УИХ дахь МАН-ын бүлэг мэдээлэл өглөө. Энэ үеэр УИХ-ын гишүүн Ж.Батжаргал дараах мэдээллийг өглөө.
Тэрбээр "Улсын төсөв хуулийн хугацаандаа батлагдах ёстой. Бид ч үүнийг зорьж ажиллаж байна. Судалгаа хийсэн бүрэлдэхүүнээ төсөв дээр авч ажиллавал төсөв хугацаандаа батлагдах боломж бий гэдгийг өнөөдрийн бүлгийн хуралдаанаар ярилцаж шийдлээ. Мөн улс төрийн үүссэн асуудалд Цэцийн шийдвэр хараахан гараагүй байна. Тиймээс шийдвэрийн үр дүнгээс шалтгаалж дараагийн асуудал яригдана. Парламентын засаглалтай Монгол улс хууль дээдлэх зарчмаар ажиллах ёстой" гэв.