Central телевизийн "Тэнгисийн эрэг дээрх 24/7" реалити шоу нэвтрүүлэг үзэгчдийн дунд нэлээдгүй шуугиан тариад буй. Уг шоу нэвтрүүлгийн эхний дугаараа гуравдугаар сарын 2-нд цацагдсан билээ. Тэгвэл тус шоу нэвтрүүлэгт 18 залуу оролцож байгаа бөгөөд тэднийг 2000 гаруй залуусаас царай зүс, бие бялдар, оюуны бядаар нь шалгаруулжээ. Шоуны эхний дугаарт арван оролцогч оролцож буй. Шоуны турш шинэ гишүүн нэмэгдэх бөгөөд үүний зэрэгцээ оролцогчид хасах аж. Иймд уншигч та бүхэнд тус бүтээлийн оролцогчид болон шоуны талаарх дэлгэрэнгүй мэдээллийг хүргэж байна.  

"Тэнгисийн эрэг дээрх 24/7" реалити шоуны тухай

Шоуны үйл явдал Солонгосын алдарт реалити шоу болох “Singles inferno” –г санагдуулах хэдий ч Монгол хувилбарт ганц бие оролцогчид тэнгисийн эрэг дээр гурван долоо хонгийн 24 цагийн турш сонирхолтой даалгаваруудыг биелүүлж, бие биесээ таньж мэдэх бөгөөд жинхэнэ хайраа олохын төлөө хичээх болно. 

Зураг авалт хийсэн байршил

Тайланд улсын зүүн эргийн үзэсгэлэнт нэгэн арал болох "Ко Самуй" арал дээр байрлах виллад хийгджээ. 

Шоуны пеналистууд: 

1. “Монголын саятан” нэвтрүүлгээрээ олонд танигдсан хөтлөгч Р.Нямбаяр

2. UB Comedy клубийн үүсгэн байгуулагч, комедиан Б.Батбилэг

3. Нийгмийг соён гэгээрүүлэх, амьдралыг эмх цэгц таатай орчинд боловсролыг олгох чиглэлээр олон ном товхимол орчуулсан орчуулагч Л.Саруултөгс

4. Ард Лайф ХХК-ийн Борлуулалтын Менежер Г.Дүзиймаа

Шоуны хөтлөгч А.Хулан 

Тэрбээр Central телевизийн “Cinema paradise” нэвтрүүлгийг хөтөлж байсан туршлагатай нэгэн юм.

Шоуны эмэгтэй оролцогчид:

Х.Хүслэн

Шоуны хамгийн эхэнд танилцуулагдсан оролцогч бол 18 настай Eshther буюу Хүслэн. Тэрбээр модел хийдэг бөгөөд шоуны эхэнд өөрийгөө танилцуулах үеэрээ “Арал дээр очоод өндөр, гоё үнэртэй залуучуудтай уулзмаар байна” гэсэн юм. 

Б.Энхзаяа

Шоуны оролцогч Б.Энхзаяаг ихэнх хүмүүс Заяа гэж дууддаг аж. Тэрбээр 24 настай. СУИС-ийг жүжигчний мэргэжлээр төгссөн.  Мөн чөлөөт цагаараа ууланд алхах дуртай бөгөөд өөрийнхөөрөө байхыг илүүд үздэг гэнэ. 

Б. Ихэрсувд

Түүнийг Pearly гэж дууддаг бөгөөд 25 настай. Тэрбээр дуучин, дуу зохиогч нэгэн. Шоуны эхэнд өөрийгөө танилцуулах үеэрээ “хэрвээ би нэг залууг гэвэл тэр залуу заавал надад дурладаг” гэсэн юм. 

Э.Тэмүүлэн

Түүнийг найзууд нь Мока гэж дууддаг. Тэрбээр 20 настай бөгөөд Германы Берлин хотод бизнесийн менежментээр сурдаг.  Шоуны эхэнд өөрийгөө танилцуулах үеэрээ "Жаахан муухай ааштай болохоор тэрийг минь тэвчих хүн хэрэгтэй” хэмээн тодотгов. 

Б.Энхжин

Чөлөөт уран бүтээлч Б.Энхжинг дотны хүмүүс нь Кико гэж дууддаг.  Шоуны эхэнд өөрийгөө танилцуулах үеэрээ “Эрэгтэй хүний аливаад яаж хандаж, биеэ яаж авч явж буйг нь хардаг” гэв. 

Шоуны эрэгтэй оролцогчид:

А.Чинхүслэн

Тэрбээр Эрхзүйч мэргэжилтэй. Саяхан “ шилдэг тоглогч” киногоороо хүүхэд залуусын анхаарлыг татаад байгаа билээ.

Б.Чинзориг

Тэрбээр 23 настай. Түүний шоуны үеэр хэлсэн “Өөрийгөө маш дурламтгай гэж боддог. Миний хувьд төгс эмэгтэй гэж царайлаг эмэгтэйг хэлнэ” гэсэн нь олны анхааралд өртөөд буй. 

М.Билгүүн

32 настай тэрбээр Монгол улсын зэвсэгт хүчинд армийн оффицер мэргэжилтэй. “ зөв хүн гараад ирвэл гэр бүл зохиогоол амьдрахад бэлэн байна”

К.Анар

СЭЗИС –д олон улсын худалдаа чиглэлээр суралцдаг. Одоо 21 настай. Чөлөөт цагаа ихэвчлэн фитнест өнгөрүүлдэг. Түүнд “Ээж шиг нь халамжтай охидууд таалагддаг” гэсэн шүү. 

Б.Төрмөнх

Дууны зохиолч болон fashion model хийдэг. Тэрбээр “Таалагдсан хүндээ очоод шууд чи надад таалагдаад байна гээд хэлчихдэг” аж. 

Г.Хоролмаа