УИХ-ын чуулганы нэгдсэн хуралдаан үргэлжилж байна. Энэ үеэр УИХ-ын гишүүн Дав.Цогтбаатар Ерөнхий сайдад нэр дэвшигч Г.Занданшатараас асуулт асууж, хариулт авлаа.

УИХ-ын гишүүн Д.Цогтбаатар: Гишүүдээ сайд болгож үзээд Монгол Улс олигтой үр дүнд хүрч, хөгжиж чадаагүй. 126 гишүүнтэй болсон чуулган сүүлдээ хонож өнжин хуралддаг болсон. Сайд нар Засгийн газрын ажлыг хийхэд цаг хугацааны хувьд хязгаарлагдмал харагдаад байна. Дан дээлтэй, мэргэжлийн Засгийн газар цомхон ажиллаасай гэж хүсэж байна. Үүн дээр та ямар байр суурьтай байгаа вэ?

Ерөнхий сайдад нэр дэвшигч Г.Занданшатар: Үндсэн хуулийн нэмэлт өөрчлөлт, давхар дээл гэх асуудлыг олонтаа хэлэлцээд нэгэнт шийдсэн асуудал гэж бодож байна. Засгийн газрын эцсийн зорилго бол ард түмний амьдралыг сайжруулж, хөгжил дэвшлийг авч ирэх. 

М.Жаргал