Тэнгисийн эрэг дээрх 24/7 шоуны найман дугаар үзэгчдийн хүртээл болоод байна. Тус нэвтрүүлгийн V дугаар дээр оролцогч А.Чинхүслэн, Б.Энхзаяа нар хасагдаж, М.Намуун, Э.Баттамир, Б.Бүжинлхам нар шинэ хуучин оролцогч нар дээр нэмэгдсэн. Өмнө нь бид шинэ оролцогч дуучин Namone болон Ayeon нарын тухай баримтуудыг ил болгосон. Харин энэ удаад Э.Баттамир буюу Тамигий тухай үнэн ил болгож байна.
Баримт 1
Тэрбээр 1992 онд Улаанбаатар хотод төрсөн. Удахгүй 32 нас хүрнэ.
Баримт 2
Тэрбээр 2010-2015 онд ОХУ-ын Петербург хотноо дулааны цахилгаан станцын мэргэжлээр бакалавр, магистрын зэргээ амжилттай хамгаалжээ.
Баримт 3
Мөн БНХАУ-ын Бээжин хотын Зам, харилцааны их сургуульд эрчим хүчний зах зээл мэргэжлээр магистр болсон.
Баримт 4
Тами 16 жил сагсанбөмбөгийн спортоор хичээллэсэн. Анх долдугаар ангидаа уг спортод шимтэж байжээ.
Баримт 5
“Хомоно комикс" студийн үүсгэн байгуулагч, гүйцэтгэх захирлаар ажилдаг.
Баримт 6
Мөн тэрбээр "HONMONO TV" юүтүб хуудсыг хөтөлж байна. Мөн реп дуутай.
Баримт 7
Түүний инстаграм хаяг нь Tamihonmono юм. Одоогоор 24.1 мянган дагагчтай байна.
Баримт 8
Тэр өмнө нь Эенжү гэх Солонгос найз бүсгүйтэй байсан. Хосууд "Kongolia" нэртэй влог хөтөлсөн нь нэлээдгүй үзэгчтэй байлаа. Гэвч тэд тус тусын замыг хөөсөн юм.
Баримт 9
Хосуудын 2020 онд Бээжинд сурдаг оюутнууд байв. Нэг сард тэд өөр өөрсдийн улс руу өвлийн амралтаар явцгаажээ. Хоёр долоо хоногийн дараа бээжинд уулзах ёстой байсан ч бүх зүйл буруугаар эргэсэн нь цар тахалтай холбоотой байв. Тэр цагаас хойш хосууд нэгнээ хараагүй гэдэг. Учир нь цар тахлын үеийн хөл хорио тэдний уулзуулаагүй. Хоёр жилийн дараа хосууд холын зайн харилцаандаа цэг тавьжээ.
Баримт 10
Эенжү үргэлж Тамиг дэмждэг, өөрийгөө тоодгүй нэгэн байжээ. Гэвч холын зайн үерхлийнхээ үеэр гэнэт ухаарсан нь өөрийнхөө мөрөөдлийг хөөх тухай байв. Үүнийг нь ч Тами дэмжсэн. Хосууд нэгнээ хараагүй дөрвөн жил болсон. Магадгүй Тами түүнийг одоо болтол хүлээдэг байж мэднэ. Энэ бүхнийг түүний сарын өмнө хийсэн юүтүб бичлэгээс харж болно.
Л.Сайнаа
