Youtube дээр нэг сая дагагчтай болсон Монголын хамгийн анхны юүтүбер "Gremix" өнөөдөр өөрийн тоглоомын дэлгүүрийг нээж байгаа сурагтай. Тодруулбал, Монголын хүүхэд багачуудын үлгэр дуурайлал болсон түүний шинэ тоглоомын дэлгүүр нь Улсын их дэлгүүрийн баруун талд, Богд банктай байрны хоёр давхарт 11-19 цагийн хооронд болох ажээ. 

М.Ганбаяр нь 1996 оны тавдугаар сарын 16-нд Улаанбаатар хотод төрсөн. Түүнийг хүмүүс ихэвчлэн "Gremix" нэрээр нь буюу YouTube дээрх хөгжилтэй видеонуудаар нь мэддэг. 2023 оны 10 дугаар сарын байдлаар тэрээр 421 сая гаруй хандалт, 1 сая гаруй дагагчидтай болсноор Монгол хэл дээр бичлэг хийдэг хамгийн их дагагчтай юүтүбэр болж чаджээ. 

Ганбаяр нь их сургуульд суралцаж байх хугацаандаа Youtube дээр Gameplay төрлийн видео бичлэгүүд хийж эхэлсэн. Хүмүүст түүний видео болон видео тоглоом тоглож байхдаа гаргадаг хариу үйлдлүүд нь таалагдаж эхэлсэн тул түүний видеонууд Монгол улсад алдартай болж эхэлсэн. Эхэн үед хийгдсэн бичлэгүүд нь төдийлөн олонд хүрээгүй ч тодорхой хэмжээний дагагч, үзэгчидтэй болсон.

Л.Сайнаа