Засгийн газрын хуралдаанаас гаргасан шийдвэрийн талаар Сангийн сайд Б.Жавхлан дараах мэдээллийг өглөө.
Тэрбээр "Өнөөдрийн хуралдаанаар Төсвийн тодотголын танилцуулгыг хийсэн. Яг эцэслэгдээгүй байгаа. Тав дахь өдөр дахиад Засгийн газрын хуралдаан хуралдахаар боллоо. Шинэ сайд нар төсөвтэйгөө танилцмаар байна гэсэн.
Төсвийн тодотгол хийнэ гэдэг бол хүсээд байх зүйл биш. Маш харамсалтай.
Өнгөрсөн жил өдийн энэ жилийн төсвийг бэлдэж байх үед Дэлхийн эдийн засаг маш өөдрөг байсан. Харин оны өмнө эдийн засгийн байдал хүндэрсэн. Дотоодоос үл хамаарах зүйлүүд манай эдийн засагт нөлөөлсөн. Тиймээс тодотгол хийх асуудлууд үүсэж байсан. Иймд төр өөрөө тодотгол хийж, цаашид бүтээмж дээр суурилсан цомхон төрийн бүтэцтэй ажиллана" гэв.
Д.Батчулуун
