БАРИМТ 1
Бүгд Найрамдах Ардчилсан Солонгос Ард улс нь 120,540 хавтгай дөрвөлжин километр газар нутагтай Солонгосын хойгт оршдог Зүүн Азийн орон. Хойд Солонгос улс хойд хэсгээрээ Хятад болон Орос улстай, урд талаараа Өмнөд Солонгос улстай тус тус хиллэдэг. Мөн тус улс нь баруун талаараа Шар тэнгист, зүүн хэсгээрээ японы тэнгист гарцтай.
БАРИМТ 2
Хойд Солонгос улсын нийт хүн ам нь 25.5 сая бөгөөд тэд бүгд Солонгос үндэстний хүмүүс. Улсын нийслэлийг Пюньян гэдэг ба уг хот нь 3.3 сая хүн амтай бөгөөд 150,000 хүний багтаамжтай дэлхийн хамгийн том цэнгэлдэх хүрээлэн бий. Тус цэнгэлдэх хүрээлэнд хөлбөмбөгийн тоглолт гэх мэт олныг хамарсан спортын үйл ажиллагаануудыг зохион байгуулах зорилгоор анх барьсан. Албан ёсны хэл нь солонгос хэл бөгөөд Өмнөд Солонгосоос ялгаатай цагаан толгой ашигладаг.
БАРИМТ 3
1910 онд солонгосчууд японы эзэнт гүрэнд нэгдсэн боловч тэд дэлхийн хоёрдугаар дайн ялагдал хүлээснээр 1945 онд Солонгос улс хоёр хуваагдсан. Тухайн үед одоогийн Хойд Солонгосыг Зөвлөлт Холбоот улс эзлэн авч, Өмнөд Солонгосыг Америкийн нэгдсэн улс эзлэн авсан.
БАРИМТ 4
Хоёр Солонгосын дахин нэгдэх хэлэлцээ ар араасаа бүтэлгүйтсээр 1948 онд тус тусдаа өөрсдийн гэсэн засгийн газартай болсон. Хойд хэсэгт нь социалист дэглэмтэй Зөвлөлт холбоот улстай эвссэн Хойд Солонгос, өмнөд хэсэгт капиталист дэглэмтэй барууны орнуудын эгнээнд элссэн Өмнөд Солонгос улс.
БАРИМТ 5
Улмаар Хойд Солонгос улс Өмнөд Солонгос руу 1950 онд довтолж Солонгосын дайн эхэлсэн. Уг дайн 1953 он хүртэл үргэлжилсэн бөгөөд Хойд Солонгосыг БНХАУ болон Зөвлөлт Холбоот улсууд дэмжиж байв. Тэд Солонгосын зэвсгийн гэрээний дагуу галаа зогсоож, хоёр улсынхаа хил дээр цэрэггүй бүсийг байгуулсан боловч албан ёсоор энхийн гэрээ байгуулж байгаагүй.
БАРИМТ 6
Тус улсын үндсэн хуулийн нэгдүгээр зүйлд зааснаар Хойд Солонгос нь тусгаар тогтносон социалист улс бөгөөд тоталитар дарангуйлалтай улс учраас сонгуулийн үр дүнг цаанаас нь хуурамчаар гаргадаг хэмээн бие даасан судлаачид үздэг. Эрх баригч гэр бүлээр удирдуулсан Солонгосын Хөдөлмөрийн нам нь давамгайлсан эрх мэдэлтэй.
БАРИМТ 7
1994-1998 оны хооронд Хойд Солонгос улс өлсгөлөнд нэрвэгдэж 240,000-420,000 хүний амь нас эрстсэн. Уг улсын эрүүл мэнд, боловсрол, орон сууц, хүнсний үйлдвэрлэл гэх мэт ихэнх үйлчилгээ нь татаас болон төрөөс санхүүждэг. Хойд Солонгос улс нь Сонгун буюу “Цэргийг хамгийн түрүүнд” гэх бодлогыг баримталдаг.
БАРИМТ 8
Уг улс нь цөмийн зэвсэг эзэмшдэг бөгөөд цэргийн болон хагас цэргийн алба хаагчдынхаа тоогоор дэлхийд хоёрдугаар байранд жагсдаг. Одоогийн байдлаар тус улсад 7.76 сая цэргийн алба хаагчид байна. Энэ нь Хойд Солонгосын нийт хүн амын 30 хувьтай тэнцэнэ.
