УИХ-ын чуулганы хуралдаан үргэлжилж байна. Энэ үеэр УИХ-ын гишүүн Б.Түвшин асуулт асууж, үг хэллээ.
Тэрбээр "Багш, эмч нар цалингаа нэмүүлэхээр ажил хаялт зарлаад явж байна. Зарчмын хувьд зүй ёсны асуудал гэж бодож байгаа. Тэтгэвэр нэмэх асуудал ч мөн яригдаж байгаа. Монгол Улсын төсөв 2017 онд нийт 9 их наяд төгрөг байсан. Өнөөдөр бид орлогоо бууруулан байж 33 их наяд төгрөгөөр оруулж ирж байна. Урсгал зардал 2017 онд 7 их наяд төгрөг байсан. Өнөөдөр 24 их наяд төгрөгийн урсгал зардлыг батлах гээд хэлэлцэж байна.
Боловсрол, эрүүл мэнд гэх мэт чухал салбарынхаа төсвийг нэмэх боломжийг юу гэж харж байгаа вэ? Дөрөв дахин өсчихсөн урсгал зардлыг гол шалтгаан юу вэ, юунаас шалтгаалж өссөн бэ" гэв.
