Сагсанбөмбөгийн ДАШТ Япон, Индонез, Филиппин улсуудад зохион байгуулагдаж байна. Одоогоор тэмцээний хэсгийн хоёр тоглолт болж өндөрлөөд байгаа билээ. Тэгвэл бид та бүхэнд тэмцээнээс яг л бидний шүтдэг Кобе Брайант шиг тоглолт үзүүлж, оноо авсан Йорданы шигшээ багийн лидер Рондае Холлис Жефферсоны тухай хэдэн баримт хүргэж байна.
Тэрбээр Грекийн шигшээ багтай хийсэн эхний тоглолтдоо 24 оноо авч, 9 удаа самбараас бөмбөг авсан бол өчигдөр Шинэ Зеландын эсрэг хийсэн тоглолтдоо багаа манлайлан 39 оноо авч шуугиан тарьсан ч баг нь хожигдсон. Улмаар хэсгийн гурван тоглолтынхоо хоёрт нь хожигдсон Йорданы шигшээ баг маргааш АНУ-ын шигшээг хожсон ч тэмцээнээ өндөрлүүлэх нь гарцаагүй болов.
БАРИМТ 1
Тэрбээр 1995 оны нэгдүгээр сарын 03-нд төрсөн. Өдгөө 28 настай.
БАРИМТ 2
Жефферсон нь Йордан, АНУ-ын давхар иргэншилтэй. АНУ-ын, Пенсильвани мужийн Честер хотод төрсөн.
БАРИМТ 3
Түүний өндөр 198 см. Биеийн жин 98 кг.
БАРИМТ 4
Тэр 2015 оны NBA-ын нэгдүгээр тойргийн 23 дугаар сонголтоор Портланд Трэйл Блэйзерс багт нэгдсэн. Тухайн жилээ Бруклин Нетс багт очиж, 2019 оныг хүртэл тоглосон байдаг. Улмаар 2019–2020 онд Торонто Рэпторс багт хүчин зүтгээд 2021 онд Портланд Трэйл Блэйзерс багтаа эргэн ирсэн ч ганцхан жил л тэнд байв. Одоогоор тэр ХБНГУ-ын Атлетикос де Сан Герман багт тоглодог.
БАРИМТ 5
Холлис-Жефферсон бол мусульман шашинтай нэгэн.
БАРИМТ 6
Түүний гарын алд 2.18 м өргөн гэнэ.
БАРИМТ 7
Түүний аав ихэнх насаа шоронд өнгөрүүлсэн. Харин ээж Райланда Холлис нь хоолны дэглэмийн хянагч, бармены ажлыг давхар хийдэг байжээ.
БАРИМТ 8
Тэрбээр ах Рахлирын хамт өссөн. Ах нь ч ялгаагүй мэргэжлийн сагсан бөмбөгчин болсон. Холлис-Жефферсон 12 настайгаасаа эхлэн тоглолтоо сайжруулж эхэлсэн. Багадаа тэрбээр хамгаалалтын байрлалд тоглох дуртай байв.
БАРИМТ 9
Тэрбээр Честер ахлах сургуульд сурч , ахлах дасгалжуулагч Ларри Ярбрайгийн удирдлаган дор сагсан бөмбөгийн гараагаа эхэлжээ. Делавэр мужийн оны шилдэг тоглогчоор олон улирлын турш шалгарсан анхны тоглогч болжээ.
БАРИМТ 10
Ахлах сургуулиа Честерт төгссөн. Арезонагийн Их сургуульд элсэж, шигшээ багт нь тоглох болсон. Тэнд тэрбээр нуруу намтай ч догшин тоглолттой сайн мэргэн бууч байжээ.
БАРИМТ 11
Түүний хар багаасаа шүтэж ирсэн тоглогч нь NBA-ын Лос Анжелес Лейкерс багийн домогт тоглогч Кобе Брайант юм. Тийм дээ түүний тоглолт яг л Кобе шиг.
Л.Сайнаа
