Амралтын өдрүүдэд хаана, ямар үзвэр үйлчилгээ үзэх боломжтойг уншигч танд танилцуулж байна.
1. “Нэгэн зуны цэцэг” эмгэнэлт драмын жүжиг
Тайлбар: Эмоци Продакшн 10 жилийн ойдоо зориулж "НЭГЭН ЗУНЫ ЦЭЦЭГ" эмгэнэлт драмын жүжгийг үзэгчдийн хүртээл болгоод буй. Уг жүжгийн зохиолчоор "нууцлаг" эрхэм Тодко Самсон, найруулагчаар МУУГЗ Ч.Найдандорж, хөгжмийн зохиолчоор rock n roll-ийн "эцэг" Д.Өлзий-Орших нар ажиллажээ.
Хаана: Соёлын төв өргөө
Хэзээ: 2023 аравдугаар сарын 14, 15-нд 19:00 цагт
Тасалбарын үнэ: 35.000-65.000 төгрөг
2. "Жаран жил" гала тоглолт
Хаана: Улсын Дуурь Бүжгийн Эрдмийн Театр
Хэзээ: 2023.10 дугаар сарын 14-ны 17:00 цагт
Тасалбарын үнэ: 40.000, 60.000 төгрөг
3. "Bravo circus" тоглолт
Тайлбар: Монголын үзэгчдийг баясгахаар, олон улсын тайзнаас шилэгдэн ирж буй шинэ уран бүтээлчид маань BRAVO Circus #3 тайзнаа тоглоход бэлэн болжээ. Энэ удаагийн тоглолтод Авьяаслаг тэмээн хяруул, үзэсгэлэнт тогос, аварга могой, хөөрхөн нохойнууд, ухаалаг ямаа гэх зэрэг маш олон төрлийн амьтад авьяасаа үзүүлэх аж. Мөн Итали, Франц, ОХУ, Турк, Туркменистан, Этиоп, Казакстан, Гүрж, Киргиз мөн Монгол улсын шилдэг үзүүлбэрүүд, ТВ шоу уралдааны одод үзэгчид та бүхнийг баясгах болно. Тоглолт 2023 оны 10 сарын 13-аас 10 дугаар сарын 22-ныг дуустал өдөр бүр тоглогдоно.
Хаана: Монгол бөхийн өргөөнд
Хэзээ: 2023 оны аравдугаар сарын 13-22-ны өдрийг дуустал
Тасалбарын үнэ: 30.000, 50.000 төгрөг
4. "New Season 2024" тоглолт
Тайлбар: Монгол Улсын Филармонийн үзвэрийн 51 дэх жилийн нээлтийн тоглолт 2023 оны 10 дугаар сарын 15-нд 19 цагаас Улсын Филармонийн концертын танхимд тоглогдох гэж байна. Тоглолтод Улсын Филармонийн Симфони Найрал Хөгжим Удирдаач ОХУ-н Уралын Эрдмийн Филармонийн удирдаач Б.Энхбаатар Гоцлол хөгжимчин Ж.Доржсүрэн нар оролцоно.
Хэзээ: 2023 оны аравдугаар сарын 15-ны 19:00 цагт
Хаана: Улсын филармони
Тасалбарын үнэ: 80.000 төгрөг
5. "NOMADIC LEGEND" ардын урлаг, өв соёлын тоглолт
Тайлбар: Цагаан лавай чуулгын "NOMADIC LEGEND" ардын урлаг,өв соёлын тоглолтоо өдөр бүр 18:00 цагт тоглож байна. Уг тоглолт нь үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг, ардын бүжиг, бие биелэгээ, хөөмий магтаал, морин хуур, цамын бүжиг, уртын болон ардын дуу, уран нугаралт гээд ардын урлагийн цогц хөтөлбөртэй тоглолт юм.
Хаана: УБТЗ "Ган зам" паласын тайзнаа
Хэзээ: 2023 оны аравдугаар сарын 10-28 хүртэл
Тасалбарын үнэ: 50.000 төгрөг
Д.Батчулуун
