Ноён хутагт Данзанравжаагийн 220 жилийн ойн арга хэмжээний хүрээнд зохион байгуулах “Дэмчогийн эгшиг” яруу найргийн наадмын тухай
2023.09.20 Даланзадгад сум
Нэг.Үндэслэл
1. Монгол Улсын Засгийн газрын “Ой тэмдэглэн өнгөрүүлэх тухай” 2023 оны 212 дугаар тогтоолын дагуу Их соён гэгээрүүлэгч Говийн тавдугаар ноён хутагт Дулдуйтын Данзанравжаагийн мэлмий гийсний 220 жилийн ойг тэмдэглэн өнгөрүүлэх арга хэмжээний хүрээнд зохион байгуулна.
2. Их соён гэгээрүүлэгч Д.Данзанравжаагийн говь нутагт байгуулсан номын их бүтээлийн 8 хийдийн нэг болох Өмнөговь аймгийн Ханбогд сумын нутагт орших Дэмчогийн хийдэд жил бүрийн намрын адаг сарын шинийн 22-ны өдөр Дэмчог бурханыг хуруулдаг уламжлалттай бөгөөд энэхүү өдрөөр “Дэмчогийн эгшиг” яруу найргийн наадмыг зохион байгуулна.
Хоёр. Зорилго
Ноён хутагт Данзанравжаагийн туурвисан зохиол, бүтээлийг нь сурталчлан таниулах, түгээн дэлгэрүүлэх, говь нутгийн болон ноён хутагтын үйл хэргийг мөнхлөхөд энэхүү наадмын зорилго оршино.
Гурав. Зохион байгуулагчид
Ерөнхий зохион байгуулагч:
Соёлын яам, Өмнөговь аймгийн Засаг даргын Тамгын газар,Өмнөговь аймгийн Соёл, урлагийн газар
Хамтран зохион байгуулагч:
Монголын Зохиолчдын Эвлэлийн Өмнөговь аймаг дахь салбар,
Ханбогд сумын Засаг даргын Тамгын газар, Ханбогд сумын Соёлын төв,
“Ажнай” корпораци,
“Лувсанданзанравжаа” академи
Дөрөв. Зохион байгуулах хугацаа
“Дэмчогийн эгшиг” наадмыг 2023 оны 11 дүгээр сарын 03-ны өдрийн 10.00 цагт.
Тав. Зохион байгуулах газар
Их соён гэгээрүүлэгч Д.Данзанравжаагийн говь нутагт байгуулсан номын их бүтээлийн 8 хийдийн нэг болох Өмнөговь аймгийн Ханбогд сумын нутагт орших Дэмчогийн хийдийг түшиглэн Ханбогд суманд.
Зургаа. Хамрах хүрээ
Тус наадам нь улсын хэмжээнд нээлттэй зохион байгуулагдах бөгөөд Монголын Зохиолчдын Эвлэлийн гишүүн яруу найрагчид болон яруу найрагч сонирхон бичигчдэд зөвхөн удирдамжид заасан сэдвийн дагуу, өмнө нь ном зохиолдоо хэвлээгүй, яруу найргийн наадамд уншигдаж байгаагүй шүлгүүдээр оролцоно.
Долоо. Яруу найргийн наадмын зохион байгуулалт
1. “Дэмчогийн эгшиг” наадмыг 3 даваатайгаар зохион байгуулна. Тус наадамд хоёр шүлгээр оролцох бөгөөд говь нутгийн тухай сэдэвт нэг шүлэг болон Говийн ноён хутагтад зориулан зохиомжилсон сэдэвт нэг шүлэг нийт хоёр шүлэг байна.
2. Тус наадамд оролцох яруу найрагчид нэгийн давааны бүтээлээ зохион байгуулагч талд 2023 оны 10 дугаар сарын 27-ны өдрийн дотор Өмнөговь аймгийн Соёл, урлагийн газарт (Даланзадгад 3-р баг Нутгийн удирдлагын ордоны баруун талд Соёл, урлагийн газар 107 тоот өрөө), umsoyolurlag@gmail.com цахим хаягаар болон бичмэл хэлбэрээр шуудангаар ирүүлнэ.
3. Яруу найргийн наадмын ажлын хэсгээс томилогдсон шүүгчдийн комиссын шийдвэрлэсний дагуу 2-р шатанд шалгарсан 30 яруу найрагчийн нэрийг мэдээллийн хэрэгслээр зарлах бөгөөд наадамд албан ёсоор уригдана. Шалгарсан яруу найрагчид 2 -ын даваанд өөрийн биеэр шүлгээ уншина.
4. “Дэмчогийн эгшиг” яруу найргийн наадам нь гурван даваатай зохиогдох бөгөөд хоёрын даваанд шалгарч шүлгээ уншсан найрагчдаас шалгарсан 10 яруу найрагч гурвын даваанд шүлгээ уншиж өрсөлдөнө.
5. Яруу найргийн наадмыг зохион байгуулах ажлын хэсгийн томилсон болон МЗЭ-ийн Яруу найргийн Үндэсний төвөөс томилогдсон шүүгчид наадмыг шүүн явуулна.
6. “Дэмчогийн эгшиг” яруу найргийн наадамд ирүүлсэн бүтээлүүдийг нэгтгэж ном гаргана.
7. Шалгарсан яруу найрагчдыг Ханбогд суманд байрлах байр, хоол, ирэх буцах унааны зардлыг зохион байгуулагч талууд хариуцна. (Шалгарсан яруу найрагчдыг Улаанбаатар хотоос нэгдсэн журмаар автобусаар тээвэрлэнэ. 2023 он 11 дүгээр сарын 02-ны өдрийн өглөөний 6.00 цагт МЗЭ-ийн хорооны гаднаас нэгдсэн автобус явна.)
8. Яруу найргийн наадмын үйл ажиллагааг тусгай хөтөлбөрөөр зохион байгуулна.
Найм. Шагнал урамшуулал
“Дэмчогийн эгшиг” яруу найргийн наадамд шалгарсан яруу найрагчдыг батламж, мөнгөн шагналаар шагнах бөгөөд эхний таван байр эзлүүлэн шагнаж урамшуулна.
Тэргүүн байр – цом, батламж, 3,000,000 (гурван сая) төгрөг
Дэд байр -батламж, 2,000,000 (хоёр сая) төгрөг
Гутгаар байр- батламж,1,000,000 (нэг сая) төгрөг
Тусгай байр-2 хүн- батламж, 500,000 (таван зуун мянган төгрөг)
Холбоо барих:
Өмнөговь аймгийн Соёл, урлагийн газар (утас 70537477)
ӨМНӨГОВЬ АЙМГИЙН ЗАСАГ ДАРГЫН ТАМГЫН ГАЗАР
ӨМНӨГОВЬ АЙМГИЙН СОЁЛ, УРЛАГИЙН ГАЗАР
ӨМНӨГОВЬ АЙМГИЙН ХАНБОГД СУМЫН ЗАСАГ ДАРГЫН ТАМГЫН ГАЗАР
МЗЭ-ИЙН ӨМНӨГОВЬ АЙМАГ ДАХЬ САЛБАР
