Бямба гарагт Ливерпүүл клубийн тоглогч Луис Диазын аав сураггүй алга болж, хулгайлаглсан гэж цагдаагийнхан үзэж буй учир томоохон эрэн хайх ажиллагаа Колумбад үргэлжилж байна. Диазын ээж Силенис Маруланда мөн түүнтэй хамт хулгайлагдсан боловч дараа нь Барранкас хотод аврагдсан гэж Колумбын Ерөнхийлөгч Густаво Петр өмнө нь Твиттер хуудаснаа X хуудсандаа бичжээ.

Колумбын Үндэсний цагдаагийн ерөнхий захирал, генерал Уильям Рене Саламанка Рамирез хэлэхдээ, Диазын эцэг Луис Мануэль Диазыг хайж буй эрлийн багийн бүрэлдэхүүнд янз бүрийн цагдаагийн хэлтсийн 130 офицер ажиллаж байна.

Рамирез хэлэхдээ, багууд Колумбын хойд хэсэгт орших эцэг эхийн төрөлх хот Барранкас орчмын хөдөө тосгонд хайлт хийж байгаа бөгөөд Диазыг аврахад тусалсан мэдээлэлд 200 сая песо (48,500 доллар) хүртэж байна гэж X сувгийн мэдэгдэлд дурджээ. 

Нэмж дурдахад, Колумбын цэргийн хүчин 120 гаруй цэрэг, хоёр моторт взвод, нисгэгчгүй нисэх онгоц, шалган нэвтрүүлэх цэг, нисдэг тэрэг, тусгай радар бүхий онгоцны хамт эрлийн ажилд туслахаар ажилласан гэж мэдэгдэв. Үндэсний хэвлэлүүд Диазын эцэг эхийг Барранкас дахь шатахуун түгээх станцад мотоцикльтой зэвсэгт этгээдүүд хулгайлсан гэж үзэж байгаа. 

Ням гарагт Ливерпүүл Премьер лигт Ноттингем Форестыг 3:0-ээр хожсоны дараа хэлэхдээ, ахлах дасгалжуулагч Юрген Клопп Диаз Колумб руу буцаж ирсэн бөгөөд клуб түүнийг дэмжихийн тулд чадах бүхнээ хийж байна гэжээ. 

Л.Сайнаа