УИХ-ын чуулганы хуралдаан үргэлжилж байна. Энэ үеэр УИХ-ын гишүүн Д.Пүрэвдаваа асуулт асууж, үг хэллээ. 

Тэрбээр "2025 онд Засгийн газар эдийн засгийг 8 хувиар өснө гэж өөдрөгөөр төсөөлсөн. Өнөөдөр ямар хувьтай байна вэ.  Засгийн газрын сайд нар залилан мэхлэх үйл ажиллагаа явуулсан байхад хэн хариуцлага үүрэх ёстой вэ. Инфляци энэ жил 5-6 хувьтай байна гэж харж байгаа бол ирэх жил 7 хувьтай байна гэжээ. Хэрэглээний сагсанд түлш, дулаан цахилгааны үнэ ордог уу. Ирэх жилийн өсөлтөд ямар бүтээгдэхүүнийг оруулсан юм бэ. Миний тооцоогоор өнөөдөр 12 орчим хувьтай байгаа байх. Ирэх жил инфляци бүр өснө гэж тооцоолж байна. Яаж тооцоолсон юм бэ. Урсгал зардал буюу төсвийн зардлыг ирэх жил хэдээр хэмнэж, төрийн албан хаагчийн тоо хэдээр цомхотгож, улсын үйлдвэрүүд хэд болж багасах юм бэ" гэв.