Догдлол, хүлээлт дүүрэн энэ сард хаана юу үзэхээ төлөвлөөгүй бол энэхүү дугаараар дамжуулан арванхоёрдугаар сард болох үзвэр, үйлчилгээний хуваарийг хүргэж байна.
1. П.И Чайковский "ЦӨМӨӨХЭЙ"
Хэзээ: Арванхоёрдугаар сарын 7,8
Хаана: Улсын Дуурь Бүжгийн Эрдмийн Театр
Тасалбар: 30-80.000 төгрөг
Тайлбар: 1835 оны шинэ жилийн баярын өмнөх орой: Цасан бударсан өвлийн үдэш, цахим хүйтэн шинэ жилийн өмнөх орой Дросселмайер уран дарханы газартаа Цөмөөхэй хүүхэлдэйн сүүлийн будгийг түрхэж дуусна. Харин гадаа жиндүүхэн гудамжаар хотын иргэд шуугилдан холхилдоно.
2. "МАСКТАЙ МОНГОЛ" хаалтын тоглолт
Хэзээ: 2024.12.07 19:00
Хаана: Ulaanbaatar Palace
Тасалбар: 30-60.000 төгрөг
Тайлбар: Маск продакшн 6 жилийн дараа дахин тайзнаа... Масктай Монгол шоуны хаалтын тоглолт UB palace-ын Концертын их танхимд 12-р сарын 7-нд ганцхан удаа. Инээд хөөр дүүрэн шинэ оноо угтая. Масктай Монгол Хаалтын тоглолт нижгэр болно.
3. "НОЁН ТАЛХНЫ ГАЗРЫН ҮСЧИН" хүүхдийн шинэ жил
Хэзээ: 2024.12.06 10:00
Хаана: Буянт Ухаа спортын ордон
Тасалбар: 49.900 төгрөг
Тайлбар: Ноён Талх ба Түүний нөхөд Хүүхэд багачуудтайгаа хамт нэгэн өдрийг хөгжилдөн өнгөрүүлэх гэж байна.
4. Л.Толстой “АННА КАРЕНИНА” сонгодог жүжиг
Хэзээ: 2024.12.11 19:00
Хаана: Улсын Драмын Эрдмийн Театр
Тасалбар: 30-120.000 төгрөг
Тайлбар: Оросын алдарт зохиолч Л.Н.Толстой "Анна Каренина" романыг 1873-1877 онд бичиж, 1878 онд бүрэн эхээр нь анх хэвлүүлсэн бөгөөд утга зохиол шүүмжлэгчид энэхүү зохиолыг бүх цаг үеийн хамгийн шилдэг зохиол хэмээн үнэлсэн билээ. "Анна Каренина" зохиолыг дэлхийн олон оронд орчуулж, сая сая уншигчдын хүртээл болсон төдийгүй жүжиг, кино болон урлагийн бусад хэлбэрээр олон дахин бүтээгдэж нэр алдрын оргилд хүрсэн сонгодог бүтээл юм. Уг зохиолд гол баатар Анна болон түүний бэр эгч Долли, Доллигийн дүү Кити хэмээх гурван эмэгтэйн хайр дурлал, сонголт, хувь тавилангийн тухай өгүүлнэ.
5. "ЗӨРҮҮД ГРИНЧ" зул сарын сахилгагүй драм
Хэзээ: 2024.12.13 11:00
Хаана: Улаанбаатар театр
Тасалбар: 25.000 төгрөг
Тайлбар: Хэний ч үл мэдэх Хэн нэртэй хотод ийм нэгэн үйл явдал болох гээд л хүмүүс үймрэлдэн сандралдаж байтал тээр тэнд уулын агуйд над шиг биш чам шиг биш зөрүүд Ноён Гринч үнэнч туслах Максын хамт өдөр хоногийг эморч өнгөрүүлнэ. Энэ бүх үйл явдал нэг л баяртай холбоотой, тэр бол хүн бүхний дуртай ч хөгшин Гринчийн үзэн яддаг Зул сарын баяр! Баярыг тойрсон адал явдал, хөгжилтэй, баяртай, бахархам түүхийг нүдээрээ, чихээрээ, хамраараа, арьсаараа, үсээрээ мэдрэхийг хүсвэл "ЗӨРҮҮД ГРИНЧ" зул сарын сахилгагүй драмын жүжгээс үзээрэй.
6. "МОНГОЛЫН НЭГ ӨДӨР" бүжиг
Хэзээ: 2024.12.18 19:00
Хаана: Улсын Дуурь Бүжгийн Эрдмийн Театр
Тасалбар: 50-80.000 төгрөг
Тайлбар: Канад улсад сурч төгссөн, өөрийн өнгө төрх, ур чадвараа олон удаагийн бүжгийн төсөл болон компаниудаар дамжуулан олон түмэнд түгээж буй мэргэжлийн бүжигчин Г.Мишээл "Монголын нэг өдөр" өөрийн дэглэсэн бүжгийн бүтээлээ эх орондоо толилуулах гэж байна. Энэхүү бүтээл нь Монголчууд бидний ахуй амьдралын хэв маягийг контемпорари жанрын бүжгийн хөдөлгөөнөөр илэрхийлж, дэглэснээрээ онцлог бөгөөд Канад улсын Засгийн газрын Үндэсний Урлагийн сангаас санхүүжилт авч, Монгол улсын Соёлын Яам дэмжлэг үзүүлж байгаа төсөл юм.
7. NUTCRACKER — Chamber Music Recital
Хэзээ: 2024.12.20 19:00
Хаана: Улсын филармони
Тасалбар: 60-120.000 төгрөг
Тайлбар: Сонгодог цөөхүүл хөгжмийн хамтлаг болох "NQ & Urangoo" нь дөрөв дэхь удаагийн ээлжит тоглолтоо толилуулахад бэлэн боллоо. Энэ удаагийн тоглолтоор зул сар, шинэ жилийн баярыг тохиолдуулан Оросийн суут хөгжмийн зохиолч
П. И. Чайковскийн "Цөмөөхэй" балетын хөгжмийг Монголд анх удаа хоёр төгөлдөр хуураар тоглон сонордуулах болно.
8. "ЭРХЭМСЭГ ОРШИХУЙ" бүжгэн үдэш
Хэзээ: 2024.12.22 17:00
Хаана: Зүүн хүрээ Дашчойлин хийдийн-Хүрээ Майдар дуган
Тасалбар: 200.000 төгрөг
Тайлбар: ҮУИТеатрын дэргэдэх "Эрхэмсэг" бүжгийн хамтлаг нь үүсгэн байгуулагдаад, 15дахь жилээ угтан 2024 оны 12сарын 22нд Зүүн хүрээ Дашчойлин хийдийн-Хүрээ Майдар дуганд "Эрхэмсэг оршихуй" бүжгэн үдэш тоглолтоо толилуулах гэж байна. Тоглолтод: Лаан орчин, угталтын халуун уух зүйл, тоглолтын өмнөх ном хуралт, тоглолт, тоглолтын дараах босоо зоог зэрэг багтана.
