Арван таван толгойтой АН-ынхан чуулганы хуралдааныг өдөржин ирцээр бойкотолж байна. Арван таван толгойтой гэсний учир нь АН хэзээнээс доторх олон бүлэг, фракцынхаа эрхшээлд өдийг хүрсэн.
Хэдийгээр УИХ-ын дарга, Ерөнхий сайд хоёрыг хамтдаа огцрох ёстой гэдэг улс төрийн шийдвэр гаргаснаа хэдхэн цагийн өмнө зарласан ч тэд нэгдмэл байж чадсангүй. Аанай л фракцуудынхаа барьцаанд, кнопоо наймаалцаж сууна.
Ц.Элбэгдоржийн фракцынхан гэхэд чуулганы хуралдаанд хамраа ч цухуйлгахгүй байгаа юм. Тухайлбал, УИХ-йн гишүүн Ц.Баатархүү, Д.Энхтуяа, Р.Эрдэнэбүрэн, С.Эрдэнэболд, О.Алтангэрэл, Ж.Батсуурь, Б.Түвшин нар парламентын үйл ажиллагаанд шууд утгаараа саад учруулан гацаах ажиллагааг гардан гүйцэтгэж байна. АН дотроо Ц.Элбэгдоржийн фракцад ил тодоор хамаардаг дээрх гишүүд чуулгандаа ирэхгүй байгаа нь Г.Занданшатар, Ц.Элбэгдорж хоёрын хуйвалдаантай шууд холбоотой гэдэг нь улам бүр тодорхой болж байна.
