Дэлхийд олон сая үзэгчтэй “Яг түүн шиг” шоунэвтрүүлгийн долоо дахь улирлын цоо шинэ дугаар өнгөрөгч ням гарагт олонд хүрсэн.  “Яг түүн шиг” шоу өмнөх улирлууддаа хамгийн сонирхол татам уран бүтээлчдийг оролцуулж, авьяас чадварыг нь сорьж, багагүй дуулиан тарьж байсан билээ.

Анх 2016 онд цацагдаж байсан уг шоунаас дуучин П.Баярцэнгэл, жүжигчин Г.Бархүү, дуучин Б.Нацагдорж гэх мэт үнэмлэхүй ялагчид төрсөн байдаг.  Тэднээс гадна дуучин С.Наран, дуучин, жүжигчин Jason буюу Б.Баяржавхлан, "Эмоци"-ийн Тэмка, дуучин Б.Чойжоо, И.Мишээл, Mrs M, Э.Агиймаа, жүжигчин П.Эрдэнэзаан, Х.Баярмаа нарын амилуулсан дүр одоо ч дурсамжинд тодхон. 

Долоо дахь улиралд хийгдэж буй “Яг түүн шиг” шоу оролцогчдоо бүрдүүлж, эхний дугаараа цацсан. Эхний дугаарын ялагчаар “B” продакшны дуучин Б.Анужин тодорсон. Тэрбээр реппер Young Mo G-г дуурайж, "Наады" дууг нь гайхалтай амилуулсан. Тэгвэл бид шоуны цоо шинэ улирлын тухай хараахан мэдээлэл авч амжаагүй хүмүүст зориулан мэдэх ёстой зүйлсийг танилцуулж байна. 

Энэ улирлын оролцогчид, 

• “B” продакшны дуучин Б.Анужин
• “Тоонот” рекордсын дуучин, бүжигчин Б.Халиун
• “Мөрөөдлийн театр”-ын жүжигчин Э.Намуун
• “Sweetymotion” хамтлагийн дуучин Э.Ганболор
• “Тоонот” рекордсын артист, дуучин О.Z буюу Э.Золбоо
• “Мөнхийн Реп” хамтлагийн дуучин Б.Лхагва
• УДЭТ-ын жүжигчин, МУСТА, Д.Мөнх-Од
• “Номин талст” хамтлагийн дуучин А.Хаянхярваа нар тус, тус сонгогдсон.

Энэ улирлын шүүгчээр "Маск" хамтлагийн захирал П.Эрдэнэзаан, "Voice" шоуны шүүгч гэдгээрээ алдартай С.Ононбат нар буй. Эхний дугаарын зочин шүүгчээр дуучин Б.Баярцэцэг оролцсон. Шоуны талаарх дэлгэрэнгүй, цаг үеийн мэдээлэл Боловсрол суваг телевизийн албан ёсны фэйсбүүк хуудсан дээр нийтлэгддэг. 

Л.Сайнаа