Олон улсын эмэгтэйчүүдийн эрхийг хамгаалах өдрийг тохиолдуулан маргааш болох үзвэрийн хуваарийг хүргэж байна. 

ТОД ХУВЦАСТАЙ ЭМЭГТЭЙ уянгын драм

Алдаж онодог, хөөсөрч бялхдаг, үгүйрч хоосордог хүний энэ орчлонд ЭЭЖ үргэлж тод, үргэлж хүнлэг, цаг ямагт хайр цацруулсаар байдаг. Төрийн соёрхолт, УГЗ Н.Наранбаатарын найруулга, Мөрөөдлийн театрын шинэ уран бүтээл "ТОД ХУВЦАСТАЙ ЭМЭГТЭЙ" уянгын драмын жүжиг МҮЭСТО-д 18 цаг 30 минутаас тоглогдоно. Тасалбарын үнэ 30-60 мянган төгрөг байна. 

БҮХ ХАЙРЫГ БҮСГҮЙЧҮҮДДЭЭ тоглолтын тасалбар дуусжээ. 

SHOW TIME 2024

Монголын хошин урлагийн ууган продакшн X Tuts-ийн 30 жилийн ойн хүрээнд зохион байгуулагдаж буй тоглолт.
X Tuts продакшн 7 жилийн дараа бүрэн бүрэлдэхүүнээрээ дахин тайзнаа гарах гэж байна. Инээд хөөр, баяр, гуниг, аз жаргал хүний амьдралаас амсах бүхий л мэдрэмжийг нэг дор мэдрүүлэх хаврын анхны инээдмийн шоу тоглолт 3-р сарын 1-ээс өдөр бүр Соёлын төв өргөөнд болно. Тасалбарын үнэ 30-65 мянган төгрөгийн хооронд байна. 

ҮРГЭЛЖ ИНЭЭМСЭГЛЭЖ ЯВААРАЙ

Шинэ үе продакшины олон улсын эмэгтэйчүүдийн эрхийг хамгаалах өдөрт зориулсан инээдмийн шоу тоглолт гуравдугаар сарын 8-ны өдөр 12 цаг 30 минутаас UB palace-д болно.  Тоглолтод: МУГЖ Н.Ариунболд МУСТА Г.Алтангэрэл МУСТА Д.Оюунтуул МУСТА Э.Батхүү МУСТА Н.Адьяа МУСТА Х.Отгонтунгалаг МУСТА А.Ганзориг МУСТА А.Оргил Б.Цэмбэл Ц.Мөнх-Эрдэнэ Б.Азбуян Б.Түвшинбаяр оролцоно. Мөн урилгаар

МУСТА жүжигчин Ц. Ганзориг /

МУСТА жүжигчин А. Гэрэлцэцэг

МУСТА дуучин Б. Баярцэцэг

Дуучин Эрка /Digital хамтлаг/

Дуучин Э. Агиймаа оролцох аж. 

БАЯРЛАЛАА ЭЭЖ ЭЭ

Баярын тусгай хөтөлбөрт тоглолт болно.  Анир студээс зохион байгуулж буй олон улсын эмэгтэйчүүдийн эрхийг хамгаалах өдөрт зориулсан дэлхийн болон Монгол улсад алдартай хөгжмийн энтертайнмэнт хэлбэрийн бүтээлүүд болон шилдэг дуучид уран бүтээлчдийн дуунаас бүрдсэн амьд хөгжмийн тоглолт Соёлын төв өргөөнд болно. Тасалбарын үнэ 30-50 мянган төгрөгийн хооронд байна. 

"КЛЕОПАТРА" сонгодог драмын жүжиг

Бернард Шоу "Цезарь Клеопатра хоёр", Уильям Шекспир "Антони Клеопатра хоёр" жүжгүүдийн зохиол "Монгол Театр"-ын анхны уран бүтээл "Клеопатра" түүхэн сэдэвт сонгодог драмын жүжиг Улаанбаатар театрт 19:00 цагаас тоглогдоно. Тасалбарын үнэ 40-180 мянган төгрөгийн хооронд байна. 

ЭНЭ ХҮҮХНҮҮД ҮҮ 

Домогт Соёл-Эрдэнэ - Өргөө хамтлагийн уран бүтээлчид ДАХИН ТАЙЗНАА гарах гэж байна. Тоглолт  Midway event hall-д 19:00 цагт болно.

Тоглолтод

• МУГЖ ТОМ ЖАГАА
• МУГЖ БАРХАС
• МУУГЗ БОЛООЖ
• МУУГЗ ХООВОН ЭНХБАЯР
• ДУУЧИН АВИРАА

Guest artist ЗАЯА / Андууд/ оролцох аж. 

СҮҮТЭЙ ЭНГЭРИЙН АЯЛГУУ

Дуучин Г.Эрдэнэтунгалагийн "Сүүтэй энгэрийн аялгуу" тоглолт болно. Тоглолт UB Event Hall-д 17 цагаас болно. Тасалбарын үнэ 199 мянган төгрөг байна.