Уншигч та бүхэнд энэ долоо хоногийн буюу арваннэгдүгээр сарын 27-оос арванхоёрдугаар сарын 3-ны өдрийн зурхайг танилцуулж байна. 

-Хонь-

Долоо хоногийн эхээр гэр бүлийн амьдрал эв нэгдэлтэй, аз жаргалтай байна. Ханьтайгаа аз жаргалтай мөчүүдийг өнгөрөөнө. Энэ нь танд ажил дээрээ амжилт гаргахад ч түлхэц болох болно. Бизнестээ шинэ алхам хийхэд тохиромжтой. Найз нөхөд, гэр бүлийнхнийхээ тусламжтайгаар шинэ төлөвлөгөөгөө гаргаарай. Ухаалаг байсны үр дүнд ажил мэргэжлийн хувьд өсч дэвжих магадлалтай байна. Хууль шүүхийн асуудал таны талд шийдэгдэх магадлалтай. Ах дүүстэйгээ зөрчилдөөнтэй байсан бол энэ долоо хоногт шийдвэрлэхийг хичээгээрэй. Долоо хоногийн сүүлээр таныг шалгаж сорьсон зарим нэг үйл явдал тохионо. Зөн совиндоо найдахад алдах зүйлгүй. Нийгмийн харилцаа холбоогоо ашиглаад шинэ бизнес эхлүүлэх юм уу аятайхан ажилд орж магадгүй.

-Үхэр-

Долоо хоногийн эерэг, сэтгэл хангалуун эхлүүлнэ. Эрүүл мэндтэй холбоотой ужгирсан асуудал байсан бол энэ долоо хоногт шийдэгдэнэ. Шүүх хурал, аль эсвэл аливаа маргаан таны талд шийдэгдэнэ. Таны гүйцэтгэл сайн байгаа нь удирдах албан тушаалтнуудыг баярлуулна. Далд дайснууд болон мэргэжлийн өрсөлдөгчдөө хянах боломж гарч ирнэ. Долоо хоногийн сүүлээр бага зэрэг ядарч, өөртөө итгэх итгэл суларна. Энэ үеэр ажилдаа бүрэн төвлөрч чадахгүй тул чухал шийдвэр гаргахгүй байхыг зөвлөж байна. Шалтгаан нь үл мэдэгдэх түгшүүр мэдэрнэ. Эмх замбараагүй байдлаас гарахын тулд хаа нэгтээ тайван газарт очиж, бясалгал хий, залбир. Хов живийн золиос болж мгадагүй тул өрсөлдөгчдөөсөө болгоомжил. Харилцаанд ан цав гарах магадлалтай тул хайртай хүнтэйгээ ялих шалихгүй зүйлээр маргалдахгүйг хичээ.

-Ихэр-

Долоо хоногийн эхээр ажилдаа бүрэн анхаарна. Карьераа ахиулахын тулд шинэ зүйл сурахаар төлөвлөж байгаа бол энэ долоо хоногт эхлэхэд тохиромжтой. Өөртэйгөө тулж ажиллах тусам таны амьдрал улам өөгүй төгс болно. Хөрөнгө оруулалт хийхдээ болгоомжтой ханд. Учир нь үр дүнгүй хөрөнгө оруулалтаас болж эцэстээ эвгүй байдалд орж болзошгүй. Хүүхдийн эрүүл мэнд сэтгэл чилээнэ. Долоо хоногийн сүүлээр сарны сөрөг нөлөөгөөр бухимдангуй байна. Энэ үеэр шийдвэр гаргахдаа төөрөлдөж болзошгүй. Аль болох зөн совингоо дагахыг хичээ. Хайртай хүнтэйгээ харилцахдаа бардам зангаа таягдан хая. Хосуудын хооронд харилцан хүндэтгэл байж гэмээнэ гэр бүлийн амьдрал бат бөх байна. Онц хэрэггүй сэдвээр маргаад хэрэггүй. Эрсдэлтэй аяллаас зайлсхий.

-Мэлхий-

Энэ долоо хоногт зөн совиндоо итгэхийн зэрэгцээ ажил мэргэжил, санхүүгийн асуудалд тэнцвэртэй хандаарай. Өөрийн мэдрэмжид тулгуурлан шийдвэр гаргахаас бүү ай. Танд урам зориг өгдөг эерэг, дэмжигч хүмүүсээр өөрийгөө хүрээлүүл. Таны үнэт зүйл, сонирхлыг хуваалцаж чадах онцгой хүнтэй уулзах боломж гарч магадгүй. Яарч сандран бодлогогүй худалдан авалт хийхээс зайлсхий. Санхүүгийн урт хугацааны тогтвортой байдалдаа анхаарал хандуул. Хэрвээ та хөрөнгө оруулалт хийхээр төлөвлөж байгаа бол долоо хэмжиж нэг огтлохыг зөвлөе. Бие махбодоо эрч хүчтэй байлгахын тулд дасгал хөдөлгөөнийг өдөр тутмын амьдралын хэмнэлдээ оруул. Хоолны дэглэмдээ анхаар.