БАРИМТ 9
Харин Хойд Солонгосын идэвхтэй цэргийн алба хаагчдын тоо нь 1.28 сая бөгөөд уг тоогоороо дэлхийд дөрөвдүгээр байранд эрэмбэлэгдэг. Тус улс нь одоогийн үндсэн хуулиа 1972 онд баталсан ба Нэгдсэн Үндэсний Байгууллагад 1991 онд элсэн орсон. Улсын одоогийн удирдагчийг Ким Жон Ун гэдэг.
БАРИМТ 10
Та Хойд Солонгост марихуаныг хууль ёсны дагуу татаж болно. Учир нь марихуаныг Хойд Солонгосын засгийн газар хар тамхи, мансууруулагч бодис хэмээн авч үздэггүй. 1968 оны нэгдүгээр сарын 23-нд Хойд Солонгос улс АНУ-ын тэнгисийн цэргийн байгаль орчны судалгааны хөлөг онгоцыг олзлон авсан. Өнөөдрийн байдлаар АНУ-ын хөлөг онгоцыг олзлон авч улмаар өөрсдөдөө хадгалж чадсан цор ганц улс бол Хойд Солонгос.
БАРИМТ 11
Хойд солонгосчууд дэлхий нийтийн хэрэглэдэг барууны календарийг хэрэглэдэггүй. Тэд их удирдагч Ким Ир Сений төрсөн өдөр болох 1912 оны дөрөвдүгээр сарын 15-аас өөрсдийн он тооллыг эхлүүлэн авч үздэг бөгөөд 2022 он бол Жуче календарийн 111 дэх жил. Нийт хоёр Солонгосын газар нутгийн 55 хувийг Хойд Солонгос эзэмшдэг.
БАРИМТ 12
Хойд Солонгосын удирдагч Ким Жон Ун ард иргэдийнхээ ямар үсний засалттай байхыг шийддэг. Ерөнхийдөө тус улсад нийт 28 боломжит үсний засалт байдаг бөгөөд хойд солонгосчууд тэднээс сонгож үсээ засуулах боломжтой. Өнөөдрийн байдлаар эрэгтэй 10, эмэгтэй 18 төрлийн үсний засалтыг Ким Жон Ун хүлээн зөвшөөрсөн.
БАРИМТ 13
Сүүлийн 60 гаруй жилийн хугацаанд ойролцоогоор 23,000 солонгосчууд Хойд Солонгосоос Өмнөд Солонгос руу гарч одсон бол ердөө хоёрхон солонгос хүн Өмнөд Солонгосоос Хойд Солонгос руу шилжин суурьшсан. Тэд “Улаан од” гэх өөрсдийн гэсэн компьютерийн үйлдлийн системтэй.
БАРИМТ 14
Библийн судар эзэмших, Өмнөд Солонгосын кино үзэх гэх зэрэг нь тус улсад цаазын ялаар шийтгэгдэх хэмжээний аюултай гэмт хэргүүд. Нада буюу Хойд Солонгосын сансрын агентлагийн нэрийг испани хэлнээс орчуулбал “Юу ч биш” гэсэн утгатай. Мөн тус улсад жинсэн өмд өмсөх хориотой.
БАРИМТ 15
Өмнө нь хэлсэнчлэн Хойд Солонгост сонгууль явагддаг. Гэхдээ таван жилийн давтамжтай зохиогддог уг сонгуульд зөвхөн нэг л нэр дэвшигч байдаг. Ийм учраас сонгууль бүрийн ялагчид тодорхой байдаг. Нэг үндэстэн боловч уураг тэжээлийн дутагдлаас болж хойд солонгосчууд өмнөд солонгосчуудаас ойролцоогоор 7.8 сантиметрээр намхан.
БАРИМТ 16
Хойд Солонгост долдугаар сарын 8 болон арван хоёрдугаар сарын 17-нд төрсөн өдрийн баяр тэмдэглэхийг хориглодог. Учир нь эдгээр өдрүүдэд тэдний удирдагчид асан Ким ир Сен, Ким Чен Ир нар нас барцгаасан. Тус улсад дөнгөж гуравхан зурагтын суваг байдаг бөгөөд тэдний хоёр нь зөвхөн амралтын өдрүүдэд ажилладаг.
БАРИМТ 17
Улсын нийслэл болох Пюньянд гагцхүү бусдаасаа зэрэглэл дээгүүр үнэнч шударга, итгэл даах, эрүүл хүмүүс амьдардаг. Одоогийн байдлаар тус улсад 12 сая хүн ядуурлын түвшнийг тодорхойлох зурааснаас доогуур түвшинд амьдарч байна. Мөн тус улсын удирдагч Ким Жон Ун онгоцоор нисэхээс айдаг тул хэзээ ч онгоцоор нисэж байгаагүй.
