Хятадын хойд хэсгийн Хэбэй мужийн Вужишань байгалийн үзэсгэлэнт газарт "Сармагчины хаан" болох хүсэлтэй хүмүүсийг ажил авч байна гэх зар таржээ. Та домогт үлгэрийн баатарын ажилд орохын тулд акробатчин эсвэл ер бусын хүч чадалтай, тэр ч байтугай үүлэн дээгүүр дүүлэх чадвартай байх шаардлагагүй. Харин зүгээр л Хятадын "Сармагчин хаан"-ы тухай домогт шүтэн бишрэгч байх хэрэгтэй. Мөн олон тооны гадилыг идэж чаддаг байх хэрэгтэй гэнэ. 

Хэрэв энэ ажлын санал танд таалагдаж байвал харьяа газарт CV-гээ илгээх нь зүйтэй болов уу. Уг байгалийн үзэсгэлэнт газар нь домогт дүрээр хувцаслах хүнийг ажилд авахаар хайж байгаа бөгөөд сард 842 долларын цалинг амлаж байна. Та энэхүү ажилд тэнцвэл уулын ёроол дахь агуйд өнжиж, жуулчид таныг гадилаар хооллож гэнэ. 

Сармагчины хааны тухай Хятадын домог Хятадад барууны Гриммүүдийн үлгэртэй адил алдартай. Энэ нь тоо томшгүй олон хүүхдийн төсөөллийг тэжээж, цөөнгүй тооны кино, телевизийн бүтээл болж гарсан. 

Энэхүү түүх нь Даоист тулааны мастераас ер бусын хүчийг өвлөж авсан сармагчин Сун Вуконгийн тухай өгүүлдэг. Тэрээр баатарлагаар тулалдаж, алтан шидэт таяг барьж, үүлэн дээгүүр дүүлж, ариун лам Тан Санзаны Энэтхэгээс Буддын шашны судар авахаар явах замд дагалддаг дүр юм.

Л.Сайнаа