Таны амралтад зориулан дараах үзвэрийн хуваарийг хүргэж байна.
УДБЭТ-ын тайзнаа энэ сарын 17-ны өдөр буюу Бямба гарагт "Жизель" /2 бүлэгт балет/ тоглогдоно.
Тасалбарын үнэ: 40-80 мянган төгрөг байна.
Хөгжим: А.Адан
Цомнол: Т.Готье, Ж.Сен-Жорж
Удирдаач: Ж.Бүрэнбэх УГЗ
Хөрвүүлэн дэглэсэн: Ф.Г.Кайдани
Ерөнхий зураач: А.Морозов
Тайзнаа анх тавигдсан: 1841.06.28
УДБЭТ-ын тайзнаа анх тавигдсан: 1979.12.22 А.Адан "Жизель" А.Аданы хөгжим "Жизель" балетыг анх Жан Корали, Юлес Перо нар Парисын "Рояль Балет"-ын бүжигчдээр дэглэн тавьж анхны тоглолтыг 1841 оны 6-р сарын 28-ны Ням гарагт Гранд-Опера театрт тогложээ. Ордны баяр дээр шөнөжин бүжиглэсэн залуу охин хүйтэн үүрээр нас нөгчсөн гунигт түүхийг өгүүлдэг Виктор Хюгогийн "Фантомууд" хэмээх найраглалыг уншсан Францын урлаг судлаач, шүүмжлэгч Теофиль Гаутье сэтгэл ихэд хөдөлж, уг бүтээлээс хэсэглэн авч "Жизель" балетын цомнолыг бичсэн байна. Одоо "Жизель" балет дэлхийн олон оронд өөр өөр балетмейстерийн тавилтаар тоглогдож байгаа бөгөөд манай театрын тайзнаа 1979 оны 12-р сарын 22-нд ЗХУ-ын УГЗ балетмейстер Ф.Г.Кайданий дэглэн найруулснаар анх тогложээ. Анхны тавилтын ерөнхий зураачаар А.Морозов, удирдаачаар П.Хаянхярваа нар ажилласан байна.
"SUITE AND SONGS FROM MUSICALS AND CARMEN BY G.BIZET"
Шинэ "Улаанбаатар театр"-аас толилуулж байна. Тасалбарын үнэ: 30-40 мянган төгрөг байна.
Нийслэлийн "Улаанбаатар театр" цоо шинэ дүр төрхтэйгээр, басхүү цоо шинэ эгшиг, сонсголонтойгоор Улаанбаатарчууд та бүхэнтэй 2024 оны 02-р сарын 17-ны өдрийн 19.00 цагт Улаанбаатар театрынхаа тайзнаа ганцхан удаа уулзах гэж байна.
Та бүхэн энэ үдэш тоглолтын нэгдүгээр хэсгээс Ж.Бизегийн "Кармен" дуурийн сюитийн I, II ангийг сонсож, алдарт "Хунт нуур"-ын Адажиог, хоёрдугаар хэсгээс та бүхний танил дэлхийн сонгодог мюзиклийн ертөнцөөр аялж алдарт "Phantom of opera", "Парисын Дарь эхийн сүм", "Romeo&Julieta", "La la land" болон неополитан дуунуудыг эгээ л европын тайзан дээрээс үзэж байгаа мэт таашаалыг мэдрэн үзэх болно.
Тоглолтонд:
"Улаанбаатар театр"-ын уран бүтээлчид
"Анир" Монголын анхны поп оркестр
"Номадик" балет продакшны бүжигчид оролцоно.
Та тасалбараа ticket.mn сайтаас захиалах боломжтой.
