Энэ амралтын өдрөөр толилуулах үзвэрийн хуваарийг хүргэж байна. 

1. ШЕЛКУНЧИК “Цөмөгч цэрэг ба Хулганы хаан”

• РЦНК

• Хэзээ: 2023.12.09-12.30 өнөөдөр буюу 16-ны өдөр 14:00 цагаас, бусад өдөр 18:00 цагаас тоглогдох хуваарьтай байна. 

Дэлхийн алдарт зохиолч Эрнст Теодор Амадей Гофманий "Цөмөөхэй ба Хулганын хаан" үлгэрээс сэдэвлэн бүтээсэн хүүхдийн жүжиг. Дэлхийн сонгодог романтизмын томоохон төлөөлөл Э.Т.А.Гофманий 1816 онд бичсэн алдарт үлгэрт pалуу хатагтай Марий Штальбаумд зул сарын баяраар аав ээж нь нэгэн өвөрмөц бэлэг өгсөн нь дуулж ч чадахгүй бүжиглэж ч чадахгүй зөвхөн самар л цөмж чаддаг тоглоом байлаа.

Анх харсан цагаас эхэлж хараанд нь өртөж сэтгэлийг нь үнэхээр их татсан тэрхүү тоглоомыг Марий Цөмөгч цэрэг гэж нэрлэв. Удалгүй шөнө дунд болоход өнөөх тоглоом нь амь орж Марийг дагуулан хулганын хаантай тулалдаж, мөн ид шидийн орноор зочилно. Залуу хатагтай Марий хулганын хатан хааны хараалд өртөн үзэшгүй муухай царайтай болсон цөмөгч цэргийг хулганын хаанаас аварч ,хамтдаа олон адал явдлыг туулах болно. Өглөө сэрэн болсон бүх зүйлсийг ээж аавдаа ярихад түүнд хэн ч итгэсэнгүй...

Э.Т.А.Гофманы үлгэр болон П.И.Чайковскскийгийн хөгжмөөс PRO THEATRE- н залуу уран бүтээлчид сэдэвлэн хүүхэлдэйн театр, сүүдрийн театр, драмын театрын олон жанруудыг ашиглан орчин үеийн үзэгч багачуудад хүргэж байна.

Ерөнхий найруулагч Б. Анхбаатар

Ерөнхий продюсер О. Итгэл / СТА /

Ерөнхий зураач Б. Билгүүн

ШЕЛКУНЧИК - З. Булган

МАРИ - Э. Буд-Эрдэнэ

ХУЛГАНЫ ХААН - О. Итгэл / СТА /

ФРИЦ - А. Билгүүн

ДРОССЕЛЬМЕЙЕР - М. Төгөлдөр

Олны хэсэгт: PRO THEATRE-н нийт уран бүтээлчид

2. Хунт нуур 

Монгол Улсын хүүхэлдэйн театрын уран бүтээлчид энэ амралтын өдрүүдэд бяцхан багачуудад зориулан хоёр жүжгийг тайзнаа амилуулахаар болжээ.

Тодруулбал, энэ сарын 16, 17-нд 12:00 цагт яруу найрагч Ц.Хулангийн “Хүслээр ирдэг шинэ жил-1” жүжгийг хүүхдүүдэд хүргэнэ. Харин 14:00 цагаас П.И.Чайковскийн “Хунт нуур” хүүхэлдэйн жүжгийг толилуулна.

Дээрх хоёр жүжгийг гурав болон түүнээс дээш насныхан үзэхэд тохиромжтойг Хүүхэлдэйн театрын уран бүтээлчид онцоллоо.

3. ЗУЛ САРЫН АЯЛГУУ жазз опера, поп опера тоглолт
МУГЖ Ө.Уянгын энэхүү тоглолтын онцлог нь ЖАЗЗ ОПЕРА урсгалыг Монгол анх удаа тайзнаа тоглоно.
Жазз опера гэдэг нь жазз, дуурь гэсэн хөгжмийн хоёр гайхалтай тансаг нэгдэл юм. ЗУЛ САРЫН АЯЛГУУ тоглолт 2 хэсэгтэй байна.
Тоглолтын 1-р хэсэг ПОП ОПЕРА
АНИР поп оркестртой дэлхийн болон сонгодог поп опера дуунуудаа дуулж эгшиглүүлнэ.

Тоглолтын 2-р хэсэг ЖАЗЗ ОПЕРА
50-н жилийн түүхтэй МУ-ын филармонийн Баянмонгол жазз оркестртой хамт жазз опера-г
энэ үдэш үзэгчиддээ мэдрүүлэх болно.

4. "Үлгэрийн ертөнц" хүүхдийн шинэ жилийн шоу тоглолт болно

• Хаана:

  Ulaanbaatar Palace

• Хэзээ: 2023.12.17 12:00