Хэдхэн сарын дараа Францын нийслэл Парис хотод дөрвөн жилд нэг удаа болдог зуны олимпын наадам өргөн үүдээ нээх гэж байна. Тэгвэл уг наадмыг сурвалжлах, шууд дамжуулах багийн бүрэлдэхүүнд алдарт реппер Снуп Догг нэгдэж байна.
Тодруулбал, энэ зун реппер, жүжигчин, бизнес эрхлэгч тэрбээр NBC-тэй хамт Парисыг зорьж, олимпын хөтлөгч Майк Тирикотой хамт олимпын наадмыг сурвалжлах тусгай сурвалжлагчийн үүрэг гүйцэтгэнэ. Долдугаар сарын 26-наас эхлэн тэрбээр хотын дурсгалт газруудтай танилцахаар олимпын тэмцээн, арга хэмжээнд оролцох тамирчид, тэдний гэр бүл, найз нөхдийн хамт Парист зочлох болно гэж NBC суваг мэдээлэв.
Снуп Догг энэ тухайгаа "Би багаасаа олимпын наадам үзэх дуртай байсан. А зэрэглэлийн тамирчид Парист хуран чуулна. Энэ бол агуу хичээл зүтгэл, ур чадварын баяр наадам. Бид маш олон гайхалтай тэмцээнийг зохион байгуулах болно. Мэдээжийн хэрэг би өөрийн хэв маягийг тайлбарт авчрах болно. Түүхэн дэх хамгийн баатарлаг олимп байх учир та бүхэн надтай хамт байж, олон гайхамшигт үйл явдлын гэрч болоорой" гэжээ.
Энэ нь оддын олимпын тайлбарт гарсан анхны оролдлого биш юм. Ковид саатсан Токио 2020 Зуны олимпийн наадамд тэр жүжигчин Кевин Харттай нэгдэж, алдартай онцлох тайлбарыг хийсэн.
Л.Сайнаа