БАРИМТ 18
Хойд Солонгосын иргэд тэднээс гадуур дэлхий даяар юу болж өрнөж байгаа тухай хязгаарлагдмал мэдээлэлтэй байдаг. Тэд компьютер эзэмшихийн тулд засгийн газраасаа тусгайлан зөвшөөрөл авах хэрэгтэй. Хойд Солонгос улс өөрсдийн гэсэн интернетийн сүлжээтэй бөгөөд түүнийгээ ашиглан ихэнх мэдээллийг хянаж байдаг. АНУ-д 1,541,605,760 IP хаяг байдаг бол Хойд Солонгост ердөө 1,024 IP хаяг байдаг.
БАРИМТ 19
Хойд солонгосчуудад чөлөөт цаг гэж байхгүй. Тэд долоо хоногийн зургаан өдрийн турш ажилладаг бөгөөд долоо дахь өдөр нь албадлагаар сайн дурын хөдөлмөр эрхэлдэг. Мөн тус улсад гэмт хэрэгтнүүдийг гурван үеэр нь шийтгэдэг. Түүний хийсэн гэм нүглийн хариуг дараагийн хоёр үеийн үр сад нь эдлэх ёстой гэсэн үг юм.
БАРИМТ 20
Нэн ядуу тул ихэнх хойд солонгосчууд эрдэнэ шиштэй будааг өдөр тутамдаа хэрэглэдэг. Тус улсад 25,554 километр зам байдаг боловч дөнгөж 724 километр нь л засмал буюу хатуу хучилттай. Малайз болон Сингапур улсын гадаад үнэмлэх эзэмшдэг хүмүүс л Хойд Солонгос улс руу ямар нэгэн визагүйгээр 30 хоногийн хугацаатай нэвтрэх боломжтой.
БАРИМТ 21
Хойд Солонгост хамгийн алдартай спорт бол хөлбөмбөг. Тус улсын зурагтын сувгууд улсынхаа хөлбөмбөгийн лигийн тоглолтуудыг олон давтамжтайгаар гаргадаг. Хойд Солонгосын хөлбөмбөгийн үндэсний шигшээ баг нь 2010 оны ДАШТ-д эрхээ аван оролцож байсан. Хойд Солонгосын баг тамирчид 1964 оноос хойш олимпын наадамд оролцож эхэлсэн бөгөөд одоогоор 16 алт, 17 мөнгө, 24 хүрэл медалийг хүртсэн. Тус улсын хүндийг өргөлтийн тамирчид маш шилдэг.
БАРИМТ 22
2017 оны Авилгын төлөөллийн индексээс үзэхэд Хойд Солонгос улс нь хамгийн их авилгатай дэлхийн арван орны дунд багтдаг юм байна. Тус улсын 15-аас дээш насны бүх иргэд бичиг үсэг тайлагдсан. Мөн тус улсын засгийн газар ард иргэдээ дэлхий дээр зөвхөн нэг л Солонгос байгаа хэмээн итгүүлдэг. Үүнээс гадна хойд солонгосчууд ямар ч татвар үүрэг хүлээдэггүй.
БАРИМТ 23
Хойд Солонгосын төрийн далбаа нь цэнхэр, улаан, цагаан гэх өнгөнүүдээс бүрддэг бөгөөд цагаан дугуй дүрс доторх улаан өнгийн таван хошууны дүрсийг мөн багтаадаг. Улаан таван хошуу нь коммунизмыг, улаан өнгө нь эх оронч үзлийг, цэнхэр өнгө нь эв нэгдлийг, цагаан өнгө нь соёлыг тус тус бэлгэддэг. Мөн уг далбааг босоо болон хэвтээ байдлаар байрлуулах боломжтой.
БАРИМТ 24
Хойд Солонгосын экспортолдог барааны 25 гаруй хувийг далайн гаралтай бүтээгдэхүүнүүд бүрдүүлдэг. Мөн тэдний гадаад худалдааны хамгийн дотнын хамтрагч орон бол БНХАУ. Мөн тус улсыг нас барсан удирдагчид нь өнөөдрийг хүртэл хуулийн дагуу удирдсаар байдаг. Хойд Солонгос бол нас барсан хүнээр удирдуулдаг дэлхийн цор ганц орон.
