Сэтгүүлч мэргэжил бол зоригтой хүний сонголт гэж нэгэн алдартан хэлжээ. Тэрхүү зоригтнууд дундаас өөрийн авьяас чадвар, шинийг ирэлхийлэх байдлаараа шалгарч, нэр алдарт хүрсэн цөөнгүй хэд нь бий. Өнөөдөр манай улсад Үндэсний сэтгүүл зүйн салбар үүсэж, хөгжсөний 110 жилийн ой тохиож буй. Үүнтэй холбогдуулан бид та бүхэнд дэлхийн бүх цаг үеийн хамгийн алдартай долоон сэтгүүлчийг танилцуулж байна. 

1. Боб Вудворд, Карл Бернштейн

"Уотергейтийн дуулиан" гэгддэг томоохон үйл явдал дээр  тэд ажиллаж, тухайн үеийн ерөнхийлөгч Ричард Никсоныг унагасан гэдэг. Ингэснээр АНУ-ын үндэсний улс төрийн бохир тогтолцоо, эрх мэдлийн төлөөх нударгагүй зодоон олон нийтэд илчлэгдсэн юм. Тэд мөн төрийн авлигын эсрэг манаачийн үүрэг гүйцэтгэж, сэтгүүл зүйн салбарт олон залуусын хүсэл, эрмэлзлэлийг татсан билээ. 

2. Уолтер Кронкайт 

Өргөн нэвтрүүлгийн сэтгүүлзүйн бэлгэ тэмдэг болсон Кронкайт баримтыг голчилж, мэдээг шуугиан дэгдээлгүй, бодитой, тайван байдлаар хүргэдгээрээ олон сая хүмүүсийн хүндэтгэлийг хүлээсэн юм . Түүний тууштай, нухацтай байдал нь олон арван жил тогтвортой ажилласан нууц нь гэнэ. Бидний мартаж болох нэгэн түүх бол тэрбээр саран дээр анх хүн бууж буй үйл явдлыг дэлхий нийтэд хөтлөн харуулсан билээ. 

3. Хантер С.Томпсон 

Томпсон бол сэтгүүлч, зохиолч Том Вольфийн  үүсгэн байгуулсан "Хөгжлийн гал" сэтгүүлзүйн шинэ хөдөлгөөний хамгийн алдартай төлөөлөгч юм. Түүний сэтгүүл зүйн бүтээлүүд дэлхийн олон улсад сэтгүүл зүйн хичээлийн ухагдухаан болсон гэдэг. 

4. Тим Рассерт 

Тим Рассерт ням гарагийн өглөөний ток шоуны стандартыг тогтоож, долоо хоногт болсон үйл явдлуудыг судалж , тэдгээрийг контекст, ялангуяа улс төрийн ертөнцөд оруулахыг оролдсон. Нэгэн цагт Вашингтонд ямар нэгэн зүйл хийхийг хүссэн хэн бүхэн Рассертын шоунд оролцох шаардлагатай болдог байжээ. Түүний ончтой асуулт, оролцогчоо сайтар судалж, асуудалд гярхай ханддагт нь тухайн үеийн нийгэм даяараа таашаалтай ханддаг байв. 

5. Кристиан Аманпур  

Ихэнх хүмүүс Британийн сэтгүүлч Кристиан Аманпурыг одоогийн нэвтрүүлгийн шилдэг сэтгүүлчдийн нэг гэж үздэг. Тэрбээр Персийн булангийн дайн, Боснийн дайн зэргийг сурвалжилж, олон жилийн турш CNN-д дайны сурвалжлагчаар ажилласан гэдгээрээ алдартай. Тэрбээр одоо PBS сувгаар ярилцлагын нэвтрүүлэг хөтөлж байна. 

6. Эдвард Р. Мурроу 

Мурроу бол үнэнд үнэнч байх, мэдээ мэдээлэхдээ үнэнч байх, засгийн газар болон корпорацийн эрх мэдлийн эсрэг зогсох хүсэл эрмэлзэл зэрэг хүчирхэг чанараараа өргөн нэвтрүүлгийн сэтгүүл зүйн тэргүүлэгчид тооцогддог. Мурроу засгийн газрын үрэлгэн байдал, хүчирхийллийн талаар гэрэл гэгээ тусгаснаар олон нийтийн санаа бодол, төрийн бодлогыг тодорхойлоход тусалсан. 

Л.Сайнаа