Тавантолгой-Гашуунсухайт чиглэлийн хүнд даацын төмөр замын нээлтийн ёслол 2022 оны 09 дүгээр сарын 09-ний өдөр Өмнөговь аймгийн Цогтцэций сум, Тавантолгой өртөөнд боллоо.

Энэхүү төмөр замын гол замын урт нь 233.6 км бөгөөд 2 өртөө, 6 зөрлөг, 16 гүүрийн байгууламжтай. Тэгвэл төмөр зам ашиглалтад орсноор дараах зургаан үр дүнг авч ирнэ.

1.Дотоодын нүүрс тээврийн зардал дөрөв дахин буурч жилд 30-50 сая тн нүүрс экспортлоно,

2.Бэлчээр сүйтгэх, тоосжилт, дуу шуугиан, хөрс, агаарын бохирдол эрс багасна,

3.Автотээврийн осол, зөрчил буурна,

4.Тавантолгойн бүлэг орд орчмын уурхайнуудын олборлолтын хэмжээг 2-3 дахин нэмэгдүүлэх боломжтой,

5.Байнгын 2,000 орчим ажлын байр бий болно,

6.Жилд 20-28 сая ам.долларын татвар төлнө.

М.Сүхэхэй