"Татар" хамтлаг, 20 жилийн ойн "Бороо" тоглолтынхоо талаар мэдээлэл өглөө.

DJ GOOTH: Бид 45 дууны жагсаалт гаргаж байгаад зөвлөлдөж, ярилцсны үндсэн дээр 27 дууг тоглолтдоо дуулахаар болсон.

Дуунуудынхаа утга санаа, хэмнэл, үйл явдлаар нь найруулагчтайгаа ярилцаж байгаад, дараалал гаргахыг хичээсэн. Сонсогчдоо уйдаахүй.

Аль болох хүмүүсийн дуртай бүх дууг оруулахыг хичээлээ. 

С.ОНОНБАТ: Татар хамтлагийн 20 жилийн турш хийсэн супер, хит дуунуудаас бүрдсэн тоглолт болох нь ойлгомжтой. Үүгээр зогсохгүй тэр үеийн хамтлаг дуучид оролцоно. Олон жил завсарласан дуучид, хамтлагууд "Татар"-ын тоглолт дээр эргэн нэгдэж дуулна. "Бороо" гэдэг тоглолтын нэрний хувьд "ийм үед ийм нэр өглөө" гээд би жаахан дургүй байсан \инээв\.

Гэхдээ яалт ч үгүй хит дуу нь учраас тэгж нэрлэсэн. Ерөнхийдөө ХИП ХОП тоглолт гэж юу байдгийг харуулан батлах байх гэж бодож байна. Тоглолт гурван цаг орчим үргэлжилнэ. 

DJ GEZEG: Маш их ярилцсны үндсэн дээр сайн төлөвлөгөөтэй, олон DJ ажиллаж байгаа учраас бусад хип хоп тоглолтуудаас онцлогтой. Илүү бүтээлч. Техник, дуу дүрсний тал дээр шинэлэг зүйл хийх гээд багаараа хичээнгүйлэн ажиллаж байна.  

Мөн UB COMEDY хамтран ажиллана гэв.