ФИДЕ Олон Улсын шатрын холбооноос “Шатрын эрх чөлөөний хөтөлбөр”-ийн хүрээнд хүмүүжигчдийн дунд тив хоорондын шатрын аварга шалгаруулах хоёр дахь удаагийн цахим тэмцээнийг АНУ-ын Чикаго хотын хорих байгууллагатай хамтран 2022 оны 10 дугаар сарын 13, 14-ний өдрүүдэд зохион байгуулж байна.
2021 онд зохион байгуулагдсан анхдугаар тэмцээнд Монгол Улсын баг, тамирчид аваргын алтан медаль хүртэж, түүхэн амжилт гаргасан юм.
Энэ удаагийн тэмцээнд Монгол Улсаа төлөөлөн 415 дугаар нээлттэй, хаалттай хорих анги, 427 дугаар нээлттэй, хаалттай хорих ангиас эрэгтэй хоёр баг, 407 дугаар нээлттэй, хаалттай хорих ангиас эмэгтэй нэг багийн хүмүүжигчид өрсөлдөж байна.
Эхний өдрийн тоглолтод хэсэгтээ эрэгтэй 1 дүгээр баг болон эмэгтэй баг тэргүүлсэн бол эрэгтэй 2 дугаар баг 3 дугаар байр эзэлж, шигшээ тоглолтод оролцохоор боллоо.
Тус тэмцээнд АНУ, БНЭУ, ХБНГУ, Норвеги, Австрали, Канад зэрэг дэлхийн 46 орны 85 багийн тамирчид өрсөлдөж байна.
