэлгэдсэн сэлэмний дүрс байдаг.
БАРИМТ 22
Саудын Араб улсад хамгийн алдартай мөн өндөр түвшинд хөгжсөн спорт бол хөлбөмбөг. Саудын Арабын хөлбөмбөгийн үндэсний шигшээ баг нь тивийнхээ аварга шалгаруулах тэмцээнд гурван удаа түрүүлж байсан бөгөөд ДАШТ-д нийт таван удаа оролцож байсан. Харин эмэгтэйчүүдийн спорт тус улсад шашны асуудлаас болж маш муу хөгжсөн.
БАРИМТ 23
Дэлхийн хамгийн том тэмээний зах Саудын Арабад байдаг. Нийслэл хот Эр-Риядын тэмээний зах дээр өдөр бүр 100 тэмээ зарагддаг юм байна. Мөн тус улсад орлогын татвар гэж байдаггүй. Саудын арабууд хөрөнгөөс ногдуулдаг 2.5 хувийн татварыг оронд нь төлдөг боловч гадаадын ажилчид уг татварыг төлөх шаардлагагүй.
БАРИМТ 24
Саудын Арабын ажилчин ангийн 60 хувийг нь гадаадын иргэд бүрүүлдэг. Дэлхийн банкны гаргасан судалгаан дээр Саудын Арабыг жолоо барихад хамгийн аюултай орнуудын жагсаалтын тэргүүн нүүрэн дээр багтаасан байна. Мөн дэлхийн хамгийн анхны 1,000 метрийн өндөртэй барилга болох Жедда цамхаг Саудын Арабад баригдсан.
Сэтгэгдэл (2)