-Арслан-

Тав тухтай бүсээсээ гарч, шинэ зүйлтэй нүүр тул. Өөрийн дотоод хүчиндээ итгэж, ямар ч нөхцөлд урагшил. Таны төрөлхийн манлайлах чадвар энэ долоо хоногт гялалзах болно. Хүсэл тэмүүлэл, шийдэмгий байдлаараа бусдад хүртэл урам зориг өгч чадна. Амьдралынхаа олон салбарт гэрэлтэх боломж гарч ирнэ. Шинэ үүрэг хариуцлага, сорилт бэрхшээлээс бүү айгаарай. Хайр дурлалын очоо дахин бадраахын тулд онцгой мөчүүдийг төлөвлөөрэй. Харин ганц бие арслангийн ордныхон хэн нэгэнд татагдаж магадгүй. Эерэг эрч хүчээ ашиглаж, авьяас, ур чадвараа нээн харуул. Хэрвээ та хөрөнгө оруулалт хийх гэж байгаа бол мэргэжлийн хүнээс зөвлөгөө авч, сайтар судлаарай. Мөнгөндөө болгоомжтой ханд. Шаардлагагүй эрсдэлээс зайлсхий. Биеэ чийрэгжүүлж, стрессээс ангижрахын тулд дасгал хөдөлгөөнд цаг гарга.

-Охин-

Энэ долоо хоногт та хайртай хүмүүсийнхээ дэмжлэг дунд бөмбөрч, эерэг нөлөөллөөр хүрээлүүлнэ. Ерөнхийдөө энэ долоо хоногийг өөрийгөө сайжруулах долоо хоног гэж ойлгоорой. Тэвчээртэй байхын зэрэгцээ өөртөө зөөлөн ханд. Хэрвээ та ганц бие бол таны үнэт зүйл, сонирхлыг ойлгох онцгой хүнтэй уулзаж магадгүй. Ажил дээрээ шинэ төсөл эхлүүлж, ур чадвараа батлан харуулна. Хичээл зүтгэлийг тань удирдлагууд үнэлнэ. Сэтгэл хөдлөлөөр худалдан авалт хийхээс зайлсхий. Ярих ур чадварынхаа ачаар төвөгтэй асуудлуудыг шийдэж чадна. Сөрөг бодлууд тань чухал шийдвэр гаргахад саад болно. Таныг сөрөгөөр цэнэглэдэг хүмүүс болон орчноос зайлсхий.

-Жинлүүр-

Карьераа өсгөх, өөрийгөө илэрхийлэх, бусадтай шинээр харилцаа тогтооход таатай долоо хоног. Замд тань таарах боломжуудыг алгаа дэлгэн хүлээж авч, өөртөө ашигтайгаар эргүүлээрэй. Ерөнхийдөө амжилт гаргах асар их боломж таны өмнө нээлттэй байна. Төрөлхийн дипломат, бусадтай учир зүйгээ сайн олдог чадвар тань өндрөөр үнэлэгдэнэ. Та ганц бие бол сонирхолтой хэн нэгэнд өөрийн эрхгүй татагдана. Зүрх сэтгэлээ дага, эрсдэл гаргахаас бүү ай. Хэт их стресстэхгүйг хичээгээрэй. Стрессээс ангижрахын тулд эрүүл аргыг сонго. Санхүүгийн байдлаа дорд оруулчихгүйн тулд одоо байгаа нөөцөө ухаалгаар ашигла. Шаардлагатай бол мэргэжлийн хүнээс зөвлөгөө аваарай.

-Хилэнц-

Энэ долоо хоногт өөрийн дотоод хүн, мэдрэмжтэйгээ тулж ажиллан, хувь хүн талаасаа өсч хөгжихийг хичээ. Заримдаа зөн совингоо дагахад гэмгүй. Аливаа өөрчлөлтийг тайван хүлээж ав. Хайртай хүнээсээ юу хүсч байгаагаа, юунаас айж байгаагаа нээлттэй илэрхийлснээр харилцаагаа бэхжүүлж чадна. Ганц бие хилэнцийн ордныхон гүн гүнзгий харилцаа тогтоохыг эрмэлзэнэ. Аюулгүй, тав тухтай бүсээсээ гарч, шинэ үүрэг хариуцлага хүлээх, хүсэл тэмүүлэлтэй тань нийцсэн шинэ төсөл эхлүүлэхийг зөвлөж байна. Урт хугацааны хөрөнгө оруулалт хийх, санхүүгийн мэргэжлийн зөвлөгөө авахад тохиромжтой долоо хоног. Дотоод амар амгалан, сэтгэл хөдлөлийн тэнцвэрийг бий болгохын тулд бясалгал эсвэл бусад төрлийн сэтгэлгээний дасгалуудыг оролдоод үзээрэй.

