Өвөрхангай аймгийн Хархорин сумын баяр наадмын үзүүр түрүүний барилдаанд тус сумын харьяат бөх Аймгийн начин Мягмарсүрэнгийн Балжинням учраа бөхөө давсныхаа дараа өшиглөж буй бичлэг цахим орчинд тарсан. Тэгвэл өчигдөр Монголын үндэсний бөхийн холбооны Ёс зүйн хурал болж, тухайн бөхийн барилдах эрхийг аль ч шатанд гурван бил хориглох шийдвэр гаргажээ. Тэгвэл бил та бүхэнд Аймгийн начин М.Балжинням гэж яг хэн болох талаар баримтыг дэлгэж байна. 

Баримт 1

Тэрбээр 1987 оны долдугаар сарын 02-нд Өвөрхангай аймгийн Хархорин суманд мэндэлсэн. 

Баримт 2

Түүний биеийн өндөр 176 см. 

Баримт 3

Харин биеийн жин нь 90 кг юм. 

Баримт 4

"Их Монголын Хүчтэн" дэвжээний бөх. 

Баримт 5

Тэрбээр 2007 онд Сумын заан цол хүртсэн. 

Баримт 6

2011 онд Өвөрханга аймгийн баяр наадамд тав давж, Аймгийн начин цолыг хүртжээ. 

Баримт 7

Тэрбээр улс, аймгийн алдар цолтой бөхчүүдийн барилдаанд 2011 оноос эхлэн барилджээ. Тэгэхдээ ганцхан удаа хоёр давсан. Тэр барилдаан нь Увс аймгийн Зүүнхангай сумын харъяат, МУ-ын начин Д. Жанчивдоржийн нэрэмжит Аймаг цэргийн цолтой бөхийн барилдаан юм. Бусад барилдааны ихэнхэд нь даваагүй. Заримд нь ганц давдаг байжээ. 

Баримт 8 

Харин Сумын заануудын барилдаанд 2009 онд хоёр удаа дөрөв, 2011 онд хоёр удаа гурав давсан.

Баримт 9

Тэр ШУТИС-ийг дүүргэсэн. 

Баримт 10

М.Балжинням Оюу-толгой компанийн ажилчин. 

Л.Сая