МУГЖ С.Жавхлангийн "Дулаахан намар" тоглолт энэ сарын 30-ны өдөр Төв цэнгэлдэх хүрээлэнд болно. Тоглолтын зохион байгуулалтын тухай мэдээлэл өглөө.

1. Дээлтэй, дулаахан намрыг хамтдаа өнгөрүүлье хэмээн уриалж байна. Хамаг Монгол ахан дүүс маань ирэх учраас үе үеэрээ Төв цэнгэлдэх хүрээлэндээ дээлтэй байж байвал бахдах, омогших мэдрэмж төрнө. 

2. Дээлтэй уриалгаараа хамгийн их хандалт авсан аймгаас эхлээд аялан тоглолт хийнэ. 

3. С.Жавхлангийн ангийн найзууд ая дуугаа өргөнө. Манай гарагийн залуус, залуу уран бүтээлчид, Буриад, Халимагийн дуучид мөн хүрэлцэн ирнэ. Морин хуурын чуулга оролцоно.

4. Ахмадууддаа зориулаад 2 мянган хүний суудалтай, халаагууртай хэсгийг гаргаж байна. Айраг, хуушуур, буузаар үйлчилнэ. Тусгай хэрэгцээт иргэдэд мөн хэсэг бий. Намрын наадам шиг тоглолт болно.

5. Цагдаагийн 200 албан хаагч, хамгаалалтын албаны 200 гаруй гээд нийт 500 гаруй хүн хамгаалалтад гарна. Эмнэлэг, онцгой байдал ажиллана. 

6. Хамаг Монгол төслийнхөн хүрэлцэн ирнэ. 

7. Гадаад улсад суугаа иргэддээ хаалттай группт тоглолтыг шууд дамжуулан хүргэнэ, Ticket.mn-ээс тасалбараа авч, QR кодыг уншуулан тус группт нэгдэнэ. 

8. Тоглолтын мэдээ монгол бичиг болон хятад, орос хэлээр цацагдаж байна. 

9. Олны хүртээл болсон шилдэг дуунуудыг дуулна. 

10. Борлуулалтын цэг: И-март, Нарантуул, Бөхийн Өргөө гэх зэргээр борлуулалтын цэгийг нэмж байна.