Засгийн газар Монгол Улсын 2026 оны төсвийн төсөл болон холбогдох хуулийн төслүүдийг есдүгээр сарын 1-нд өргөн мэдүүлсэн билээ. Иймд уг төсвийн төсөлд өрийн талаар хэрхэн тусгасныг хүргэж байна. 

Монгол Улсын 2026 оны нэгдсэн төсвийн:

• Тэнцвэржүүлсэн орлогыг 31.6 их наяд төгрөг,
• Нэгдсэн төсвийн нийт зарлага 32 их наяд 980 тэрбум төгрөг,
• Төсвийн тэнцэл ДНБ-ий 1.3 хувийн алдагдалтай байхаар төлөвлөжээ.

2025 оны төсөвт Засгийн газрын дотоод өрийн хэмжээг 610 тэрбумаар тусгасан бол ирэх оны төсвийн төсөлд 1 их наяд 40 тэрбумаар тусгасан байна. Харин дотоодын зээлийн хэмжээг энэ оны төсөвт 300 тэрбумаар тусгаж байсан бол 2026 оны төсөвт 562 тэрбум 230 сая болгож нэмэгдүүлжээ. 

Засгийн газрын ашиглах гадаадын зээлийн хэмжээг энэ онд 1.5 их наяд, тусламжтайгаа нийлээд 1.9 их наяд орчим байхаар тооцсон. Энэ онд гадаад зээлийн хэмжээг мөн л 1.9 их наядыг тусгасан байна. 

Засгийн газрын бусад өрийг 2025 оны төсөвт 6 их наяд 420 тэрбумаар тусгасныг 2026 оны төсөвт 10 их наяд 349 тэрбум болгож 4 их наяд орчмоор нэмэгдүүлсэн байна.