Энэ зун дэлхий дахинд акулууд хүний эсрэг халдах тохиолдол ихээр бүртгэгдсэн байна. Түүнчлэн хүний аминд хүрсэн нь ч бий. Гэвч акулуудад учруулсан хүмүүсийн гэмт үйлдэл тэрнээс ч олон гэдгийг санах хэрэгтэй. Энэ асуудалтай холбоотойгоор жил бүрийн долдугаар сарын 23-29-ний өдрийг дэлхийн "Акулыг хамгаалах долоо хоног " болгон зарласан. Энэ удаагийнх нь 35 дахь жилдээ зохион байгуулагдаж буй. Арга хэмжээний үеэр акулын тоо толгойг бүртгэж, тэдний эрүүл мэнд, аюулгүй байдлын талаар хурал зөвлөгөөнүүд болдог байна.
Дэлхий дээр 500 гаруй төрлийн акул байдаг. Майами дахь Флоридагийн Олон улсын их сургуулийн Урлаг, шинжлэх ухаан, боловсролын коллежийн профессор, далайн биологич Майкл Хайтхаус, хүний гараас ч жижиг одой дэнлүүний акул, сургуулийн автобус шиг урт ургах чадвартай халим төрлийн акул шиг олон янз байдаг хэмээн онцлов. Акулууд байгалийн шалгарлыг давж, хэдэн зуун сая жил оршин тогтносон ч тоо толгой, төрөл зүйлийн хомсдол ихээр ажиглагдах болсон. 1970-2018 оны хооронд л гэхэд 71 гаруй хувиар буурсан гэж үздэг.
Шинжлэх ухааны сэтгүүлд нийтлэгдсэн 2016 оны судалгаагаар Гренландын акул бол дэлхий дээрх хамгийн урт насалдаг сээр нуруутан амьтан юм. Радио нүүрстөрөгчийн он цагийг ашигладаг судлаачид Хойд Атлантын төрөл зүйл дунджаар багадаа 272 жил амьдардаг ч ихэнхдээ 150 нас хүртлээ төлөвшдөггүй болохыг тогтоожээ. Харин Гренландын акулууд дор хаяж 400 жил амьдрах боломжтой гэж эрдэмтэд тооцоолжээ.