-Нум-

Энэ долоо хоногт суралцах, мэдлэгийн хүрээгээ тэлэх асар их боломж гарч ирнэ. Сониуч зан таныг сонирхолтой шинэ зүйлд хөтөлнө. Өөрийн чадвартаа итгэ. Шинэ туршлагыг нээлттэй хүлээж авч, өөрийн зохицуулах чадвартаа итгээрэй. Байгалиас заяасан өөдрөг үзэл, итгэлийнхээ ачаар замд тохиолдох аливаа саад бэрхшээлийг даван туулж чадна. Нээлттэй, шударга байдал харилцааг тань бэхжүүлнэ. Ганц бие нумын ордныхон адал явдалд дурлагч нэгэнд татагдаж магадгүй. Төлөвлөөгүй, гэнэтийн зардал гаргахаас зайлсхийж, ирээдүйдээ зориулж хуримтлал үүсгэхэд анхаарал хандуулаарай. Бясалгал хийж, байгальд цагийг өнгөрөөх байдлаар стрессээ тайлаарай. Эерэг сэтгэлгээтэй байж, урам зоригтой хүмүүсээр өөрийгөө хүрээлүүл.

-Матар-

Энэ долоо хоногт өөрийнхөө тухай эргэцүүлэн бодож, сэтгэл санаагаа тогтворжуулахыг хичээгээрэй. Өөрийгөө хайрлаж, халамжлахыг нэгдүгээрт тавьж, байр сууриа бататгаарай. Мөн ажлын ёс зүйг баримтал. Карьер болон хайр дурлалын амьдралд тань гарч ирсэн шинэ боломжуудад нээлттэй байгаарай. Энэ долоо хоногт хайртай хүндээ сэтгэлээ нээхэд тохиромжтой. Санхүүгийн тал дээр болгоомжтой байж, хэт их зардал гаргахгүй байх нь чухал. Төсвөө дахин тооцоолж, урт хугацааны санхүүгийн зорилгоо нэгдүгээрт тавь. Стресс, түгшүүрээс ангижрахын тулд бясалгал хий. Таныг баяр жаргалтай болгодог зүйлээ хий. Хамгийн гол нь стрессээ тайлах эрүүл арга замыг сонгохыг зөвлөж байна. Ажлын долоо хоног завгүй эхлэх ч ойрын ирээдүйд тань тус болох чухал шийдвэр гаргана.

-Хумх-

Энэ долоо хоногт өмнөө таарсан шинэ боломжуудыг хоёр гараа дэлгээд хүлээж ав. Эрч хүчтэйгээр өөрийн зөн совиндоо итгэн урагшил. Шинэ зүйл сурч, ижил хүсэл сонирхолтой хүмүүстэй холбогдоно. Хувь хүнийхээ хувьд өсч дэвжих долоо хоног. Ганц бие хумхын ордныхон сонирхол нэгтэй хүнтэй танилцана. Ажил мэргэжилдээ санаачлагатай байж, өөрийн өвөрмөц чадвараа харуул. Хамтарсан төслүүд, багийн ажиллагаа нь энэ долоо хоногт маш үр дүнтэй байна. Тиймээс бусадтай хамтран ажиллахдаа бүү эргэлз. Орлогоо нэмэгдүүлэх боломжуудыг судлаарай. Тогтмол дасгал хөдөлгөөн хийж, эрүүл хооллох нь долоо хоногийн эрч хүчээ хадгалах түлхүүр. Өнгөрсөн долоо хоногт таныг эзэмдэж байсан нурамгар байдал энэ долоо хоногт аз жаргалаар солигдоно гэдэгт итгээрэй.

-Загас-

Энэ долоо хоног таны карьер хөгжилд чухал ач холбогдолтой. Бусадтай харилцах харилцаа болон өөрийн дотоод хүнтэйгээ ажиллах цагийг эн тэнцүүхэн гарга. Дотоод хүнтэйгээ ажиллаж чадвал урам зориг дүүрэн байж чадна. Хайр дурлалын харилцаанд өөрийн мэдрэмжээ чөлөөтэй илэрхийлэх нь чухал. Хэрвээ та хоёр үл ойлголцсон байсан бол энэ долоо хоногт асуудлаа шийдэж чадна. Ганц бие хүмүүс шинэ романтик харилцаа үүсгэж магадгүй. Гэнэтийн худалдан авалтаас зайлсхийж, санхүүгийн урт хугацааны зорилгодоо анхаарал хандуулаарай. Долоо хоногийн эхэн үеэр ядарч, уйтгарлах мэдрэмж төрнө. Энэ нь таны эргэн тойрныхонд ч сөргөөр нөлөөлөх магадлалтай. Ажил дээрээ хэт өөртөө итгэж, бардамнах нь сөрөг үр дагавартай. Огцом шийдвэр гаргахгүйг хичээ.