МАН-ын Бага хурлаас АН-тай хамтрахгүй гэдэг улс төрийн шийдвэр гаргалаа. Хэрвээ МАН-ын дарга Л.Оюун-Эрдэнэ хэлсэндээ эзэн байвал тэрээр огцрох болзлоо хангалаа. Учир нь, хурал эхлэхийн өмнө хамтарсан Засгийг зөвшөөрөхгүй бол би ажлаа өгнө хэмээж байсан.

Бага хурал АН-тай хамтралыг дэмжихгүй гэсэн улс төрийн шийдвэрээ гаргасан учир Ерөнхий сайд Л.Оюун-Эрдэнэ огцрох өргөдлөө өгнө гэсэн үг. Ер нь өчигдрийн Бага хурлаас харахад МАН дахь фракцуудаас Ерөнхийлөгчийн фракц хүчтэй байна. УИХ-ын 24 гишүүнийг нэгтгэсэн энэ фракцыг нам дотроо “Дархан хаан” фракц гэж нэрлэх болсон.

Хэрэв Ерөнхий сайд Л.Оюун-Эрдэнэ өргөдлөө өгөөд, түүнийг нь УИХ хүлээж авбал дараагийн Ерөнхий сайд хэн байхыг энэ фракц л шийднэ гэсэн үг ээ. Шийдвэрийг энэ фракц гаргах ч, томилогдох нэр дэвшигч нь тэдэнтэй хүч хавсрах фракцаас ирэх магадлалтай. Ингэсэн тохиолдолд дахин нэг том албан тушаалйн томилгоо явагдах бөгөөд харин тэр хүн нь “Дархан хаан” фракцаас байх биз ээ.

Энэ фракцид дараах УИХ-ын гишүүд харьяалагдаж байна.

• Б.Энхбаяр
• Н.Батсүмбэрэл
• Т.Аубакир
• Б.Батцэцэг
• С.Бямбацогт
• Ж.Энхбаяр
• Т.Мөнхсайхан
• Д.Ганмаа
• Б.Жавхлан
• М.Мандхай
• Ч.Ундрам
• Н.Учрал
• Л.Соронзонболд
• М.Бадамсүрэн
• У.Отгонбаяр
• М.Ганхүлэг
• П.Сайнзориг
• Г.Лувсанжамц
• Б.Бат-Эрдэнэ
• Б.Баярбаатар
• Э.Болормаа
• Ж.Ганбаатар
• Х.Ганхуяг
• Г.Дамдинням
• С.Лүндэг
• Б.Уянга

Л.Баяр