УИХ-ын чуулганы хуралдаан үргэлжилж байна. Хуралдаанаар “Алт-3” аяныг хэрэгжүүлэх зарим арга хэмжээний тухай” Улсын Их Хурлын 2025 оны 85 дугаар тогтоолд хэсэгчлэн тавьсан Монгол Улсын Ерөнхийлөгчийн хоригийг хэлэлцэж байна. Энэ үеэр УИХ-ын гишүүн М.Ганхүлэг үг хэлж, асуулт асуулаа. 

Тэрбээр "Агуулгын хувьд ерөнхийлөгчийн хоригийг дэмжиж байгаа. Өнөөдрийг хүртэл долоон жилийн хугацаанд тусгай хамгаалалттай газар нутгийн хил заагтай холбоотой асуудлыг эцэслэн тогтоогоогүй байгаа. Уг газруудад зөрчилтэй давхардсан 400 гаруй цэгүүд байсан. Өнөөдөр энэ тоо хоёр дахин нэмэгдсэн. "Алт-3" үндэсний хөдөлгөөнийг эсэргүүцэж байгаа зүйл огт байхгүй. Эдийн засгийн хувьд ач холбогдолтой дэмжиж байна. Үүн дээр тусгай хамгаалалттай газруудыг цаашдаа хөндөхгүй байвал гэсэн санааг гаргаж байна" гэв. 

Б.Туяамарал