Уэльсийн хунтайж Уильям хаан болохоороо хаант засаглалд өөрчлөлт авчирна гэж нэгэн ярилцлагадаа дурджээ. Ханхүү жүжигчин Евгений Левитэй "Apple TV+"-ийн The Reluctant Traveller шоунд оролцох үеэрээ ийн ярьсан байна.

Жүжигчин ханхүү Уильямтай илэн далангүй ярилцсан тэрбээр ирээдүйн хаан дүрийнх нь талаар асуужээ. Тэрбээр “Миний мөрийн хөтөлбөрт өөрчлөлт орсон гэж хэлэхэд буруудахгүй гэж бодож байна. Сайн сайхан өөрчлөлтийг бий болгож таашаалд нийцүүлэхийг хүсдэг. Би үүнээс айдаггүй. Энэ бол миний сэтгэлийг хөдөлгөж байгаа зүйл, ямар нэгэн өөрчлөлт авчрах санаа юм. Хэтэрхий радикал биш, гэхдээ миний бодлоор өөрчлөлт хийх ёстой" гэжээ.

Ханхүү Левиг Виндзорын шилтгээнээр аялуулах үеэрээ дээрх тайлбарыг хийжээ. Уильям мөн энэ үеэр "American pie" цуврал киноны шүтэн бишрэгч байсан тухайгаа ярьжээ. Мөн Левигийн тэвчээртэй эцгийн дүрийг бүтээсэн насанд хүрэгчдийн бүдүүлэг кинонуудад дуртай байсан гэнэ.

Л.Баяр