Монгол Улсын Их Хурал бол төрийн эрх барих дээд байгууллага мөн бөгөөд хууль тогтоох эрх мэдлийг гагцхүү Улсын Их Хуралд хадгална. Монгол Улсын Их Хурал нэг танхимтай бөгөөд 126 гишүүнтэй байна. Улсын Их Хурлын сонгуулийг сонгуулийн холимог тогтолцоогоор явуулна. Улсын Их Хурлын 78 гишүүнийг олныг төлөөлөх, 48 гишүүнийг хувь тэнцүүлэн төлөөлөх аргаар сонгоно. Улсын Их Хурлын гишүүнийг Монгол Улсын сонгуулийн эрх бүхий иргэд нийтээрээ, чөлөөтэй, шууд сонгох эрхийн үндсэн дээр саналаа нууцаар гаргаж, 4 жилийн хугацаагаар сонгодог. 

Өнөөдөр буюу /2025.11.20/ МАН-ын Удирдах зөвлөл хуралдаж 100 хувийн саналаар Тэргүүн шадар сайд бөгөөд АЗХ-ийн сайд, МАН-ын даргаар сонгогдоод удаагүй байгаа Н.Учралыг УИХ-ын даргад нэр дэвшүүлэхээр болжээ. Тэгвэл бид та бүхэнд үе үеийн УИХ-ын дарга нарыг танилцуулж байна. 

Үе үеийн УИХ-ын дарга нар

• Р.Гончигдорж (Улсын Бага Хурлын дарга 1990-1992 он, Улсын Их Хурлын дарга 1996-2000 он),
• Н.Багабанди (Улсын Их Хурлын дарга 1992-1996 он),
• С.Төмөр-Очир (Улсын Их Хурлын дарга 2001-2004 он),
• Н.Энхбаяр (Улсын Их Хурлын дарга 2004-2005 он),
• Ц.Нямдорж (Улсын Их Хурлын дарга 2005-2007 он),
• Д.Лүндээжанцан (Улсын Их Хурлын дарга 2007-2008 он),
• Д.Дэмбэрэл (Улсын Их Хурлын дарга 2008-2012 он),
• З.Энхболд (Улсын Их Хурлын дарга 2012-2016 он),
• М.Энхболд (Улсын Их Хурлын дарга 2016-2019 он),
• Г.Занданшатар (Улсын Их Хурлын дарга 2019-2024 он)
• Д.Амарбаясгалан (Улсын Их Хурлын дарга 2024-2025 он)

Л.Баяр